祺森冰室

營業中

休息中

最推薦一定係必吃祺森蝦多士～咩都唔食都要食褀森蝦多士！呢度既蝦多士係成件都脹卜卜，食落口唔會滿滿只得油膩感，店家更沒有將蝦打成蝦茸，反而切成蝦粒做餡料，食落更加有咬感，雖然價錢算係略為貴左小小，$51 四件，但真係有別於其他香港食得到既蝦多士既味道，所以都好值得一試！其次我地都試左佢既奶茶紅荳冰同埋西多士，兩者都無乜大特別，紅荳冰同平時茶餐廳飲開都差不多，係換左奶茶底就比較岩返我地大人口味。西多士炸得都幾金黃，味道唔錯👍🏻

難得放假，同朋友一齊去坪洲原來去坪洲都係半個鐘左右，好快😆一到坪洲，即刻去食蝦多士距離碼頭都好近大約幾分鐘路程左右原本以為要等好耐位，點知好快就有得坐🤪一嚟就叫咗份蝦多士，唔使等好耐就有得食，熱辣辣，外脆內軟都幾好食😝叫咗個XO醬豬扒炒烏冬，啲豬扒好淋，仲食到有少少蝦米喺度，好有鑊氣朋友就叫咗個黑松露雞粒炒飯，超香😋仲叫咗個豬扒三文治，店員好好，見到我哋幾個人問我哋使唔使切開四份share食😜估唔到豬扒三文治🥪都可以咁驚喜，個三文治好足料👍🏻食咗咁多嘢，要行返好好多個圈先補返條數🤪🤪

入坪洲玩 見好多人推介食呢到嘅蝦多士所以入島第一站就黎試下 滿心期待食左個公仔麵 同 蝦多士 配 熱奶茶 同 紅豆冰兩個飲品都好飲嘅 麵就正常茶記質素蝦多士味道正常 想熱氣野食佢係OK嘅食到第二舊有條細細地嘅毛 有啲似狗毛都無理 拎左出黎就照食食到第三舊 勁 大 條 毛！！！！！係又彎又粗個隻 同個waitress講 just for their information 佢話換過舊比我心諗真係不了 咩餵口都無晒 我話唔洗啦佢轉身就走左 ) 搞到我全日諗住條毛 一句sorry都無難得入到坪洲 滿心期待嘅蝦多士對我黎講嘅印象就只係一條毛 同埋waitress嘅頭也不回不會再來 ^^

Score 總分: 70講到坪洲美食，一定要提這個蝦多士!!! 人氣Top 1 今次有幸去試試，講真，真心好味道!!!! 不過就等到人都癲，在街上等左半個鐘，原來一早整好，但冇人通知，要自行追問。所以，大家下次買外賣時，記得隔一段時間就追問下外賣情況啦~ 大家都可以選擇堂食，我見條等候隊都入得好快，等一陣就有位。講返個蝦多士 先，四隻字 "外脆內軟" ，價錢中中至中上貴，不過又真係幾好味，所以都算值嘅!!!我建議大家只係叫外賣食蝦多士啦，因為入得去堂食，姐係預左食其他野，咁咪冇咁多胃酸消化其他特色野......我就覺得難得入去坪洲，去過一年內都未必會再去，咁不如盡量食多D特色野好過啦~

復活節去咗坪洲玩下～好多人去坪洲都會食祺森冰室嘅蝦多士，我哋係第一次去坪洲，都想試下呢個人氣小食。去到見到人龍都幾長，有十幾廿個人等緊，所以就外賣叫個蝦多士餐算啦～ 等嘅時候發覺條隊都郁得幾快，唔趕時間可以照排。🍤蝦多士餐 $51有4舊蝦多士，粒粒都幾飽滿，食到完整蝦肉，外脆內軟，蝦肉幾彈牙，配埋沙律醬，都真係一個幾好味嘅小食。🥤凍朱古力正常味道，唔算好濃朱古力味，唔太甜。外賣總共收咗$56，稍貴。蝦多士都算幾好食，難得入到嚟都會試下！提外話，前一個客嘅外賣係有職員拎出嚟畀佢哋，咁我哋就一直喺門口等啦，但等咗好耐都無人叫號碼，最後入去餐廳問職員，先發現一早整好咗，但無人叫我哋拎😅 呢度有少少扣分呀！相信如果早啲拎，會更熱辣好食！

朋友話未曾去過坪洲，所以決定和她坪洲遊，坪洲唔算大，餐廳唔算多，但都問問朋友有咩好介紹？去過嘅朋友都介紹祺森冰室，又話會有很多人排隊，亦叫我一定要食蝦多士。我們1:15到達，很幸運不用排隊，立刻有位。我點了一個煎豬扒麵，而朋友點了一個雙丸烏冬，另外兩杯熱奶茶，再加一個必叫嘅蝦多士，煎豬扒麵和雙丸烏冬，都是和外面的茶餐廳一樣，沒大分別，但蝦多士有驚喜，多士內的餡料，真是用上全隻蝦，以我所知，外面食的都是將蝦打成膠，再壤在麵包上炸，但這𥚃不一樣，朋友介紹冇錯。

終於去到坪洲當然要試下出名既蝦多士($51)啦~望落好似咖喱角 不過食落就好cream 同有蝦肉兩樣真係好夾 另外簡左 吉列豬三文治($47)起初以為會好乾 望落佢炸得好脆口點知有驚喜喎 入面有新鮮蕃茄一齊食 唔會咁乾 好夾呀餐飲叫左 熱奶茶 同 熱咖啡水吧 都係好似茶餐廳既水準飲落係滑同香既最搞笑係兩個餐都係下午茶 不過佢地全日供應所以朝早都已經有得食啦平日去所以無咁多人如果唔係唔知排隊排幾耐本身想試埋另一間出名既店但人地休息下次再試過~~祺森冰室坪洲坪洲永安街3號地下B舖#foodie_aki #yum_yum

呢日黎到坪洲咁遠，目標係試名物蝦多士。週末去，船上遊客都幾多，揀正食飯時間到，去到餐廳門口都好多人，排隊要轉入民居巷仔。正午時分，烈日當空、擔遮都出哂汗，但唔緊要，我地鼓勵自己，越辛苦得返黎嘅食物越好味！終於等到入座，有冷氣涼！由於人多要搭檯，但佢要求兩個人要對住坐，唔可以平排入座，變咗出入要另一個客特登企出黎讓位，有啲唔好意思。我地嗌一份蝦多士同XO醬豬扒炒烏冬。但成件事好失望我同同行友人都期望蝦多士做法係麵包夾手打蝦膠，食落彈牙。可惜呢度嘅蝦多士望落脹卜卜，係即炸、係夠熱夠脆，但入面全部都係沙律醬，餡料裡面蝦既比例好少、得一兩粒超細粒⋯再配沙律醬黎點⋯與其話係蝦多士，叫炸沙律醬多士會貼切啲⋯由於最期待的食物同預期反差太大，所以好慶幸只係嗌兩樣嘢食。XO醬豬扒炒烏冬都一般，無特別。快趣食完埋單走人，離開座位麻煩多次搭檯客人讓位俾我地出去。

食完炸蝦餅之後就喺市中心裏面嘅藝術村度行吓影下相，唔經唔覺又見到第二間餐廳。餐廳翻身過之後靚咗好多，假日嚟應該排晒隊，上網睇見熱門食物係蝦多士，難得嚟到當然要試試。😋餐牌定價正常，因為都想試埋坪洲其他餐廳，所以只係簡簡單單叫咗個公司拼盤，貪佢乜嘢都有啲。公司拼盤 ($76) : 拼盤有蝦多士、炸雞翼、吉列豬扒、炸薯角。蝦多士都算足料有成隻蝦係裏面，不過可惜得兩件真係唔夠喉，而其他炸物就正正常常，冇咩大驚喜。

第一次入坪洲，本身諗住郊游，點知最後變左美食團😆跟住啲網上嘅介紹周圍食，同買嘢食做手信。特登嚟試試呢個蝦多士🍤可能係期望越大失望越大，同預期有啲出入。唔係平時食嗰款蝦多士，面包上面，用類似薯蓉嘅食材包裹住原隻鮮蝦嚟炸。雖然個蝦都新鮮，但都係用番蝦膠口感好啲。可能出咗名，價錢都偏貴，性價比不高。😒隨便嗌嘅西多士反而有驚喜！炸得香脆唔油膩，入面花生醬都幾多，加埋糖漿，正！🥳紅豆奶茶🧋諗住會落好多糖，所以叫咗少甜，點知紅豆本身唔太甜，比預期淡左啲。

入到坪洲 就緊係要周圍試唔同小店！今次經過呢間茶餐廳 見冇咩人排隊 就入去試下醫下肚！餐牌有唔同正餐 小食 比較抵食嘅係全日套餐 有湯麵飯之外 仲有馳名的蝦多士 會送一杯熱飲🦐 蝦多士 $49同平時食開用蝦膠整嘅唔同🤔係用咗薯蓉加一兩隻蝦係入面 食落外脆內軟 但略嫌冇嘜蝦味 唔知點解似食可樂餅類嘅感覺…🐖 吉列豬扒三文治 $45豬扒炸得香脆 不過定價較進取 以為係厚厚的 點知想多了…🫣🧋 熱奶茶(茶走)茶記不能沒有奶茶！飲落香滑唔澀 正常水準總結！抱有太大期望 加上定價進取 個人認為試一次就夠🫠附近有更多餐廳 希望下次試到！

唔知點解去坪洲就會好想去祺森冰室食佢哋個蝦多士。🥢即叫即炸香脆熱辣，餡料有二隻蝦仁🍤同白汁外層金色色非常吸引，不過略微油膩。🥢沙嗲牛肉上海麵牛肉好香沙嗲汁有有花生粒好惹味。😛☕️熱鴛鴦奶滑啡香茶記來講都算不錯。👍

和男朋友第一個去坪洲當然要周圍行下啦。原來由中環來坪洲只需30分鐘，還快過去長洲。一落船就感覺到坪洲真的很寧靜、風景優美，不知是否我們平日來，街上很少遊人，多数本地居民。我們就來到到坪洲一定要去的祺森冰室，以為要排队，怎知都不是很多人。一入去就有卡位坐。男友話好肚餓，見到餐牌有黑松露雞粒炒飯就一定試下。唔知係咪太肚餓、蝶炒飯好好食。。我就叫了1碗沙爹牛肉通粉，牛肉份量不少，沙爹都好香。最後少不了小食蝦多士,炸得剛剛好，外脆內軟。飲品方面加$13元轉咖啡紅豆冰，又有驚喜，紅豆好大粒，同咖啡好match。男友杯熱奶茶都唔錯，不過佢話熱度欠小小

食左有啲名氣既祺森冰室🫠🫠🫠貴！質素又麻麻！真心覺得好多茶餐廳冰室好過佢！🚁🚁🚁⍥ 蝦多士 ❙ $49熱焫焫脹卜卜係真既，唔油膩香口惹味都係真既，但份量少，唔值呢個價亦係真既😕唔係坊間打成蝦茸抆入去，係保留蝦粒比較有口感，味道唔差，不過平均一舊超過十蚊🫢我又覺得定價狼死左啲～⍥ 沙嗲牛米粉 ❙ $43睇樣好似好濃郁呀可？🫣實質麻麻地，第一啖係幾濃味，但唔係沙嗲味😩花生香就更加係妄想，但牛肉唔韌幾滑，處理得幾好。其實我都知沙嗲牛唔係太多地方做得好既，所以⋯算啦😐⍥ 咖喱牛腩飯 ❙ $56遠睇誇啦啦食埋先知大喇叭🫠所謂既咖哩只係一兜黃色既水，味道出奇地有層次，一開始幾濃幾鹹，後來係淡到不得了🙄🙄一啲咖喱香味都無！！好神奇架喎😑牛腩份量ok仲幾稔，而果pat黃色汁，真係好鬼唔掂！！！⍥ 紅豆冰 ❙ 跟餐+$13少冰少甜，微弱既椰奶味🤪真係做到少甜架，紅豆綿密少少甜咁，唔難飲既⋯感覺係幾健康既紅豆冰😂😂😂😂

蝦多士唔係蝦多士，紅豆奶茶啲紅豆硬嘅，奶茶還奶茶，紅豆還紅豆，不過價錢又唔馬虎喎……真係覺得俾出面啲食評呃左！我諗如果唔係其他店冇開，都唔會有咁多人幫襯。我嘅意見係，要排隊食嘅話真係可以慳番……