秋田日本料理 (已結業)

秋田是我覺得在田門區内，最抵食的日本料理啦！特別系午餐…佢地有十幾廿款選擇…拉面…日本咖哩飯…刺身飯…同埋不同的豬…牛…雞定食…梗有一種適合你！壽司,刺身，和日本小食都有～午市套餐还有咖啡奶茶叫…都好飲架店员都好nice,食都食左八…9年…吾好早就收左皮啦！？我都吾明點解會有人俾負評！

隔離商場太多人，所以過黎一條馬路之隔既舊商場，原來都幾多野食啊！ 呢間鋪keep住都有人， 但又唔會full house， 其實都幾好，即係唔洗等位😆睇餐牌就唔太吸引喇！ 唯一吸引既係海膽壽司、三文魚子壽司既價錢囉！ $24有兩件喇！ 即管試試啦！ 一黎到，我雙眼發左光，好多海膽，好比貨呀！ 三文魚子都係，但本人比較鍾意食海膽，所以focus左去果度😆😆 。 不過壽司飯就一般，有啲硬同淡我地二人仲叫左個鰻魚炒飯 （不過不失）、炸軟殼蟹（$35唔貴）、蟹子沙律、同埋散叫少少壽司啦全日免加一，算係咁啦！

從來未試過寫食評，突登開户評論這間店舖，雞扒臭雞雪味十足又硬又實又臭又死咸，燒汁少得可憐，還以為自己吃白烚雞肉，見到都無食慾，只是萬估不到雞排咁行貨都做得那麼差，飯又硬，拉麵的湯及麵，衰過自己在家煮的即食拉麵包，吃後最慘係成口重味精，食物時間又等得久但又沒有質素，落單及結帳的職員態度又差，黑口黑面，把客人當仇人般對待，假如各位喜愛貼錢買難受的話，本人建議大家必須要惠顧！😡😡😡😡😡😡😡😡😡😡😡😡😡

除咗豉油西餐，香港都會有d家庭式日本料理。上星期經過見到，可惜肚痛，唔方便試食 ，今日食。午餐有定食選擇，我叫豚肉生薑燒，老公叫照燒牛扒定食，包麵豉湯，漬物，三文魚壽司2件，一粒章魚燒，同主菜，一碗白飯。麵豉湯，漬物正常。三文魚壽司似家庭式煮法，飯冇落醋，三文魚冇味。章魚燒入面冇餡，得粉漿。生薑燒夠味，洋蔥炒熟好入味，白飯就可以再乾身d。坐位都唔錯今日可以坐近牆位置，不過唔算好闊，仕應人手就唔算多，都要等咗一陣先落到單，環境都算整潔。整體唔太差，老公話可以再試佢地其他野。

最近喜歡去華都商場尋找美食發現了這間秋田 日本料理餐廳我和同事們大約8個人左右, 幾乎不用等候便有位置不是沒有顧客, 而是餐廳空間寬敞環境方面就如上述, 餐廳空間寬敞, 食物方面由於是午餐, 所以價錢不昂貴人均消費大約50元左右我點了一個燒汁雞扒大碗飯, 質素中等, 但份量很大同事們叫了定食, 力推金菇肥牛卷。味道很足夠而且燒得很香另外每個定食也配上一粒章魚燒丸子, 一碗麵豉湯及一份中華沙律水準都是一般。另有一杯餐飲下次會試試這裡的壽司

星期六食晚飯諗住市廣場難搵位，索性係樓下秋田食日本野，秋田係華都有20年喇，諗住應該唔會咁差，我地一行4人叫咗三文魚，帶子，鰻魚壽司，金姑牛肉卷，扇貝拉麵，炸豬扒烏冬，炸豆腐，壽司同豆腐都可，但其他就中哂伏，金姑牛肉卷係一早正定，牛肉色澤已變黑還凍冰冰，炸豬扒都是一早正定，除凍冰冰外沒有味，兩碗麵不夠熱味道一般，終於明白為何星期六晚飯此餐廳還有這麼多位，中伏。待應多過客，不明白待應同廚房都沒事幹，為何要一早正定食物，究竟我嚟咗間餐廳還是去咗食快餐，如果你趕時間這間餐廳啱你，快過大家樂，叫咗落單唔使一分鐘即刻上菜，快到嚇死你，食物凍冰冰。

再去秋田 今日食午餐屯門好少有日本料理 係有咁多選擇一般連鎖都係得嗰幾個餐 呢度好多選擇 拉麵 飯 炒飯 定食 壽司乜都有 都係40-60蚊 食左個雞扒定食 仲有三文魚壽司 五十幾蚊有湯有前菜 有小食 仲有杯野飲 不錯

初四晚上約左朋友食飯之後睇戲想食壽司 但住屯門都知 元氣一定好多人 自從一壽司執左後都無咩日本菜可以食壽司又可以食日本料理我地叫左d 壽司 一盤上 一睇都覺得好過元氣 起碼完整 個面料係包得哂舊飯 唔似得元氣嗰d 甩皮甩骨連片三文魚都遮唔住舊飯呢度d 壽司都幾大舊 但舊飯唔會一夾就散食材都新鮮 你睇個三文魚都係鮮橙 唔係暗紅色帶子鮮甜 夠大粒 不過略嫌 飯唔夠醋同甜之後我地仲叫左個雞扒定食 正常 雞扒唔乾 飯唔爛仲叫左個雞軟骨串 呢個就細串左少少

基本上成日都去食平時成日食汁燒牛扒定食還介紹別人食今日再叫但牛扒非常之韌咬極唔開完全不是正常水平與waiter講就話是錦的啦再冇跟進十分失望其他壽司、小食等就普普通通啦午餐價午餐貨色

同朋友行開屯市又唔想食連鎖餐廳，決定去華都食秋田。2個人一坐抵望住餐牌真係好難揀，樣樣都好想食，價錢又唔貴。最後嗌左吉列豬扒拉麵，豬扒好厚，一啲都唔厚粉，仲叫左幾舊壽司同餃子。成餐飯食到好滿足，食秋田完全冇揀錯。

中學時代成日食嘅一間店舖估唔到咁多年黎價錢都無咩變過😍壽司拼盤 $48 包熱飲加$3有支裝汽水 勁抵前菜有蟹子沙津，麵豉湯有三文魚x2, 加州卷x2, 北寄貝x1，甜蝦x1份量黎講真係好多😋😋用料都好新鮮👍👍屯門人回憶呀😍😍

一個人食晚飯已經好dry,如果仲要食物質素唔好就更加心情糟糕。。所以我決定搵返間過得去既～ Er.....平日牙媽煮既中餐食到厭厭地，難得出黎食就當然想轉下口味啦～ 今餐就食-日風的吧，決定左就行左入去秋田。我叫左碗最普通不過既：豬軟骨拉麵唔好睇佢賣相普普通通 冇咩特色，我反而覺得：最普通以及簡單既食材反而係最好味的，相對廚子來說更是考牌了。食拉麵時我有一個少少的壞習慣，就係唔會一黎就食麵先，我會用湯匙小嘗一口（雖然估到係味精湯黎），但味精得黎都要睇下掩飾得好唔好，最起碼唔會覺得味道古怪吧！至於鋪係麵上面既昆布係干的，食之前要用湯浸一浸先。再黎睇下主角：豬軟骨～～ 雖然不稱得是上乘，但幾乎每件豬軟骨都係有2「舊」軟骨黏住架～ 再咬一口，簡直係咀嚼感十足，對於本人黎講 好過佢比多2塊肉我，食起上黎 罪惡感都少D

一條友去完吉之島家品部買野，行出商場對面見到間日本料理，行去昅下有一人前晚餐喎，就入去試下啦！晚上八點多餐廳食客唔算多，睇完餐牌最後決定一人前晚餐。壽司單點價錢經濟套餐有三件壽司及三文魚刺身三片仲有一大碗什錦拉麵，有八爪魚，雞中亦，兩隻餃子，碗麵都算大碗。對於我一個女子，呢個套餐我食唔哂，$91加$6可以配飲品，我配咗玻璃樽可樂唔收加一，埋單$97。食日本菜都唔算貴食物質素無咩特別，我覺得碗拉麵有少許咸

今次係一人行，因為太晏都未食野，所以呢就立即去秋田食tea……因為個陣已經係4點La一入到去都超級小人，所以可以求其揾位坐如果平時大家係lunch time時間去通常都要等位，如果係1-2人有時唔洗等架！！基本上我去秋田食飯食左唔小次，所以呢篇食評會一次過介紹好野比大家，請注意……推薦食物:三文魚炒飯 份量多（有雜豆，可以要求走豆）牛肉生薑燒定食牛肉炒野菜定食炸軟殼蟹 $35 以呢個價錢，質素算可以la，份量都ok~午餐定食包括 ： 小食，沙津，麪豉湯，飲品（凍飲 +$3-5），另+$13 有2件三文魚壽司晚餐 價錢 貴d，但定食既餸分量會多d**建議大家“唔好食” 拉麵……我個人覺得真係麻麻**壽司質素超級普通，所以大家可以專注食定食

因為小學中學都喺附近，所以基本上秋田係我童年回憶，真係細細個食到大。眼見屯市嘅餐廳轉了又轉，華都底層嘅餐廳就相對比較長做長有，秋田點解可以屹立不倒？其實講味道真係非常一般…哈哈。不過價錢平，服務都算唔錯，係區內嘅平價港式日本料理，有時諗唔到食乜都會過黎，雖然我身邊有啲朋友話好垃圾，哈哈，我個人覺得還好。黎秋田通常我都係食熱食，因為佢地嘅壽司真係一般般，飯係好大舊，而且硬身 (晚市比較好，飯冇咁硬)。熱食當中我通常係揀呢個豚肉生薑燒定食，最正常無伏…一份定食連湯、小食、飯、熱飲，午市大概$55，晚市食大概$70，無加一。