祥香茶餐廳 (已結業)

雞柳意粉。這款雖然比較普通的菜式,但舅父吃得很開心。他跟我說咖喱味很香,而且很濃郁。跟嫲嫲煮的餸菜一樣。尤其是雞柳很香很滑吃得出很鮮味。加上他們獨有的架哩curry顯得相得益彰凸顯色香味俱全。😊😊😊😊

依間老字號名不虛傳！鋪面港式懷舊風味，而且而家好近地鐵站，十分方便！餐廳分上下層，下層座位比較迫，上層座位比較寬敞。今次食咗個招牌特餐，包括有沙嗲牛肉麵，沙嗲味好濃郁；另外有火腿炒蛋同埋一個好軟熟嘅餐包；跟住飲咗杯茶走，奶茶好滑好香。另外仲食咗個新鮮出爐嘅蛋撻，蛋撻皮好鬆化，但食嗰陣小心燙口。所有職員都好友善，落單好快，而且送餐亦都好快。但要記住平日晏晝lunch time有機會要排隊，星期六日lunch Time都係。

祥香園已經開業超過五十年，睇住歷史、地貌改變，但佢就仍然保持舊貌、舊風格、舊人情你只要企係門口，行入舖面坐底，就已經會即刻感受到閣樓卡位就係全店精粹所在依家已經好少茶記有閣樓，仲要保留舊式裝修，坐低彷佛身處係歷史當中，或者自己就好似係無數港產片入面既主角餐牌不像新式餐廳既五花八門，只有基本茶記食物，出名包點、奶啡午餐都只會有快餐飯，簡約中保持港式風格特餐上枱，忍唔住要排好佢影張相，依個就係成set懷舊味好吸引，好難得包括沙牛麵、腿蛋、餐包、熱奶茶沙牛麵用麵蓋住，好似以前啲細蓉咁，依度咁多年都係咁做説實在，好食就稱唔上特別好食，入口味道屬正常，但入心味道就感覺好舒坦另一個叫左豬扒通，通粉唔太好食，同啲湯溝唔埋，但豬扒就一流非常軟腍，唔會用好多粉炸，傳統茶記炸豬扒，正七分茶三分奶熱奶茶滑到一個點，你睇我搞個幅相就知茶味濃但能夠同奶溝得好好，好有層次既味道舊茶記就係要有杯靚茶極力推介要試試，好多人日日都要一杯茶一件撻閣樓雅座、卡位、鐵腳凳、黑白淡奶杯。。。懷舊氣氛爆左閒時黎買個，蛋撻，食個麵，飲杯奶茶，坐下睇下書，吹下水平淡閑靜，但感覺好舒坦#港式cafe#日日5點開唔通為左賺多幾蚊咩#歷史

講到呢度既最大特色一定要介紹下佢D麵包蛋撻。一黎依家已經好少茶餐廳係門口仲有一個麵包櫃賣埋麵包。二黎，呢度既麵包唔係連鎖茶餐廳既麵包咁樣，係工廠整定曬先至運過黎。而係有自己既麵包機同埋麵包師傳。日日做新鮮出爐既麵包蛋撻。度呢既麵包會較其他茶餐廳食到既麵包鬆軟。一D都唔會輸蝕比麵包鋪既麵包。講到呢度咁多款既麵包之中，最特別既一定係佢既雞尾包。因為佢既雞尾包入面用既餡料並唔係常見既椰絲溝隔夜麵包，而係獨創既蓮蓉做餡。而且佢既蓮蓉餡無出面既蓮蓉包又或者月餅既蓮蓉餡甘甜，個包比較軟身同埋滑溜，所以食曬成個都唔會覺得好多。另一款比較特別既包，就係佢既叉燒餐包。聽到叉燒餐包，可能會以為係細細個既餐包。不過呢度既叉燒餐包，其實係得一款，足足有成隻手掌咁大既叉燒包。不過同雞尾包一樣，佢最特別既地方其實係D餡料。有別於坊間既叉燒包，將D叉燒剁到好細粒。令人都食唔出究竟坐咪叉燒黎既。呢度既叉燒係大大粒，符合返叉燒餐包既大細。而講到茶餐廳常見既麵包，菠蘿油一定唔少得。不過今日就唔係太好彩，個菠蘿包唔係新鮮出爐，攞到黎凍曬，所以味道就一般啦！除左包之外，蛋撻同埋奶茶都係比較出名既野食。不過我自己就覺得係正常水

今日去哩間西環有歷史的祥香茶餐廳。一走進舖，收銀嗰位兄台問我哋食乜，我話先要件西多士先。之後有個阿姐走嚟，我話加2杯奶茶同2件蛋撻。轉個頭，兩件蛋撻，連碟掟過來，我一望，𠵱～件蛋撻冇爛喎！我媽吃一口：凍嘅？只能評個撻好實淨。然後奶茶送來，除咗熱辣辣，真係冇咩好形容。唔夠茶香。之後西多士原來係冇落單？本來諗住不吃也罷，但媽媽堅持食。追單後，遲來的西多士終於送來。唉～！件西多士睇樣都知蛋香味不足。相信，西環居民食回憶多於食物質素吧。共$64。

人人都話呢個位置所有嘢都堅尼地，無錯嘅~行過鐵路站附近餐廳望望門口餐牌間間接近100蚊。呢一刻已經食飽咗，純粹約咗人未夠鍾想搵個地方坐坐打發時間，本身有目的去搵一間小食，行到先知星期一休息。無經濟實惠嘅嘢咪周圍行下睇睇風景，行行下在對面馬路見到間門面懷舊鋪，人到中年喜歡懷舊，唔洗諗立即等過馬路。果然好舊，唔趕客很慢活，正合我目的打發時間，不過我食完就走唔好阻人做生意嘛！下層滿座，上一層搵個位坐低，年長的姨姨叔叔落單，當中交談枱外窩心。 試下特別嘢，蓮蓉餡雞尾包飽唔熱但鬆軟，蓮蓉古老嘅質感實淨得嚟滑，好夠蓮蓉味。吞拿魚西多士配薯餅即製熱辣辣，吞拿魚餡目測有1cm ，多士飽心軟，邊皮硬小小。薯餅酥、鬆、脆、香， 唔使嗌都跟埋茄汁醬， 唔會不斷問你枝茄汁用完未（大愛）。 直到你食完坐咗一陣，先會問你要唔要再清理枱面，唔會你一食完秒殺收碟。呢樣感覺極舒服。

食物和人事已不如以前,細細个来幫襯時很好吃和人情味濃,本人自小也是西坏区居民昨天再踏入赫然發現現在带眼鏡的太子爺完全没有礼貌!对某些顧客黑口黑面!(見靚女就好声好氣)令人憤怒!希望他有代改進吧!

常餐（$36)黎到西環三寶之一既 #祥香 緊係要試下佢地個常餐，叫左豬扒通粉、火腿煎蛋配牛油餐包，成個環境格局都好懷舊，係好地道既真•香港人茶餐廳，不過味道就普普通通，真係普通茶餐廳嘅味道。蛋撻（$4)而下午茶梗係要食埋港式西餅先得！黎到依度就一定要叫埋佢哋個招牌蛋撻，曲奇皮蛋撻新鮮出爐，餅皮酥脆，蛋漿香甜滑嘟嘟，好好食👍🏻 跟常餐加$4可以轉紅豆冰，味道唔錯，呢個價錢亦好抵飲！整體係一間老字號嘅懷舊茶餐廳，新鮮出爐嘅麵包同蛋撻就值得一試。

評語：後欄廁所坑渠旁用作清洗杯盤碗碟，衛生問題應從速改善 「西環三寶」之一，祥香園於1967年開業，當時與其餘兩寶—卓記粥店、新中華飯店並駕齊驅，是該區屹立半世紀的街坊食店，可惜卓記和新中華飯店先後敵不過重建影響，最終結業，剩下祥香園成為僅存的一寶。擁有五十多年歷史的懷舊茶餐廳，以新鮮出爐的蛋撻和「茶走」聞名，蛋撻更曾創出日售過千件的紀錄，價廉物美之餘，老店更附設樓上雅座，倍添親切感。早餐或下午茶時間來品嘗店內最出名亦同時是香港獨有的蓮蓉餡雞尾包，再吃個新鮮出爐蛋撻，飲杯港式「茶走」奶茶，懷舊一番！ 附設樓上雅座，倍添親切感 ▲港式「茶走」奶茶 HK$18 ~ 好貴但好順滑，茶走源自港式絲襪奶茶，指奶茶只加煉奶代替砂糖 ▲蓮蓉雞尾包 HK$4 ~ 香港獨有的蓮蓉餡雞尾包 ▲蛋撻 HK$4 ~ 馳名新鮮出爐蛋撻，曾創出日售過千件 評語：後欄廁所坑渠旁用作清洗杯盤碗碟，衛生問題應從速改善

去親茶餐廳都一定會叫常餐，常餐最好就係唔駛點諗入面又係我最鍾意食既野，最喜歡都係食個湯麵加餐包加野飲就大滿足。外面放滿哂岩岩出爐既蛋糕麵包，見到咁靚都已經好想食，入面就係舊式既茶餐廳格局，感覺都幾乾淨唔會好污漕。見到岩岩新鮮出爐即時叫番個《蛋撻》($4)，蛋撻新鮮出爐超熱辣辣，蛋香都幾夠味，不過太鬆脆好易散開哂。去親茶餐廳都會叫既《特餐》($36)，叫左叉燒通粉，叉燒真係勁大塊不過有少少韌，餐包烘起搽上牛油夠軟熟，煎蛋就太過熟喇。去得呢度食野緊係要叫《茶走》，茶味夠又夠香滑，食哂咁多野再飲埋就夠滿足。店名：祥香茶餐廳地址：西環堅尼地城卑路乍街107號餐牌:

😂我見到個鋪面就喜歡到不得了。我偏愛舊式茶餐廳和冰室，覺得吃的不止是味道，還有情意結和童年回憶。小時候我不太喜歡吃茶餐廳，我總嫌食物油，我不喝奶茶檸檬茶，而且覺得環境不舒服。但長大了，我懷念童年的回憶，我開始愛上喝奶茶喝檸檬茶，愛上吃油油的蛋和多士，更愛上蛋撻甜包。這個地方，久違了。再來，喝一杯奶茶，感覺茶味淡了，奶味較重。我喜歡重茶味的奶茶，但這種奶茶配紅豆冰就好夾，比牛奶更配合。其實這間坐得較逼，但一邊坐一邊聞到新鮮出爐的麵包香，蛋撻香，人來人往，又是另一種享受

早兩年入來堅尼地城睇樓時已經比老字號這名字，來到試了祥香沙嗲牛麵、蛋撻、奶茶。最後除了杯普通貨色奶茶同一般味道蛋撻叫勉強食完之外，個沙嗲牛麵食左兩啖就放底了、麵仲係生既、牛肉亦鞋囗，可能出名了人太多流水作業而失了質素。同另一間小店榮記一樣因為看了某youtuber 西DxxSx 的介紹以來。介紹到祥香义燒餐包好食，咁就比多次機會祥香喇义燒餐包買個陣仲係微暖，買完之後即食。而味道就。真。係。非。常。一。般吾可以話好食，亦吾可以話難食。义燒味吾多亦吾香，麵包質地有點「立」，亦冇乜麵包既小麥味。普普通通

好多文章都有介紹過而叮叮都有介紹祥香既蛋撻的確唔錯最有賣點都係門外新鮮出爐懷舊麵包蛋撻其他我唔覺得有咩值得我步入去食番個茶餐原因係態度差冰室茶餐廳既人粗聲粗氣冇問題係佢原有特色之一只不過我買過好幾次員工都會用唔耐煩既眼光望住你好似阻到佢咁不過 蛋撻係好食既買走食都ok但要我坐低就no way

滑溜奶茶配占醬多Yummy~平日有位，但經過都急急腳，當假日經過都滿曬人，今日好在有位，不過下午茶既選擇小左，不過唔緊要，因為有出名香滑奶茶飲，重要配上好食既占醬多。~正~

突然好想飲杯凍奶茶食個菠蘿油🍍呢度既奶茶香滑夠濃菠蘿油：雖然包係凍既，但整體都不錯。如 果牛油再厚少少就仲正！蛋撻：熱辣辣西多士：呢個好好味，好香凍奶茶：茶同奶比較岩岩好，好好飲