福來上海麵 (已結業)

福來上海面. 2月尾結業. 香車街街市二樓熟食市場. 點解結業, 因為老闆娘話老了, 人少. 淨係開中午, 同星期二休息. 菜肉雲吞牛腩面 $50雲吞有五隻, 每日新鮮包. 皮薄餡靚, 菜剁得好細. 有少少肉. 牛腩, 湯頭是台灣紅燒牛肉的味道. 醬汁好惹味. 牛腩是腍, 但不是太腍, 保留少少煙韌口感.雞翼豬扒面$53雞翼和豬扒都是鮮炸.豬扒有少少脆粒, 有少少腌過, 跟牛腩一樣, 不是太腍, 保留少少煙韌口感. 炸雲吞 $36炸雲吞即叫即炸, 湯雲吞會好味少少.凍檸茶$8唔太甜, 幾好味.

得閒經過就去左香車街街市上層嘅上海麵食野，不過夏天真係唔建議去，因為冇冷氣真係好熱。炸翼雲吞上海麵炸雞翼即叫即炸，炸得酥香，炸完將肉汁鎖實，食到唔到口。雲吞餡料足料，上海麵幼身又滑，配埋上海鹹菜，胃口大開。凍檸茶茶底香濃，最啱一路食麵一路飲。

我自細食到大，呢間已經係係同一位置嘅第三間舖同樣叫「福耒上海面」。我自己認為呢度D雪菜雲吞上海面真係好食到冇朋友，價錢又大眾化，雲吞皮薄，上海面軟硬度適中；如果要額外加雪菜，一大湯匙只係$2 /$3，（因為我次次都加，冇問實價錢），我之前食過另一間屋邨鋪就要加$8。就算而家我已經搬出九龍，又食遍港九新界上海雲吞面，因為想搵間近而家屋企或office 的，但吾係雲吞皮厚/硬/太多肉，就係D面吾掂。我始終覺得呢度係最好味，所以我久唔久都會搭車返去食夠2碗先走人。老闆兩夫婦又好人又親切，而家已經好難再搵到呢D令我食得開心，又俾＄俾得條氣順的食肆了！

👍🏻豬扒麵 $36豬扒即叫即炸，炸得岩岩好，唔會太薄身，脆卜卜又有肉汁👍🏻🤤推薦落少少淮鹽，更加香口😋上海麵煮得岩岩好，唔會過淋每碗配有既雪菜係老闆預先調理過，有淡淡雪菜咸香，同上海麵好夾👍🏻不過湯底就清左少少，但飲落無乜味精味道：8/10性價比：8/10-👍🏻牛腩麵 $32牛腩同牛筋都炆得好入味，五香味好濃郁🤪牛筋入口即溶，牛腩亦唔韌，炆得好淋👍🏻加埋腩汁湯底就好食好多😋味道：8/10性價比：8/10-📍#福來上海麵荃灣福來邨香車街街市1樓註：下午3點左右就會關鋪，逢星期二休息#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #荃灣 #荃灣美食 #荃灣小食 #荃灣打卡 #荃竹灣好去處 #港式 #懷舊 #大排檔 #牛腩 #香車街街市 #豬扒 #上海麵 #福來 #福來邨

轉了新工一星期，今日行遠d，跟同事去香車街街市樓上的熟食中心食lunch。大排檔，地方一眼望晒。要了酥炸豬排上海麵，豬扒用碟上，不怕浸林。味道 ... ok la上海麵，醃菜放在匙上，份量 ... 好在唔係男士，否則真係怕唔夠飽。酥炸雲吞，熱辣辣新鮮炸起，但 ... 無乜味。

豬手鳳爪上海麵 雙拼$36 幼身嘅上海麵是我喜愛的，另外附送一匙自家製雪菜，加二條生菜😙美味 （注：天氣30度以上要諗諗自己的受熱程度，街市是沒有冷氣的）另外這裏的老闆好有人情味

難得與同事外出吃飯,同事帶了青蛙到位於香車街街市1樓的''福來上海麵''用餐。看似門面小小, 卻原來是深藏不露~有著青蛙從小長大的新區街市內食店的影子。 由於同事推介必吃鳳爪,因此餓壞了的青蛙決定要雙併上海麵,可以多試一款食材。鳳爪雲吞上海麵其實單是聽『鳳爪』, 青蛙都有在疑惑鳳爪是如何烹調的~當看見真面目才知道原來是用上豉汁醃製。一般豉汁鳳爪都是配上蒸飯,這裡配搭的是上海麵, 起初都擔心會怪怪的。不過一入口就知道疑慮是多餘的!!鳳爪非常入味, 忟得時間剛好不會像酒樓般過腍,反而仍吃得出鳳爪根部的彈性。最意想不到是豉汁味與上海麵很搭配呢 再來就是雲吞, 想不到店家很慷慨,一碗麵內竟有五顆雲吞 ^^雲吞的皮厚度適中, 不易弄散;內裡的菜肉份量剛好, 亦調味得宜!轉眼就清了一整碗麵, 大滿足呢

難得黎到荃灣，聽朋友講話香車街既熟食街市有好野食，我梗係即刻衝過去試下喇!呢間福來上海麵係由一對夫婦打理，檔口其實就係一個車仔，好簡單既結構，但係食完佢地親手整既上海麵，碗麵其實好溫情:-)老闆同老闆娘知呢排天氣熱，就送多左杯凍綠茶比我，真係好體貼同細心。我嗌左炸豬排上海麵，真係好食到呢，我唔知點形容，D豬排炸得好香口，又唔會特別油，同埋唔多骨，食到啖啖肉咁。跟住上海麵份量又啱啱好，同豬排簡直係天作之合!聽人講話呢到D雲吞又係好好食，下次一定要再黎試下!

某程度上間唔中都鍾意幫襯下大排檔, 一來有佢哋嘅獨特風味, 二來係支持下囉! 今日好想食上海麵, 就算30度高溫下仍支持呢間兒時舊居嘅大排檔.豉汁鳳爪牛腩上海麵 - 鍾意佢哋嘅細心將雪菜同蔥分開. 鳳爪入味而仍帶炸過嘅口感, 牛腩更是十年不變的炆得腍, 牛筋,腩分佈適中, 好好味. 上海麵亦煮到剛好, 唔會糊口.菜肉雲吞 - 自家包一隻湯葖size, 皮薄而菜肉平均, 味道唔錯.炸豬扒 - 即叫即炸, 重幫你剪開方便食. 豬扒唔太厚用麵包糠炸, 唔錯.茶走 - 茶味濃中帶點苦. 唔好飲.

好小可有而家以前大排檔既上海面呀個湯底真係好好味！！送又多！！e上面又快！！又有雪菜個d.....一流呀