稻香超級漁港 (已結業)

尋晚貪得意又有時間, 咪去稻香食一蚊雞, 都好醒目知要早Dee去等, 6到達, 好多人呀, 個知客不斷同其他客人話5點11先入左第一輪, 係要等一陣, 我都知要等, 但一等竟然待到7點2先有位, 其間有dee客問個知客不斷問會唔會冇雞食, 真可知道好多人都係為一蚊雞而來,, 其實除左一蚊雞, 其他小菜既選擇真係好少, 成張A4紙上, 可選擇既餸得個10幾款, 一個XX菜煲竟然要$78, 西蘭花帶子要$98蚊, 搶$$$呀一輪選擇下, Order左: 蚊雞 x1 : 一蚊隻雞都唔祈望好大架啦, 但真係好細呀, 一隻雞得個20件度, 雞皮下面 仲有dee dee黑線, 賣相有少少核突, 雖然隻雞細, 但都唔滑既, 冇物味道, 淡淡 紅燒竹笙豆腐 x1: 竹笙4件, 豆腐成10件, 睇個汁好似好濃, 事實係淡茂茂, 一dee咸味都冇唔通廚房缺鹽????? 瑤柱什菇浸菜苗x1 : 呢個好dee dee, 有少少鮮味唔夠喉, 再加多一隻一蚊雞, 呢隻雞就比上一隻好dee, 夠滑, 咬dee骨竟然食到淡淡既藥材味食物就唔太得架啦, 但dee侍應既服務憑度就好好, 冇得彈, 搶番少少分數

We went to Tao Heung abt a wk ago. Luckily, we didnt have to wait for long (9pm session). The waiters and waitresses were very attentive. The hotpot was nice. I just wanted to try everything, so we ended up ordered 11 dishes for the hotpot, American beef, lamb, scallop, and different kinds of "clams" (蚌) In the end, we finished almost everything except for the Enoki.象拔蚌 is very fresh and abit crunchy. You can either eat in raw with wasabi or cooked in the hotpot.it's worth going again........Wo

同朋友一齊食團年飯, book 左稻香, 但都等好耐不過周圍都係咁多人, 既然book左位就無謂走黎走去我諗等左9個字左右就有台. (如果打邊爐既話唔駛等咁耐)其他台都係叫套餐/ 全包宴, 我地就叫左幾個小菜- 燒味拼盤, 叉燒幾瘦, 但汁唔太夠, 海蜇比較短身, 難夾d乳豬皮下冇乜肥膏, d 肉唔會好鹹, 唔錯!- 半只脆皮雞, d 肉幾滑, 層皮超脆- 魷魚鬚, 外脆內軟, 意思係.好易咬得開, 正!- 咕嚕肉, 一條條, 細舊不過都幾多, 個汁唔係好酸, 岩岩好- 脆肉瓜炒牛肉, 個汁少辣辣地, d 牛肉都幾林- 唔知咩豆腐, 一般貨色, 冇咩特別- 星洲炒米, d米粉比茶餐廳或者其他地方食既較幼, 另一翻風味個人覺得用幼米粉炒反而幾好食, 外面o個d 用東莞米粉食完個口好似成口粉咁但哩個幾爽, 唔錯- 福建炒飯, 個汁好味, 仲食到... 好似有鮑片. 不過不失- 海鮮卷, 同其他酒樓差唔多- 來歷不明既壽包, 幾好食喎估唔到, 應該係白蓮蓉, 仲有少少蛋黃個包熱辣辣好鬆軟今晚好多人, d 侍應都唔停手, 好彩我地坐o個度後面有水壺, 自助式refill茶今餐諗住食過百, 但係

今天考完試，和同學一起去到旺角打邊爐。去到的時候差不多9：30pm，但是人還是很多很多，等了差不多30分鐘終于有位。我們十幾個人點了兩個燙底（..豬骨的和雞骨的），點了好多好多好多打邊爐的菜，但是好多叫不出名字，吃過就忘。 什錦拼盤裏的蝦好大只，好好味。還有腐竹也很好吃。至於肉丸，牛肉丸，魚丸就先得普普通通了。最後吃到$14XX多，每人差不多$13X。撐到想吐。 走的時候已經淩晨12：30了，但是人氣還是很旺，還有人進來打邊爐。天冷得時候邀朋友出來打邊爐真是不錯。

星期六同祖兒一行兩人去打邊爐、本身都無諗過專誠特價時段去、但大家工作都好忙，所以晚上9點先去到。等位由9點等到10點10分先至有位。我地咁大個仔大個女都未試過咁夜先打邊爐。兩個人座張四人梳化枱都算舒服、Order在羊肉、肥牛、水餃雲吞、豆卜、珊瑚蚌、牛怕熱、粟米、淒涼菜八樣野。1. 羊肉...............普通2. 肥牛...............普通3. 水餃雲吞.......超正(推介之作)4. 豆卜...............普通5. 珊瑚蚌...........尚可6. 牛怕熱...........普通7. 粟米...............新鮮清甜(祖兒一個人食左7成)8. 淒涼菜..........普通(整得好靚、不過無咩菜味)除左等位耐之外、服務同食物都可以。埋單$303(尚算合理)

星期日同公公婆婆飲茶，佢地住近稻香，所以就揀左呢度，四個人叫左：糖不甩：花生幾多，丸子夠煙韌，幾好奶黃馬拉卷：無奶黃味，唔知點解覺得肅肅地叉燒包：叉燒好難食，好彩唔大個牛肉球：我無食，唔清楚炸雲吞：唔知點解，賣相好假，食落得塊皮菠菜餃：菜幾新鮮，澄面皮夠軟熟，OK因為規定要搭枱，坐得好屈則，總體來說，非常麻麻。

30號晚我地7個女仔去哩喥打邊邊，因為其中有位姊妹要返學10:00pm先嚟到，於是我地決定食9:00pm後特價個場。我地叫咗個什錦併盤$178，原來仲包個湯底，於是姊妹們都話叫醉雞湯底，但個湯底嚟咗，隻醉雞等好耐都未到，最後我地要叫伙記先攞俾我地，所以大家下次去食時叫醉雞湯底一定會俾埋隻醉雞你唷！我最欣賞佢地有個雜菜籃$48，好多款菜，滿足到我要多吃蔬菜既需求。另外推介有個脆腐皮卷$12，姊妹話係睇阿蘇介紹完之後，佢發現哩個脆腐皮卷食法同炸魚皮一樣，輕輕浸一浸個湯底就可以即食，食落仲冇炸魚皮咁肥膩，果然好介紹。同埋冰震豆腐$12，哩個係必食推介。可能太抵關係我地食淨咗好多野，最後都要打包，所以奉勸大家唔好浪費食物，因為有好多人連食都冇得食好慘喔！

2008.12.18第一次來稻香飲下午茶同媽咪兩個人叫了5個點心脆皮小刺猬外表炸得金金黃黃，樣子趣緻吸引裡面係芋頭蓉，填得幾滿但炸物都是非常多油薑汁雞包仔一般啦但一點也吃不到薑味香煎蝦米腸煎得唔夠香口但勝在多蔥同蝦米菜苗餃 及 上素餃兩者的皮都做得很好厚度適中，最緊要唔會黏筷子所有點心最大的缺點係唔夠熱有些送來時都只是暖而已而且人手不夠侍應叫我們坐下後但久久都沒人替我們開茶叫了一個又一個侍應，她們的回答是：等等啦埋單$65，ok啦

到旺角沒有頭緒吃什麼, 友人喜歡火鍋, 所以打算逛街後吃特價火鍋。 有些任食火鍋店己滿, 最後選了今年未試過的稻香。以前一定要於特價時段前攞票等位, 現在好得多, 可以提早讓我們拿票。 差不多九點上到去後嚇一跳, 原來所有人都在這兒等到時間叫號碼。 我們足足要等了半小時才有細枱, 因為肚餓, 一坐下已立刻點湯底。 醉雞湯底(半隻雞) 只是$16, 很便宜! 其他的餸特價後只是$1x-$3x一碟, 點了菜、丸、餃、牛骨髓和桂花蚌。吃完後己經很滿足, 最後還點了我的至愛-楊枝甘露, 真的捧著肚子回家……哈….

不常來稻香飲茶~閒日黎都有好多人叫左既食物其中有幾樣我都覺得唔錯~香芋糯米滋: 很有芋味, 又唔太甜, 又有咬感, 唔會好漏, 好食!魷魚穌: 新鮮炸, 很鬆脆, 味道適中唔會太咸, 正!翡翠餃: 賣相唔錯喎, 綠色的皮, 入面係蝦肉, 味道ok啦~菠菜唔知咩餃: 勁多菠菜係入面! 一個已經夠~花生雞腳: 呢個好好食! 淋中帶爽又入味~仲叫左好多, overall稻香啲食物係幾有質素, 點心款式又幾多~

我食左個金菇肥牛煲，芋頭臘味煲，石班半條(做緊優惠價48蚊半條), 黑椒牛柳粒，同埋半隻脆皮雞..總括黎講所有野味道都唔錯，但牛柳粒真係奄到咬唔散 ，逼住要趙完一輪吐返出黎！除此以外，其他我都覺得滿意的。金菇肥牛煲上枱時仲係超熱的，d泡泡還0係個煲度爆緊，但熱就夠熱，可惜我地原來冇留意金菇肥牛煲原來真係叫做有金菇，同埋有肥牛，我地本來想食粉絲都一條都冇！芽菜就成煲都係！金菇都搵左好耐先搵到幾條！係幾條，唔係幾梳！有點兒呃錢既感覺。至於條魚都新鮮，估唔到48蚊有咁多肉食！雞都好味喎，皮係脆既，入面雞肉都嫰。我鐘意食個芋頭臘味煲，有潤腸，臘腸及臘肉0係入面。芋頭超好味，好夠粉同入味，其他腸都好軟身。但佢係落左勁多椰汁，好重椰汁味，唔太鐘意椰汁既人未必喜歡！其實我成日同另一半兩個一齊去食打邊爐同小菜，今次同埋我妹妹一齊去食，五碟餸加我碗芝麻糊都係360蚊！順便一提，我地等位等左好耐，仲要俾個帶位既女人喝！好激氣！

喺朗豪坊睇完七點半一行十一人上咗嚟食火煱,等咗十五分鐘就有枱,原來……平日夜晚都咁多人!可能同特價有關.一共發動咗三輪攻擊,埋單時張單長到拖地咁滯!起碼超過四十碟!食物份量不算很大(唔知持價係咪細碟Ｄ, 因為之前正價無幫襯過),但起碼全部都好新鮮!唔會上枱時見到一舊舊仲未解凍嘅物體.其中炸魚皮最好味因為仲熱嘅!手打四寶丸比其它店鋪更彈牙!炸腐皮卷有好多料,淥完無解體!湯底無要求只係沙爹同皮蛋芫茜.(如果要食特別就唔會揀呢度)呢個價錢有咁嘅食物質數比去果Ｄ乜鬼任點任食,食埋Ｄ鬼嘢!好好多啦!食到十二點走見到仲滿座……都幾厲害！

今日同女友來o左呢間店到飲茶,唔洗點等位,我地叫o左8籠點心,其中一定要試o既帶子餃,真係唔錯,鮮竹卷同小刺蝟都唔錯,燒賣就爭d啦,不過都算ok,埋單連加1都不過$180,仲要係星期六,都算低啦!不過d小二做野都真係幾慢,雖然都算有禮貌,但我食野o既時候,個場都係得7成滿,好難想像個場爆曬時係點樣!

16/10 我同W兩個人去左稻香吃飯，7點鐘無咩人搵位好容易。服務員向我地SELL個$198既雜錦拼盤，SELL完佢自己都笑；因為個拼盤毫無賣點；可能最出位既係面頭果數十粒車厘茄卦~~~我地叫左:1. 醉雞煱底 : 都有半隻雞，煲好耐都好滑；酒味同藥材味都好香。2. 珊瑚蚌+貴妃蚌 : 新鮮，香甜；不過貴妃蚌好吃D。3. 雪花蚌 : 切得太幼身，滾兩滾唔見左，其實只屬一般。4. 手切肥牛: 好多好靚，好有牛味。5. 水餃+雲吞 : W話好食，我話一般。6. 炸腐皮卷 : 好吃，$12有好多件7. 芝士蝦丸 : 蝦肉好新鮮，芝士味香濃真係芝士咸味(好怕D芝士丸既芝士係甜既)8. 粟米墨魚丸 : 唔知點解，我覺得粟米既味唔配墨丸，淨講墨丸係好食既。9. 花膠仔: 份量都唔少既，不過有少許鯹味。10. 炸魚皮 : 正常11. 油麥菜 : 正常12. 脆鯇片 : 真係好爽口同彈牙，不過頗多碎骨、比佢插親牙肉幾次。W本來想叫芝士腸，不過見到要叫價$48；嘩...十零條芝士腸竟然標價咁貴，真係唔會叫囉~~兩條友吃左$560，好飽!好滿足~ 多謝W這一餐!!

小金魚份工有時需要輪班，所以有時星期六同日都要返工。難得有個星期六唔洗返，就比屋企人捉咗去飲早茶。9點幾上到去稻香，可能係星期六的關係，人唔多，即刻有位比我地(星期日的稻香人多到會叫人誤會係咪今日唔洗錢)早茶市d位擺得好密，有d"札"，坐得唔係好舒服，不過尚叫做可以接受到。(最緊要係坐你後面個個唔好"郁"嚟"郁"去，就會好好多)我地只得三個人，叫咗6個點心如下：刺蝟仔(3件HKD11.80)：其實係炸的奶黃饅頭，只係切成好似隻刺蝟仔咁(噱頭野，抄x星)，入面d奶黃好乾，好"痴"口，仲要小金魚係唔鐘意食奶黃的，所以全部"了"出嚟比魚媽媽同魚姊姊食，佢地都話好乾唔太好食。不過個外皮都幾熱辣辣，而且又唔係話好油淋淋~"算"蓉蒸鳳爪(大點)：百物滕貴呀，連鳳爪都要係大點呀，呢碟鳳爪數量都叫多，不過味道就差咗D，"算"蓉味太濃啦，我都係比較鐘意食橙色的鳳爪多D~(應該係用鼓汁蒸好食D)粟米花枝餅(3件HKD11.80)：呢個都幾好食，不過真係好油，如果唔係咁油淋淋的話就更好啦。叉燒腸粉(大點)：皮唔滑又無米香，而且D所謂叉燒似豬肉片多D，魚姊姊仲話應該叫豬肉腸，因為D叉燒一D都唔叉燒(雖然叉燒係