科記咖啡餐室

營業中

休息中

黎科記食過兩三次早餐，又試過打包一塊炸豬排翻屋企嘆，今日係第一次堂食佢哋出名嘅金牌炸豬排飯。餐廳嘅員工一如既往地醒目，落完柯打好快就有得食。豬排外層煎得好香，口感紮實，配埋微甜嘅醬汁，成蝶飯好快就食清光😋

Rolled down to 科記 for lunch, as per usual there was a queue. We waited for around 10 minutes before getting a table, note that there is a limit of two people per table. I ordered the signature pork chop rice with an additional sunny side up fried egg, this should be mandatory. As with previous visits the fried pork chop rice with soy sauce was flavoursome and was further enhanced by a fried egg. A very minor complaint is that some of the excess oil could have been shaken off or removed with some

呢間算係上環其中一間所謂出名既餐廳。好多時經過都見佢好長龍、好多人排隊。好多年前食過一次，已經覺得平平無奇。有一日突然心血來潮，想俾多次機會佢。結果是........well.......等一個外賣豬扒麵，都要等大半個鐘。不過都唔緊要，唔知大家有無睇過《熊貓先生》，絕對明白，有時美食係需要時間去耐心等待!好，我願意等!但，小編個人感覺，係唔太值得架!個豬扒係算煎得比較香脆既，但質地比較薄，變相感覺有d乾。加上醃得比較咸，加埋個面既湯底都咸，食完成碗面，小編好口渴勁口乾左成日。我諗，佢出名，應該都係因為歷史悠久吧...我諗，咁多人係門口排隊同等，可能係因為佢太慢吧...雖然，門口嗰2隻貓貓，又的確幾得意既!

放假逛街，經過見有人排隊，心諗應該唔會太差，為免猜錯，再上網睇完食評先幫襯，點知都係中伏😩叫咗個金牌豬扒飯同埋招牌咖啡，金牌豬扒飯就係豬扒豉油白飯，豬扒質素極差，乾鞋死鹹油膩，要不斷飲水，白飯就係涼嘅，至於杯咖啡就係一杯唔夠咖啡味嘅普通咖啡，仲話係招牌咖啡，不值一試。 最難頂就係嗰個企喺門口帶位嘅女人，態度惡劣，西口西面，幫襯佢仲要睇佢面色，好似嚟乞食咁，未食已經一肚氣，飯都未食完佢已經安排下一檯客等你，為免破壞放假心情，三扒兩撥，速速食完(15分鐘)走人。真係唔明點解仲有咁多正評🤔

幾十年老牌茶記 科記咖啡餐廳 招牌豬扒包 就是好吃 若要問我 有幾好吃 我會說 香港 茶餐廳 冰室 快餐店那麼多 當然不是最好啦！但這裡就是多了份 人情味 用心的製作 街坊的感情 🍔🍔豬扒包 只用上 簡單的食材 沒有厚切的豬扒 昂貴的沙律醬 只有薄薄的蕃茄片 但卻用心把麵包 烘烤適度 把豬扒煎香 美味就在 腦海中湧現 懷舊的情意結 😋😋多士也沒欺場 即點即烘 塗抹上鮮牛油 煉乳 好吃不簡單 🍞🍞濃滑絲襪奶茶 也是數一數二的 靚奶茶 便有凝結層 香滑濃郁 ☕☕慢活 吃了個早餐 人來人往大多是街坊 熟客 老牌咖啡廳就多了 這份感覺 香港情懷 🍴🍴

中午十二點幾去到，唔洗等位。舖頭門口有貓籠同貓咪，見到舖頭寫既數字價錢同環境就知好耐歷史了，d數字我都唔識睇，而家應該無咩地方用，我都係第一次見。坐左陣就開始見到有office既人等位等外賣。講返食先物，叫左一個金牌豬扒飯一個豬扒麵。豬扒已經剪好一塊塊方便食客進食，豬扒唔硬既，但味道普通，無香口感。而個豬扒麵湯底都無特別，普通茶餐廳既味道同感覺。至於杯凍奶茶，男朋友話有d怪味，同出面唔同。呢個價錢環境黎講就少貴啦

一直聽講科記出名豬排靓，今日終於有機會來試一試呢間老字號茶餐廳。禮拜六早上11點左右來到嘅時候未見人龍，好好彩即刻就有位。我好鍾意餐廳門口兩塊拉廉，除左阻擋太陽之外亦顯得旗幟鮮明，大大隻字寫上餐廳嘅名物豬牌飯同牛肉麵，相當有代表性。因為未到午飯時間，所以我無點到網絡上推薦嘅金牌豬排飯，而係揀咗豬排麵。雖然係即食麵底，湯底都無咩特別，但係啲豬排嘅肉質紮實，又唔會乾柴，而且又夠肉味，的確比其他茶餐廳嘅豬排做得出色。下次再來會試下佢地嘅豬排飯睇睇會唔會更加好味。呢度雖然係間簡樸嘅茶餐廳，但員工嘅服務都好貼心。當時我係同其他兩位食客搭台嘅，服務員伯伯見我將個背囊放喺大髀度，就主動搬張凳過來俾我放個袋，十分細心。

早前公司放大假我有十幾日假期 , 早上收工之後就去一去上環睇下有咩好食 , 經過有一間好似專食豬扒包嘅餐廳, 外表設計方面都好舊嘅感覺 , 而我自己本身都好喜歡舊嘅設計 , 於是就入咗去試下佢哋嘅豬扒包 , 由於早上關係 , 餐廳裏面都幾多人喺度食早餐 , 而我就叫咗一個豬扒包套餐 , 嘢飲就叫咗凍奶茶 , 豬扒包方面唔會太乾 , 但醬汁就可以加返啲 , 咁樣令到個包有更加好嘅口感 , 包嘅size唔會太大 , 一個人食剛剛好 , 奶茶方面唔會太甜 , 奶味都十足, 如果喜歡老餐廳設計, 又鍾情豬扒包嘅朋友可以一試

特登過黎呢到食lunch..多人到痴左線..咁熱排隊真係好辛苦🥵。金牌豬扒飯美味！材料簡單，只係飯，豬扒同豉油。豬扒已經切好一塊塊，可以唔使切直接擺入口😌，肉質比較腍。地道小店，但係要排咁耐同有啲遠，未必會再嚟lu。

聽聞話呢間啲嘢食好味，諗住入去試吓個牛肉麵，點知啲牛肉麵啲質素非常差，個面淋晒啲牛肉就硬到阿媽都唔認得，失敗，牛肉麵差都算嘞，員工嘅態度仲極為惡劣，我啱啱食完牛肉麵剩低杯嘢飲未飲過，有個新客入到嚟就叫個新客企喺我面前就話我差唔多食完就走，反而佢有個熟客嗰台我入去時佢已經食完就話出面大雨唔好走繼續留喺度，雖然我唔係熟客，不過我相信都唔使咁樣招呼啲新客人，呢啲冇食物質素又冇招呼嘅態度嘅食肆一定唔會有下次，是次評分為零

科記豬扒，已不是第一次光顧，店裡除了有好食的豬扒，更有一份街坊味。特別係店內員工既相處之道，絕對係「盞鬼」。講留個豬扒，雖然冇元朗那間咁厚肉，咁多汁，但佢個豬扒味道都調得唔錯，配埋豉油，簡單就是美。另外更要試既，應該係沙爹牛肉多士，呢味下次寫！！

平時weekend行過都好多人排隊，心諗應該好出名下。撞正weekday放假，專登去試下個金牌豬扒飯。上到檯面，見到個賣相一般，豬扒食落口好鞋，冇網上D人講得咁好食。凍奶茶，冇茶味＋甜到死飯＋凍飲$58, 少貴。

上環出了名的人氣豬扒飯，我由大學食到現在，那麼多年仍然保持水準，所以假期我也會由Kowloon side坐車到上環食豬扒飯，行行樓梯街享受me time.今日2點到達，已有三四pair人在排隊，我一個人所以等了10分鐘就有位，今次點了豬扒飯套餐，包餐飲。之前會點豬扒菜飯的，但有時太多食不完太浪費，所以只點豬扒飯，多汁，加凍飲都是$58。 豬扒仍然香軟，豉油汁不是很咸，飯的份量很足夠，是每月必須再食之選！

下午嚟開濟公廟朝聖，當然要幫襯一吓對面科記。正當思考食乜之際，見隔離檯吃黃山炒蛋，於是我叫了一件香蔥火腿炒蛋夾芝士嘅三文治。愛蔥的我，不愛吃熟蛋的我，吃了一啖忍唔住立即為它拍照，芝士半溶、蛋滑、蔥爽、入口淡淡鹹芝味，好味吖！這裡的熱奶茶，喝過就知水吧哥哥沖得一流！記得襯熱吃哦！提提這店是A區，2人一檯，不用嘟QR code，樓面姐姐入門前會提你,記得量體溫！

今日本來仲諗緊lunch去邊度開餐好，友人忽然建議話荷里活道有間隱世小店，你食豬扒既，於是一行山攀山踄水搭叮叮去上環再行上去，店舖位置比較遠。平日下午門口都排左6、7個人左右，睇黎都幾受歡迎，等左10分鐘都好快入到去，叫左招牌既豬扒飯、豬扒包、洋蔥牛肉多士試食。正所謂期望越大，失望越大，一食落口只係好普通既茶餐廳老店味，咬兩淡仲柴柴地，包都係將同一樣既豬扒夾入去，冇煎香冇處理過，唯一好少少係個洋蔥牛肉，濕少少，洋蔥味都濃。專登入黎食有點失望。