稻成 (新城市廣場一期)

營業中

休息中

📌沙田新城市廣場 新式裝修酸菜魚🐟呢間專食酸菜魚同片皮鴨嘅餐廳位於新城市一期 最側面嘅餐廳 如果唔係朋友介紹 平時都唔係咁留意到😿佢地餐廳雖然食中菜 但係裝修非常新穎 唔係行餐廳中式餐廳風格 裝修風格設計輕鬆得黎又幾打卡🤣🍴雞絲粉皮醬汁食落去比較重芝麻味 食落去比較重口味 可以淡味返少少～🍴陳醋拌老海蜇頭海蜇頭食落去非常爽口 陳醋汁酸酸地唔錯👍🏻 另外都有青瓜做拌菜底 食落佢都清新😉🍴鮑魚羊肚菌燉雞湯飲落去完全無味精之餘好足料🤩每碗都會有鮑魚 羊肚菌 同埋 雞嘅湯料呢個好值得一飲😋🍴招牌酸菜鮮鱸魚餐廳除咗鱸魚 加錢仲有龍躉揀佢地嘅酸菜魚酸味辣味適中 食落去好惹味之餘唔會過鹹😙魚肉食落去都滑身 就咁飲個酸菜湯底都幾正😍🍴小籠包呢個比較普通 略嫌小籠包包皮少少太厚另外可以加錢要個薯粉 佢地嘅薯粉係紫薯做嘅🍠紫色開薯粉第一次食 幾得意😆幾推薦佢地嘅酸菜魚🤓餐廳服務都好好 啲侍應周不時會主動加茶🙌🏻大家可以同屋企人一齊黎試下😎🍽️ 食物：🌕🌕🌕🌕🌑🥂 飲品：🌕🌕🌕🌑🌑👩🏻‍🍳 環境：🌕🌕🌕🌕🌑💯CP值：🌕🌕🌕🌗🌑✅回頭率：🌕🌕🌕🌕🌑💰人均 $250-300Overall: ⭐️⭐️⭐️⭐️ (out o

星期六中午12:30，訂咗枱，見到餐廳內得一半有人坐，室內裝修精緻💖， 服務員畀咗一個獨立半開放房間畀我哋 ，又很熱情招待，主動替我們拍照。 因臨近中秋節做節時段，經理話單嗌的菜色餐牌係會加咗價💰，套餐就維持之前嘅價錢 ， 平時冇嚟開食，所以係咪真 就無從稽考喇 ~我們點咗一個八人套餐，七個大人一個小朋友， 食到超飽，份量真係好足，如果八個都係大人(正常食量)都夠哂飽。個餐有夫妻肺片，雞絲粉皮，上海燻比目魚 ，酒糟醉雞，雞煲金勾翅，黃金蝦球配南瓜蘆筍鍋巴，酸菜大龍躉，片皮鴨一隻， 金華火腿絲奶油津白， 八件小籠包， 鮮肉煎鍋貼， 香蕉豆沙鍋餅，😋 最出色應該係個黃金蝦球同埋個夫妻肺片， 蝦球彈牙同埋外層嘅鹹蛋黃都好好味，夫妻肺片辣得嚟都好香和入味，唔係得個死辣， 其他菜色質素ok👍， 侍應生中途會主動幫你加茶加水換碟等等， 埋單總共食咗$ 4500多， 人均消費大約570蚊， 去食 lunch buffet 也可以了。🤔 其實如果唔係做節，應該唔會揀套餐，可能cp值會高D😳。

今晚再一次幫襯這間餐廳，本人都幾喜歡這裡的「麻婆豆腐」，豆腐香滑，而且辣度適中，醬汁中有一些辣椒🌶️，又有少少榨菜粒，增加口感和有少少脆口的感覺，令這道菜錦上添花，好食😋！每次沒咩胃口時，食呢一道菜，都能夠大口大口的食飯，不錯👍🏻！另外，今晚又試了一道「魚」，叫做「蔥烤雅片魚」，由於不太清楚什麼是雅片魚，所以抱著一種試新口味心態去點了這味菜式.食落，口感都好似比目魚，味道一般。反而，這烤魚的配菜，我又覺得好香好食田，不過，略嫌油膩咗少少！如果可以放少啲油可能更加好！

每次喺沙田想食清淡啲嘅中菜🇨🇳, 都會諗起稻成💭😙😌光顧咗3次, 食物質素同服務都唔錯👍🏻😤唯獨今次, 門口位reception 小姐服務欠佳, 態度晦氣👎🏻👨‍👩‍👦同屋企人一行3人, 唔想諗食咩, 直接叫個二人套餐🤪前菜 (四選一)+湯品+主菜(四選一)+蔬菜(三選一)+點心(三選一)+甜點。。二人豐盛宴($688)。。🔸老上海燻比目魚🐟 6/10用比目魚整上海燻魚, 比較少見🤯略為多骨, 唔夠酸, 醬汁偏咸啲🙈🔸鮑魚羊肚菌燉雞湯🥣 6/10燉湯好足料,真材實料🤩✔️原粒鮑魚, 雞肉, 螺肉, 羊肚菌味道清甜😋🔸鮑魚紅燒黑毛豬肉🐷 6/10🟤醬汁較杰身,色澤深啡色, 成煲都黑蚊蚊🤣🔦喺黑暗中被忽略嘅茶樹菇🫣索哂啲汁, 好味🤭鮑魚有4粒, 紅燒肉肥瘦相隔🐷🔸金銀蛋小菠菜🥬 6/10菜嘅份量不多, 味道正正常常🔸稻成小籠包(4件) 6.5/10小籠包皮薄多汁湯汁鮮甜🥰🔸香蕉豆沙鍋餅🍌🫘 5.5/10窩餅外皮似春卷皮豆沙唔會好甜👍🏻香蕉份量唔多外脆內軟, 也是個不錯的甜點😗。。。。。。。加單。。。。。。。🔸陳醋伴老海蜇頭 $98 6/10涼拌海蜇頭口感爽脆, 底部墊有青瓜塊🥒

前排夜晚去咗沙田新城市食飯門口見到一間餐牌幾吸引就諗住試吓佢哋嘅招牌酸菜鱸魚Walk in大概等左三四個字門口果位姐姐好有禮貌關於套餐同等位嘅問題好有耐性解答我哋仲介紹咗出名嘅片皮鴨同小籠包入到去見到餐廳整體算乾淨整潔而且坐咗一陣就已經坐無虛席雖然人多但勝在上菜速度夠快幾乎全部食物都係出住煙咁上枱今次試咗個二人豐盛宴份量非常之足夠特別推薦招牌酸菜鮮鱸魚同稻成小籠包酸菜魚辣度啱啱好唔食得辣嘅仲可以揀完全走辣而小籠包皮薄餡靚、湯汁鮮滑兩道菜都回味無窮特別一讚嘅係樓面姐姐一路幫我哋收拾桌面食完嘅碟同埋垃圾好快幫我哋收曬而且每次舉手都好快回應留意到壺茶凍咗亦會主動幫我哋換熱茶實在款曲周至總括黎講 餐廳服務水準同食物質素都滿意值得再試😋

這餐廳的正常服務完全無！門口帶位態度差不只，我們入到去想又6人轉7人，同啲侍應講，佢哋無反應，唔理，唔轉，但入面仲有好多枱是無人坐的！佢哋無覆過嗰啲枱有冇人訂咗完全係唔理佢答！對人一啲尊重都冇！

內部通過裝飾，每個角落瀰漫田園的氣息，呈現一種樸實而不華，貼近自然的風格。在喧鬧的城市，靠在商場外的光線折射進來，予人自在又放鬆的感覺。 (1)稻成酸菜鱸魚將鱸魚起肉，魚頭及魚尾則香煎到金黃色，加上高湯燉煮，魚湯呈奶白色。切成絲絲酸菜，加上金菇菜，口感劃一而沒有違和感。另外加了一份紫薯粉，較外間的較為煙韌。鱸魚的份量真的有感吃下整條魚，火喉亦控制得宜，保留應有的質感。（有用小蠟燭保留溫度，令湯汁的油份不會凝固。） (2)稻成小籠包 (3)薺菜豆腐鮮魚羹薺菜本帶有青草清香的苦澀，味道甘醇，後勁亦會散發淡淡的甜味。然而，整個羹湯都被薺菜的香味淹沒，整體單調，亦沒有嚐到魚肉的鮮甜而相得益彰。

今日咁啱攞完回鄉證，口淡淡想食酸辣嘢，即刻諗起稻成，搭車過嚟！今日冇朋友冇屋企人自己一個單拖落嚟，諗住叫個酸菜魚，點知佢哋終於出咗一人餐，睇落都幾多嘢食，好豐富！等佢哋出一人餐等咗幾耐🥹🥹好感動！冇呢一排好多新面孔，但衛生，食物，服務，都可以keep到值得一讚！

💁🏻‍♀💁🏻💁🏻‍♂💁🏿‍♀💁🏿💁🏿‍♂🏷稻成 @沙田這家沙田稻成餐廳已經開業有一段時間了，但每天都座無虛席。其中最受歡迎的菜式當然是招牌酸菜鮮鱸魚，這道清新開胃的魚肉搭配酸菜，讓人一試難忘。另外還有水煮鱸魚，這道魚肉煮至鮮嫩，搭配麻辣的湯汁，非常開胃。今日終於有空一試了。💁🏻茗茶 $10@1💁🏻前菜(每份) $28這道前菜看起來非常開胃，簡單卻美味。裡面有花生和炸黃豆，這兩種豆類搭配在一起，口感酥脆且香氣四溢。花生和黃豆都是豐富的植物蛋白質來源，非常營養。而且這道前菜的份量適中，不會太飽，正好可以開胃，讓人期待接下來的美食佳餚。💁🏻老上海燻比目魚 $88超正，口感很豐富。外皮酥脆，內部鮮嫩多汁，雖然我對比目魚都有少少要求，但是它完全突破想像，想不到比目魚可以有這種煮法。不過凍了的話會變得硬，口感可能會變得不太好。💁🏻招牌酸菜鮮鱸魚 加酸菜薯粉 $268+$28叫了少少辣，酸菜烹調鱸魚的酸味和好煙韌有啫喱質感軟嫩的紫薯粉搭配，非常好吃。💁🏻高力豆沙 $58口感柔軟綿密，而豆沙餡則是甜甜的，滑順可口。質感好有趣，好像空氣包一樣，紅豆沙多一點的話，味道會更豐富。💁🏻稻成小籠包 $52外皮薄

烤鴨很一般冷氣太足了，麵皮一拿出來就冷掉擔擔麵還不錯水煮魚好吃看隔壁桌的砂鍋雲吞雞也很美味的樣子服務還不錯，但是冷氣實在太大了！也不能坐太久份量挺大適合4人吃！

二人豐盛宴 ($688)🐓 涼菜 - 巴蜀口水雞口水雞份量都幾多，食落啖啖肉且唔會算好辣，麻辣味夠香之餘食落去又夠開胃，就算唔係幾食得辣嘅朋友仔都可以試下阿。☺️🍲 湯羹 - 鮑魚羊肚菌燉雞一個盅盅燉湯夠足料，有濃郁既羊肚菌香味，材料仲有原隻鮑魚、雞及螺頭，燉湯能夠將所有精華嘅味道釋出，湯頭味清甜，夠滋潤，飲完仲唔會口渴，絕對係真材實料！👍🏻🐟 主菜 - 招牌酸菜鮮鱸魚(例)香港要食到好味既酸菜魚真係絕對唔容易， 除左果幾間內地開過嚟好出名嘅舖頭... 今次食完真係覺得唔錯， 叫左小酸及適中辣度，相比起口水雞呢款就無咁辣。魚肉鮮甜口感嫩滑又無骨， 食落方便夠哂開心阿。😋🥗 蔬菜 - 金華火腿奶油津白 食完咁多辣味嘅嘢，梗係要食啲清淡啲嘅蔬菜啦～ 落足料嘅奶油津白加上金華火腿既調味， 夠creamy且每條津白都掛滿奶油醬汁，感覺好滿足。😉🥟 點心 - 稻成小籠包(4件)小籠包要煮得好食，真係好考功夫既。 皮薄餡靚當然係基本啦，一上枱襯佢熱辣辣， 梗係即刻一啖放落口，咬開湯汁爆哂出黎，肉汁鮮味夠豐富，真係估唔到咁好食阿！推介阿👍🏻👍🏻🧁 甜品 - 香蕉豆沙鍋餅食左咁多嘢， 其實已經好飽，但對

新城市廣場底層行到最入都有酸菜魚食😍Lunch同朋友諗住食好啲見到有二人套餐諗咗好耐食酸菜魚好定係食片皮鴨最後都揀咗酸菜魚🫢二人套餐好豐富好多嘢食 -巴蜀口水雞口水雞啖啖肉 辣度適中 唔會話好辣 就算食唔到辣嘅朋友都可以試吓-薺菜豆腐鮮魚羹湯比較先填清清地食完啲濃味嘢再飲返兩啖湯就可以解膩-招牌酸菜鮮鱸魚魚肉肥厚 比較有口感份量都好多 酸酸地少少辣 唔使擔心辣都食唔到-金華火腿奶油津白奶油津白簡直係健康之選金華火腿鹹鹹地吊味 奶油令到菜好滑身 👍🏻-稻成小籠包最鍾意就係食小籠包稻成原來小籠包都唔錯皮薄 包住晒啲湯 一啖一個食嗰陣時真係要小心啲熱湯焫親🤭總括嚟講呢個二人餐真係幾抵食因為佢份量都好多👍🏻👍🏻下次可以試埋個片皮鴨先

之前好多次行過都好多人等位, 今日終於食到喇~🤭餐廳環境都幾舒服, 雖然全場爆滿,仍有足夠空間感~👍正當諗緊食咩時, 店員推薦我地食2人餐,仲話份量同散叫一樣~ 🌸二人餐💰688前菜 (四選一)+主菜(四選一)+湯品+蔬菜(三選一)+點心(三選一)+甜點🔸巴蜀口水雞目測都有成1/4隻雞. 口水雞香蒜味唔算濃, 唔麻但好夠辣. 辣味集中於舌尖, 🔸鮑魚羊肚菌燉雞湯 (2 位)個湯都幾足料, 有濃郁羊肚菌味, 又有原隻鮑魚同細細粒響螺, 整體好清好甜. 飲完我無口渴, 所以應該不是味精湯 🔸招牌酸菜鮮鱸魚 (例)一定要試下出名的酸菜魚啦~唔夠飽仲可+HK$28 薯粉,亦可自行選辣度~第一次食先叫一個小辣, 起初有擔心辣到食唔到~ 點知好ok 喎~酸菜好多好濃,辣度好微食落好舒服 . 魚塊唔腥,而且好滑好入味~ 連我唔特別喜歡食魚的人都好中意~ 配菜有金菇好完全吸收晒酸菜汁嘅精華 🔸火腿奶油津白奶油味香但不油膩, 適合中和辣味 🔸稻成小籠包 (4 隻)外皮好薄, 包住滿滿湯汁的餡, 沾下鎮江醋味道更加突 🔸香蕉豆沙窩餅夠晒脆卜卜, 唔會太甜, 我一個人食左大半化份

同男朋友去沙田成日都唔知食咩，突然諗起之前同朋友食既酸菜魚，跟住就去左食lu~酸菜魚：😸😸😸😸/5 $248再食多次係因為啲魚肉好嫩又唔腥，同埋啲酸菜同辣椒嘅味道真係好夠味。男朋友唔係食得好辣既關係，所以叫左bb辣。佢哋嘅湯汁都好好飲，清澈透明又微微酸辣，真係好開胃。份量黎講亦都好足，我同男朋友share一個，加$29 紫薯粉，岩岩好夠飽。值得一讚既係因為人多既關係，職員叫我地調位，但勁好人請我地飲一人一杯凍豆漿😂😂不過我男朋友可能食得口味偏濃，覺得唔夠酸，同埋男仔會覺得太少薯粉。 個酸菜魚可能因為我影得耐？所以唔夠熱😂總括嚟講，行過沙田唔知食咩就可以一戰🤣

今日就同朋友去咗稻成食飯, 餐廳主打京滬菜我哋就叫咗稻成酸菜鱸魚, 店員用蠟燭微微熱住底部, 成件事幾有情調😂鱸魚份量好多, 每塊魚片仲好大塊, 肉質滑溜, 😋湯底都好惹味, 入面有大量酸菜, 味道偏酸另加配紫薯寬粉, 口感會比紅薯粉更加煙韌😋好食嘅唔止酸菜魚, 乾爆重慶辣子雞都整得幾出色雞塊炸得好乾身, 面頭佈滿辣椒花生同芝麻, 香脆得來唔會太油膩, 而且麻辣香味平均分佈喺雞塊度, 香口過癮😋另外我都叫咗稻成小籠包, 皮身偏薄但唔易穿, 肉餡索滿湯汁👍香炸蝦膠藕餅 , 外層炸得香脆, 入面超多蝦膠,配埋爽脆蓮藕粒, 口感豐富最後仲叫埋高力豆沙, 空氣感滿滿, 同時又幾有彈勁🤣