私家廚房 (已結業)

今晚男友話帶我食好野喎，其實想叫我學下人地點煮餸，於是去左一間中菜的餐廳，名別「私家廚房」座位好寛闊最近天氣熱，所以一坐下來就叫左個香芒蝦肉蟹籽沙律消暑一下，個蝦肉好爽口，芒果好新鮮，而個沙律醬有點兒失望，酸得濟！豆豉啫啫雞煲一送到埋來己聽到'滋滋'聲，繼而聞到香味，雞肉應該煎過所以先食到香滑，而醬汁令到其他配菜色也好吸引！懷舊琵琶豆腐我平時好少食豆腐，而呢款外皮炸到酥脆，內裡豆腐軟綿，咸香的味道令你夾完一件又一件，好送飯!埋單後個服務員送幾件冰鎮波籮，真是滿足的一晚！

今日午飯終於有機會試試呢間私家廚房，因為有朋友話唔錯。私家廚房裏的大堂環境人客唔多，我們一行六位，女侍應原來給我們卡位，我嫌太迫夾，她轉VIP房間給我們，太好了！簡簡單單，要了六個套餐客飯，有冬瓜老火湯，但勁鹹，希望廚師下次輕手下鹽，有餐飲，大家都一致楝熱檸水。套餐客飯用碟子上，有青菜伴上。白切雞，都腍滑，味道較淡。燒鴨湯飯味道適中，白飯另上，很好。煎蓮藕餅，不算肥膩，尚可！牛柳炒米粉很美味，下次可以再吃。雞肉粒炒飯，粒粒炒飯有鹹香，不油膩很可口。因為有一位朋友遲少少才到，我們留起梅菜扣肉給他，所以我沒有品嘗梅菜扣肉。整體都不錯，人均消費$53，抵食啦！

早排叫朋友幫我買咗啲嘢，交收完就一齊去食晚飯。我哋去咗旺角呢一間樓上嘅「私家廚房」，聽聞呢到嘅餸除咗夠大碟，而且仲鑊氣十足，所以唔可以錯過。是日一行人四個人，都叫咗相當多野食，事關環境唔同大排檔，冷氣十足岩哂我地呢班怕熱嘅人士，就可以慢慢食一邊傾計。二話不說，柯打咗嘅OK汁煎南非大虎蝦、脆皮德國鹹豬手都一齊上菜。大虎蝦除咗炒得香脆，而且仲大隻夾彈牙，呢種調味同煮法真係無得輸，非常開胃，可以食幾碗飯。至於豬手皮就焗得非常脆口，但內裡嘅肉就非常林身，可以點蘸隔離泰式嘅酸汁，又另一種風味。接住到嘅係籠仔荷葉海龍皇蒸飯、薑蔥焗美國桶蠔、燒汁脆米安格斯牛粒。蒸飯比想像中更大盤，分別有魚蝦蟹鋪面，帶陣陣蒜香豉油味，隨之仲有淡淡嘅荷葉香，海鮮嘅鮮味完全融入到米粒裡面，味道一流。而桶蠔更為誇張，由於用瓦鍋熱住上菜，故裡面嘅蔥同蠔仍滋滋作響，眾人都嘩然，除咗香味撲鼻，隻桶蠔果然足料，一共六隻都大大隻：點樣分呢。起筷，桶蠔充滿鮮味且啖啖肉，夾埋薑蔥食成件事惹味更多，令人欲罷不能。至於牛肉粒相比之下較遜色，因為調味似乎重手咗，口味太咸，但不得不提小菜裡除咗有牛肉粒，仲有一啲茄子切咗粒混合其中，結果一齊食又幾

今晚想食住家菜，第一時間想起這裡，立即打電話book枱。簡單的點了幾樣，南乳一字骨和蝦醬通菜牛肉。落單時老細誠意推介今晚的湯，聽落好吸引之下再點了豆腐肉片白菜滾海班頭骨腩$188。 豆腐白菜仔滾海班頭腩骨 $188比我們想像的份量大，得，多，哈哈。滿滿的一大碗再加一大碟湯渣豆腐白菜和魚塊，連湯渣也可以當餸吃。淨是看這湯的顏色就知誠意十足，乾淨的奶白色，喝下去又香又甜，滿口鮮味，真的很不錯，推介！蝦醬通菜炒牛肉$128 之前沒想到湯渣有那麼多白菜仔，已經點了一碟炒通菜。一上枱濃郁的蝦醬味撲鼻而來。大大碟通菜份量十足。通菜清甜，每一次菜是最搶手的，不消一會已全被吃光了。牛肉夠嫩味道夠濃，不會過咸剛剛好。南乳一字骨 $128我們實在太高估我們的胃。眼闊肚窄點了一堆但卻吃不完。這碟肉不錯，算少少偏肥的肉，南乳味不算很重，味道偏濃味。挺惹味！最後附送的生果賣相顯心思，菠蘿每一片都又甜又多汁，為這餐下完美的句號。這裡環境坐得很舒服又不會太嘈，每一枱都有自己的空間，最適合一家人來吃飯，方便傾計。

同男朋友第一次食私房菜，都幾期待架餐廳地理位置都幾方便，係地鐵站附近而佔地有成層咁大，因為有好幾間房隔左出黎做VIP室，而且仲係用返香港既地名作為房名由於我地得兩枝公，房就坐唔到拉，但大廳一樣坐得好舒服，仲有半開放式既包廂位 菜式選擇好多，仲有唔少懷舊同少見既巧手小菜，例如砵仔焗魚腸、海皇賽螃蟹等可惜人得2個，有D菜餚就要等下次黎先可以試 男朋友強力要求食海皇賽螃蟹，因為真係唔多地方見到，而且價錢真係好公道店員提醒一定要加醋，先會帶到蟹既味道，令蛋白味道更有層次平時唔愛醋既我，覺得落左醋後，唔只蛋白既顏色豐富左，令人食欲大增，味道上確實係增添左鮮甜味而所配大蝦新鮮，肉質夠爽 欖角蜜餞一字骨一字骨我地兩個都鍾意食，今次試下新口味，黎個欖角蜜餞一字骨真係好邪惡，因為真係好熱氣，但唔趁熱食又唔得外層帶點焦香，肉仲好軟，水份無過份流失，完全無雪味欖角蜜餞的甜有D難以形容，好似多左重果味，平時無咩機會食到呢陣甜味，幾特別 薑蔥大連鮑魚雞煲見到薑蔥，又見到鮑魚，再加雞煲，真係無辦法唔叫煲香氣好足，調味惹味之餘，唔會過咸，可以餸哂成碗白飯鮑魚有4大粒，雞件多到要我地捧住個肚走，真係個個餸份量都好充分

今晚又來到旺角，搜尋到這裡，便趁時間尚早，和太太來試。這裡除了貴賓房，還有卡位，而卡位旁邊有簾可以關上，私隠度高。我們點了侍應推介的豆腐肉片白菜滾海班頭骨腩$188，啫啫豬潤滑雞煲$128，大澳蝦膏通菜鮮魷$128。豆腐肉片白菜滾海班頭骨腩$188，材料豐富，奶白色的湯的份量足夠四至五人，好彩我是湯怪，難不到我的。啫啫豬潤滑雞煲$128，上枱時，‘啫啫’的聲音響起，香氣撲鼻，煲內有大量洋蔥，混合爽口豬潤和滋味雞件，簡直是送飯必選。大澳蝦膏通菜鮮魷$128，蝦膏不會過鹹，魷魚🦑爽口，忍不住叫了碗白飯來吃。飯後還有免費的冰鎮菠蘿。

朋友話要食私房菜，係OP search到間係旺角嘅，於是出來試下。叫左3款餸，每樣都份量十足，而且色香味俱全。突然勁想食蠔～本身想叫廣島蠔，但店員大力推薦今日d桶蠔超大隻，所以點左個薑蔥美國桶蠔～嘩！真係好新鮮呀！隻蠔大大隻，超肥美，啖啖肉，真係好滋味。😋辣酒煮螺，東風螺都幾大隻，煮得好入味，唔太辣之餘仲好香酒味，朋友仔食到停唔到口呀！最後黎一個藥膳豬手🐖蟲草花、紅棗加豬手炆出來的湯好甜好甜😋😋豬手爽爽的～私房菜每個座位都好有私穩，坐得超舒服😌原來仲可以包一間房，一行10幾人嘆菜添呀～環境寬敞、舒適～下次可以約埋全家人一齊來試試

🥔香煎釀藕餅 ($118)一坐低先叫左一碟蓮藕餅，一上菜個下侍應都未放低碟餅就已經聞到好香喇。一碟藕餅有8舊，份量都幾多，特別係我地得兩小口子去食。每舊藕餅都有塊生菜鋪係底，食落即刻覺得無咁熱氣。藕餅入面都好足料，一粒粒蓮藕配上豬肉，加埋煎到啱啱好既餅面，唔會好燶。十分好食，可以當係前菜開一開個胃，之後打大佬。🐴沙嗲粉絲牛肉煲 ($118)要試到一間餐廳既水準，好多時叫個煲試下就知佢夠唔夠火喉喇。今次叫左最平民既沙嗲粉絲牛肉煲，上菜既時候都仲係熱到有泡泡，侍應都提我地係勁熱唔好掂到個煲，遠遠都feel 到佢個種熱力。個煲要有既配料都有齊曬，係唔錯既。粉絲、芽菜、金菇、菠蘿都有。牛肉都好好食，唔會太硬，又食唔出有特別用左梳打粉會加工。嗯！合格，可以繼續叫其他。🍚絲苗白飯 ($15)食得煲，識食既一定會叫碗白飯撈汁拌飯。夠曬飽肚同埋食到個煲既精粹。🐟老輝砵仔焗魚腸 ($168)黎到有特色既餐廰緊係要食番D有特色既餸喇。一聽到格離枱既食客叫哩個焗魚腸，男朋友即刻心心眼，心郁郁咁揭個menu。最終我地都叫左一個試下。個賣相十分之好。用砵仔焗直情係跟足傳統，仲要加埋油炸鬼，又香口又入曬味。好正喇

哩排好鐘意食中菜，所以四周圍揾下有無好食既中菜，點知俾我揾到哩間網上面好多好評既中菜，仲要係私房菜？一早book左位，然後店員都好好即刻用whatapp通知話收到booking，臨食飯既下午再send多次提醒booking，仲話大厦裝修，所以要自備現金，credit card暫停，冇所謂啦，我地志在嚟食嘢咋嘛。。。由於對呢間私房菜鋪有好高嘅期待，所以一收工就咋咋淋上去食野啦我同朋友一行四人準時到達，店員都殷勤招呼，即刻斟茶，不過好可惜我杯茶有隻昆蟲，然後我哋嗌左手拍青瓜，冰鎮涼瓜片（點知冇得食)，農場白切雞，豉汁帶子蒸豆腐，薑蔥蠔煲，椒鹽鮮魷魚(原本想帶椒鹽九肚魚，但係又冇)，籠仔鮮蝦蒸飯，金銀蛋浸時菜。首先個手拍青瓜冇乜特別，唔係好夠味，同埋啲青瓜唔夠爽！然後個農場白切雞好鞋口，我食完有啲胃痛，可以我咬得唔多爛薑蔥蠔煲就勁小份量，真的好hea，嗰籠仔鮮蝦蒸飯啲蝦食得出不是新鮮的！個豉汁帶子蒸豆腐好失望，帶子蒸完好似瑤柱咁UN!!!!!!!最後個金銀蛋浸時菜完全無味，仲要食晒所有飯之後先黎，勁耐！我哋四個人最後埋單每人$300，我哋食嘅並唔係特別嘅嘢，只係普通嘅菜，呢度嘅餸相對係比較貴

吃膩了西餐、日本菜，偶爾也想轉轉口味，前兩日蝴蝶結姐姐就發現了旺角這間樓上住家菜。座位寬敞舒服，有帳幕遮擋，提高私隱度。餐牌上的菜式頗多，好多都很想點來試試。我和先生最後點了這幾個菜式。古法秘制蔥油新鮮雞（半隻），雞肉結實而鮮嫩，頗有光澤，配上秘製的蔥油份外美味，加上選用新鮮雞，口感更新鮮。三十年前造法海皇翠塘滑豆腐，難得食到三十年前的做法，當然要試試啦！豆腐滑得似豆腐花，配上魚肉、蟹柳等配料，添多了一份鮮味。即叫即炸菠蘿生炒骨，選用新鮮的菠蘿，生炒骨外脆內軟，酸甜適中，又不會過分油膩，配白飯一齊食，正！！！最後餐廳還送了一份冰鎮新鮮菠蘿給我們食，冰凍爽甜的，最適合炎炎的夏天啦！

旺角除咗食放題同埋火鍋之外其實都一樣有中菜可以選擇，位於油麻地區嘅私家廚房原來啲嘢食都唔錯喎。D包廂好有特色~多人/少人都包到房O_OV餐牌選擇好多，令人花都眼亂，但係同時亦都滿足不同口味嘅食客得以選擇喜愛的菜色。欖角蜜餞一字骨$128問店員有咩推介，店員就推介左呢個一字骨，平時對食骨冇咩特別好感，但係呢一個一字骨除咗有欖角嘅味道之外仲有蜜餞嘅甜香味道，令到一字角肉味好突出，非常好味一定要叫！家鄉蠔肉煎＄128有少少似平時嘅煎蠔餅，蠔份量適中，而且都比較香脆金黃，可以點上魚露味到就更豐富。魚香惹味茄子煲$98白飯＄30@2碗魚香茄子真係熱辣辣，鹹香十足但係味道唔會太過濃郁符合健康飲食口味，茄子夠林而且非常入味送飯一流。仲有甜品送WOW!!綠豆沙<3茶位$10 per head凍檸茶$18 x 2有時食啲咁熱辣辣嘅中菜都想嘆番一杯凍檸檬茶，咁就一流！

跟前上司吃飯已經是很久以前的事了,知道她特別喜愛中菜,所以就由她發板選擇喜歡的餐廳！竟然是譽發廣場入面的【私家廚房】！發現近期跟這個廣場緣份非常之多,由於今次是即興飯局，抱住一試嘅心態直接到店，十分好彩，店員表示預約的客人跟我們的時間不一樣，所以可以安排到位置。上到去一整層都是它們的，門口感覺很有私房菜風格！入面格局比想像細，但好整齊枱與枱之間有適當的距離！如果你是有預約的或是同行是三人至四人的話可以坐卡位，每一個卡位的門口都會有一塊灰色的簾篷可以將卡位內的空間關上，感覺更加私隱度高！當時我哋嗰陣唔係繁忙時段所以都可以坐到卡位！好開心因為係一個舒服嘅卡位裏邊慢慢坐慢慢傾聚下舊！全程都覺得地方非常清潔！說說餐牌吧！餐牌上嘅款式都係一般中菜咁，有海鮮類，有小菜篇亦有時蔬篇！全部交給前上司點菜！總共點了三款菜式！鄉下佬炒雜菜 ＄118呢到既菜一點也不油膩，入面包括既款式有：西蘭花、菜心、油麥菜、白菜仔。多幾款選擇令到冇咁悶，菜炒得比平時既好惹味，但又唔油，點解呢？我就想起有一次，媽跟我說..菜可以用燙的..然後用平底鍋把油和蒜頭爆香..放旁邊備用..等菜燙好..把油和蒜頭拌到青菜裡..再加調

同朋友成日去旺角食飯，我哋都成七至八個人，成日都要搵一啲可以坐好耐傾計，而且有大枱嘅餐廳。今天去這間樓上嘅私房菜，。成間餐廳都係間房，就算一班人大聲傾計大聲笑都會驚影響到好多其他人啲餸菜，都好滿意，尤其是係個海鮮蒸飯，係老細推介嘅，非常新鮮，飯有好香嘅蒜香味。另外仲叫咗隻雞同一條蒸魚。隻雞都好滑嫩，而且配搭着薑蔥。雖然有家嘅感覺，但一定好食過屋企煮嘅。另外條魚真係非常大，咁啱有朋友帶咗把間尺去度一度，有成差不多15 cm !總括而言，無論食物質素定係服務態度都非常一讚！

環境值得讚細細空間入到去無油煙感覺，就算兩，三個人想傾下因為有窗簾遮一遮都感覺有私人空間。員工幫客人換碟速度比酒店快利落，有微笑餸菜欖角蜜餞一字骨肉稔易入口，但食到最後有少少油但賣相差少少，痴左幾舊黑色物體，唔知係欖角以為lone左，哈哈辣酒煮花螺一擺上枱，已經嗅到好香好濃的酒味，即刻試左佢啖汁，飲起上來都少少重的酒味同甜甜地，辣味唔算勁。一盤大概有二十五隻大過五蚊銀的花螺，都算幾多份量，兩個人食都非常足夠，可能有特添。上湯浸蔬菜粉絲（員工拍板介紹）比手掌仲大的湯碗，以為得少撮，但其實份量有驚喜。可惜菜食落口油左d,否則青青地都幾好味。神秘贈送菠蘿冰船滿滿薄冰上有數塊菠蘿，夏天食呢個清爽，甜到入心。

這間中菜館好有家的感覺和味道，是名符其實的私家廚房，在這人情味濃厚的氣氛下享用極高質的高檔私房菜，令人回味無窮。餐廳環境舒適光猛，不少座位以布廉形成獨立廂座般，好有私人空間，也可看到漂亮街景。本以為餐廳位於樓上會較少人知曉，怎料七時許已人客眾多，更有不少熟客，看來挺有名氣。餐廳的服務好好，老闆和店員們十分親切有禮，招呼周到，對菜式和食材很是熟悉，會耐心地作介紹，好專業的模樣，又會不時主動替我們更換碟子、遞上牙簽等，細心又殷勤。菜式選擇繁多，海鮮、小菜、煲仔、湯羹、小吃等琳琅滿目，應有盡有，光是雞都已有超多口味。重點是碟碟都份量十足，好大碟，物有所值。薑沙雞水準一流，只是半隻已經好大盤，採用農場新鮮雞，肉質超級嫩滑，而且雞味十足，醬汁更是非常美味，更附有內臟，當中雞腎大件又爽口，好正！大大盤的原個籠仔海生蝦蒸飯十分出色，每啖飯都充滿濃郁蒜香味，而且好濕潤，不會乾爭爭，開邊蝦亦好有鮮味，肉質彈牙，更有不少蝦膏。這桶飯美味到即使飽到吃不下都會忍不住將它吃個清光，絕對不能錯過。這個沙茶醬粉絲牛肉煲是我吃過最最最好吃的粉絲牛肉煲！粉絲粗身煙韌，吸滿濃濃的沙茶醬，味道絕佳，牛肉超嫩口，好有鑊氣。想