禮食品市場 (已結業)

環境幾好，座位尚算寬躺。麵豉湯不錯，不過三文魚腩飯同鰻魚飯有啲overcook，嗰表面有啲乾身，飯有一點敗筆，米並唔係粒粒分明。價錢均真，整體嚟講以工商區位置算係唔錯。

今日去左一間非常正宗既日式野，真係好有驚喜!! 交通都好方便，去唔到日本，呢間都幾唔錯，食材都係日本番黎，有水準👍🏻因為唔係太肚餓，所以叫左兩個日本烏冬，食最簡單既菜式睇下好唔好食先😂店員係一個好後生既人，餐廳有一個開放式廚房，旁邊有好多日本野食，有調味料、日式汽水等等個店員就即場煮左一個豚肉湯烏冬($53)，豚肉份量好多，個腐皮好甜，得一塊太少🤣重點係個烏冬好煙韌!!唔知道係落左咩牌子既日本烏冬呢 ~ 第2碗就叫左牛肉湯烏冬($58)，呢碗D牛肉都好入味，又冇咩肥，超好味❤❤整體黎講，呢間真係好值得試，佢既餐牌仲有好多唔同既日本菜，仲有壽司、刺身飯等，想食正宗既日本野，呢間既菜式都係幾用心💕

朋友帶我黎呢間九龍灣近工廈區，餐廳佈置整潔乾淨，裝修有點日式化，上到去見到還有冷藏食品買的，見到牛扒、安格斯牛, 丹麥豬, 漢堡….的肉類, 大量火鍋配料, 還有刺身以及有我至愛的~ 甜品，品種極之多，凍柜睇到我眼花療亂, 價錢都很公道~ (未買先興奮^.^)由於之後還要去行街, 幫襯唔到, 故下次要再來入貨了. 呢間餐廳採用開放式廚房, 由店主親手制作, 很有幹勁以及有禮貌的, 值得欣賞。跟朋友都叫了豚肉生薑燒，豚肉帶些肥肉，咬落肉汁豐富，飯汁不多，帶些蔥油，故不知不覺就食晒佢😝了。 套餐附送麵豉湯，濃得來帶點咸, 還有綠茶, 很甘香兼可解油膩感。

今日早放去左九龍灣IKEA買完野，Openrice搵到呢間日式料理店。裝修-入到去感覺好光猛好舒服，有一張長枱，同埋一張吧枱；以木系為主，有一部大電視係度抽深夜食堂，相信呢個就係店主的初心。豚肉生薑燒（$58）豚肉煮得剛好，半肥瘦的豚肉片好嫩好好食，而且非常多汁，連埋洋蔥一齊食非常好食，落咗生薑食完令到個新好亂可以抵擋呢個寒冬。最後飲埋碗麵豉湯就非常完美。😋味道：7/10🙃回頭：7/10💰消費：$58

這天來到此工廈試姊妹裙，無意中發現同層有間日式餐廳，看到餐牌吸引價錢又相宜，餓極了的我們二話不說進去醫肚。餐廳環境不俗，整潔企理，裝潢雅緻美觀，以木為主的日式設計簡約而有格調，很有和風感，舒適寧靜，還播放著日本節目，令人有少少像置身日本的感覺。最特別是餐廳兼賣日本貨品和冷藏食品，包括安格斯牛、牛小排、西冷牛扒等肉類；日本廣島蠔、鱈場蟹棒、帆立貝、油揚等火鍋配料；象拔蚌、馬刀貝、虎蝦等刺身；還有抹茶、朱古力、柚子豆乳味芝士蛋糕等甜品，種類繁多，價錢又很大眾化！搞到我們未吃飯都已忍不住購物了。開放式的廚房可看到年輕店主親手炮製美食，很用心，也好有幹勁，而且非常有禮貌，待客態度佳，值得欣賞。豚肉生薑燒，很大一碗，份量很多，豚肉更是超多片，堆成一層層，舖滿整碗飯，物超所值！吃落很有吉野家牛肉飯的感覺，不對，應該是比吉野家更好味更有水準！大大片的豚肉肥瘦均勻，肉質軟綿嫩滑，油香豐美，肉味又濃，好高質！香綿的珍珠白飯吸滿美味肉汁，再滲透出絲絲清新的生薑味，中和一下油膩感之餘，味道更覺層次，啖啖滋味！飯中還夾雜不少煮至軟腍又甜的洋蔥，很美味。汁燒三文魚腩飯也是另一水準之作，兩大條三文魚腩十分厚身，完

有時係九龍灣工業區食lunch想搵間日本嘢食都有啲困難 ，咁啱原來有間日本嘢正正就喺大廈入面。雖然呢間餐廳地方細細，但係感覺完全好日本， 喺牆上嗰部大電視一直都播住深宵食堂，而且仲有好多日本嘢食買。例如有三十幾蚊一pack嘅刺身甜蝦，馬刀貝，象拔蚌......等等，仲有急凍生蠔，日式牛扒， 漢堡，最正仲有甜品區添。當然唔少得有刺身飯，定食同埋烏冬提供。 所以我就試咗個刺身飯， 睇下啲刺身好唔好食先。 佢嘅刺身飯嘅刺身種類都算多，大概有五至六款，食落都新鮮，不過份量就少咗啲，但飯嘅份量就好多啦。 以lunch要百零蚊碗嘅價錢嚟講係有點貴，不過我覺得呢度個重點應該係買刺身食。

今日去九龍灣center附近做野行行下見到個易拉架係呢間餐廳既餐牌,見到母日限定既魚生飯幾吸引就諗住上去試下.可能我去到既時候太晏魚生飯賣晒,最後點左豚肉生薑燒.餐廳同時亦都有賣日本食品及雪藏食品,內裏環境簡單舒適,電視仲播緊深夜食堂氣氛都幾match.豚肉生薑燒,豚肉份量滿佈係飯面上,豚肉望落豐滿厚實,豚肉上仲有芝麻同青蔥望落更吸引.豚肉半肥半瘦,食落唔會覺得肥膩,質感口感唔會韌反而有少少彈性,再加上芝麻食落加上脆卜卜口感.豚肉醃得夠味食落帶少少醬油同味淋既甜味.飯底用左珍珠米質感彈牙飽滿飯粒吸晒豚肉醬汁.

今日去九龍灣拎野比朋友，朋友同我講附近新開左間小店唔錯叫我自己去食下，為食又貪新鮮的我緊係去啦！去到門口見到好多排雪櫃放左好多牛扒。但我自己難得煮所以就冇入貨。本來我想食星期三的豪華三色飯，但店主話因為佢地試業中 ，未正式開始，所以食物未預得咁好，加上lunch time 都好多客來食， 所以我冇得食了，最後我order 左個 蒲燒鰻魚飯。一送過來已經好香，我忍唔住大口大口食，因個鰻魚連住d 汁飯食，好夾，我食哂成碗先走，好滿足。

經朋友介紹下，得知這間食店是新開的，愛新鮮的我，就當然立刻去朝聖啦～😈😈到了店前看到海報，每天均有不用的刺身飯推介，那選擇困難症的我，就可煩少一樣事了🙈🙈而烏冬定食的價錢，還很相宜，真是慳錢吃又得，獎勵自己天天吃刺身飯又得🤣🤣聽聞，日本有個女星就是吃刺身減肥，吃少了煮食油，應該真可減得成功的🤣🤣🤣但我最後，最終……還是選了三元豚吉烈豬扒飯，因豬的近來都賣得很貴🤣🤣但吃後沒後悔，因豬扒的肉味很有豬味，肉質鬆軟，加上炸粉黏得很貼，吃起來不會散開，不知不覺又吃了一碗飯了😋