稻香超級漁港 (已結業)

朋友說 book 了位只是優先等候，而且還要過半數先可入座。book 了 7pm 8 位，但 6:30pm 已經可以入座，而且不用過半數，或者時間尚早。其實之前都曾在這裡打邊爐，不過多數 walk-in。食物種類不太多，只是不斷甚麼併甚麼，也好可以用一樣價錢試兩種食物，食物不算特別，但勝在新鮮。調味料 8 種，可以自己調味，沙嗲醬好味，直接落了很多在碗裡。不要期望太高，但這個價錢而食物又新鮮算這樣。

今日同媽咪黎左呢度飲茶，不過我地好晏先去到，唔駛等位，即刻有位俾你，不過要搭檯就真，但我同媽咪都無咩所謂既，反正影響不大。呢度既環境都算闊絡，唔會好迫，冷氣好夠，坐得幾舒服。可能我地比較遲入去，所以佢會有d特價點心賣，問你要唔要咁，我地見個腐皮卷同埋蝦米腸既外表幾好，所以就要左啦。雖然佢係特價，但都係熱辣辣的，與平日質素無異。腐皮卷脆卜卜，不過油左少少，但都好食。蝦米腸就普通，不過豉油唔夠，但我見到佢有好多蝦米。最好少係有個傳菜阿姐拎碟叉燒腸過黎俾我地，我地話左我地無叫，佢仲死迫我地要。我話我叫左蝦米腸仲點會叫叉燒腸，佢話你個d係特價點同，跟住我真係即刻躁左，我同佢講話個問題係真係我地無叫到呀嘛，唔關個腸粉一唔一樣事，跟住佢即刻叫我地唔好嘈.... 嘩... 仲惡過個客呀，真係都唔知有無搞錯。另外我地仲叫左碗燒鵝檬粉，D燒鵝幾靚喎，好肥美而且好香鵝味，D肉又滑一D都唔UN，所以幾好。仲叫左D其他野，不過都係一般啦。甜品有個叫榴槤蕉葉卷，我地見佢幾得意叫左，不過唔太好食，哈哈，佢入面係有榴槤，不過無咩榴槤味既，而且同出面個D糯米唔係好夾，所以我麻麻地鍾意食。呢度同潮樓上樓唔同，要收茶錢加

在旺角想吃中菜選擇不多﹐星期四晚上6時許入座﹐不算多人﹐但賣單是7點多已經差不多坐滿!餐牌上選擇也不多... 3個人點了5樣: 陳腎老火湯 (最愛呢度既靚湯﹐夠火候而且份量足﹐一人喝了2碗還有剩) 脆皮炸子雞半只 (皮脆而且不肥﹐OK) 薑蔥魚雲堡 (呢個非常笨﹐魚雲全部係炸分﹐根本食吾到魚) 肉鬆炒四季豆 (本來味道不錯但份量少到好似只有半碟 ) 瑤住蛋白炒飯 (非常大碟﹐味道好﹐不油膩﹐多到最好要打包)最後用左張$50 COUPON﹐ 買單 $350﹐算是幾實惠的一餐。

hehe 我同表妹最愛打邊爐, 一年四季都愛打,今次我地唔去任食小肥羊,我地黎尼度. 一黎叫左個 "三合一" $48蚊好鬼底!! 醉鷄鍋 (隻鷄鷄有半隻ga, 而且有兩粒鷄子tim haha) 肥牛 生菜 (佢係敢話d菜好新鮮)以我地咁多年hot pot ge experience d 鷄緊係續少續少放啦! 一次過食唔曬, 后尾果d d肉好老ga D 湯比想的濃 wor 除左三合一之外, 我地叫左牛骨髓併牛百葉, 貴花x, 帶子, 芋絲, 粟米倂蘿蔔, 炸腐皮唔係度度都有牛骨髓ga, 如果佢再粗d 會仲好!貴花x, 帶子好鮮, 好yummyD 粟米差左d, 唔係好甜而且有d”根”炸腐皮 ma ma 地, 唔及小肥牛的好味!另外我地叫左4枝藍妹呀, 飽到死呀~間唔中黎食都幾好, 特別 love 佢個調味盤, 任落 yeah!!

無論打邊爐，小菜都好，稻香真係一間連所經營又有信譽口碑的一間酒樓！好難會發掘到一些唔掂既食物，今次去食都當然好好味啦！黑瓜子班--------蒸得夠滑，老公話紅瓜子本身魚質會更滑，但佢冇晒貨，就試黑瓜子，都好好味！冇話煮過左龍！冬瓜盎------------特價48蚊，佢地唔再成個瓜連瓜皮出喇，用容器裝住上枱，好方便，要食瓜飲湯都自己好易'筆'，料真係超多，有些好似蟹肉啦, 大大粒瑤柱啦，蓮子，總之多料，個湯好清好好飲。豉椒炒花蛤-------------個汁好好味，但呢個SHELL係超多的，我好肯定我呢碟既肉有20蚊，SHELL應該有40個，唔知因為呢個係當日推介，佢一大鑊一齊炒，好多肉唔知跌左去邊個0個碟度喇。48蚊半隻燒鵝-------------都好入味既燒鵝，但當然賣相，燒得唔夠人地專買燒味鋪0個D靚同好食，但侍應一再強調，呢隻真係鵝黎架喎，咁仲想點呢？就係咁樣食飽晒喇！

這日姨媽壽辰表哥他們係呢度設宴，之前都有光顧稻香其他分店吃晚飯，食物水準都令人滿意的，但是晚食呢餐晚宴就真係大失所望。先說頭盤乳豬，竟然得半隻乳豬伴海蜇，我甘大個女都係第一次見上碟得半隻乳豬，真係肉酸又失禮，不如直接整個乳豬併盤好過，跟着來的上湯焗龍蝦伊麵底，成碟像龍蝦湯伊麵那樣，有半碟湯甘滯味道也淡口，清蒸大海星直頭熟到爛，富貴脆皮雞又乾又鹹又嚡，連壽包竟然裏面得蓮蓉無蛋黃，成晚最好食既係尾聲既鴛鴦飯。還有那晚餸菜上檯速度極慢，差極。

今日我地一家14人...為左預早慶祝母親節....一早book 左位由於有2個係bb既關係...佢寫左我地係12人.....所以最後送左6隻乳鴒....當時佢做既2個人送1隻乳鴒要左啤酒1枝...1渣雪梨汁...1渣山渣水...要小左枝啤酒...點知換得1罐汽水咋頭盤係:乳豬伴海蜇....點知一黎到,d野凍而且仲要係"um"既..即時冇癮d魚仲要...1魚2煮囉..蒸果味唔好食...上湯龍蝦e麵...唔錯荷葉飯..因為太飽冇食到..炸子雞...皮脆肉嫩..翅...就好似冇上次咁好味果皮蒸鮑魚...唔錯...食得出既鮮甜鮑魚姑扒翡翠...整得好似鮑魚咁牙...好有口感佢送果個乳鴒..好好味..唔會因為係送既而好細隻...炸得好香..好脆個壽包好好味...又唔會太甜個生果係papaya...一般喇食食下有人黎sale我地要稷...我地要左..68蚊2隻...價錢有d貴...因為稷..唔係好值e d價

嘩~!!超抵~星期六晚9點後去佐雅蘭打邊鍋，埋單都係$223呢個特價星期一至日9點後就有~星期三再食過，$48火鍋湯底--醉雞鍋/豬骨湯底/沙嗲湯底/鴛鴦湯底/清湯底肉類--手切肥牛......(唔記得其他)蔬菜--唐生菜/娃娃菜......(唔記佐一樣)因為呢個平，我地要5個人要佐2個湯底~哈哈!!D野食都幾好，0係等位花佐多少少時間，D丸好有口感呀，醉雞鍋D雞雞好香酒味，重以為得一兩塊雞，好彩有好多雞雞的，哈哈~!!豬骨湯底都好鬼正，肥牛都係之前去食$48/碟D貨式，一D都唔弱~!!繼續努力~!!搵多D平野~!!

月頭的一個星期六，十一人到這兒食晚飯，叫了八個餸，其中一蚊雞可以叫兩碟，所以一共九碟餸(有一碟唔記得係mud)。因為有兩個人食齋，所以要叫三個”菜”，攪到今餐真係幾齋下。一蚊雞雞很瘦，沒脂肪，但幾近沒味， 而且幾細隻，肉又不滑；與預期相若，其實沒什麼期望。金銀蛋莧菜一般貨色，金銀蛋算是多了。紅燒竹笙豆腐最遲出現，要追call。沒特別，普通出品。燒味拼盤離曬大普，這是我第一次吃到最細碟的燒味「拼盤」。只用一隻8至10吋的圓碟，盛着五款燒味和海”節”，當中就只有約六七件乳豬件，但收98元。魚香茄子煲味道夠濃而不鹹，很香口，很熱，火喉十足。椒塩排骨亦做得委好，夠味又不鹹，而且肉質不硬不嚡。腐乳生菜一般水準，味道及菜的質素只屬普通，碟頭不大。整體而言：人手不足(冇人加水)，不算抵食，更不能說是好食，試完一次就夠了。

琴晚同o左女友來o左呢間店到打邊爐,叫o左八碟野,有肥牛,丸類,帶子,餃類,花枝,每樣都好好食,尤其係花枝同肥牛,真係好好食,再叫一枝雪梨茶,埋單一人$245,都真係幾貴,如果要試,最好等9點後,因為會平d.

以前一向都有去稻香飲茶同食晚飯, 覺得佢d 食物都o.k, 但已經好耐無去, 因為d 服務真係唔得, 見咁耐無去, 咪再試吓囉, 因為今期promtion 有1元1隻雞, 點知今期不單衹服務唔得, 連食物都退步, 可以用差來形容, 日後都係小幫襯為妙我們一行10個人, 有鮮甜排骨 :唔得，碟頭好少，味道都不好，ｄ生粉好多木瓜湯：一般１元１隻雞：因為佢平，無得要求，但真係唔好食白灼蝦：我叫咗一斤，但看上去得半斤金銀蛋菜：咸蛋，皮蛋同雞蛋都好貴，全碟所見少之又少鮑魚菇娃娃菜：娃娃菜好少，每人都無一注豬手：好"un"老人家真係食唔到瀨尿蝦：８８元隻，又話大大隻，點知好細隻，一隻只可切開二件，真係唔低食全部碟頭都好細，味道又唔得，真係大失所望，明氣有，但無水準服務都唔好，有一個待應，我叫佢落單，叫咗佢兩次都無反應

一缗(蚊)一隻雞，多年之前是一時佳話。人人也在談論到底一元一隻雞，店子如何有生存空間?當年的我看電視介紹"一蚊雞"看得出神，記者也問及這個問題。當時的店主回應是香港人不會只吃一隻雞就走的，就算是有，也不多。他們的目標是一蚊雞以外的小菜，就算只吃一隻雞，也會要飯錢和茶芥吧。今日，意想不到的五年一小跌，十年一大跌又發生。二零零八年的海潚未有好轉，零九年大大小小的店子也推出優惠，一元食物成為了一時的風氣，傳說中的一蚊一隻雞又重出江湖。這一段時間，今日不知明日事，有錢也不會亂花，見到有優惠，今次就去親身試一試。知道今次是大型的推廣，不擔心沒有雞吃，只擔心何時有得吃。眼見手上的票是一百四十幾，叫的號碼只是七十，就去逛一逛，誰不知回來後號碼過了，又等到一百九十幾先有票，原來叫完號碼是要再等的，八時四十多分入座，剩下推廣時間是十多分鐘，算是剛剛好吧。如何做到放下一元呢? 太衰仔的事真的做不出，我想很多香港人也不會做。不過要吃得精明，是一點也不容易。點了一個冬蔭公，一個豬頸肉，也先要一個飯，當然不少得今日的主角。先來一個冬蔭公，很細的一杯，幾香辣好味，竟然我覺得辣味可以接受? 是我吃得辣了，還是他們做

今日口痕，到此酒樓試食推介的一蚊雞。八時四十五分入座，阿姐話仲可以優惠價食一蚊一隻雞。只要在九時前入單就可以此價錢優惠。DBS埋單的話，仲有八八折！嘩！因為只與靚靚二人，故只點選隻雞及一碟海皇炒飯。雞好快到，隻雞體型比隻乳鴿大少少；好可憐！咁快就離開呢個世界。雖然係冰鮮，但雞肉都幾滑及入味，唔錯。一蚊物超所值，無嘢批評啦。至於海皇炒飯，內裏有各類海鮮，當中帶子份量幾多，亦不太油膩；唯一係飯炒得比較濕，未夠乾身。最後甜品，紅豆桂花糕。二層做法，上層桂花，下層紅豆，兩者都幾夾，紅豆夠稔及起沙，桂花夠香；只係個糕做得比較甜，可能唔夠凍的關係。總括來說，稻香試過多次光顧，食物都能保持水準；員工服務方面，顧客雖然人山人海，但都會俾意見及轉碟，成日提醒啲優惠，算勤力OK啦。不過一蚊隻雞，又無取考，真係可以叫個白飯，八蚊茶錢連加一，之後四十大元埋單，無嘢好講啦。

今日約左兩個舊同事食飯…本來想試applegreen 架..不過full booking.見今晚氣溫會趺到15,6度,於是改為去稻香打邊爐啦!!不過7:00到..勁多人,差唔多等左成粒鐘..其實3個人都叫左幾多野:豬骨煲: 個湯底都ok , 不過我無食d豬骨呀..見到朋友係甘食,應該蘆差既..三拼餃:（魚皮餃+雲吞+水餃）：3樣都好好食..由其水餃珊瑚蚌+貴妃蚌 : 都幾爽同新鮮肥牛: 好好味..炸腐皮卷: 呢個都ok喎..佢本身已熟左..就甘淥番熱就食得油麥菜: 都新鮮牛柏業 + 牛骨髓: 我無食..所以唔知蝦丸+墨魚丸: ok啦粟米 : 新鮮清甜鯇魚腩 : 呢個都好新鮮仲有叫左過唔知咩豆腐其實打邊爐黎講..稻香既質素都算係中上啦..

我地七個人食＄５８８個套餐，DBS卡仲有折添！頭抽皇煎大蝦----蝦既味道好淡，唔惹味原盅燉靚湯----海底椰烏雞湯和味咕嚕肉----顏色較淡，味道麻麻地，好實既一舊野咁。清蒸海石班----都幾鞋口鮑魚菇扒翡翠----菇片大大塊，好靚，生菜中規中舉啦脆皮穗香雞----脆皮雞好好味，皮薄脆之餘亦好夠味滋味蟠桃----新鮮熱辣，好軟，蓮蓉唔太甜，味道0岩0岩好。一向黎食打邊爐多，對佢既野食質素一向冇疑問，但今日覺得佢既餸菜好似冇平時咁有水準呢！唔知散叫會唔會好點要一提既係WAITER好有服務態度，好主動幫我地套起JACKET0係椅背，真係雖然少少野，但真可以令人印象難忘呢！