影片
以上資料只供參考, 請與餐廳確認詳情
新蒲崗康強街的「秋拾米線」，門面低調卻人氣高企，晚市七點已見人龍。店內僅約16席，食客默契速食速離，建議預留時間排隊。 .。🍜豆花米線湯底溫潤，豆包滑嫩如絲，魚腐中規中矩；可惜春卷炸後偏乾硬，稍欠油香。.🍜招牌豬頸肉清湯米線驚喜十足：厚切豬頸肉醃得入味，肉質彈牙不柴，蘸上靈魂醬汁——酸甜微辣帶蒜香，與清湯米線一拍即合！.🍤蝦多士即炸上桌，多士酥脆不油，蝦肉飽滿鮮甜，彈牙口感足見真材實料，難怪每枱必點。 .整體而言，豬頸肉米線與蝦多士絕對是回頭首選，豆花系列則可再精進。小店雖擠迫，但滋味值得排隊一試！
繼續閱讀
新蒲崗最近有間好火熱嘅冇味精米線舖-秋拾米線，小食十分出名，亦上咗YouTube Channel,經過於是去試吓。今次就試咗好多款小食及配料，有蝦多士，軟見豬頸肉，兩碗米線（魚腐，雞翼，墨魚春卷菜底 &豬軟骨，墨魚頭，魚腐酸辣米線BB辣）。最出名嘅蝦多士麵包非常鬆軟，用上原隻鮮蝦，平而唔會炸到曲起，配上蜜糖芥末醬份外惹味，一人一件啱啱好。原件豬頸肉則份量非常多，有少少似泰國菜方式嘅豬頸肉，用香茅及其他配料醃製加上泰式醬汁，又香十足，亦比平時喺泰國舖叫嘅份量多。米線配料就最喜歡佢哋嘅自家製魚腐，慢煮豬軟骨，魚腐魚肉味香濃，亦保持到彈牙，民主豬軟骨一蚊到非常腍身及入味。另外墨魚頭亦非常新鮮爽口。秋拾米線非常值得喺米線關注組擁有一席位。
繼續閱讀
大辣 唔係好辣 但好咸由於我揀爽口嘅通心米線🫠太硬豬軟骨唔錯麻辣雞唔錯 嫩口魚腐正常春卷正常我覺得如果撈米線 但都整一整熱先會好味啲但係👉🏻👈🏻我唔會特登再去🥲食完銀胃 佢唔係爽口係未煮熟如果去食嘅話 大家幫我試下揀正常嘅通心米線 可能會好啲🥹
繼續閱讀
秘製酸辣湯米線叫咗豬頸肉 魚腐 🌶️bb 辣 配料有韭菜 肉碎 花生我走咗芫荽同芽菜 佢呢度嘅湯底有啲鹹香味係出面食唔到嘅味🤔🤔Bb🌶️ 呢個辣度 我認為啱啱好我見隔離枱個客將啲辣湯分開咗唔知係咪太辣定點樣 然後成個湯底飲咗米線好似有得叫軟硬程度份量正常 但如果可以酸啲就更好😌😌魚腐係自家製 係實在嘅口感 有三大舊豬頸肉應該係有炸過 味道有啲似豬肉乾嘅調味食落係硬脆 會跟一個醬汁俾你調味醬汁味道有啲似x蜜味茄汁豆 每食一啖都聯想到😂😂初頭以為會跟酸甜汁 所以覺得幾特別另外叫咗檸檬蜂蜜柚子茶 較為一般當日係紅日 未開門已經有小人龍如果去開呢邊 都可以試吓‼️‼️
繼續閱讀
秋拾米線//呢間餐廳嘅食品真係好有驚喜，從頭到尾都充滿誠意！慢煮豬軟骨米線 ($50)麻辣雞球(+8)魚腐 (+$10)招牌豬骨湯底香濃勁濃豬味，慢煮豬軟骨份量多又大舊，入口即溶，完全感受到慢煮嘅功夫。麻辣雞球帶少少辣勁，令口感更加豐富；招牌魚腐滑溜彈牙，吸滿湯底嘅精華，絕對值得加配。炭燒豬頸肉米線 ($56)墨魚頭(+$8）招牌嘅豬骨湯底依然出色，豬頸肉燒得啱啱好，份量勁多，香口又唔會太油膩，加埋墨魚頭，口感爽脆，配搭出色。招牌手作蝦多士/2件 （$24）蝦多士外層香脆，內裡係一隻完整既蝦，鮮甜彈牙，每一啖都係滿足感，絕對係必試嘅小食之一。百味豆腐 （$26）豆腐外皮炸得金黃酥脆，內裡保持滑嫩，調味恰到好處，鹹香味令人回味。紅油拌皮蛋 （$14）皮蛋經過紅油拌勻後，帶少少辣味，配埋皮蛋嘅滑嫩口感，非常特別，係一個性價比高嘅小食。凍奶茶 （跟餐 +8）茶味濃郁，奶味香滑，甜度適中，飲落非常順喉。特色檸益（跟餐+8）係一個幾特別嘅選擇，檸檬同益力多既酸甜平衡得好好，幾解渴清新。整體嚟講，呢間餐廳嘅食物無論係味道、質素，定係價錢，都非常值得推薦！米線湯底濃郁，配料選擇豐富，仲有多款小食同飲品可以搭配，真係一個唔錯嘅用餐體驗
繼續閱讀