科記咖啡餐室

營業中

休息中

每次經過都多人排嘅餐室，所以今日同同事黎試下，12點40到都幾快有位，少少似澳牛，一坐低落單姐姐行埋黎問食咩，我地當時未有餐牌，要睇陣先，佢好快比左餐牌我地，我地望左兩眼就話金牌豬扒飯，我地話其他要再睇睇先，姐姐話有咩快啲宜家落埋，咁就好快咁話加多個奶油多飛邊啦豬扒切哂上幾方便食，黎到同我想像中有啲唔同，以為係蔥油豉油豬扒，原來係佢地自己較嘅汁，少少甜同咸咁，普普通通食落又唔係話好鬆化，我諗多人食因為快同唔算貴掛，57蚊到奶油多原來係單層，唔覺好多煉奶同牛油味食完有少少油煙味

呢到豬扒飯聽講好出名今日平日午餐12:15分黎到，好彩仲未開始多人煎蛋豬扒飯$56 +飲品8-10 蚊煎蛋豬扒米粉$48 (+1另碟上)今日唔太想食飯所以叫左米粉，豬扒好夠味，香料椒鹽味好重，咸味岩岩好肉質有肥有瘦，我鐘意邊邊啲肥位 勁林勁香口🤤不過瘦既位置略嫌有啲乾隻蛋係太陽蛋😍加埋老抽豉油好正 不過隻蛋幾細隻下見隔離個男人叫三隻蛋😂😂好似一隻加幾蚊米粉都幾大碗，無乜特別覺得豬扒蛋都係跟飯正啲🤔🤔

焗豬扒飯🤓連鎖餐廳頹飯首選🤭，但係價錢賣到一啲都唔頹，仲好貴添😝炒飯底就將雞蛋攪勻，倒入冷飯裏面，令到每粒飯都沾滿蛋漿豬扒兩面金黃熟透，條鋪喺炒飯上面。落埋蕃茄意粉醬，用生抽、黑胡椒、鹽調味，炒到圖中嘅狀態，就可以鋪喺啲豬扒上面㗎喇。蕃茄🍅擺係啲醬上面，芝士🧀，仲刨左啲硬🧀喺上面😝😝芝士溶化，令到芝士焗到好焦香。嘔心瀝血嘅蕃茄焗豬扒飯，比起出面食嗰啲硬係爭少少味道😅但係冇問題啦，真材實料，總之好食就得啦😋😋

科記：由細食到大，鍾意入邊嗰個感覺、皆因有老人家、感覺好舒服。馳名豬扒個人認為未必必食，因為佢個豬扒啤水唔夠、所以食落去充滿雪味、個人會推介佢嘅沙嗲洋蔥鮮牛多、即叫即整，等待嘅時候你會聞到香噴噴嘅沙嗲洋蔥味，令人食指大動，如果你好掛住英國或者意大利睇波之前嗰啲即叫即整洋蔥熱狗街邊攤檔的話、洋蔥會出水、但麵包竟然沒有變濕問題、牛肉厚身、料多唔知以為食緊牛柳，呢款多士全香港可謂佢獨有，必食之選。Wagymafia 一份和牛三文治多盛惠HKD 1200 , 科記收你$40 ， 我就揀科記啦唔知你呢「笑」綜合計算如果你去科記係為咗尋找茶記味道，你可能會失望、因為我覺得佢偏向「家」的味道

今日喺中環上環呢一邊食飯，想搵間出名啲好食嘅餐廳，就係OpenRice度search，咁見到好多人都推薦呢一間既豬扒飯，咁就心思思去試吓🤩去到已經見到條人龍好長，但係下定決心要食嘅我都決定等落去！！最尾真係差唔多等咗九個字至一個鐘🥲所以大家要去食嘅話真係要預足時間咁就毫無疑問咁嗌咗佢個招牌嘅豬扒飯同埋一杯熱奶茶，豬扒飯係幾好食嘅，啲豬扒好新鮮，食落唔會好硬身，又唔會冧啤啤咁，口感幾好嘅👍🏻👍🏻同埋啲豬扒都幾有豬味，唔會話唔知放咗啲乜嘢肉入口度🤣👍🏻同埋杯熱奶茶都幾好飲，好順滑既👍🏻同埋飲晒成杯個口都唔會好澀😍😍總括來講，啲嘢食質素唔錯，但係如果要排咁耐就未必會食下一次😂

打風日，超級熱的上環。下午茶時段好肚餓又想飲杯凍嘢，幾條街行黎行去都係去返科記。老闆娘依舊溫柔體貼，咁熱的夏天冷氣依然涼浸浸。下午四點雞翼賣曬，唯有食豬扒麵。豬扒麵個個人客都一定幫襯過，一塊實在的豬扒煎得香，有少許焦落係湯麵上面，肉質唔係多汁軟淋淋果款，係港式口味，阿媽住家個種，食完會痴牙，就係呢種有咬口、慢慢食落有味道。凍奶茶一絕，茶和奶分佈平均，茶底純香。一個人黎食就會進入兩難局面：要檸茶定係奶茶今次必必必推介係「黃山炒蛋多士」即係蔥火腿炒蛋治焊底一咬落去多士脆邊鬆軟，個黃山炒蛋一d都唔油、蔥炒到剛熟、我食第一啖時完全對眼碌大左一倍，用手掩住個嘴咁望住我老公然後講左一句「我要嫁比個蛋治」我老公從來唔食麵包邊，好彩我無飛邊，先可以食埋他食剩的邊，都係咁鬆脆好味我好想坐耐d,但係八號風球打到黎好趕返屋企。

地鐵站出黎，行完一條又一條小斜路，終於黎到科記豬扒飯。聽聞老闆娘年紀已經唔細，仲親力親為。1點黎到，門口唔算太多人排隊，多數外賣。老店黎講，店舖坐位唔算背貼背果種。黎到食豬扒飯係必須嫁，睇你簡菜遠、芽菜、洋蔥定金牌豬扒飯。我地今日叫左2碟菜遠豬扒飯同一碟金牌豬扒飯，每碟加一隻蛋。所謂菜遠，係菜心鋪滿成碟飯嘅面，超正，勁有誠意。蛋都煎得唔錯。重點係豬扒，豬扒夠入味，唔會鞋口。而豬扒飯個鼓油汁唔會係甜甜地果隻，我幾鐘意喎。香港依類老店愈黎愈少，食完埋單連2杯野飲，一共$230左右。好味得黎，仲係食個情懷。開心！

Known for its iconic pork chop rice, For Kee is the CCT (cha chaan teng) to go for local comfort food when you’re in Sheung Wan. There was a long line of regulars and tourists when we came for late lunch, but luckily the queue moved quite quickly. All the staff were really friendly and accommodating - plus there’s even an English menu for foreigners. The pork chop was ridiculously tender and substantial while I absofreakinlutely LOVE soy sauce on plain old white rice. Our only complaint is that

網上見到吳催老店咁就要回一回啦😉呢間出名豬扒就叫個豬扒包餐$44首先講下名物 豬扒包包做到脆口，但口會太熱一到就食得入面就有豬扒➕蕃薯➕沙律醬豬扒就無網上講到咁好食但係 有咁上下功架香 脆 重有少少肥位所以豬扒係及格之上👌🏻熱奶茶order時就問要吳要➕糖黎到好熱等陣先入到口正常糖既感覺甜多左少少飲吳太到茶正常既茶記奶茶結 :可以間中黎下感覺下老情懷p.s店不是hea住做所以吳催得而係 用心對客會問到 D點配解釋詳細可以煮熟D，爽D等又可以要求切碎D咁坦白說一般店為左快又點會咁做所以只可以用心對客而客又老人為主#奶茶#豬扒包#科記咖啡餐室

最近轉左工黎上環返工，一直好憧憬上環呢個地方，有好多有歷史嘅餐廳店舖，所以趁呢個機會想好好探索呢個地方。係網上睇到好多人推薦呢間餐廳，openrice 都有好多笑哈哈，於是決定試下。呢間餐廳最出名係豬扒飯（$49），梗係要試下。另外仲嗌左個蛋牛治（$16）同熱奶茶。做晒資料蒐集知道要等好耐，於是一早打定過去嗌外賣攞返公司食。返到公司一打開個外賣就知上當了。個豬扒飯份量係唔錯，但就只係普通煎豬扒加個好普通嘅生抽汁。啲豬扒懷疑鬆肉粉落太多，食落好梅，咁嘅質素都可以叫招牌仲咁多人讚真係有啲難以置信。跟住到蛋牛治，塊蛋薄過紙，普通茶餐廳一份蛋牛治起碼都用兩，三隻蛋去炒，但佢應該用得一隻蛋。咬落去淨係感覺到塊包，完全食唔到有餡嘅感覺，真係會唔會孤寒左少少。不過我都唔係咩都彈，杯奶茶係唔錯嘅，唔會太甜，奶味茶味幾平衡，叫可以接受。或者係本身期望太高，我作為一個對食物無乜要求，求其乜嘢都擺得落口嘅人都食得出咁多問題，呢間餐廳可以有多人推薦真係令我百思不解。不過一間餐廳偶有失準都係常事，或者我會再做多次水魚，比多次機會佢，但如果下次水準都係咁，真係永遠唔會再返轉頭，呢個世界仲有更多更好嘅餐廳可以選擇。

📍科記咖啡餐廳 @ 西營盤重油重味🤪傳統茶記碟頭飯٩(^ᴗ^)۶ღ 豬扒飯餐加太陽蛋 $56+$5西環一向好多老派冰室 估計求其入一間都冇死😆 科記唔例外 平日放飯時間人頭湧湧招牌豬扒飯絕冇欺場 有成兩大塊 份量十足食落好鬆軟 半肥瘦肉質帶有好重豬油味～配埋茶記例牌甜豉油加太陽蛋係冇得輸！回頭指數😼4/5（喺附近嘅茶記擁躉要試ʘ‿ʘ

聽聞呢間豬扒飯OK，今次特登嚟試吓豬扒飯。點知完全冇驚喜，唔好食都算啦，豬扒飯得個肥肉同埋骨最多⋯⋯好心啦做生意唔好咁孤寒。俾多少少肉人哋啦 （飯加埋杯飲$61）真心冇下次

4/5Omg the marinated is amazing! Is a flavour that will stay in your mind, remarkable. Most part of the pork chop texture is good, small part is more rough. I don’t eat beef but my friend say the tomato beef is good too. Will go back and try their pork chop rice with sauce next time.

🍲菜心豬排飯🍲 $41豬排好稔煎到好香啲菜炒得 超 好 食 ‼️碟菜可以炒得好有鑊氣又好令加埋淋左甜豉油嘅飯真係一流呀😂🤤好吃程度：🌕🌕🌕🌕（5顆為滿分）•••••••••••••••••••••••••••🥪沙爹洋蔥鮮牛多士🥪 $52多士烘得好脆同好薄啲料好多沙爹味都濃嘅牛肉唔會話好韌洋蔥好爽脆令成個三明治無咁膩好吃程度：🌕🌕🌕🌕🌗 （5顆為滿分）回購意願：🌕🌕🌕🌕 （5顆為滿分）

黎科記食過兩三次早餐，又試過打包一塊炸豬排翻屋企嘆，今日係第一次堂食佢哋出名嘅金牌炸豬排飯。餐廳嘅員工一如既往地醒目，落完柯打好快就有得食。豬排外層煎得好香，口感紮實，配埋微甜嘅醬汁，成蝶飯好快就食清光😋