秋田日本料理 (已結業)

除咗豉油西餐，香港都會有d家庭式日本料理。上星期經過見到，可惜肚痛，唔方便試食 ，今日食。午餐有定食選擇，我叫豚肉生薑燒，老公叫照燒牛扒定食，包麵豉湯，漬物，三文魚壽司2件，一粒章魚燒，同主菜，一碗白飯。麵豉湯，漬物正常。三文魚壽司似家庭式煮法，飯冇落醋，三文魚冇味。章魚燒入面冇餡，得粉漿。生薑燒夠味，洋蔥炒熟好入味，白飯就可以再乾身d。坐位都唔錯今日可以坐近牆位置，不過唔算好闊，仕應人手就唔算多，都要等咗一陣先落到單，環境都算整潔。整體唔太差，老公話可以再試佢地其他野。