稻香超級漁港 (已結業)

今朝早，我帶父母兩位老人家到沙田稻香飲早茶。原本相談甚歡，開開心心的。但係呢間酒樓嘅侍應不停地過來就落單的內容和台號的問題來詢問我們，有搞咗五六次，令我們無法談話，甚是厭煩。我都耐心地回答她們。接著，又來了一位女侍應，拿起我們的茶單站在我們的桌旁與其他侍應在爭論些什麼問題，肆無忌憚地趴係我們的台上改單等等動作😡我就細聲地問她：你又喺度做緊乜嘢？佢就好惡地回應：唔關你事！我都係忍住氣同佢講：你可以攞去側邊去攪嘛。佢就即刻發我爛渣：擺一下都唔得咩？呢句說話即刻扯起我把火，我話：我係呢張枱食飯，咪有得你鍾意點攪就點攪，係咪？！你哋已經搞咗五六次，我都未出聲。依家你呢個侍應仲咁大聲鬧我？接著呢位女侍應一路行開，一路嘴里唔乾唔淨！🤬🤬我嘅好心情經此番吵鬧，變得非常之差！事後我想搵經理反映此事，但其他的當時在場的侍應都閃開……後來我終於搵到经理，向佢反映這件事，佢話會內部處理…我感覺唔到該位對客人隨性發惡的女侍應的認錯和道歉，十分遺憾！寫此食評，𧫴以警示稻香集團的管理層，作為香港飲食業的重要一員，員工的服務態度和素貭要加強培訓和菅理，以免令此等惡劣的事件再次發生，影響整個集團的評價！如有後期的處理

上次到這間酒樓食晚飯，覺得食物味道非常一般，本已打算把它剔出重臨食肆之列，但朋友卻持反對意見，堅持此食肆點心不錯，因此今天與朋友專程到此嘗試點心質素。點心有很多選擇，價格相宜，除一般點心外，每天都有特價點心供應，假日只貴2元，也算合理。家鄉釀茄子釀在茄子上的蝦膠彈牙，茄子炸得香脆，加上調味醬油，非常惹味。香麻煎堆仔淡淡芋香，配合QQ的糯米外皮和芝麻香，一點也不油膩，非常難得。鴛鴦雙潮即潮州粉果和蝦餃，蝦餃饀料欠新鲜，潮州粉果餃皮略厚。川汁抄手煮得過火，水餃皮有點糊但川汁惹味。豆卷鳳尾蝦菜式雖新穎，但材料錯配，以致鮮蝦味道被濃濃豆味遮蓋。高湯魚皮餃賣相精緻，皮薄餡靚。原蝦燒賣皇蝦肉大而新鲜，豬肉鮮甜有彈性。香麻义燒餐包味道很好，可惜餡料不多， 如果可以增加烘焗時間更好。雖說點心質素未達完美，但以人均消費55元來說，也算超值。不過對我個人來說，這食肆午市要搭檯的規定，就不甚喜歡了。

好難食 食物質素低 嘢食好求奇 好似求奇比啲食物你就算 未睡過有啲咁嘅酒樓 食過其他稻香都唔會咁差 經常人手不足 連啲茶喝唒想沖水都要自己沖 啲人態度又差 基本禮貌都無 有啲伙記就好好 不過又係得個一兩個

有時晚上家裡沒煮飯，又不想去大家樂或大快活，想吃小菜其實稻香也是個不錯的選擇。花膠千層腐竹煲 ($78)。腐竹厚身所以很有口感。花膠具彈性，煙煙韌韌的很有咬口。還有香菇和翠肉瓜等配料。可惜味道太濃味了。稻香經常做推廣菜，而現正的推廣是蓮葉湖極品鮑魚蒸雞 ($68)。不但掋食而且還很足料。鮑魚一共四隻，煮得稔而入味。雞肉嫩滑而且多汁。荷葉味還十分濃郁。份量十足，真心掋食。可惜醬汁過多，偏鹹了一些。雖説掋食，但其實加上白飯和茶錢，總數也不是超便宜。

三百蚊兩位任食火鍋啲肥牛實在令人失望肥膏佔左二分一以上食完隨時窒血管實在太失望比以前的退步了很多其他如手拍青瓜係幾好食木耳唔夠入味宮廷蘿蔔過辣魚皮ok汔水任飲但都唔飲得多

今天到沙田一田百貨逛街，到達後才發覺該商場進行大裝修，地下食肆一間不留，正躊躇晚飯何處去？幸好發現對面希爾頓中心有稻香，就開開心心去吃晚飯。當時正值晚飯時間，但都不用等位。拿起枱上菜單一看，見有頗多特價菜，便選擇了抵食海鮮三寶。剛落完單半隻雞即到。雞是黄油雞，雖然雞味不濃，但雞肉還算滑，但所謂沙薑雞，就是要沾那碟沙薑醬，否則就是白切雒。可惜太肚餓，吃完才發覺忘記了影相。清蒸龍躉頭腩只是一碟魚肉，頭腩不見，雖然啖啖肉，不過味如嚼臘，可充飢，但不是享受。倒是那些秀珍菇，吸收了魚汁，相比之下更為可口。至於上湯波士頓龍蝦伊麵，要再三催促才到，龍蝦頗新鮮，味道不錯，但伊麵卻煮得過熟，而且每條伊麵很短，只得三至四吋，感覺很碎，毫無咬口。這個抵食海鮮三寶，只賣$358，價格算相宜，只可惜質素平平，不能算是抵食之選。

睇完帝王八代及羅浮宮進化史展覽已經係夜晚7點半, 基於小綿羊好肚餓及行到腳仔軟既情況下, 我地去左就近既稻香食飯。叫左龍㚄兩味, 一清蒸一炒, 198蚊兩碟, 都算抵食。味道方面則不過不失啦

星期六上午去飲茶，是我和家人慣性節目。早上十時到達，見到人唔多，原來都要等一陣先有位。最初安排是坐卡位，但我同侍應講想坐圓枱，她都好有禮貌，請我再等一會，一有圓枱就比我。好快有位喇！我一睇點心紙，發現好抵食喎，怪唔之得未到午飯時間，就要等位啦！我地三個人共叫左六樣野 :吉列鳳尾蝦，脆抄手拼魚豆腐，魚皮餃西生菜，農家肉餅飯，香煎蘿蔔糕，鬼馬牛肉腸吉列鳳尾蝦 : 雖然蝦不大隻，但炸得脆脆的，再配上蛋黃沙律醬，還有懷舊炸紅蝦片拌碟，好好味呢！這個值得推介比大家！脆抄手拼魚豆腐 : 抄手外皮是炸，內饀是韭菜和豬肉，味道可以。魚豆腐一咬落去，原來是芝士味，太新式了，我不喜歡，還是喜歡傳統魚豆腐多D呢！農家肉餅飯 : $6.8 一盅，但完全唔細盅，肉餅分量唔算少，新鮮蒸起，味道OK，超值之選。魚皮餃西生菜 : 正正常常，沒有特別。香煎蘿蔔糕，有四件，味道OK啦。鬼馬牛肉腸，就是腸粉裏面包住牛肉和油炸鬼，混埋一起吃，很美味。值得推介。三個人不用一百元就飲到茶，吃得飽飽！因為早上11時前落單有些點心是優惠。

飲茶都係想坐低舒舒服服，稻香服務就越嚟越差，成班好似國內同胞，講鄉下話嘅服務員。成個感覺都差晒雖然越嚟越差，但我估香港人應該都習慣晒架啦！因為冇得選擇，所以飲茶我仍然會揀稻香。今日因為有親戚來探我哋，所以就食得好啲，叫咗啲小食、小菜同埋炒粉麵。飲餐茶都成千蚊。生活真係好艱難。啲菠蘿生炒骨分量好似晚餐咁，當然都收返你幾十蚊啦！味道幾好唔錯。雞絲粉皮就差左啲，唔夠味道。反而我一定要讚下碟炒麵，夠晒乾身有味道。蒸腸粉唔掂每次都一定食美斯通才，好似特價＄14，真係要讚佢唔孤寒，大大方方的腐乳醬，咁樣食菜先好味。煎堆仔熱辣辣，芝麻好香。

第一次寫食評，警告大家不要去星期六7pm，竟然即刻有位入坐就推銷套餐，原來小菜選擇得2張紙，想食既酒樓菜式都無我地叫左1支啤酒，點左菜等左半個鐘先上5新鮮5夠脆口鬆化的燒腩仔食左半碟，啤酒仲未到，想揾個侍應問下都難，催左幾次先話生力得一支.. 其實我地只叫一支又等多10分鐘，先攞到支啤酒黎慢慢食完碟燒腩仔，終於上菜，差不多食完2個小菜，最後一個仲未黎，問左幾次先知原來賣哂😫想攞張點菜紙，又無人應，叫我地自己去 counter拎，選擇少到都5知叫咩好，終於揀好點菜，等左半個鐘都未上，已經9pm.. 期間再叫多2次啤酒，每次都等好耐，催多幾次先拎到黎最後再催，成9:15先上菜總之服務態度奇差，難以想像，不如改成自助式，自己落單點菜傳菜，自己去雪櫃拎啤酒仲好😥😥😥😥😥😥😥

晚上在沙田不知吃什麼，稻香也是個不錯的選擇，除了吃點心和火鍋外，晚市經常有小菜優惠，之前也吃過便宜的龍蝦伊麵和雞。現在做的優惠也不錯喔～我們要了$68的鮮味龍蝦盛，味道普通，沒有鮮味的感覺，湯底也不算太鹹。但材料十分豐富，有龍蝦，蜆，蝦和芋絲。這個價錢，我沒有太大期望。另外要了白玉叉燒，份量也不小。粉皮加上醬汁和青瓜絲很美味，叉燒也不錯，肉質不太韌。重點是只需 $38！最後二人$152連白飯，十分掋食呀！

今日約了一班朋友人慶生，誰知？大部份都俾老闆整蠱，結果人齊出到黎都八點幾九點。原本訂台果間餐廳已經過曬鐘，唯有求其搵間酒樓食個飯，貪佢坐得舒服，收得夜啲，可以傾下計！去到見到有打邊爐放題，經理又禮貌地介紹給推薦，而且$138仲包自助飲品，岩曬我地成班吹水怪！一蚊隻鮑魚，滾完仲大大隻，而且鮮甜，唔錯！鮑魚師傅用刀𠝹開了，貼心，唔洗放個殻落去甘dirty 任飲任食打邊爐，有廣島蠔食都好少可，仲要啲蠔唔細隻，又鮮味！喺超市買一包都成舊水，喺度食得兩三轉，回本話甘易！叫到成枱都係，仲要有花膠、有肥牛、有鮮蝦，食物全部都係平時正常時段稻香打邊爐嘅質素，所以放題百零蚊，可以食到咁多好嘢絕對係抵之又抵！總評：$150，又飲又食，質素仲要正！下次宵夜的首選！

難得同老朋友S聚一聚，就揀咗打邊爐，圍埋一齊易傾計。圓枱，good fit。而且又易傾計，！  叫左N樣野食 肥牛、豚肉、魚皮餃、雲吞、水餃、四寶丸、午餐肉。覺得最出色係豚肉。稻香的醬材料勁多款！自己就中意混醬，芝麻醬+辣醬+豉油，結果無想像中辣~酸梅湯，夏枯草，豆漿，汽水任飲，仲有沙冰！  糖水有紅、綠豆沙，芝麻糊，紅豆沙真係起沙的~

今日1月11日正午時份到沙田希爾頓稻香用膳。叫服務員香片卻帶來普洱，再叫服務員就多次行過扮聽唔到。食物卡又唔提供，要本人親身行到櫃檯領教取。服務態度認真麻麻。服務員有否必要兩人同時收拾同一張枱？分店當時也不是太多人流，與其咁多人執枱，不如幫手招呼顧客吧！

今日嚟稻香飲茶，因為咁早，得呢家開咗咁。嗌咗個鰻魚飯，好多飯，鰻魚好少。個飯整體冇乜味，賣$78，有點不值。本來叫鐵觀音，後來嚟咗個茶好似唔係鐵觀音，有啲似普洱。