私房御約

營業中

休息中

就黎聖誕節，當然要吃餐勁喇!朋友提議去私房御約吃海鮮，話之前同家人食過好味又抵食!入座後，店員為我地準備了前菜 & 調味料~仲有菊花杞子圓肉茶，非常有心思!因為朋友唔食牛，所以我地揀左個龍躉海鮮餐，買單每人都係$300，吃到飽飽的，非常抵！所有海鮮蒸熟既時間都有唔同，店員會全程mon住，待蒸熟後夾上碟俾我地!!完全唔洗擔心傾計傾得太投入而煮得過熟!大蝦咬落爽彈又鮮甜，食得出唔似係雪藏蝦，只有新鮮既海鮮先有宜D質素唷!花甲好大隻，冇沙又冇腥味，非常鮮甜！吃完之後，店員隨即放入其他食材！圖中既係手打蝦太&墨魚丸，入口好彈好爽，並非浪得虛名！但都唔及日本宮崎放養豬梅頭肉好味！豬肉脂肪平均，肉味突出，肉質嫩滑，同係日本食到既冇分別！每人得兩片，食到䂰䂰咀！龍躉餐主角龍躉非常好食！即使我唔好魚既都覺得唔錯！龍躉只是簡單地加入薑蔥，味道一啲都唔腥，魚肉嫩滑，魚皮黏口，富有膠質，夠哂補！元貝又係非常好味！食到耳仔都會郁！元貝殻成隻手掌咁大，元貝肉size亦都好夠份量！元貝大粒又厚肉，食落富有口感，鮮味十足！店員控制火喉控制得好好，元貝蒸至七成熟，令肉質更嫩滑！時菜&韮菜餃不過不失，蟲草花蒸雞最好味！

最近食得太多煎炸野，塊面生哂粒粒...唯有今晚清清地食一餐喇!~Honey 係OPENRICE見到宜間餐廳採用蒸氣方式蒸煮海鮮，清淡好味又健康!首先店員先將粥底既材料 -  米、粟米、排骨粒、南瓜倒落鍋入面，之後再放上蒸架蒸海鮮!先出場既係花甲同基圍蝦！店員會幫手調較蒸煮既時間，成程有佢地服務我地，岩哂我宜啲食識唔識做既港孩！基圍蝦夠大隻，肉質爽口，食得出好新鮮！花甲經過蒸煮後全部都開哂口，入口肥美又冇沙，非常正呀！龍躉片加有薑蔥一齊蒸，完全冇魚腥味！最令我中意既係魚片帶有膠質，岩哂補充骨膠原！食完塊面都滑啲喇！除左海鮮，手打蝦丸同墨魚丸都非常爽口惹味！來自日本既宮崎豬梅頭肉肉味非常濃，有入口即溶之感，好似食緊和牛咁好味呀!!再黎既就係肥厚大隻既元貝蒸完之後貝殼上多左啲水，非常鮮味！元貝肉質鮮甜爽口，建議大家唔好加調味醬汁，因為已經好鮮好夠味了！除左海鮮&肉，當然唔少得要食番啲菜喇！蔬菜有紅椒、粟米、菜芯、南瓜、翠玉瓜....仲有我最愛既秋葵，非常健康！另外，雞肉加有蟲草花一起蒸，夠哂滋補又惹味，同honey每人食左兩三件，唔夠喉唷！最後當然係要品嚐吸哂美味食材精華既粥底喇.值得欣賞既

油麻地與柯士甸附近總有好幾間吸引人的食店走在這個街頭，食肆繁多，唯這間海鮮蒸鍋極度牽引著我話雖蒸氣鍋的潮流逝去，但我還真的不厭倦私房御約，正正就是這一間蒸氣鍋同朋友說的時候，他最初還以為係日本餐廳(偷笑)其實因為呢度可以俾客人自己帶材料或要求用咩材料蒸海鮮因而才得名入到去有四五張大台，裡面也有一個小`包房乾淨企理，幾有樓上私房菜既格調、感覺由於友人遲到，服務員就先上杞子桂圓菊花茶，清清地咁先食得清潔海鮮的味道吧加上，個茶壺都幾精緻，簡直令人心曠神怡同時也來了一碗前菜---蜆肉芽菜及花生，好讓我等待時間好過些私房御約只有兩款套餐，$448/位的龍蝦美國西冷海鮮餐同$298/位龍䠢海鮮餐食客也不用心大心細，自有廚師SET套餐俾你慢慢食也有單點菜讓食客落單，一嘗另類海鮮叫左個SET唔夠喉也可以加單，價錢又唔會貴兩個小女生就認為龍䠢海鮮餐足夠了花甲大大隻又沒有沙，基圍蝦新鮮鮮甜彈口！每個步驟都有服務員計時同控制，食客完全可以等食，盡情聊天!!不過，我和友人都好喜歡望著海鮮由生變熟的一刻，流口水的樣子出曬黎深海龍躉魚腩肉非常厚，肉質又嫩又爽口，更喜歡的是他透白色的魚膠質，簡直是女士恩物，感覺皮膚

賀朋友新居入伙, 新居附近只有D茶餐廳, 唯有呢間私房御約比較突出. 鋪面不大, 但坐得濶落舒服一坐低, 侍應就奉上茶及各樣小食. 小食有花生, 醃蘿蔔 同蜆肉大豆芽菜, 又惹味又開胃.朋友幫我慳住個荷包, 揀左龍躉餐 之後就可以自己揀醬料. 有辣椒, 蔥, 生蒜同芫茜. 溫馨提示開頭以為D辣椒無料到, 但原來都幾辣, 仲愈食愈辣呀..等候期間發現原來可以來料加工 , 同埋街坊廚神都有黎過, 估唔到誤打誤撞黎左猛店全程有人服侍你唔使怕唔知蒸幾耐. 首先上既係基圍蝦同花甲. 蒸得岩岩好, 唔會老晒. 好鮮甜,材料新鮮至做到, 要讚下D花甲真係大大隻, 絕對唔係平價海鮮!之後就係龍躉. 只係放左蔥同薑去除鯹味. 蒸緊時已經聞到好香既蔥薑味. 龍躉係腩果部份, 有咬口而且多汁, 只係蒸就已經好好味. 腩位一定唔會差得去邊, 真係識揀手打蝦丸, 墨魚丸. + 梅頭豚肉唔怪之得要差唔多300 蚊一位, 連丸都係手打, 睇黎係新鮮為主, 而且食到一粒粒墨魚, 足料之餘食落又有口感!全個餐令我最印象深刻係呢一塊塊梅頭豚肉, 滑到你唔信! 份量實在太少喇!大大隻帶子連裙邊有人服侍既好處就係唔使等你ON

蒸海鮮0係香港愈來愈流行。用既架餐蒸籠間間大同小異，要突出重圍，想必一定係靠用料同服務態度。今日朋友揸車車我黎油麻地食蒸海鮮，餐廳地點開車黎會比較方便好在朋友一早book 定位，去到就有位。店內4~6人枱居多，但原來入面有一個房可坐10幾人，下次可以成班朋友再黎一坐低店員就奉上一壺熱菊花茶，入面仲加有杞子同圓肉，好特別，感覺非常養生而且下火，味道仲好清甜，搞到我地都無再叫其他野飲餐前小食除左有花生，仲有醃製左既青瓜蘿蔔，同埋海鮮芽菜。 好驚訝餐前小食都甘揼本，有花甲同魷魚！八掛問店員，佢地話原來呢d 海鮮養唔到過夜，所以收工前都會滾熟晒去做小食。估唔到餐廳要保持食物新鮮，又唔浪費，真係抵讚！ 其實餐廳主要食套餐，我地揀左龍躉海鮮餐首先係食鮮蝦+花甲。海鮮用蒸既方法最食得出鮮味，花甲同蝦都好鮮甜。蝦蒸完之後仲好爽脆，而花甲好大隻，一d 都唔腥，無醃過無其他調味料都可以甘好食，真係新鮮先做到。龍躉魚腩蒸完之後無一夾起就散， 食落口原來肉質係帶少少脆，而且好滑。蝦丸 墨魚丸 梅頭肉丸煩咬落仲食到一粒粒墨魚。最欣賞梅頭肉，滑到不得之了！每塊都有少少肥肉， 滑得黎又juicy! 估唔到蒸豬肉都

一向都是海鮮的忠實粉絲，潮流正狂吹蒸氣火煱，簡直是正中下懷，今晚又去覓食，給我尋找了一間只開業數月的"私房御約"。這間店舖不很大，只可容納七、八張枱，沒有特別的裝潢，簡單乾淨。這店舖只有兩款套餐，一款是$448/位的龍蝦美國西冷海鮮餐，而另一款是$298/位龍䠢海鮮餐，我和友人選擇了後者。我們也沒有特別叫甚麼啤酒或汽水，因為發覺這裡是杞子圓肉菊花茶供應，也就不需再要其他飲料了！我因為工作關係，所以較遲才到，其中一碟前菜已幾乎給我友人吃光了，友人讃嘆那些前菜味道不錯，後來才知道原來那些前菜也是自製的，很快便給我們吃清光了！套餐的第一道菜是花甲和基圍蝦，花甲肥美又沒有沙，基圍蝦則鮮甜彈口，蝦頭還可以食到蝦膏，值得一讃！因蒸的時間完全由店員掌握，顧客只須要坐定定等食，深海龍躉魚腩肉很厚，幸好店員有豐富的烹調技巧，肉質不會過老又爽口。店員也非常細心，元貝皇與其裙邊分開來蒸，因兩者所需時間大有分別，所以會先食裙邊，跟著才吃元貝，蒸出來的汁仍然會留係殻內，與元貝一起吃，鮮甜又好味。自家製的韮菜餃，不過不失。日本宮崎豬梅頭肉，肉質較平日在街市買的梅頭肉較咬口但又偏瘦，昧道沒太啥特別。鷄是唯一一道菜是

有朋友試過話價錢抵食, 材料又新鮮. 今次同朋友慶祝生日就黎試試, 一行7人訂左6點半. 一入門地方比我想像中細, 約7-8張枱. 但一路食一路發現, 因為佢地要控制每枱時間同火喉, 所以地方細就可以照顧好每一枱食客, 感覺服務好好.呢度提供既唔係茶或水咁普通, 係好特別既杞子桂圓茶, 味道甜甜地, 個茶壺仲細細個好得意. 因為呢度放相有限, 就唔放茶壺相啦. 哈哈!我地叫左個龍躉海鮮餐 $298/位 (免加一, 因為新張開業, 仲有85折) 因為驚太飽, 又想試試呢度既手勢 (老闆話自家制喎), 就叫左個迷你羊腩煲. 羊腩煲, 用料足, 啖啖肉, 無膻味. 係好食既.龍躉海鮮餐開始啦…蒸之前放D米,粟米, 醃過既排骨做粥底基圍蝦鮮甜, 唔洗點豉油,蝦頭仲有橙色既膏, 花甲好味, 無沙龍躉我至愛, 肉質爽實, 好鮮甜韮菜餃.. 每人有2隻,  餡多, 塞到滿滿, 唔會好咸, 口感可以, 但如果再加D木耳絲落去, 有D爽口感, 感覺會仲好食. 墨魚丸, 蝦丸, 都係呢度自家制, 係幾好食老闆話來自日本梅頭豬肉, 幾好, 但肉味唔夠突出好大隻帶子, 每人一隻, 約7成熟就食得. 唔會鞋口,

蒸氣海鮮餐期待已久既蒸氣海鮮餐, 終於都食到LA.今次食龍躉海鮮餐,  聽老闆講, 佢以前係做開海鮮生意, 所以入貨有保証一坐低, 待應已放低前菜小食, 冇諗過小食都可以咁好味, 佢地話全部都係自已親手整作特別係E個, 蝦粒芽菜, 必食...龍躉海鮮餐一開始, 待應會放米, 南瓜等配料在底, 之後蓋上蒸架 扎扎跳基圍蝦, 脹卜卜花甲蝦肉有彈性,花甲好有鮮味冇沙日本宫崎豬梅頭肉, 墨魚滑及蝦滑個豬肉可以再叫多轉, 好滑好味 墨魚滑及蝦滑係自家整作嫁菜餃龍躉魚腩蔥花和薑絲帶出魚腩既味道, 肉嫩又有鮮味元貝皇連裙邊非常細心, 裙邊比較快熟, 先將裙邊整熟後, 才攞元貝去蒸蒸到八成熟，元貝大隻, 口感, 貝殼上的汁亦帶鮮味！  好滿足呀七色時蔬, 蟲草花紅棗冬菇蒸雞個蒸雞好入味呀, 10分滑最後最後, 係攞開個蒸架, 食個粥, 個粥好正呀, 錦身, 又夠味, 今餐真係食得好飽, 好豐富, 價錢實惠..

市面上蒸海鮮店越開越多，不過多人聚會就似唔太適合了，因為萬一有朋友唔知價，亂點海鮮，埋單先見到天文數字，就已經太遲了！不過今次朋友就發現咗一間抵食蒸海鮮，餐廳以人頭收費，份量同食物已經安排好，入去講聲就可以等食，免卻好多煩惱飲品方面有汽水或由店方自加製的涼茶，亦可選喝免費提供的杞子桂圓菊花茶。杞子有助明目，而桂圓又夠滋潤，重點是免費任飲，實在太貼心了套餐主要分為兩款，有$448的龍蝦美國西冷海鮮餐及$298的龍躉海鮮餐，兩款套餐均有10款食品，而且同樣免收加一。另外亦有一張單點餐牌，可任意加配食品前菜［分數：8/10]前菜有三款，分別是醃青瓜、花生及海鮮芽菜粒。三款前菜同樣好吃，最特別的是海鮮芽菜粒，內裡有著大量味帶酸辣的蜆粒及魷魚粒，令人開胃南瓜粟米鮮排骨粥［分數：9/10]跟一般蒸海鮮一樣，先把煮粥的材料放到鍋底，材料有南瓜、粟米、排骨粒及米粒。倒下去後，發現材料比米粒還要多呢。放好後就可以準備正常蒸海鮮了脹卜卜花甲及扎扎跳基圍蝦［分數：8/10]第一輪店方就為我們把花甲及基圍蝦一同放到鍋內，花甲每人各有4隻，而基圍蝦就有2隻。花甲肉每隻都是脹卜卜的，入口鮮甜富口感。而基圍蝦同樣大

自從年初發現蒸鍋這個吃法之後便愛上了，在不同地方吃過數次，今晚又再找到新去處。藏身在渡船街民居地舖，取名私房御約的蒸鍋小店，啟業才四個月，就是以優質材料但價錢便宜作賣點，希望吸引客人、不介意地點無咁就腳、亦願意前來光顧。蒸汽煮食，講求原汁原味，因此食材新鮮上乘非常重要，而且並不醃味，難以混水摸魚。試過方知，食材果然嚴選，價錢實惠，值得考慮，而且面積不大，包場亦是好選擇。現在仍然在推新張期套餐，有85折，而且免加一，更加抵食。室內環境空間感足，企理整齊，沒有甚麼設計可言，設置小酒吧，竟然又有手工啤、日本清酒及紅白酒供應。餐牌簡單，兩款套餐，尤其首次光顧，相信大部分人皆選擇$298/位的龍躉海鮮餐，而另一款$448/位的，主要因為有龍蝦及西冷。當然亦可散店，而飲料則要另外付費。杞子菊花元肉茶 首先選了最便宜的飲料－茶，想不到令我眼前一亮！通透的玻璃茶壼，見到大大粒的元肉及杞子在浮沉，如在新派咖啡室的造型，本可令身價膨脹，但只收$10/位。前菜自製花生、酸瓜及小吃，皆調味得宜。尤其這個非一般的小吃，內藏肥美的花甲肉及蝦肉，配合大豆芽，調以紅辣椒及辣汁，可口醒胃！據店家告知，這兒的海鮮日日清，

佐敦文英街附近，最多的一定是寸燒/雞煲店，大概這裏被譽為寸燒的天堂。能夠在芸芸的寸燒店當中出現的一家蒸氣海鮮店。不得不讚老闆的勇敢。事實上可能大家走過文英街附近都會覺得有點膩，全都是濃味，然有點想吃鮮味！新: 原來這家餐廳新開不久,主打新鮮海鮮，全部由專業人員購入，保證質素好！先點左這個自家菊花桂圓杞子茶，味道很好令人心曠神怡。還有這裏的前菜全部自家製。花生都係自己炸。這裏食蒸海鮮可以選擇單點，都有兩款套餐供應，方便像我這些有選擇困難的人。是日吃了龍躉海鮮餐。＄298位10分抵吃！先來的是花甲和基圍蝦，全部都是新鮮得很，尤其是基圍蝦大隻又彈牙！花甲也都10分肥美完全沒沙。接着是精彩的龍躉肉，一人兩件10分口肉而且肉皮相連，配上蔥花和薑絲，簡簡單單就能把龍躉的鮮味呈現出來！這裏的自家製蒸餃也十分之精彩，用上接近全部的瘦肉配上韭菜等，承諾餃子10分結實味道鮮甜！黑豚肉自家製蝦丸墨魚丸同樣美味，尤其係豚肉，不用調味也鮮得很！這個扇貝真的精彩！蒸到八成熟，彈牙有口感，貝上的汁不要倒啊，精髓所在！很對辦，像我這些最喜歡貝殼類海鮮的人，在吃人間美食。七色蔡品種很多而且顏色鮮艷配上紅棗杞子蒸雞，雞做

我個朋友和我都好鍾意食海鮮，一得閒就會約出來吃一餐，不過係人都知出街食海鮮，一點也不便宜！ 所以我們常常 捐窿捐罅去找民間美食， 務求食平啲食抵啲好味啲！ 今日就嚟到一間食蒸蒸海鮮的，收費以人頭計， 就唔怕會over budget啦~一坐低就來杯雛菊桂圓杞子茶暖下胃先，滋潤和清熱集於一身，正！而且還可以無限潻飲嗰下正！我們大大話話加了5次水，但都無話稀支支，幾好喎！小食亦竟然有花生和大豆芽蜆肉供應，完全感覺到誠意。唔怪之得未正式入秋，呢度就咁爆啦！ 我們叫了個龍躉海鮮餐， 每位收費二百九十八元，套餐包括：花甲,基圍蝦,龍躉魚片,聖子皇,手打墨魚滑及蝦滑,蟲草花紅棗冬菇蒸雞,七色時蔬,南瓜粟米鮮雞粥,乳酪及鮮果 採用全新款蒸籠，一路蒸一路睇住啲食物熟，都幾引發口水反應㗎！ 先來的兩款海鮮是花甲和基圍蝦~花甲比想像中大隻，食落無沙而且鮮甜。蝦肉爽實有彈性，都幾新鮮。 之後嘅龍躉魚片， 魚肉嫩白富有彈性， 而最好味的當然就是那充滿骨膠原的魚皮吧！ 那膠質在牙齒中煙靭地斷開的感覺， 到現在還令人記憶猶新！ 手打墨丸和蝦丸也不錯吃， 不過味道略淡被算突出， 令人有點分不開兩者。 那片黑壓壓的肉

自從知道柯士甸站附近一帶食店多後, 我間中也會同朋友去那邊食飯敍舊. 今次我地選了私房御約食晚飯. 這是一間食蒸氣火鍋的店舖. 我地點了一個龍躉海鮮餐. 我好鍾意佢地的熱茶是選用一壼壼的桂圓杞子茶, 可以滋潤一下喉嚨. 食火鍋當然要混醬一下. 店員先放下粥的材料在鍋底, 留待最後是食用. 蒸氣火鍋開始. 我地先食花甲和基圍蝦. 花甲不是好大隻, 但幾鮮美, 入口也沒有沙. 而蝦的肉質幾爽口. 龍躉魚片. 魚片幾雪色, 肉質夠堅挺, 最怕是梅, 魚肉也算新鮮. 蟶子皇. 我自己鍾意食蟶子, 這個啱晒我口味. 肉質幾爽口, 點醬汁一齊食, 更能帶出蟶子的鮮味. 元貝皇. 隻元貝好多隻, 夠爽身, 仲要啖啖肉. 手打墨魚滑和蝦滑. 手打出來是特別夠彈牙, 口感是有所不同. 蟲草花紅棗冬菇蒸雞和七色時蔬. 雞肉幾嫩滑, 但每人得兩件, 真是不太夠. 一口氣食了好幾款海鮮和肉類後, 係時候食蔬菜中和一下. 南瓜粟米雞肉粥. 全晚最期待就是這個粥, 因為吸引晒所以食材的精華. 個粥稀杰尚算適中, 若米再開花一點更加棉身. 個