私家廚房 (已結業)

和朋友開餐，大家想食中菜，揀了位於旺角譽發廣場的私家廚房，勝在地點便利。裝修光猛乾淨，有廂房，人多的話包一間房更方便暢談。食物選擇多，非常豐富。先食豉椒炒大蜆($138)，豉椒味非常香濃，大蜆新鮮，也很肥美，而且吐沙也很乾淨，處理得不錯。潮式油浸鹹鮮黃花魚($188)賣相甚佳，可謂心思之作。雖然魚肉經過油炸，但仍然吃得出當中鮮甜，可以見到大廚控制火候功力。有點可惜的是 鹽巴分布未夠勻循，部分位置相對較鹹。另外還飲了湯，豆腐肉片白菜滾海斑頭骨腩湯($188) 是鮮香的魚湯，當中嚐到菜香，感覺溫和，入秋上佳之選。

好耐無叫齊飯腳去食飯啦，今日難得叫齊人，所以就搵左呢間私家廚房，貪佢私隱度夠高，4人位會好似獨立廂房仔咁，食都食得特別開懷啦。4個人，因為大家都覺得肚餓，所以叫左7樣野左右，後尾發現食物份量都幾多，所以每人都仲可以打包一盒，第2日帶返工做lunch。其實全晚D野都唔錯，服務又好，揀幾樣特別推薦講下啦。籠仔荷葉海龍皇蒸飯：上面有齊魚蝦蟹，海鮮平均地鋪滿飯面，上檯個下聞到淡淡的荷葉香氣，而米粒就吸哂所有海鮮的精華，就連平時唔太食飯的我都覺得好好味。薑蔥焗美國桶蠔：未黎到已經聽到滋滋聲，上檯見到熱辣辣，大家就已經忍不住要起筷。蠔肉大大粒又飽滿，熟度控制得剛剛好，連同醬汁同食非常惹味。生炒骨：有驚喜，醬汁入口甜酸度適中，唔會甜到好奇怪，而排骨炸得脆卜卜而不油膩，果然係要新鮮熱辣即叩即炒最好味。

今晚一大班朋友出嚟聚會，因為有朋友移民诲外，所以諗住食餐好嘅，所以今次特別啲食私房菜。為咗方便大家返屋企，最好就係去旺角食飯，貪佢交通方便，住喺香港九龍新界的朋友都好願意去旺角食飯。今次去左譽發廣場8樓私家廚房，環境裝修都唔錯，我地今晚坐長枱又坐得幾舒服，整體都好適合朋友聚會倾計。今晚叫左蔥油雞、奄仔蟹、豬手、扇貝、龍躉、砵仔魚腸、桃膠雞脚湯、籠仔蝦飯，真係份量十足，魚蝦蟹都新鮮又好味，招牌雞都好正。

今晚同左朋友去旺角食飯，有間餐廳環境好特別，主打火鍋中菜料理。我一直覺得旺角一向都以台式/西式和樓上咖啡店稱霸，原來都有中菜架！我同朋友夜晚就去試下啦！我地叫左一個干蔥爆豆豉雞煲，雞件先走油爆香，入口好香口帶點焦香，雞肉中間非常香嫩，醬汁收乾水唔會水汪汪，豆豉咸香好惹味，欣賞雞肉保持肉汁，食入口唔會乾身！調味得宜唔會好濃郁。之後叫左一個金蒜銀絲蒸大元貝，大大隻帶子入口竟然非常鮮甜，中間軟綿剛剛熟透，粉絲吸到帶子鮮味再加上香口蒜蓉，非常滋味！超鐘意食蒜蓉呀！潮式油浸咸鮮黃花，外層香口中間魚肉非常滑溜，魚皮咸香中間魚肉鮮甜，非常特別既菜式！我地一人叫左一碗白飯，份量剛剛好！

上次食到好食～又忍唔住約朋友來食番餐！今次叫左3樣餸：椒鹽豆腐 豆腐炸得岩岩好皮薄、外脆內軟做到入口即溶既口感！同埋唔會太咸～味道剛剛好！一級棒既鮑魚雞煲上次食過～就唔花篇幅再講啦～好食！如果唔會叫第二次啦～超級補既木桶豬手整體蒸得好冧好入味藥材味十分濃郁～超補但唯一既缺點味道可能因為紅棗所以帶酸扣左分～但都值3粒星大約$150到賣單每人～最緊要環境舒服～可以吹水吹好耐同埋野食好食得來～又唔貴！最重要～我最怕中菜太油太咸但依間絕對唔會！手勢又好！正！

私家廚房，一聽個名就覺得好像去左食私房菜咁！而未去食之前，已經感受到店員的熱情推介！可能會有人介意，好像有陌生人whatsapp,不過我覺得咁都幾有親切感～近地鐵站，環境唔錯，坐得舒服呢個籠仔海生蝦蒸飯真係超晒班，d蝦開左一半，用筷子好輕鬆就夾到d肉出黎，鮮味完完全全融入左在飯度，熱辣辣上菜，好香好好味！蠔煲都幾正藕餅同菜煲都ok奄仔蟹就爭左少少，太多鹽咸左少少，而且真係細隻左少少最後仲送左菠蘿作飯後甜品！食物質素整體來講都幾好，淨係為左個籠仔飯已經好值得再去食啦！

每年到左呢姨婆生日呢個日子，我又會頭痛帶一家大細去邊到食飯，雖然姨婆已經移民左去加拿大十七年，但每年呢個日子番黎都一定要食一道正宗既中國菜，時間耐左，食黎食去都係果幾間，大家都覺得悶，所以今年決定搞搞新意思。一頓美好既晚飯一定唔少得靚湯水，通常屋企都會習慣飯前先飲一碗湯，香茜皮蛋魚雲湯$168 清甜有魚鮮味，我好中意食皮蛋但又好怕係出面食會食到D皮蛋有酸味，呢度既皮蛋唔酸而且好香，一舊舊魚雲落足料有湯飲又有餸食。欖角蜜餞一字骨 $128 可以話係今餐既亮點，煎成金黃色既一字骨半肥瘦有咬口，蜜餞少少甜好開胃，食完之後口腔留下一淡淡既欖香味，兩個小朋友對佢更加愛不釋手，呢個時侯不忘對小孩教導分享既美德，只見姨婆笑到見牙唔見眼話：細蚊仔食到就好！經服務員熱心介紹下，點左呢一味 潮式油浸鹹鮮黃花$188外脆內軟，經高溫油炸，魚肉鮮嫩多汁，我大膽估計大廚應該有翻炸一次逼出多餘油份，令到入口并唔油膩。鹹蛋黃冰鮮中蝦$128，蝦睇落去新鮮得無可挑剔，脆脆既蝦殼可以連殼食，因為姨婆對蝦殼過敏，所以最後我負責食殼，姨婆食蝦肉。蝦殼有好香既咸蛋味，鬆脆到好似食薯片咁，蝦頭經過處理十分細心。 古方秘制鹹蔥油

餐廳位於　nathan road, 交通方便，裝修很新淨，座位不多，有半簾隔著，私隱度高！價錢比一般酒樓／大排擋只高一點，但環境招呼都很好！有小魚缸，養住新鮮海鮮，有飽魚，活蝦等。餐廳亦充滿藥饍香味！連漪飄香，要預訂既，用墨魚，芝士﹠蝦炸成！味道玩搭得很好，香脆！但若炸粉再薄身點，會更好！豬潤啫啫雞煲，用上新鮮雞，連頭上，感覺完整，汁不咸，剛好，分量大，只是豬潤有點硬，冬姑又細粒了點！啫啫通菜煲用上了水通，少少辣椒加上頗多肉碎，最初我們以為是魷魚，還要那麼大舊，咬落原來係韓式年糕，雖然有點失望，但因為年糕吸滿煲內既肉汁，所以很好食，有新鮮感！黃金虾好好味，夠熱，脆，無油，亦充滿了咸旦，出面有好多時吃到的都咸旦味不足。這個即使吃下其它再吃這個虾，依然很脆，算係我食過　the best 既黃金虾

一行六人相隔五年的世紀聚舊，L 特意相約朋友們到私家廚房晚膳。先來一客有口碑黃金脆魚皮， 鹹蛋份量適中不會太鹹會過多。 魚皮即叫即炸，香口又爽脆，跟便利店售賣的不可相提並論。香炸芝士手打墨魚球，咬開後流心的芝士 呼之欲出。撚手木桶藥膳豬手，肉很多更可大補充骨膠原。藥味不算很濃但感覺很補身。L 亦都不期然喝了不少藥湯。懷舊琵琶豆腐，豆腐混和魚肉炸脆，外脆內軟帶鮮味，口感極好！有老媽子煮的味道。大海龍躉菜遠炒龍躉斑球啖啖肉很好吃，肉質爽脆鮮味。最後當然不可缺少吸睛的冰鎮新鮮菠蘿船，香甜冰凍。最後大家都很開心，更說會再次encore。

4位好戰友好同事在同一間公司打博，年月流逝，如今3位好戰友已到別家公司打博，只剩下我在公司繼續拼博了。今日4位昔日的戰友終於聚首一堂好好相聚，好好大聊特聊！我的戰友們都偏好中菜，想起不久前曾與朋友在私家廚房吃過飯，吃中菜的，而且味道不錯，於是向他們介紹了一下，也貼了Openrice Link給他們，他們都說一致讚好，於是很快就下好定案，我們還是像以往一樣，默契超卓！來到譽發大廈8樓，電梯門一開，大大的白底金字「私家廚房」的招牌即映入眼簾，細心一看會牆身的金字會發現那些都是介紹餐廳的菜式及推廣的字眼。今天下起傾盆大雨，而且天文台也說可能會懸掛8號風球，因此餐廳人數不算多。很喜歡店內的佈局，店內猶如有一間間小包廂似的，每個小包廂設有木製桌椅，而且也特設了儲物的空間供客人置放手袋、背包之類的，為的是要讓客人更能體驗私密空間及更舒受地用餐。店家的用心及細心總是有跡可尋，細心地為每位客人提供牙簽、濕紙巾、暖茶、碗碟、公筷、食用筷等恭候客人的到來。在這下雨天，一坐下就有暖茶渴，再用濕紙巾抹抹手，就已經讓我非常滿足了。古方秘制鹹蔥油新A雞(半隻)($198)，因為我們女生有3個，男的就只有1位，怕食

旺角譽發廣場8樓有間私房廚房，鄰近兩邊地鐵站，約走5-7分鐘步程，位置方便。我挺喜歡店內設計，這裡沒有豪華裝潢，是簡約明亮的環境，每個卡位設有幕簾，造就私密空間，讓大家如在包廂中自自然然暢談聊天，舒舒服服聚舊。工作人員友落好客，見到我倆查閱餐牌時，實在太迷惘，主動過來介紹小菜，夏天主力小菜，冬天會以打邊爐為主。這裡小菜鑊氣十足，勁勁勁大份（初時不知道份量，點多了！），還在強勁冷氣下用餐，很不錯！豆腐肉片白菜滾海班頭骨腩$188除了老闆強力推介之餘，飲靚湯滋補一下是常識吧！滿滿的湯渣可以當小菜食，可點辣醬汁，湯底呈奶白色，味道清甜，如再加多些豆腐，鮮味會更突出。真的是推介！撚手木桶藥膳豬手$128以蟲草花、紅棗及豬手炆出來，豬手爽腍，含有豐富骨膠原，女士必點恩物。湯底帶有淡淡的藥膳香，但略厭清淡，如咸一點會更好！燒汁脆米安格斯牛粒$148這個小菜相對其他菜式較香濃，牛肉粒加份茄子粒熱炒，搞到我以為粒粒都係入口即融的肥膏，牛肉粒沒有炒得過老，幾好食！PS: 要快食，很快變冷！好搞野啫啫通菜煲$118我倆問：為什麼叫好搞野？工作人員保持神祕原來他們將蝦膏、通菜及年糕一起拌炒，香味配逸，上檯時

間唔中都會同屋企人出去食飯，唔想次次都食個幾間，所以今次就出旺角揀咗間想環境舒服啲食小菜既地方，一家人輕輕鬆鬆食餐飯，今次全權由屋企人落單。首先就係脆皮德國鹹豬手，皮脆肉嫩大大碟，再點少少酸辣汁，味道啱啱好。接著就係OK汁煎南非大虎蝦，個汁酸酸甜甜，蝦大大隻蝦肉爽口彈牙，好開胃會自然想食多幾隻。然後係籠仔荷葉海龍皇蒸飯，飯上面有魚蝦蟹加少少蒜蓉，但個重點係個飯到，好香口入哂味，唔小心又會想食多碗。再黎既係薑蔥焗美國桶蠔，上菜時熱辣辣出哂煙，蠔好大隻夠哂肥美，配合薑蔥味無得輸，非常滿足。之後係生炒骨，味道唔會過份酸甜，好適合送飯。最後就係燒汁脆米安格斯牛粒，一半矮瓜一半牛肉，味道濃沃送飯一流。結論，旺區好選擇，適合一家大細去食，好多餸式選擇，一定有野啱你食。

友人話想食下特色中菜，所以今日就約左佢去旺角既私家廚房試下餐廳位置近油麼地地鐵站，一出去行兩步就到架喇，夠哂方便。本身簡呢間餐廳因爲openrice既comment唔錯，而且相都幾正咁，一試左果然名不虛傳。今次叫左三樣菜，兩個人食夠哂架喇，因為佢分量都唔錯。第一樣係椒鹽大連鮑魚，我同友人一人兩隻。本時食開鮑魚多數都清蒸，所以試下椒鹽。原來真係唔錯架播，炸完其實仲好有鮮味，但食落仲香口左好多，要平衡鮮同椒鹽味其實好難，但呢間餐廳就處理得好。第二樣係潮式油浸咸鮮黃花，呢個仲係餐廳職員推介。食落果然無介紹錯，原條黃花炸過，但完全唔會好油，外皮酥脆但魚肉仲好鮮，加埋佢既咸味，用泥送飯真係一流。最後一樣就係腐乳通菜，菜好爽脆加埋腐乳味剛剛好，真係要食多碗飯先夠。最後餐廳仲送左冰震菠蘿，甜酸再冰凍用泥解返之前既濃味菜，真係想得周道。總結，餐廳真係好適合一家大細同三五知紀去飯聚，我絕對會再去幫襯

這一晚，我與太太兩人去了吃私房菜，不過這私房菜不是真的私房菜，而是一間開於商廈樓上，名叫「私家廚房」的中菜館子。店名既是「私家廚房」，簡稱不就是私房了嗎？在這兒吃中菜，便成了吃「私房菜」了。 這間地方不是太大，但陳設企理骨子，還有四間分別名為「尖沙咀」、「佐敦」、「油麻地」和「旺角」的小廂房的小館子，其中一個與真正的私房菜有別的地方，是它的餐牌的中菜款式極多，假如兩個人來吃飯的話，即使整整一個月午晚兩餐都來幫襯，而且每次點的菜式都不重覆，也絕對不是難事。而這一晚，兩夫妻就點了三道菜式，大快朵頤一番。 「沙茶醬粉絲牛肉煲」（$118）雖然簡單，但味道挺好，沙茶醬汁味道濃淡拿捏得恰到好處，牛肉軟滑不嚡，份量又多，加上另一主角----粉絲同樣入味好吃，還有青椒、菠蘿等配菜，成為我與太太兩人都喜歡的菜式，以之下飯，更是最佳配搭。 椒鹽菜式一向是惹味之選，這夜的「椒鹽冰鮮大蝦」（$128）用的雖是冰鮮蝦，蝦的分量既多，足有十隻左右，而且也頗為大隻，加上椒鹽入味非常，但又不會太鹹，確是十分惹味。 這道我與太太都極有興趣一試的「老輝造法砵仔焗魚腸」（$168）是我的

餐廳環境不錯，預先訂左檯，被安排坐入d*廂房*，好有私隱度！I luv it! 分別點了三個菜樣樣都好味！燒汁脆米安格斯牛粒。牛粒勁香濃牛味！無根！好容易咬開！有別於一般餐廳，配菜係茄子，而非薯仔。茄子有炸過，但食落五會油！配埋d燒汁！真係好夾好好味咸蛋黃冰鮮中蝦！一上菜，已經聞到咸蛋黃的香味！蝦殼沾滿咸蛋黃蝦的肉好實，有蝦膏而份量都幾多！！啫啫通菜煲！好搞笑，有年糕煲內有好多肉碎，送飯一流，又好惹味！！食完鋪頭竟然送生果！菠蘿！好甜好好味！我食埋陳生個份因為真係好正！而個擺設有靚靚整體，好滿意一餐！下次一定帶屋企人黎食正