稻成 (新城市廣場一期)

營業中

休息中

大年初四食開年飯，原本諗住出尖沙咀大都食片皮鴨，但衹限4位，email又冇覆可吾可以加到6位，為確保有飯食，改左去稻成，吾想太夜，攪到媽咪又攰又眼瞓，所以今年下晝食😊book2點枱，去到等左一陣就有位，大時大節算系咁😅原本留左一隻鴨，但入座後侍應推介4人餐，見有魚有雞有鮑魚有海參仲有花膠，所以決定食餐再加一隻鴨同埋加多份小籠包😍涼菜衹系粉皮呀，夫妻肺片＆肴肉，冇乜特別，又吾系話十分好味，所以影左相都費事post😂點心系小籠包，皮吾厚，有肉汁，但可能我太遲食，攪到吾覺好味😮‍💨主菜有酸菜鱸魚，吾好睇佢一隻隻紅椒喺面，但系吾辣㗎，連我吾食辣都覺得佢衹系輕微辣，酸菜系潮州酸菜...阿媽話🤣🤣🤣條魚好滑，我食就食吾到骨，但哥哥就食到有少少骨碎，所以食時都系要小心啲，個湯酸辣味適中，吾會蓋過魚味，聽講散叫有酸菜龍躉，下次可以試下😁再黎跟餐嗰半隻片皮鴨，期望越大，所以攪到冇乜驚喜，叫做不過不失啦，佢系鴨皮同鴨肉分開嗰種切法，上菜時用個盒仔，上面放皮，下面放肉，有個櫃桶仔放濕紙巾同埋一次性手套，望落幾靚，仲幾細心，鴨皮脆，但吾見有鴨皮脂，所以食落吾太大嘅鴨油香，燒得啱啱好，冇騷味又吾乾身，可以再食😋

其實新城市廣場新年期間午市訂到位，我覺得已經好好因為有啲餐廳直程，你打去都唔會聽你電話直接飛留言依家間餐廳其實我一直都想食，估唔到新年期間可以book到咁就即管去食吓啦、我哋五個人叫咗一個二人餐加咗一隻片皮鴨加多左一個燉湯一個楊州炒飯，仲有一個小籠包同埋煎餃同埋兩杯豆漿其實真係好飽、啲餸都來得好快不過好奇怪，問佢攞牙籤問咗5678次都冇而且上菜嘅嘢全部都係唔熱㗎其實講真，佢嘅價錢又唔算好貴，不過唔係平但係真係對唔住個質素囉佢個酸菜魚可以係完全唔熱係溫暖。叫人可唔可以整返熱？佢哋係咁喺度不啲湯林上去😨咁其實係冇用㗎，呢啲湯都唔熱影咗幾張相，已經冇心機影落去不過好想知道其實係咪新年期間先係咁樣定係平時好啲？

等位等左兩個鐘，中間問過兩次reception，一路話執緊枱下轉就到，咁我地繼續耐心等，又等左大半個鐘，點知都未有位，問多次，個reception繼續話執緊枱 ，我地問點解執左成粒鐘？佢話因為個客唔走，所以未得，咁你又話執緊枱？又話有限時？其實你一早講無枱或有排我地可以選擇走或繼續等，但唔係比你咁耍，理虧之後個阿姐仲特登走入去唔出黎，態度極差，唔會再黎，希望可以加強培訓下員工，唔好咁趕客

無時無刻都人山人海～🫣今次去沙田新城市廣場食一間十分出名嘅酸菜魚—稻成👀稻成呢個名聽左好耐，今次終於有機會食到！我地一行四個人，係Openrice到book位,好方便，但book位就最好提前幾日book,因為成日都full booking..🤫去到門口，雖然話book左位，但因為個場都滿座，所以都要等十分鐘先入座。入到去之後，由於有兩位朋友未到，我地又想等埋朋友先一齊落單，所以都未咁快決定到住，但職員就不斷來回咁問我地想食乜，好似催我地咁，呢樣有啲失望～😗野食方面，當然冇令我地失望啦..🤩稻成主打京川滬菜，我地今次就一次過試曬唔同地方嘅菜式👅👅🤡川— 招牌酸菜鮮鱸魚黎到稻成，點可以唔食酸菜魚呀？🤭一大盤酸菜魚，唔好以為配料多過魚肉，魚肉嘅數量都夠曬我地四個食！鮮嫩嘅魚配上適當嘅酸酸辣辣，再加上一條條寬粉，十分開胃吸引🤤‼️🤡京— 稻成片皮鴨「稻成·好食點止酸菜魚」，片皮鴨都係必食，鴨肉皮薄脆口，加上薄薄嘅薄餅皮，咬落去鴨嘅油香充滿係個口到，令你食到停唔到口..😋🤡滬— 小籠包小籠包作為滬菜嘅代表，都可以話係必食！一籠四個啱啱好，上枱一定要即刻食，小籠包入面充滿濃濃嘅湯，湯嘅溫度啱啱好，唔

同朋友去附近睇展覽前食飯～上Openrice見呢間有酸菜魚食，所以book位來試一試～職員服務態度好好，環境都ok~因為我哋唔是食到好辣，所以選左少辣酸菜魚來試，魚都幾滑、另加d薯粉（好少見薯粉是紫色）高力豆沙仲要即叫即做，好好食😋

大滿足的午餐  -  稻成住喺呢頭，成日行過見到呢間專食酸菜魚嘅餐廳尋日有朋友仔過開黎終於有機會試下Menu大大份花多眼亂簡單啲叫份午市二人套餐內容豐富價錢亦算合理小籠包係第一道菜相信係即叫即蒸做到皮薄涵靚一唔小心好易穿😂味道非常好👍🏼雞絲粉皮粉皮爽口，但略嫌醬汁較多份量剛剛好炒菜苗菜苗青味比較重，我同朋友接受到唔喜歡嘅朋友可以揀其他蔬菜片皮鴨（半隻）套餐可選片皮鴨或酸菜魚估唔到片皮鴨竟然有驚喜大大、唔油膩、肥膏去得乾淨、鴨肉滑包鴨的皮都夠薄唔會滯👍🏼套餐甜品係中式南瓜酥餅有點油膩

之前響圓方商場食過一次酸菜魚，覺得唔錯，今日經過沙田見到有一間係食酸菜魚嘅店舖，於是同朋友一行四人進去嘗試一下，我哋四人一入去，所有店員都非常之有禮貌同我哋講「歡迎光臨」😀，坐低之後，覺得以綠色植物為主題的裝修，俾人一種好舒服嘅感覺👍,食物方面，我哋點咗干鍋大蝦田雞,裏面配上萵筍同蓮藕片，辣同麻就唔會變得太濃😋😋，水煮鮮鱸魚，一上檯，麻香味撲鼻而來，簡直讓我哋立即忍唔住要食，裏面配咗紫薯粉，花生芽同雲耳，真係十分之足料👍👍，稻成王鴿，好味😋，平時食都要沾啲淮鹽或者喼汁，而依家根本唔需要沾醬料，因為已經夠晒味道，😀，風沙小黃魚，皮香肉嫩😋😋😋桂花蜜汁火腿配夾包，呢個唔講啦，留翻比你哋去評論啦，總之一個字，正👍👍👍，整體黎講，我哋對此店評語，食物質數高，環境整潔，服務員待客熱情，有禮，是一間值得推介比其他人光顧的餐廳。

😫間餐廳真係開得好偏僻丫 係新城市行左一個圈都揾唔到 結果要打去餐廳問 個reception 就教我去原來係角落位🥹比間日本野遮住左Reception 見到我就話 恭喜曬 終於都揾到仲話一次生兩次熟 下次就會識黎🤣🤣幸運地我地兩個人都有卡位坐叫左個二人餐夫妻肺片⭐️⭐️⭐️可能因為我唔太食得辣🫣酸菜魚⭐️⭐️⭐️⭐️好味 夠熱 酸酸地都好開胃 辣得黎又唔會無魚味小波菜⭐️⭐️⭐️普通。無咩特別😂😂蝦膠藕片 ⭐️⭐️⭐️個連藕好厚😂😂高力豆沙⭐️⭐️⭐️⭐️⭐️皮薄 夠多豆沙整體個二人餐都好夠食 個夠錢都好合理是特別一點係餐廳既侍應都好有禮貌 一入門口 門口個女仔已經有種親切感 搞笑😂 佢係我地走個時仲比左卡片我地 (YoYo.Chow)叫我地下次可以揾佢book枱落單個時個姐姐 聽到我地唔想食南瓜餅 所以轉左高力豆沙比我地❤️ P.S聽到同事叫落單姐姐做Mandy 不過最難得既係一個男同事一路都好細心 又會比紙巾又會問我地要唔要爉燭爐幫條魚保温 同埋食物味道係點 有冇意見 最後又會提供牙籤 比我地 (眼鏡男)👦🏻其實餐廳食物真係其次 最緊要真係員工既態度 所以我會再幫襯的 因為我想試下佢地新岀既羊腩煲 今次太飽食唔落🫠🫠🫠

今日同兩個朋友仔去依道食飯餐廳裝修好似森林 好多緣色既植物包圍住我地三個人 有個姐姐叫我地叫二人餐再散叫一啲野食抵食啲👏午市二人餐都係4百幾 涼菜，點心，菜，主菜同甜品 都包曬 我地另外加左隻乳鴿食乳鴿真係好好食 平時岀面食個啲好乾身 但依道就相對有肉汁整體食物都唔錯 會再黎幫襯🎉🎉午市唔會好嘈 又坐得舒服 加上值得一讚係 服務態度好好入座reception 個女仔會幫你拉櫈會有店員幫你添茶 落單肥姐姐又唔會好強硬叫你食二人餐 又比好多建議☺️食到中段又會有個男經理問我地食物如何 🤔🤔

黎到呢度一定要試下招牌菜酸菜魚,酸酸辣辣好開胃,辣度可以自己揀,仲可以加薯粉同油條,小籠包都有驚喜,皮薄多汁又夠熱,宜家天寒地凍食翻餐暖笠笠。食物整體唔錯,特別係個新菜乳鴿,夠juicyReception嘅yoyo態度好,唔似其他餐廳會有hea你趕你嘅感覺,係門口等嘅時候都會同我地傾下計,客人多都唔會手忙腳亂咁亂分檯侍應態度都唔錯,茶水涼咗及時幫我地換。瘦瘦地帶眼鏡嘅經理服務態度都好認真,會特登黎問我地食物品質同味道,整體落黎今次用餐經驗好愉快🤤🤤之後會繼續幫襯

今天同朋友去沙田新城市廣場，見到好多食肆，行到最入面見到間裝修如樹林般嘅稻成。朋友話想試下酸菜魚，我們就入去叫左酸菜魚，小籠包，口水雞。酸菜魚上枱時還有個蠟燭架保溫，十分貼心，味道非常好食，辣度適中，魚肉非常滑。另外值得一讚係小籠包，皮薄汁多。還有，稻成嘅服務十分好，見我們差不多無茶就已經替我們更換，經理還問我們覺得D食物怎樣。

Reception 係門面，但係黑口黑面雖然講用餐時間九十分鐘，但係一個鐘到就畀張單你埋⋯⋯張檯又細，一個酸菜魚已經用左成張枱，叫多啲野食都無位擺個侍應嬸嬸啲態度仲惡過我阿媽，漏單仲理真氣壯話返你：「你話唔要阿嘛」（？⋯⋯無言）有啲侍應嘅服務十分好，好細心嘅，搞到成間鋪侍應嘅態度好參差，有對比野食味道ok，但價錢唔親民耐唔耐食一次，唔會經常去

已經唔係第一次來啦～～～講環境先啦～竹同綠葉為主打～清新感覺啲位置又夠大～坐得舒舒服服酸菜魚🐟對於唔食辣嘅人來講啱啱好，但係對於我食開辣來講中辣都唔夠辣啦～～不過都好味嘅～～我幾鍾意佢哋嘅口水雞，因為佢個辣醬入邊有加咗芝麻醬😋好好味小籠包都好食，入面嘅湯汁好濃郁😋😋其他嘢都不過不失啦～～性價比高所以值得一去再去👍👍👍

水煮和牛唔錯，配菜有蓮藕、紫薯粉、花生芽菜和雲耳。牛肉份量都唔少，比水煮魚抵食。值得一提的是紫薯粉，比普通紅薯粉更滑，正👍🏻乳鴿特價58蚊一隻，唔係幾大，肉亦唔多，唔推薦。四個人俾两對一次性手套⋯⋯咩一次性手套好貴咩🤔雞絲粉皮量少，雞絲有三條，酱可能有10ml，仲要62蚊，比上海姥姥48蚊的差太遠。鮮蝦春卷冇影到，因為實在搵唔到蝦。黃金蝦仁配咗南瓜同露笋，因為少咗蝦。變相加咗價。小籠包唔够熱，四隻有两隻一夾起就穿底，唔合格。全程趕客⋯⋯90分鐘用餐時間，食咗一個鐘未夠，個部長就撇埋張單上枱，提我哋仲30分鐘就够鐘👎🏻👎🏻👎🏻真係祝你哋生意興隆！

呢間位於新城市廣場地下最入面嘅一間餐廳，好容易被人忽略。咁啱見到個廣告「好食不止酸菜魚」就想去試下，因為同行嘅友人都非常鐘意酸菜魚。因為第一次食，所以冇升級到龍𧄌，只揀咗鱸魚，唔算好入味，但勝在大大塊，又冇骨。湯就好濃味，好味到湯都想飲埋。配菜嘅酸菜同薯粉就好正好送飯。稻成酸菜鱸魚($258)賽螃蟹好味，有一絲絲瑤柱同蟹籽口感有層次。瑤柱芺蓉賽螃蟹($158)小籠包都好滿意，皮薄肉汁多，又不會漏湯。稻成小籠包($48/4隻)叫左3樣嘢就差不多5百，但味道好，服務好，所以都好推薦嘅!