秋拾米線

營業中

休息中

今日嚟到新蒲崗，見秋拾米線終於冇咁多人排隊，似乎有機會試到啦！嗱嗱聲拎個位先~平時行過聞到佢都好香，要食餐豐富嘅慰勞吓自己炭燒豬頸肉米線 $56+首先梗係要嗌個最出名嘅豬頸肉米線啦~湯底係秘制酸辣湯，bb辣啱晒我呢啲唔食得辣嘅人。欣賞佢米線可以轉芽菜底，索湯得來感覺又輕盈啲😎豬頸肉果然世一冇介紹錯！😇😇😇嗰種脆邊、焦香，加上豬肉嘅彈牙口感，同埋神埋支筆自家調製酸辣汁，我敢講比泰國地道嗰啲更Juicy香口🤤🤤重口味但好值得+$6 魚腐：自家製魚腐原來係讓咗魚肉，比一般魚腐再實淨啲冇咁Puffy+$15 豬軟骨：我食嗰舊肥嘅超級軟嫩，另一舊瘦嘅老公話煮得耐咗+$6 酸甜齋：酸齋同米線其實都幾夾，過下口癮+$6 幼滑奶茶：食住辣嘢梗係要飲返杯熱飲。加$6真係唔貴呀 自家製手作蝦多士 😍😍😍$24呢個又係另一必食推介！$24兩件實在超值，蝦大隻彈牙，多士脆口，味道調得剛好，仲有蜜糖芥末醬增加風味。唔係賣廣告，真係好抵食紅油拌海蟄 🤩$30 另一款小食都有驚喜😬唔食辣嘅我都將佢清晒盤。海蟄有咬口，青瓜特別爽脆，呢個價錢好無敵上湯翡翠苗 $30食得太多辣要加個菜苗。放落豬骨湯零舍鮮甜日本芝士年糕-

🐟 自家製魚腐秘制酸辣湯中辣通心米線 魚腐自家製，咬落外層滑溜，入面彈牙又有魚香，唔會腥，仲好有鮮味。酸辣湯底酸味先衝出嚟，辣勁跟住嚟，有層次又唔會太刺激，飲落暖笠笠。雞軟骨春卷炸到金黃脆卜卜，咬開有爽脆雞軟骨，配埋米線一齊食超過癮。墨魚頭爽彈有咬口，非常推薦！滷水腩肉肥瘦適中，滷得入味唔會鹹。紫菜帶少少海味，食落層次感好豐富。🐖 慢煮豬軟骨秘制酸辣湯中辣通心米線 豬軟骨用慢煮方法，膠質豐富，咬落即化，完全唔韌。湯底同樣酸辣開胃，辣度適中，飲完仲想再飲。墨魚頭爽口彈牙，係我同朋友嘅最愛！蘿蔔吸晒湯汁，帶微甜。紫菜令成碗米線多咗一份清新感，食完唔會覺得膩。🍖 小食 🐷招牌必點！原塊香茅豬頸肉外層微焦，香茅香氣滲入肉芯，肉質彈牙又唔油膩，咬落有肉汁。 🪼紅油拌海蜇海蜇切得厚薄適中，口感爽脆，紅油香麻帶微辣，入口即開胃。 🐤滷水雞翼雞翼滷得入晒味，皮滑肉嫩，滷水香料味突出，啖啖都好香口。 🌱腐乳通菜通菜新鮮爽脆，腐乳醬鹹香濃郁，包住菜味，食落好開胃。

知道呢間米線喺區內薄有名氣，去啟德睇演唱會前就揀左黎呢到試吓，估唔到下午三點幾去都要排隊15-20分鐘先有得食🍜.餐廳座位非常逼，坐得唔舒服，店員既服務都麻麻地，好惡，已經好逼仲要收碗碟先，仲要差啲倒瀉，我地食晒走人之後先收唔得咩？.佢既酸辣好似好出名，但因為咁岩腸胃唔舒服，我地兩個人都揀左清湯，味道好淡但感覺係無味精.✨香茅豬頸肉淮山麵+生菜（豬骨湯，走韮菜）✨豬頸肉份量好多，外皮燒到好脆好香口✨魚腐米線（豬骨湯）✨魚腐唔錯，仲keep到魚肉既彈牙感，唔會成舊淋到無牙都食到✨蝦多士✨好大舊，蝦都一樣好大隻，蝦肉彈牙，多士炸完都唔會好淋油，不過個人中意點沙律醬多過點芥辣

睇完Mill Milk嘅介紹，專登過嚟試吓。好受歡迎嘅店舖，呢頭係週末都滿座，係勁嘅👍🏻🍜🌶️試吓佢嘅豬軟骨肉酸辣米線🍜🌶️豬軟骨煮到好淋，軟骨化成collagen式jelly狀態，好好口感，好大滿足感😋最令LadyB 欣賞嘅係佢嘅細心：芽菜係有去到最尾嗰啲絲，呢個做法唔係度度地方做到。細節位都能做到咁細心，要大讚👍🏻👍🏻👍🏻👍🏻👍🏻👍🏻🐷招牌豬頸肉🐷見到好多人叫豬頸肉，所以LadyB都唔執輸，叫咗份外賣。返到屋企仲熱辣辣，外面好脆口，內里肉質入味。好好味，唔怪之得咁多人叫！仲有特制醬汁，好濃嘅香茅香葉味，酸酸甜甜好開胃🤤🦐蝦多士🦐另一樣招牌菜。同豬頸肉一樣，周車勞動後，仲係好鬆脆，蝦肉保持到肉汁，唔太油，好正👍🏻🐔椒鹽雞翼尖🐔好香口，好入味，好啱送啤酒🍻😆又一細心位：炸物外賣盒特登開咗個窿，等啲炸物唔好返潮，保持品質口感，真係無得彈👍🏻樣樣都高質，樣樣都做到極致，價錢又咁親民，受食客歡迎係有原因㗎😊

見到店門前的人龍，就知道這間「秋拾米線 」的受歡迎程度，所以話用心製作的食店，絕對是有捧場客的。無論堂食或外賣，客人日日都絡繹不絕。今日一試，果然值得排隊。《慢煮豬軟骨米線》加魚腐和雞軟骨春捲每碗米線都有腐皮、芽菜和豆卜，而這份量也不少，湯底清甜好喝，絕無味精。米線轉生菜底加5元，最適合不愛吃澱粉質的人士。豬軟骨果然是招牌菜，大大舊非常軟腍入味，吃一口隨即愛上。《香茅豬頸肉米線》加墨魚春卷和墨魚頭豬頸肉切的又薄又長，燒到微焦，非常香口Juicy，墨魚春卷脆卜卜，每樣都好吃到停不了口。《自家製蝦多士》$26《越南春捲》$24金黃香脆的蝦多士和越南春卷，雖然凍了，仍舊脆卜卜，非常惹味。《上湯翡翠苗》$30翡翠苗幼嫩，湯底清甜，正。

平日晚上 8 點左右嚟到秋拾米線，唔洗等位直入 Lucky Day！豬軟骨薯粉真係好好味！豬軟骨煮得入味，肉質軟嫩，輕輕一咬就能感受到肉汁流出來，好滿足。薯粉的口感滑滑的，配上濃郁的湯底，整道菜味道更加提升，讓人忍不住想多吃幾口。豬頸肉米線也非常推薦！豬頸肉烤得剛剛好，肉質鮮嫩多汁，還帶點油脂，吃起來特別香。米線煮得彈牙又不軟爛，搭配特製的醬汁，香氣四溢，讓人每一口都感到滿足。尖掓皮蛋勁辣超醒神！皮蛋外層滑滑的，內裡的蛋黃金黃還帶有淡淡的鹹香味。配上特製的辣椒、醬油、蔥，味道更加開胃，真係好好食。最後，炸豆腐是我最喜歡的！外皮炸得金黃酥脆，裡面保持著柔滑的口感，吃一口時，香脆的外皮和嫩滑的豆腐形成了完美的對比，食到停唔到口❤️幾道菜無論口感還是味道都非常出色，一定要來試試！

排隊都要試的豬骨湯底和秘製酸辣湯底的米線同豆花撈米線，健康之選炭燒原塊豬頸肉($48)燶邊脆口豬頸肉超好味😋配泰式魚露辣醬非常惹味😍豆花撈米線，好香滑，肉碎微辣鹹香頭再舖上一層嫩滑的豆花，減肥健康之選慢煮豬軟骨米線+蟹柳+墨魚春卷+魚腐($84)招牌豬骨湯湯底鮮甜清淡，米線煮得軟硬適中，順滑吸湯，基本 配料有豆卜、腐竹、芽菜、韭菜和翡翠苗慢煮豬軟骨肉質鬆化，軟骨 充滿骨膠原額外加了爽口彈牙的墨魚春捲、魚味濃鬱且索汁的自家製 魚腐，還有蟹柳自家製手作蝦多士($24)蝦多士炸得金黃酥脆且不油膩，最驚喜是放了原隻爽口的蝦肉，非常 足料

此店在區内人氣高企，在用餐黄金時段往往在此店外等位嘅人龍，人数比在店內，用緊餐嘅顧客還要多6月10日市區氣温高達34度，揾食肥華和靚媽，為要避開在酷熱天氣之下，要在大汗揼細汗嘅苦況下排隊等位，所以選擇在下午茶時段嘅尾聲時段才光顧此店，一如肥華所料果然用在店外排隊，可以輕鬆入座，嚟得此店當然不能錯過，此店鎮店名物，炭燒香茅豬頸肉，自家制魚腐，和配上秘制酸辣湯及招牌豬骨湯底嘅兩碗米線，再加上兩件鎮店之寶，自家制手作蝦多士和肥華嫌芋頭蓉過多唔啱食，卻獲芋頭控靚媽讚許的兩條越南炸春卷，都冇令人失望，論此店食物味道和所收取價錢都無乜可彈。但可惜今日肥華在此店所坐嘅座位喺正正望到，店內食物殘渣嘅餿水桶，真係大煞風景影响食慾，此餐👍🏻👍🏻👍🏻👍🏻

香茅豬頸肉米線呢碗香茅豬頸肉米線真是一個驚喜！豬頸肉燒得香口，帶濃濃嘅香茅味，肉質軟嫩又juicy，唔會太乾🥹🤤米線爽滑，香茅同少少辣椒嘅味道好開胃❤️份量夠，食完好滿足，絕對係必點之選。秘制酸辣湯係今次嘅亮點！小辣嘅程度啱啱好，辣得嚟唔會搶咗酸味嘅風頭，酸酸辣辣好開胃😆湯入面嘅豬軟骨燉得腍晒，入口即化，魚腐吸晒湯汁，軟滑又鮮甜，配搭起來真是一個perfect combination😁 八味豆腐層煎得微微脆，內裏嫩滑，入口有濃郁嘅豆香。食落好惹味。呢碟小菜份量適中，適合同朋友share🙂‍↕️ 手拍青瓜清爽又開胃，保持脆口嘅質感。調味用蒜蓉同辣椒油，微辣中帶點酸甜，食落好醒胃😍檸檬利資納好清新，酸甜平衡，飲落有濃濃嘅檸檬香，唔會太甜，啱晒解膩同解渴😊香茅豬頸肉米線同秘制酸辣湯係必試之選，呢度係一個值得再返去嘅隱世美食好去處！🥳

新蒲崗的 秋拾米線 是一家主打雲南風味米線的小店以酸辣湯底、配料豐富和性價比 聞名但不值得排隊 外賣單忙不過來堂食坐下也要等半小時才上桌而且味道也很個人   - 招牌 酸辣湯最受歡迎酸辣度有分，帶有雲南風味，不會過於油膩但bb辣已受不住   - 可自選配料 很多選擇 份量足   - 米線軟硬也能選擇   - 名物豬頸肉 炸得過火 肉質超柴   - 蝦多士 多士油膩感重最好食的居然是KFC口味的雞翼尖服務：   - 店主和員工態度友善但人手不足而且安排不當環境超擠逼   - 店內空間小，需排隊+搭枱

聽講呢間米線成日排長龍，今次去完airside專登行過嚟食！夜晚6點幾都等左約20分鐘到入座，中間仲不停有外賣員嚟拎嘢食，真係好旺朋友叫咗個豬頸肉酸辣米線，我就見豆花撈米線幾特別就叫左！因為怕太飽就無特別再叫小食了試左朋友個個一啖真係幾好食！！佢個酸辣湯好濃，唔會太酸，而豬頸肉整到脆脆地，食落又不失肉汁，點埋佢個醬幾惹味。反而豆花撈就無咩特別驚喜，食落唔算好重豆腐味，同普通撈米線差不多，但多啲配料咁。

平日夜晚大約8點到不用等，餐廳內座位較窄。點了蝦多士，炸得脆，蝦肉彈牙，汁醬酸甜幾好食，不過食哂成件最後少少油膩。另一名物，豬頸肉米線。基本上每枱都叫，廚房可能炸唔切，連埋米線套餐叫，上完米線話後上，但唔記得咗。另一枱遲過我點餐，上豬頸肉俾佢都未俾我，隔籬枱都有同一個情況，不過同店員提一提佢就即刻上返菜。味道方面，入味香脆，肥瘦適中，好食，不過配嘅醬汁就覺得麻麻哋。米線中規中矩，軟硬度煮得幾好，酸辣湯底惹味啲，清湯冇乜特別。

在新蒲崗的秋拾米線，這次的美食體驗令人驚喜。保証最抵最好食既豬頸肉米線😍😍😍首先，通心米線的口感滑順，搭配的配料新鮮，特別是配上香濃的豆腐花及肉醬，讓每一口都充滿層次感。米線的份量也相當足夠，讓人吃得過癮。在配菜方面，炸豆腐和炸蝦多士都非常美味，外皮酥脆，內裡嫩滑，特別適合搭配店家的特製醬汁，增添了風味。燒豬頸肉則是另一大亮點，其肉質鮮嫩多汁，外焦內嫩，香氣四溢，無論是單吃還是搭配米線，都讓人難以抗拒。總的來說，秋拾米線在食材的選擇和烹調技巧上都表現出色，值得一試，而且湯底又沒有添加特別嘅味精。無論是想要品嚐地道的米線，還是想要享受多樣的配菜，這裡都能滿足你的味蕾。叫左四個米線，三個小食都不用$300，確實抵，難怪長期有咁多人排隊。最後如果唔鍾意排隊嘅話，就係非繁忙時間去食

新開優質米線專門店，環境舒適企理，主打優質米線及多款小食，招牌豬骨湯底和秘製酸辣湯底，不含味精，味道鮮甜。必試招牌魚腐米線，大大碗，份量十足，魚腐全人手自家製造，保證新鮮，炸得金黃香口，魚味濃郁，口感軟腍，米線彈牙易入口。炭燒豬頸肉米線也是我的推介之一，豬頸肉兩大塊，份量好多，熱辣辣燒得香脆，外脆內軟，再點一點泰式魚露，酸酸辣辣，十分開胃。小食方面，滷水雞翼非常入味，雞肉嫩滑，龬紋春卷炸到脆卜卜，香口惹味。

朋友聽說呢間店就拉埋我去食，到咗跟住指示排隊，心諗呢間店一定成日要排隊要會貼咁大張指示，見到前面大約排10個人左右已經覺得算幸運。大約等咗15分鐘左右就可以入座，一坐低朋友強調要食佢既豬頸肉，咁我就梗係跟機架啦，唔洗諗呀嘛，其實我本身望到餐牌上面既豆腐花米線咁又一場黎到就叫埋小食試下啦，份蝦多士一食認真超級驚喜，豬頸肉米線就OK啦，唔算好驚歎但係OK好食既，仲有一份八味豆腐，食食米線上枱所以冇影低，外皮香口裡面粒豆腐白白滑滑，不過都幾熱氣。