秘 (享成街)

營業中

休息中

食咗呢間幾次，今日再黎有啲失望。2大2小叫三個餐一個小食，店員話一定要叫四個餐或者3個餐2個小食。我地小朋友食得小，為免浪費唯有離開。餐廳門口或入面都無講一人一餐。

秘唔洗加一~味道評分:☄️(highest_surprise)/☀️/🌤(pass)/⛅️/💨(lowest)🌤板燒吉列牛 $118 (平日午市免費星級套餐)精心擺盤👍🏻擺成一個笑哈哈😊吉列外皮是脆的，略嫌少左啲牛味，未去到好好食，勝在有得自己燒，可以挽下(但想講d油彈黎彈去…)另外建議升級套餐！飯素、流心蛋都好好食，有佢地配搭令個餐冇咁寡👀❤️‍🔥平日lunch去得兩枱客，完全唔洗等❤️‍🔥❤️‍🔥❤️‍🔥既然你睇到尼度，不妨比個like & comment & follow me~話比我知你有睇，比啲動力我丫❤️‍🔥最後既最後，口味尼家野因人而異啦~

特登去荃灣試咗呢間人氣都頗高嘅「秘」，主打板燒吉列牛🥩吉列牛外皮炸得好脆，肉質好腍身，但係肉味就唔算濃中規中矩，呢個價錢嚟講都係合理嘅🤣定食仲會配上一碗蘿蔔湯，一碗飯同埋糖心蛋🥚蘿蔔湯清甜解膩，但無諗過最值得讚嘅係糖心蛋同埋碗飯！🥹糖心蛋好入味，另外飯煮得剛剛好粒粒分明，加上燒肉汁同飯素意外地出色（可能因為本身都好鍾意食日本米，同埋真係好怕飯煮得太淋😆）！知道秘有好多分店，下次會去其他分店試吓！🥰

情人節揀左哩間bookmark左好耐嘅荃灣人氣吉列牛燒肉店 因為早去所以都唔洗排隊👍🏻 不過我地食完出來已經排曬隊 好搞笑嘅係 情人節餐廳播嘅都係分手或者苦情歌🤣 餐廳位置唔多 唔想排隊要早啲去✿ 秘．燒黑松露吉烈牛 + 晚市加配定食 ✿ [$158+$38]牛嘅油脂分佈幾靚 外皮揸得好酥脆🥩 燒到五成熟嚟食 好正 咬落去仲有肉汁 不過老實講冇咩黑松露味 加咗定食 有湯同白飯 湯似係關東煮嘅湯底 清清地幾暖開胃 燒肉爐嘅火好旺🔥 店員好貼心見到啲火就嚟熄會過嚟換👍🏻 糖心蛋同吉列牛擺到好似個笑哈哈🤣✿ 板燒安格斯牛小排+ 晚市加配定食 ✿ [$118+$38]牛小排嘅份量都幾多🥩 而且牛嘅厚度都幾厚 所以食落入都幾有口感同食到佢嘅牛味 加咗定食有飯同湯 重點飯上面加咗飯素 令到整體都十分豐富 ⚠️有一樣嘢要注意 一開始會比塊脂肪你搽去石板 要小心啲油彈到自己‼️‼️ 整體都好滿意 值得一試地址➸ 荃灣享成街22號地舖★好食指數★：4/5★服務態度★：4/5★冇加一★

呢間已經幫襯過好多次！價錢可以媲美以前喺日本食過嘅石燒吉列牛～ 仲要喺荃灣廣場隔離，勁方便不過晚市就要等多陣了🙈我哋當日係等咗大概20分鐘就有！價錢同質素嚟講絕對係等得過hehe唔想等嘅建議下午茶時間嚟🫶🏻-吉列牛定食（$108）呢個係每次嚟必叫！就算係平都好，牛肉係一啲都唔韌出邊個皮都炸得好好，唔係炸粉味就算唔叫定食都會有個飯包！個飯都好大份量，次次都食到飽一飽☺️碗蘿蔔湯都勁清甜，一定要試✨

終於揾到機會試下呢間鋪啦😁😁呢個餐廳嘅特色就係石燒。一入去到間鋪頭同佢嘅名一樣，都係咁秘呀，佢嘅燈光都好昏暗，好似好神秘咁樣。我係lunch時間去食，叫咗個吉列牛定食。如果夜晚嚟仲可以加埋碗櫻花金魚湯。可惜我lunch嚟冇得加呢樣嘢。佢嘅吉列牛定食包一碗飯素，一碟吉列牛，一個糖心蛋加汽水。佢嘅服務都貼心，食物一上枱都有提下我哋小心焫親。都有講解下用牛脂肪搽下個石板面先再燒牛肉食。因為第一次食，唔識得搽完之得要將牛脂肪遠離個石板，個店員睇到都提醒我哋。個吉利牛都有成十幾塊，但係就比較薄身咗少少。輕輕燒下就食得，都有牛肉味但就瘦左少少。脂肪多啲應該更正。個糖心蛋唔錯，入味，有流心。如果想自己享受下自己燒嘢食，一試都無妨😃

星期一收工想食好d獎勵下自己，由地鐵站行左10分鐘黎到呢間*秘*。環境有d焗促，但食物質素補救到。叫左個板燒吉列牛定食(飯素撈飯，糖心蛋，沙律菜一堆，湯) ，同埋板燒牛小排定食。2個餐都擺得靚靚，自己牛肉自己燒，自己決定生熟度，一路玩一路食，侍應姐姐亦有提醒我地小心彈油，非常貼心。吉牛脆卜卜，牛小排亦非常出色，2個餐d牛都好好食。成個餐最差就係碗湯，有浸黑椒味怪怪的，所以冇飲到，浪費左。

相信大家想食吉列牛嘅話一定會諗起呢一間💛 開咗幾年都keep到水準 但係餐廳冇得book位每次去都要排隊🥲 現時有四間分店分別係📍荃灣/佐敦/元朗/銅鑼灣 我今次就係食荃灣呢間☺️🥩板燒吉列牛 💰118因為係中午嚟嘅關係 所以個餐包左飯+一隻糖心蛋+汽水 如果係夜晚嚟嘅話就要加💰38先有定食 所以好似中午嚟會抵好多🙈吉列牛油脂分布幾平均 所以燒緊嘅時候啲油會彈到周圍都係😆 細細舊燒完都食到牛味 外脆內軟一口一啖😋 糖心蛋都整得好靚仔 撈埋落咗飯素嘅飯食味道好豐富🤤 午餐整體CP值高👍🏻不過荃灣呢間分別舖頭好細好暗 裏面抽風系統麻麻哋 成個感覺都好油煙🥹 所以食完成身都係燒肉味 如果有下場係約咗人嘅話我就未必會嚟食嚕😂

1️⃣板燒安格斯牛套餐($108 +$38跟餐)個牛好重牛油香味🧈，又鮮嫩好軟腍🤤自己燒即時食好熱辣辣特別好味😋無點汁都覺得好夠味😚然後跟餐既飯有埋飯素無淨食白飯咁普通🤩飯素加牛真係唔錯🥰更加滿足🤩淨係食飯素同飯都好食！🤪2️⃣板燒吉列牛套餐 (($108 +$38跟餐)吉列牛同安格斯既分別就係佢個皮好脆🥳肉上面既油脂分布都好平均🤤炸粉唔會過厚😍口感十足🤩個流心蛋加埋有飯素既飯十分夾😚環境🌎一入到去就煙霧彌漫🤔通風系統可以做得好啲😛

真係好耐無食，因為平時排晒長龍唔想等，但今次6點去到見無咩野人排就同老婆一齊食，佢叫吉列牛，我叫安格斯，吉列牛好正常，安格斯就淡而無味...但最最最重要既係d 飯，D 飯黎到真係一舊飯，一大舊...我就叫佢地幫手換過一碗，點知都係一樣，佢地好意思同我講煮飯落多左水...一間餐廳連飯都煮唔好仲可以排晒隊...唔通荃灣真係無好野食？秘 真係越做越差...永遠唔會再比機會去試

假期晏晝去食等左一個鐘都有！不過諗番真係值得食👯‍♀️.▪️黑松露吉列牛餐 ($158) + ($20 飯素，糖心蛋)一上碟就見到好大份😛雖然黑松露味不算濃 不過有外脆內軟嘅口感糖心蛋吃得出有認真醃製過🥰甜甜的▪️板燒安格斯牛小排 ($118) + ($20飯素，糖心蛋)肉質較嫩~煎完勁香🥰▪️雞泡魚乾 ($38)比較濃味同硬身嘅小食~不過用嚟送酒簡直一流！.✍🏻整體:下次想食的話要再早一點排隊🤣而對於很少吃燒肉的我覺得呢間小店做得出色啦~而且店舖會配上飯素真的加分了 因為我很喜歡吃🥰

係餐廳出面等候嘅時候，其實已經見到2隻死曱甴，但嗰時候以為係條街污糟，所以就繼續等。入去嘅時候嗰條走廊有一隻死曱甴，坐到埋位，我哋兩個人坐喺廁所隔離，成間舖頭都好油，所以我冇挨埋牆。食物係正常嘅，但係食食吓有曱甴喺正我隔離嘅牆爬，嚇到彈咗起身，職員過嚟打死咗曱甴，之後唔知係咪心虛，竟然喺人食緊嘢嘅情況下度抹燈罩做清潔。我自然唔想坐返埋位，就話要調位，但職員全程冇幫過手，仲嘖一聲，我哋自己過咗隔籬枱之後，見到對面枱地下又有曱甴喺度跑。坐左冇耐，我哋枱嘅男人望住我身後地下好耐，我意識到應該係有曱甴，所以又企起身，果然另一隻曱甴又跑過。已經食唔落去，嗱嗱臨起身埋單，同收銀職員反映你呢度好多曱甴可唔可以搞好啲清潔，但完全被無視，少少歉意都冇。其實我係可以報食環，只係聽聞其他分店係正常都無謂搞咁大，但係荃灣店真係唔好去。

天寒地凍最啱食一啲即燒即食熱辣辣嘅嘢，於是就嚟咗荃灣呢一間日式板燒吉列牛醫下肚🤤雖然舖頭嘅面積唔算大冇乜裝修，不過都算係乾淨企理。有少少油煙味，如果通風好少少會更加好🤏去嘅時候可能係食飯時間比較多人，等咗20分鐘左右先入到場⏰坐低之後，我哋即刻就點咗佢哋最出名嘅吉列牛套餐。上碟個速度都算快，個餐$118蚊，包有切好片嘅一份吉列牛，一隻切開一半嘅糖心蛋🥚一個紫菜素飯🍚同埋一碗湯🫕值得一讚嘅係佢哋會預先喺鐵板牛嘅外面上咗一層炸過嘅麵包糠🍞然後燒肉前預先查一啲牛脂肪喺塊鐵板以免黐底，再放上吉列牛喺鐵板上面燒🥩牛肉落鐵板燒時記得唔好燒太耐⏰否則個牛肉就會太韌。因為愛情有麵包糠嘅原因，個吉列牛食落外脆內軟，可能佢哋用嘅係美國安格斯牛肉，牛肉嘅脂肪比例算幾好🤤👍以呢個價錢嚟講都算平同埋大份，鐵板牛再加個紫菜飯真係夠晒飽肚👍

板燒吉列牛 $118加配定食(秘之飯素, 楓糖流心蛋, 日本大根湯) +$38$118有咁嘅份量 都算係咁啦吉列牛口感ok但就無乜牛味配燒肉汁嘅話都還可以啦~飯素撈飯 都唔會出事但流心蛋凍得嚟怪怪哋加返熱會比較好黑安格斯牛舌芯 $108加配定食+$38牛舌嘅牛味相對比較濃郁不過略嫌太薄 如果可以再厚切少少🤏🏻應該會更加正手羽先 (4隻) $48外皮炸得好脆 而入面就好juicy但成隻都係無味嘅😂要點返啲燒肉汁先搞得掂

前幾日要去荃灣廣場睇戲諗住早啲食埋飯醒起有間好出名既吉列牛係附近就睇下洗唔洗排隊😫點知好好彩6點仲有最後一張2人枱🤩一人叫左一個餐，基本上一點完幾分鐘就上枱啦😂1️⃣板燒吉列牛套餐 （上）升級要左套餐就會有個有飯素既飯同湯😚一上枱見到佢分量咁大有啲嚇親有成15件牛好抵食😆😆可以自己燒係重點😝有得玩有得食😝個牛外脆內軟好juicy好好食🤤唔怪之得長期排滿人😫2️⃣板燒安格斯牛（下）試下一個無吉列既🔥見到佢個牛既脂肪分布就知道一定好食佢同吉列果個比較反而更食得出個牛既味道加埋佢個日本燒汁無得輸🤤不過室內環境都比較逼同埋好大油煙🔥如果著左啲會吸味既衫當日就要留意番啦😂==============================食物：🌟🌟🌟🌟環境：🌟🌟格價：🌟🌟🌟回頭指數：🌟🌟🌟🌟