秋田日本料理 (已結業)

《別了秋田》對於秋田，可能有些人覺得它一早就應該關門。或許不好吃，或者種種原因，是因為立場問題嗎？我不知道，很多人說它已追不上時代了。不關干麼？但以往本區未有好多日本料理，數數只有惠比壽、明將、青森時。手頭有錢就去惠比壽，但我常去秋田的，因為價錢相宜，坐得舒服，吃港式日本料理都不錯呀。港式日本料理，牛肉同蛋煮得過火，還是咖喱吉列豬扒飯最好吃，炸蝦天婦羅，蝦選料比以往更吝嗇，從而令粉漿更厚。以往還有章魚小丸子吃，現在沒有了，我想每一間店都有終結時，吃到此就是純吃一種回憶，以往吃好好吃，是因為我們那時不懂吃日本料理吧。到懂吃時已經好不同了。變的是自己而不是它。始終由少年吃到現在，是港式日本料理也好，屯利街老闆云云亦好，起碼秋田亦給予自己一個回憶。而此回憶經歷年歲增長，只想吃下了它，以免忘記渡過快樂的時光。人生聚散似平常誰能預料但我卻難忘往昔分秒與你曾留下的歡笑情感是滿載痛苦與奧妙又再次停留呆望這錶可惜你今天已別去了曾經藏著的愛情卻不敢承認如今問誰來做證只得風聲冷冷的呼應只想說讓時間做證了，秋田亦見證著我的成長。莫問前程吉凶，但求落幕無悔。總有終結時，512後再見，珍重。#秋田日本料理#說我

無期望所以無失敗，因為响附近落車，因為太肚餓，因為佢有位，所以入咗去試，响門口見到menu個價錢，都已經估到係港式日本料理，所以我哋醒目無叫刺身同壽司，叫啲穩陣嘅熟食。🥢炸軟殼蟹 $60 ⭐️⭐️⭐️$60一隻軟殼蟹，會唔會索價太多呢？幸好蟹都算大隻，炸得幾鬆脆。🥢照燒雞扒 ⭐️⭐️雞扒入口比較鞋唔juicy，小食炸雞同小丸子正常發揮。🥢肥牛炒烏冬 ⭐️⭐️肥牛無味，烏冬係噹噹貨，整體只得豉油味，幸好有芽菜增添口感。二人共消費：$183

本人從來無發表任何食評，但今次真係忍唔住喇！
我人生中從來未食過如此難以入口的食物，唔知個廚師係咪想報復店家，正常一個人想將雜菜整到咁鬼難食都需要d技巧。三文魚壽司🍣好大腥臭味，我係埋完單之後好聲好氣同服務員講：可能要檢查下係咪有部分三文魚可能已經變質，對方竟然好臭串答我：今日咁多人點三文魚都無人出聲！！！我再問佢地有無OpenRice等外賣平台，佢話無，好彩我唔死心都特登download個app搵下，果不其然，此店一向諸多負評！今時今日咁既服務態度真係唔得咯！

想食日本嘢，上網睇過OpenRice都唔抱有好大期望叫咗個鯖魚定食，炒雜菜，三文魚壽司，甜蛋壽司同粟米軍艦鯖魚一個字，腥感覺就係好唔新鮮，亦都唔係搵一個真係做廚師嘅煮啲飯同條魚都唔熱一定唔係即刻燒俾我加上湯好喊，飯正常個炒雜菜好鹹全部壽司同你喺7–11買嘅一樣見到個賣相就知唔吸引連個甜蛋都可以唔好食呢啲相，我用部iPhone影已經靚咗，真實嘅顏色係好蒼白，真係見到你都唔想食有人話呢個係抵食結果買單都要$210 又唔好食，又唔抵食奉勸大家諗過先好食

【屯門區】【秋田日本料理】今日入到嚟屯門，唔知去邊度食嘢好，諗起之前都喺呢頭食過幾間嘢，好似有幾多餐廳，所以就走咗過嚟。嚟到之後發現原來好多自己都食過，剩返有啲又冇開門，因此呢我當刻都有啲一籌莫展，就喺呢個時候經過呢間。見佢個門面好有日式料理感覺，不過亦都係似香港式嘅嗰種日本餐廳。唔好以為呢啲餐廳就一定係選料平庸、製作馬虎，有時呢啲小店會畀到驚喜，甚至價錢都唔貴。然而，做人最忌假設，所謂「百聞不如一見」，就入去啦。首先入到去搵個位坐低，可能客人唔多，除咗一入去嗰吓因為我存在感過低所以完全冇人見到我之外，其餘時間招呼尚算殷切。睇 menu 都冇諗太多，就諗住叫壽司嚟食，都係叫啲雜錦壽司比較穩陣，之前我都試過係咁。叫咗十件「雜錦壽司」，$82 係包括四件三文魚壽司、兩件立魚壽司、兩件蟹籽壽司、兩件呑拿魚沙律壽司。都真係比較一般，所謂嘅立魚壽司都係比三文魚壽司多啲鮮味咁解，而個呑拿魚沙律同蟹籽都幾濃，整體正常嘅。之後就梗係睇有咩小食，食啲串燒之類都好吖嘛，不過佢好似冇，唔緊要，叫個 $47 嘅「牛油炒雞腎」嚟食，整得偏細粒冇咗厚切感，但係可能本身個食法係咁，之但係佢醬油味勁過牛油味就令我覺得

本來諗住好又一餐，唔好又一餐，明知呢間嘢質素唔太好都照行咗入嚟食，因為大家都話都係做街坊生意。不過入去之後真係好失望，未食過$95一個牛扒定食會攞街市$15塊個d質素出來賣🤮本身諗住就算差都未到咁過分，但係望住塊薄切切又乾既牛肉片，求其落d醬油都算，最好笑牛扒定食配沙律醬，好似點豬肉乾咁🤮🤮🤮🤮🤮🤮🤮🤮🤮🤮🤮🤮🤮🤮🤮如果可以嘅話真係希望呢間餐廳正視呢個食物質素嘅問題🙏🏻🙏🏻

細個有去依間日本餐廳，也過得去耐無去咁啱今日經過，諗住去回味下點知。。。。豬扒：薄如紙，得鹹味，炸粉比豬扒厚，入口一口粉滑蛋：無汁乾炒蛋爛白飯衰過街邊學生餐難食到不行

秋田日本料理放假有時真係好懶，唔想四圍行又唔想諗食咩，就會去屯門呢間屹立多年既秋田日本料理食午餐。餐廳係屋邨日式料理裝修，地方比較幽暗啲。不過一入去就聞到好熟悉既味道，畢竟食咗咁多年。照燒雞扒大碗飯，雞扒燒得好靚仔，少少焦邊，好香口。而雞扒又唔會過熟，肉質幾嫩滑。簡簡單單，燒汁，雞扒，菜同白飯，好滿足。但飯有少少硬，如果冧少少會更好。壽司拉麵餐。呢個雜錦餐真係咩都有，三文魚壽司，辣螺肉，炸餃子，嗚門卷等等，品質正常。 而拉麵係港式拉麵，食落幾爽口，好唔錯。

今次就同朋友食咗呢間日本野，佢坐嘅位置都幾寬敞，食落去都幾舒服嘅，店員嘅態度都好好，店裏面仲要播Mirror嘅歌，適合過嚟食下野，傾吓計。-1.汁燒牛扒定食 $62首先佢送咗兩舊三文魚壽司仲有一碗麵豉湯同嘢飲，三文魚食落去都幾滑，唔會好硬咬唔開，汁燒牛扒充滿着日武嘅蔥香味，仲有啲燒汁作為配搭，肉質同燒嘅質素都啱啱好，唔會太老而且可以點沙律醬食，別有一種風味。2.牛肉生薑燒定食 $62首先牛肉食落去都幾滑，而且有啲薑蔥蒜嘅汁，適合鍾意撈飯嘅朋友，生薑仲配搭咗少少蔥，因此味道唔會太寡，章魚燒嘅份量都唔算好大，除咗一粒細細的八爪魚看到其他都係粉漿-

今次嚟到屯門食晚餐，搵到間超正嘅壽司，真係好抵食！叫咗好多嘢食，最推介嘅始終係上面呢三款1️⃣龍蝦沙律壽司紫菜係脆既，呢樣已經值得表揚😂😂😂 龍蝦沙律整左做一粒粒，好爽口😋😋2️⃣花之戀三文魚出奇地肥美！🐟🐟🐟3️⃣海膽海膽壽司$40蚊左右，唔算貴，但見到係成舊壽司面都鋪滿海膽👍🏼👍🏼服務態度好好，主動refill 茶，又好快上菜，店內幾滿都唔會趕人！💕💕💕 所以今晚食得好開心🥳

日本菜一般都不便宜，但係居然比我找到一間在屯門區，好抵食的日本套餐。日本風味，沙律，湯，主菜-齊全，超抵！壽司🍣大件得來又新鮮！雖然間舖真係有點舊，如果有錢就裝修下啦，咁我哋會繼續幫襯呀！

秋田是中學時代經常的聚腳點。那時候沒有錢，一想到去吃日本菜，就會異口同聲去秋田。價錢實惠之餘，又大大碗飯。最為深刻的，就是金菇肥牛超多汁送飯，也真哭笑不得。說起秋田，就想到跟三位老友聚一聚。現在各有各忙，其中一位朋友在大阪生活，也想疫情快點過去，等你的回來，好讓我們四個可以再吃個秋田，碰碰杯子，大吃大喝一番。秋田的雞排飯外脆內軟、皮嫩肉滑，不會有種雪藏的味道，懂的人一定會指定雞排大碗飯多汁。說起來環境十年不變，也夠懷念。這次特意帶老婆來，細說當年，懷舊一下，原來當年你經常來這裡吃飯，說不定這十年，我們已一早見過，就曾經坐在附近。

炒野菜牛肉好味，免加一，平價之選Lunch 抵食過夜晚，全日免加一，lunch set有好多小食，包熱飲都係60蚊，算平。而且餐單都多選擇，可食拉麵，壽司，定食等，下次會再黎食。食左個炒野菜牛肉定食，炒的岩岩好，唔會好多油，而且定食有兩件三文魚壽司，一粒八爪魚丸，前菜係中華沙律，豐富又樣樣都食少少，覺得都唔錯。 三文魚又幾大件，雖然味道都係一般三文魚壽司，但咁多款式已經物超所值。下次會繼續過黎食，免加一覺得好抵。

與朋友在商場內逛完，選擇到秋田吃晚餐，知道秋田在此開業很久，今晚是第一次來吃。可能時間早，不用候座。不想吃定食和拉麵，選擇吃壽司及其他小食有雜錦天婦羅，牛油焗金菇，燒笳子，串燒鷄肉。壽司好凍，不過三文魚幾好，色澤夠深有紋。刺身切得厚度適中。雜錦天婦羅，炸得適中，不會太厚粉。下次再試吃定食及拉麵。

華都商場入面嘅食肆其實經常幾年就會轉手，介紹得嘅都可能係近期先開張。已依間就係經得起時間的考驗，仲依然存在的餐廳，當然要試下睇下有無咩特別先。餐廳嘅裝修都比較近日本風，當日我就係食午餐，午餐都有唔同嘅set lunch比大家簡其實仲有背面，但我唔記得影今次我同我朋友就食咗以下嘅set lunch 分別就係雜錦拉麵同埋豚肉生姜燒，拉麵就較為普通，但個豚肉生姜燒就好有驚喜，佢地將洋蔥煮到勁淋，而豚肉就很入味，我拎嚟送飯簡直一流最後我哋仲帶咗個蟹子沙律，食完真係好滿足呀！我地2個人都係食咗150到，都算抵食啦！