秋拾米線

營業中

休息中

新蒲崗有各種美食，豐儉由人，但我覺得係要食#豆花撈米線 。多年前呢度有間雲南米線，試過肉碎好香，適合配豆花，不過太油太鹹，轉手之後都有豆花撈米線，但經過親都休息，今次終於有機會。呢度QR CODE落單秋拾豆花撈米線 小辣、扣底、走芫荽 $40翡翠苗+$8 魚腐+$10 麻辣雞球 +$8 =$81豆花撈米線，係呢度其中一款招牌菜。除左豆腐花之外，就係炸醬、豉油、辣油、酸菜，呢間做得比上手清新啲，無咁油，食落更舒服。魚腐係呢度另外一款招牌配料，呢度口感實啲，食落有啲似煎釀三寶嘅魚蛋，所以應該係自製嘅。另外有一款麻辣雞球覺得幾特別，無咩炸粉嘅雞球，其實麻多過辣，少少刺激，唔錯。脆炸珍寶韭菜餃 $27韭菜餃係炸唔係煎，好有小食店外賣嘅感覺，但外型更加大。餃子皮薄，炸完特別香脆，裡面韭菜超多，少少豬肉配合，令餃子非常Juicy ，點埋泰式辣醬，就更加開胃啦！特色檸益 少冰 +$15就係檸檬益力多，檸檬加益力多，加少少水，香甜清新，適合解膩。 總數 $108

喺呢間米線開張第一日，本身係諗住去新蒲崗食原本嗰一間豆花米線，去到發現執咗，而見到呢一間連招牌都未拆紅紙，但見到入邊有人就走去八卦睇吓，點知都係食豆花米線嘅，當日緣份嘅促使之下成為左佢開店第一台客人。然後因為味道好又再返去食，食完覺得水準keep到又再返去食，介紹啲朋友人哋覺得好食又約我返去食，都唔知食咗幾多次喇。酸辣米線我比較推介，湯好味襯米線好適合。豆花米線其實都好正，但因為係撈嘅關係好多醬，食落比較滯。餸方面推介我的最愛菜式豬頸肉，新鮮燒起熱辣辣脆卜卜，佢個泰式醬汁都好正，酸酸辣辣。豬軟骨都唔錯，係爭少少啲軟骨味道啫喱狀態，同埋個味道比較柔和，係米線湯底之下未能夠好突出。最愛加紫菜。，掃晒啲湯好惹味。麻辣炸雞球都唔錯，新鮮炸起算係食米線入面比較特別少見嘅一個配菜。魚肉春卷同炸魚腐，其實都係新鮮炸好香脆。，不過相對之下就冇咁特別啦。小食方面都食過百味豆腐同蝦多士，兩樣都出色，尤其是包尾豆腐呢個價錢嚟講十分之大份，好食又抵過酒樓食好多。炸韭菜餃都食過。，但就正路啦。飲品飲過凍檸益幾特別，檸檬加益力多，酸酸甜甜好開胃，無喺第二度見過第一次喺度飲。之後都試過朱古力，其實幾香濃都算出色。朋

秋拾豆花撈米線·bb辣 （$40）麻辣雞球（+$8）墨魚春卷（+$8）芝士丸（+$6）米線本身已經係咁多種麵類入面最滑🫶但有咩可以超越得過米線本身既質地呢🥹就係加豆腐花😊食落去吮個下勁順滑😌好似飲緊嘢咁🤩麻辣雞球炸完之後辣油嗰種香口感出晒嚟🫶墨魚春卷都炸得好脆！慢煮豬軟骨米線（$50）麻辣雞球（+$8）呢度有米線湯底清淡得來香口🫶唔會太多油喺個面度🫶但係依然俾到麻辣嘅感覺你🥳自己個人覺得個湯底冇乜味精 食完唔頸渴😝豬軟骨都整得好腍😌仲有都揀左最索湯汁嘅肥瘦肉部份落去😍食落去好惹味！滷水雞翼（$22）呢度主打滷水唔係太濃烈🤓餐廳應該用咗燉煮嘅方法 所以好入味🤤仲有就係煮到好腍😊個人唔鍾意太實肉嘅雞翼☺️所以都啱啱好!炭燒原塊豬頸肉 （$48）依到啲豬頸肉炸到有啲似街頭小食咁🤩酥酥地既焦香味🫶同泰式辣醬超夾🫶脆炸珍寶韭菜餃 （$27）呢個係必食推介！呢三隻餃絕對對得住個價錢🤪 個餡超級多一啖絕對食唔晒成粒長洲大魚蛋咁🥳個皮都炸到超脆😍成個口感就係由外脆到內！特色檸益（檸檬益力多） （+$15）好耐冇飲過力多🤤回憶返晒嚟再加多啲驚喜添😙檸檬夾埋益力多酸酸甜甜好開胃🫶檸檬西洋菜蜜（+$6）

自從呢間鋪新開張之後，每次假期經過都會有人排隊，好旺場。記得呢間鋪舊時前身都係一間舊式d既米線鋪，係出名賣豆花米線，但唔知係咪上手唔做，所以變左新鋪班底接手，將舊有米線菜單再改良。兩三年前我食過一次舊鋪既豆花撈米線，個時既感覺普通，無乜深印象，今次黎到試，個感覺又唔同咗，覺得整體味道上又真係值得再食👍🏻招牌魚腐米線 $50今次無叫豆花米線，反而比佢既自家製魚腐吸引咗，因係門口排隊等入座時已見到佢介紹魚腐係用新鮮魚肉自家製既。米線湯底主要都係有兩款，豬骨滑湯同酸辣，辣度亦可以揀由bb辣到大辣。今次我就揀咗豬骨湯小辣，個豬骨湯飲落偏清淡，唔會好濃好喊好重味精咁，飲落幾舒服，辣油就唔係麻辣個隻，無麻味，但辣度都有一定程度，建議唔太食到辣既可以揀bb辣。米線都可以揀軟硬度，夾埋米線內有既腐皮、芽菜、豆腐卜等好豐富，呢到既米線仲會加咗出面少有既豆苗👍🏻魚腐本身個外皮係炸到金黃色，以為會脆，可能擺咗落湯，食落就已經林咗，不過魚腐裡面既魚肉好扎實，真係食得出係真魚用打出黎，有魚肉味，加埋d湯汁好好食😋對面朋友叫咗豬軟骨酸齋，比咗舊酸齋我試，酸齋麵根夠林，煮得個甜酸味好入味，就算淹咗落湯，都唔會無哂味

兩碗米線一個外賣，外賣平台自取就識開，寫就寫半小時有，最後等足50分鐘。企係門口望住堂食長龍清到0 queue，外賣就一份都唔出，唔知係咪當門口等外賣的客人就唔係客，剩係掛住翻檯出堂食order。問男同事個外賣情況原來完全冇用理都唔理，最後問個女同事唔知係咪老闆娘先肯積極咁入廚房跟單⋯ 但女同事跟完唔洗五分鐘就有？？？？？之前食過幾好所以返轉頭，宜家真係唔洗有下次 因為要餓足一個鐘先等到有嘢食。。。

秋拾米線呢間米線暫時榮獲我最喜歡米線之一🤣❤️❤️佢不論小食同米線，仲有飲品都好好味❤️‍🔥招牌魚腐米線秘制酸辣湯•小辣•麻辣雞球佢嘅魚腐整得唔錯，咬落軟熟得來又有少少口感🥳麻辣雞球係每一次都一定會必食嘅餸🩷🩷辣得來又唔會太搶味～自家製手作蝦多士佢嘅蝦街市每一次嚟都一定要食，公司炸得勁脆，但係外脆內軟，蝦又好彈牙❤️佢仲配埋個街啦，係有少少甜味，令到成個蝦多士勁好食！紅油拌皮蛋皮蛋配埋辣油同蒜頭仲有芫荽味道好夾😆自選配搭米線秘制酸辣湯•小辣•蘿蔔•響鈴•酸甜齋•紫菜•炸醬•肥牛紫菜同響鈴將個湯嘅汁吸曬！非常好食🤤越南炸春卷炸春卷炸雞唔錯，唔會太油膩手拍青瓜🥒兒童鴛鴦•凍•少冰•少甜•多奶特濃朱古力•凍•少冰•少甜•少奶欣賞佢嘅飲品全部都可以調配，去揀適合自己嘅味道

呢間餐廳主打豬骨湯底同秘製酸辣湯底嘅米線，仲有新派豆花撈米線，米線控又多一間選擇啦😍💗秋拾豆花撈米線+酸甜齋+滷水腩肉 ($54)呢度最有特色嘅就係豆花撈米線，將米線撈埋炸醬、酸菜、辣醬、醬油同花生，食起嚟幾惹味，有肉碎嘅微辣咸香🥜面頭再舖上一層嫩滑嘅豆花，令米線增添一份豆香，意想不到地幾夾⚪️另外加咗炆得軟腍入味嘅滷水腩肉同甜酸齋🐷💗慢煮豬軟骨米線+蟹柳+墨魚春卷+魚腐 ($80)招牌豬骨湯湯底鮮甜清淡，米線煮得軟硬適中，順滑吸湯，基本配料有豆卜、腐竹、芽菜、韭菜同翡翠苗🍜 慢煮豬軟骨肉質鬆化，軟骨充滿骨膠原🐷 額外加咗爽口彈牙嘅墨魚春卷、魚味濃郁而且索汁嘅自家製魚腐，仲有蟹柳🦀💗自家製手作蝦多士($24)蝦多士炸得金黃酥脆而且唔油膩，最驚喜係放咗原隻爽口嘅蝦肉，非常足料🦐💗椒麻爽魚皮($30)魚皮超級爽脆，加上青瓜、芫茜同木耳涼拌，越食越麻辣，非常上癮🌶️💗炭燒原塊豬頸肉($48)豬頸肉燒至表面焦脆，厚肉爽嫩，蘸上泰式魚露辣醬非常惹味。最重要係大大份夠晒抵食🐖

最近去咗一間新餐廳，試咗佢哋嘅招牌魚腐米線。湯底濃郁，米線Q彈，魚腐滑嫩，真係超好味。仲有招牌豬骨湯，湯底鮮甜，有豐富嘅骨膠原，真係好想吃多碗，不過太飽了自家製手作蝦多士非常香脆，蝦肉新鮮多汁，每一啖都好好味，蠔油生菜新鮮爽脆，蠔油嘅香氣同生菜嘅清爽好味😋

秋拾米線@新蒲崗🪡新蒲崗康強街34號康強洋樓A座地下8號舖💰$50-$70最近新工係新蒲崗返工，聽聞新蒲崗係米線天堂，每次放lunch經過都係大排長龍。menu最特別係豆花米線，價錢抵食，有興趣可以一試。🍜招牌魚腐米線 $50配料有魚腐同豆卜，額外再加咗墨魚春卷，墨魚彈牙有咬勁，湯底係配有招牌豬骨湯，湯底清甜，米線份量足，以價錢嚟講絕對係性價比高，推薦推薦！🍜炭燒豬頸肉米線 $64豬頸肉肉質滑嫩，炭香濃郁，口感絕佳，多款麵底選擇，最正可以揀薯粉，仲可以揀麵爽啲/淋啲。湯底選擇咗bb辣酸辣湯，酸酸甜甜都好開胃，越食越上癮。

晏晝叫招牌魚腐米線 （豬骨湯）外賣自取，等咗成半個鐘。仲要攞到翻公司打開先發現冇魚腐，得淨米線......打電話去問，間嘢叫我再行去攞，因為冇人手送嚟。好，咁我退錢，但又唔退足，計我淨米線 $37，一D賠償都冇

聽講呢間嘢好出名，排晒長龍，所以lunch time 同同事嚟試下。12:30排到12:52，終於到我地入座啦。由於lunch time只有一小時，我地坐低用咗1分鐘就落完單啦，之後就開始漫長嘅等上餐之旅。一直等等等，直至13:20我地見到遲過我地入嘅客人都上咗餐，我就問侍應我地張枱仲要幾耐，lunch time只剩10分鐘。我話：你最起碼都上住杯朱古力俾我飲啦！佢望咗一望，話我冇落單，所以佢地冇出朱古力俾我。然後我show咗QR code頁面俾佢，顯示我地一早已落單，佢冇出聲，然後走咗去攞杯朱古力過嚟。呢個時候，我再問佢係咪甩咗單？係咪嘢食同朱古力都甩咗單？佢答我唔係，只係客人多整唔切，好快有得食。再等到13:26，我地同佢講，我地lunchtime完啦，請問仲要幾耐？佢好惡咁話：你地冇落單喎你地要送出訂單🤬🤬🤬我駁佢，我地排隊等咗22分鐘，入嚟落單等咗你33分鐘，而家你話我冇落單。佢又改口風話而家即刻整返俾我地，當然我地係拒絕啦，最後浪費咗1小時，食咗成肚火，慘到趕時間要咬麵包😭呢間嘢無論有幾好食，都冇下次！甩單都算，我提醒你甩咗嘢飲嘅時候你應該要察覺到自己甩埋嘢食啦，仲要死撐！到

每次用apps order 必定遲，要再等10-15分鐘！仲有成日漏野、錯野！今日仲過分，遲左30分鐘，最後cut order! 冇咁大個頭唔好接咁多order la!!!!垃圾餐廳！

✨新蒲崗人氣抵食米線。假日午餐排隊排2行🙃十分有秩序，店員好爽利。食過幾次都穩定發揮😎佢個辣可以辣得好過癮。唔止米線，仲有啲小食都唔錯，野飲都好多選擇，店員💡必點⭐️ 秋拾豆花撈米線 HKD40 特色米線，豆花本身豆味濃，建議唔食得辣嘅都可以揀bb辣，超級惹味🥰，加上本身都有花生肉碎，營養都夠⭐️ 慢煮豬軟骨米線 （豬骨湯）HKD50好少食到間米線舖轉軟骨咁腍。佢個豬軟骨超腍超入味，配菜勁豐富，食完唔口渴，應該好少味精。⭐️ 炭燒原塊豬頸肉 HKD48呢個真係惹味之選，必叫❗️最難得嘅係佢炭燒豬頸肉唔會整到邊位好燶，燒得啱啱好脆邊⭐️ 自家製手作蝦多士 (2舊）HKD24呢個又邪惡又好味，新鮮現炸，多士卜卜脆，麵包炸得金黃，香味洋溢。聞到後就算係飽都想食兩啖🥲🥲⭐️特色檸益 HKD15高質四片檸檬加檸水加益力多，全杯酸酸甜甜，好開胃，最岩食到半飽飲返啖～💁🏻‍♀️個人認為如點小食，扣底對女仔嚟講份量都多，可以分享一碗麵加點小食

米線據說源於雲南，已有逾百年歷史。小編之前就同大家介紹過兩間主打小鍋米線既小店，而今次小編就帶大家黎到新蒲崗，同大家介紹一間「港式米線」小店 一 秋拾米線 @🌟八味豆腐 $26炸得金黃之餘，外酥內嫩🤤👍🏻🌟越南炸春卷 $24炸春卷，口感酥脆🤤👍🏻👍🏻🌟炭燒豬頸肉米線 $64炭燒豬頸肉偏泰式，口感偏香脆之餘帶炭香，搭配清湯米線🤤👍🏻👍🏻🌟自家製手作蝦多士 $24經典港式名物，可惜越黎越少地方食得到，蝦多士炸得金黃酥脆，蝦肉肉質彈牙🤤👍🏻.📍秋拾米線地址：新蒲崗康強洋樓A座地下8號舖#新蒲崗 #秋拾米線 #米線 #蝦多士 #留港消費 #支持小店 #港式米線 #八味豆腐 #為食關注組 #覓食新蒲崗 #食在新蒲崗 #炭燒豬頸肉 #越南炸春卷 #香港美食地圖 #新蒲崗食乜好 #炭燒豬頸肉米線 #九十後行到邊食到邊#HKIG #HKIGER#HONGKONGFOODIE

米線真係香港人嘅Comfort food，講真食連鎖店都有啲食到悶，所以鍾意發掘吓啲小店米線。秋拾米線都有好多YouTuber介紹過，今次食完就真係覺得非常物超所值，講緊一碗豆花撈米線都只係$40 ，花生肉碎同埋芫荽嘅份量都唔少，暖暖哋嘅豆腐花配米線係好夾，我揀咗小辣覺得啱啱好，食到個豆腐花香味。知道呢度有一啲招牌菜，例如魚腐，口感都非常順滑，有魚味，食完好滿足。如果食湯米線我覺得可以試吓轉通心米線，因為唔係度度都有得食，又夠掛湯。配料我會推介雞球同埋墨魚頭，真材實料，你去譚仔食唔到啊。另外非常欣賞佢嘅椒麻爽魚皮，個麻辣好夠，而且配埋青瓜，又爽又脆夠過癮。自家製蝦多士非常適合鍾意香口嘢嘅人，隻蝦大大隻， $24兩大塊都真係非常難得。呢度啲嘢食份量都非常之大，我哋叫咗個上湯娃娃菜， $20好大碗！呢度係民生區，平日夜晚嚟都預咗要排隊，不過見到流轉都好快，唔驚等太耐，另外都可以考慮外賣。見到佢生意做得非常好，咁嘅價錢，再加咁嘅質素，絕對係有原因！