稻成亞丁

營業中

休息中

抗疫措施加強後一個星期, 太座和我都積極配合, 留家抗疫, 三天來沒外出, 今日終於決定到外面走一回舒展一下做運動🤗🤗回家途中突然想起吃川菜, 順道在圓商場這京川食店買外賣當晚餐, 因為不想在外面進食🤭🤭菜牌內好多款式, 我們選了兩個套餐（小菜+白米飯）京葱炒山羊片糖醋排骨等侯了十多分鐘便完成, 包裝得十分方便, 外賣自取更有九折優惠味道相當不錯, 份量足二人用京葱炒羊片味濃而不肥膩, 山羊片有咬感, 火功出色😋😋糖醋排骨甜酸適度, 肉排好嚼感, 有骨有肉, 但畧嫌芡汁過多, 有漿糊感, 個人較喜乾身些🤔亦是一次不錯的嘗試

因為要抗疫初一至初三都無聊在家，初三赤口決定出關消費，振興經濟。去咗 Elements shopping, 差唔多要諗吓今晚食啲乜，亦考慮了六點前嘅金唐食，但又唔想四五點咁早食晚飯，於是決定買外賣回家慢慢嘆。高級商場內餐廳雖然不少，但要考慮埋價錢，父母也喜歡食上海菜於是就揀咗「稻成阿丁」我哋隨便揀咗幾款餸菜和甜品，共花了四百多元，已經夠三個人食 ，新年都係要食得好少少，所以我認為價錢係合理嘅。出菜唔算來大約等咗10分鐘至15分鐘左右，包裝得好齊整返到屋企仍然是一滴不漏。孜然手抓排骨$158一打開過已經聞到孜然粉嘅香氣，共有五大件一字排骨，排骨見見分量十足所以真係要用手拎起食，正如北方人一樣豪氣。排骨雖然瘦肉偏多但食落去一啲都唔靭，相當有口感，霸氣的孜然粉基本上是調味的焦點，令肉類更加提香，令肉排的肉香更升華。稻成炒飯$148精髓是加入鮮香的鮑魚汁調味，醬汁與飯粒融為一體，炒飯粒粒分明，像是給滿醬汁一樣，圓潤飽滿，更加入元貝和蝦仁提鮮、芹菜粒喎雞粒增加口感。用料十足，一致認為師傅炒得好出色。乾煸四季豆 $98是四川人的家常小菜，基本上都系辣，今次叫咗大廚小辣，所以味道會以大蒜為主，四季豆

平時甚少會嚟圓方，皆因唔係好就腳，同埋地方唔係咁好行，所以都好少行嚟呢面食野。話說早幾日咁岩同朋友相約行下Hea下食下。喺大家都唔知揀邊間好就揀咗食呢間。因為大家對川菜都懷著興奮嘅心情。3人行叫咗小籠包、酸菜桂花魚、高麗菜、和牛炒飯、桂花小丸子糖水除咗小籠包係好食😋其他野真係唔掂！😫😫我個人本身都好鍾意發現及欣賞每款食物的好與壞，但真係覺得唔太掂。酸菜魚 🐟個魚我覺得有少少腥 同埋味道唔入味，我地有加到薯粉，反而薯粉出嚟味道效果唔錯！高麗菜 🥬即係平時食開嘅 「手撕包菜」？？ 我諗係喇，呢個菜個味唔夠香濃、唔夠味、唔入味，味道較淡，可能因為呢個原因，更帶出個油份，感覺很油膩。和牛炒飯 🍚呢個好失望☹️，個飯好濕，食落入口好濕，一啲都唔夠乾身，唔夠粒粒分明，可以太過濕，所以啲味道都唔多夠。桂花小丸子糖水 🍡粒小丸子好食，但整體個桂花糖水無咩特別。唔係難食，但都唔係出色。3個人去到大約 下午4點左右開始食，總共食咗$840。對於食，我都捨得洗錢，但對於今餐咁嘅價錢，咁嘅質素，真係失望。 ❌❌❌❌❌

今天我地6位黎稻成亞丁食晚飯！服務員很有禮貌的招呼我們！短頭髮阿姐推介稻成片皮鴨，砂鍋雲吞雞，小籠包、稻成燒飯、四川擔擔麵，京蔥爆牛肉！嫩雞煨麵！食材夠新鮮擔擔麵夠淋！上雲吞雞時黑衫經理問我地需不要要幫我地分湯！服務質素真係到位！上菜時間比較快！朋友們都給點贊👍👍👍饃鏌皮夠溫度！夠軟 小籠包皮薄餡靚 片皮鴨個皮做得好薄 肉質鮮嫩多汁 環境一流 總括嚟講 我會比👍🏻👍🏻👍🏻以後會搵多D朋友幫襯的。

今天八時四十九分到達這店，已立刻下單，但當餸菜仍未上齊時，店員在九時十五分，不問我們有否last Order，已要我們埋單找數。在九時三十分，我們剛吃完菜，便立刻要收碗，逼我們走，問他何時關門，他說十時，仍有半小時啊!那為甚麼趕我們走趕得這麽急。可能他想提早收工，但他的壓力令我吃得很急，不舒服，完全吃不到味道，飯餸未落隔，說話也說不得多句，已被趕走!!完全不能享受晚宴。吃晚钣也那麽趕，太辛苦了，以後也不敢來了!

Poor food execution and bad service. Massive of MSG that trying to thirst you out after dinner. None of the staff could speak English and Cantonese. I don’t think it’s not about language it’s about training on customer service. Won’t be going again, and suggest you don’t go too. Restaurant like this should be shut down permanently.

見食評話可以帶寵物入去，所以試下，地方都算寬敞好坐，但食物份量實在太少喇!叫左……炸銀丝卷56元……頭尾加埋得四小舊，全條同隻匙羹一樣長度，望落同雞尾包咁上下，喂！麵粉黎咋喎，好心俾大舊啲啦!卷面層又炸得唔夠脆👎👎恭親王燒羊腩198元…… 都係份量太少，成碟羊腩，一隻手掌都可以遮住哂! 炸粉太厚，又炸得唔夠脆，肉又太薄，所以做唔倒外脆內軟……失敗!酸菜桂花魚298元(小) 加配薯粉48元……味道唔錯，湯底少少酸，略帶甜，麻同辣好温和，唔會太搶味，對我黎講啱啱好。魚肉有啲部位彈牙，有啲嫩滑，份量亦足夠三人食，配料只有薄蘿蔔片和少量金菇略嫌單調唔夠豐富。薯粉有少少煙靭少少淋，略嫌唔夠彈牙! 但佢湯底內有啲切成細細片嘅嫩薑，甜甜酸酸，個人覺得好好味好開胃!整體黎講，本來價錢唔算貴，但因為份量實在太少，整體味道唔算出色，覺得唔夠物有所值! 試一次就夠! 一定冇下次!

是晚第一次上Sky100睇夜景，可惜最近空氣污染得異常厲害，我地上到去，只見灰矇矇嘅影像。另外，由於室內外溫差太大，整塊落地玻璃充滿霞氣，所以都有點兒失望。要睇夜景的話，可能要等到秋冬天朗氣清時去比較適合了！喺Sky100返回地面後，已經差唔多八點幾，我地都好肚餓啦。於是就喺圓方搵到一間食中菜嘅，打算拿拿聲填飽肚子就回家啦！見佢地裝修得幾高檔，雖然已經八點幾，但仍然高朋滿座，證明唔太差卦？而且我地又鍾意食京川滬風嘅嘢食，於是就入去試吓啦！我地點咗半隻片皮鴨，鴨肉新鮮嫰滑，包住京葱青瓜絲等，入口清新而且油而不膩，實在非常正呀！另外，仲嗌咗我最鍾意嘅水晶肴肉，沾上鎮江醋，風味十足！仲有，小籠包裡面充滿湯汁，真係好好食呀！以後有機會再嚟試吓呢度馳名嘅酸菜魚先得！

今日去完sky100就諗住喺圓方覓食 搵左幾間都要等好耐先有位 無意中就見到呢間餐廳 咁見唔洗位就決定呢間 始終帶住長老又帶住小朋友廢是周圍搵 今餐飯我只能夠用整體去形容 不過不失 無野係唔好食 但又未到好好食 半隻片皮鴨貴左小小 同埋萵筍係menu無 係職員就咁講話有 成張單9百幾蚊埋單 感覺上就貴左小小 呢個價錢應該可以食更好炸銀絲卷辣子雞鍋貼夫妻肺片清炒萵筍半隻片皮鴨

今天終於在這店用歺了，因為不是每個朋友都吃辣，所以比較難約朋友一起吃。味道比我預期的好吃，酸菜魚弄得好好美，味道又鮮，而且不會有太多的味精，酸辣粉和另外的紅油抄手亦很好味，有水準，不會覺得油。怪不得有這樣多人在這店用餐。我也會再光臨這店的

去天際100睇景雖然圓方好多野食 但怕冇位都係卜左枱先我地有個九十歲老人家 始終都唔想佢等得耐而且我地有6個人星期六可以經openrice 訂枱嘅中菜選擇唔多本身卜左七點半食飯但天際100冇預過拎票都排咁長龍 同行人又遲到所以想改8點 但因為嗰陣都晏 最早只可以改8點半稻成亞丁 原來真係有呢個地方有同行者話喺成都四川去過 係被稱為藍色星球上最後一個後花園 嘅地方我覺得個形容係誇張嘅( ´▽｀) 但起碼我知係川菜咁我地都係八點到左 姑且抱住試下嘅心態咁人地比唔到枱我地都預左嘅。。。( ´▽｀)始終最後係book 8點半不過reception姨姨都好好態度又因為我地嘅早到而趕頭趕命咁 搞到我都有啲唔好意思。。除咗receptionist 另外嘅員工就算隔咗口罩都feel到佢地好好笑容好有種睇戲入面好有人情味嗰啲姨姨嘅感覺都知我地有個老人家 有比張櫈佢可以坐住等咁搭半啦 我地就入座啦老人家喺度 所以叫左8個餸 但因為要大眾口味避開辣 可以揀嘅選擇就唔多第一味係四季豆 其實都係少少辣只要唔咬到辣椒其實係個可以接受嘅味道味道黎講係ok嘅 不過有少少偏油叫個白飯黎餸會好啲糖醋排骨 我個人覺得個酸甜

2021年6月20日 晴父親節行程第二站去左sky100，於是晚餐就揀左elements ge 餐廳。前一日先打去book 竟然仲有位，餐廳好貼心咁會打黎confirm booking。坐底每枱會有一碟小食 $18，係麻辣芽菜，唔會好辣，好食恭親王京燒羊腩 $198，餐牌見到呢個名好特別就想試下。佢並唔係燒而係炸，粉漿一黎已經淋曬，但好搞笑下面有一塊d 脆漿唔同款（左邊底下個塊）反而佢係脆ge...入口羊腩都算淋，係孜然味。第一下反應係：嘩，原來恭親王食d 咁ge 野。瓦屋山龍抄手 $68，一碟有6粒，皮太厚，汁偏甜，唔係幾好食。茶樹菇香乾 $128，呢個幾香，好惹味，但就咁食太咸，叫左兩碗白飯送飯食，佢有幾款菇同豆腐乾，好食稻成松子魚 $388，幾大條魚，但我覺得佢炸得唔夠脆，魚骨起左出黎，食落啖啖肉，不過個汁都係咸左dd，送飯就arm。鹽爆牛柏葉 $118，開頭以為係炸ge，原來係炒ge。不過佢唔係好乾身個d，濕濕地，食落都幾香ge，不過同個名就好貼切，因為真係超級咸！咸到要後尾用茶沖一沖佢，唔中意食太咸ge 人真係唔好叫呢款。不過佢個口感都幾好，牛栢葉唔會過老，但真係太咸la..

2個人在圓方晚飯，好多間都很爆，見到這間好像較易等位就入了去試試，結果是比較失望，點了一個恭親王燒羊腩，一個稻城炒飯和2個甜品： 恭親王燒羊腩 $178同圖完全不相符都算，完全無味，連咸味都無，羊肉煮到好硬難咬，唔係燒出來，係炸出來的，似台灣炸排骨咁，而且唔熱稻城炒飯 $138味道都ok但係唔夠熱桂花小丸子成常味道，偏淡，無酒味高力豆沙漏咗單，千呼萬喚始出來，出來時剛剛炸起好大個波波好得意，味道也如預期，只是炸得太勁乾了一點點

突然想食刺激辛辣口味既朋友值得一試🤩點解咁講？因為真係一間吾錯高質既川菜餐廳，地方可能有點偏，但係你值得一去🤫，最欣賞既係小籠包，吾用佢黎比較比京樓老字號既餐廳，相比起頗高分既小籠包🥟，皮做得好簿，湯汁香濃，食肉獸既留意啦⚠️佢地既寸骨係用孜然粉醃製，好香口，而且吾乾身亦都吾柴，小編私心加1分係孜然粉🤭小編愛孜然粉😋水煮嫩牛肉就不過不失啦🤔，吾好睇佢紅卜卜，小編食得辣嘅都會畀5/10，牛肉都算嫩口😋最後服務態度幾好👍

和朋友聚舊，對方選了這家川菜館，星期日下午，人流不算多。我們點了三款食物：酸菜桂花魚傳統川菜的煮法，有大量酸菜，湯底味道不算濃烈。魚肉煮得軟腍，鮮嫩而入味，帶點鹹香和微微的酸菜味。孜然排骨做法就像是金沙骨，炸得表面香脆，內裡腍身而肉汁豐富。嫩雞燴麵清菜、菇粒比雞肉還要多，湯底味道不夠濃郁。麵條算嫩滑，但雞肉堅韌、難以咀嚼。我們座位旁邊有一道像防煙門的通道。在我們進餐的期間，有職員打開門拿雜物之類，看見內裡是一條像後巷的通道，這方面感覺不太好。