稻香超級漁港 (已結業)

一圍枱叫左十幾籠點心, 都唔洗等耐, 而且好快又有位, 真係可以食到個quick lunch最特別的是叫了一個小刺蝟的小點心好特別的呢, 因為出面係炸左既鏝頭, 而內裡又係軟棉棉的竽蓉!不過就係油左少少~

對稻香印象都幾好, 但今次真的扣晒分, 星期四諗住都多人食晚飯, 所以訂定位, 我哋5大1小(4歲)7點到達, 當時都未見滿座, 坐下10分鐘已9成滿, 椅背對椅背好近, 我媽話好似有$28條蒸魚, 睇紙冇, 問伙計話冇, 只有每位半隻燒乳鴿, 我媽話其他稻香有, 伙計再話冇.後來我哋點咗瑤柱冬茸羮, 波羅咕嚕肉(得兩舊波羅), 孖寶: 蝦蟹肉炒西芹, 茄子炆班煵, 3隻燒乳鴒-送(4歲小童收到茶錢所以有半隻, 但d乳鴿好bb囉), 最激氣就係叫飯, 第一次同伙計講要4個白飯, 5分鐘都未到, 問另一位伙計, 佢話張咭冇寫到, 我哋張咭下面甜品欄寫4畫咩意思, 佢話落4個甜品囉, 我話唔係呀, 飯都未嚟食咩甜品呀, 個伙計再落單, 大大小小十張枱得一個侍應, 我哋飲完羮d碗又唔收, 為有疊高, 其他枱都一樣.又過5分鐘, d餸都凍晒, 叫個侍應, 佢好似聽唔到咁, 又過2分鐘, 找到另一個侍應問, 再過2分鐘, 終於d飯煮好喇, d飯好煮得好爛, 我哋快快食完結帳走人.**唔夠侍應就請人啦.

之前打親邊爐，都去食任食火鍋架...因為好似好多野食.....直至個fd介紹稻香，9點後 ...好平架...又大碟.....咁未試試la........嘩.....九點..好多人呀...第一：豬骨鍋(朋友推介)手掌咁大既豬骨x5 第二：芝心丸......流芝士出黎...... 第三：脆竹卷 ←(好似係e個名...好得意架...一個炸枝竹筒) 第四：菜←(e個要試....排得好靚、份量好多)其他就緊係肥牛、雞、牛骨髓....(份量都ok...可能係碟碟計..好大碟呀)..六個人，叫左2幾碟...2渣蔗水，4罐汽水....重要食埋甜品，10蚊碟(鯉魚布甸2條)x2.....埋單$530有找......><><><......O.....下次要再去食,......推介........※食都一半..先食豬骨...加埋粟米....超好食....

好耐冇去過沙田的稻香飲茶, 因為星期日例牌的多人... 今日婆婆一早去左等位... 但係換來的, 卻係膽戰心驚的午飯聚餐!!人流多, 部長/樓面/高級部長等等... 全都在忙~一位姓茆的高級部長, 手持熱水壼加水, 雙眼卻看著遠方的同事帶位,口裏說的, 亦係大聲的對外大叫幾多位呀呢樣果樣咁....說時遲那時快, 熱水壼持不住, 向檯中心倒過去... 肯定水是超過98度熱的!!!如此危險, 那位姓茆的高級部長只係口中說唔好意思, 然後亦係一邊換檯布, 一邊對外大叫!!!仲有喎, 自己的禍, 竟叫經理過來解決就算, 見冇傷人呢, 兩人一齊走左~如果水壼不是向檯中心翻倒, 而係響左右兩邊, 到時xx成燙傷就係咁來了!!火剛下了, 食多一陣, 又另一個危險動作!!!樓面執檯, 雙手持了4個茶壼, 佢並唔係繞圈出來放好, 而係經兩個客人的頭頂, 與另一個同事響頭頂交收!!!!!!!!!!!!! 如果問我, 我要快d有得食快d坐低, 還是安安全全開開心心咁離開酒樓, 肯定係後者!!無錯, 食物真的不錯, 師父的手勢好好, 但係呢, 咁危險的酒樓, 為左保住命仔,唔想毀容同埋唔想用98度的熱水洗頭,

昨日換了一張, 有兩隻同大小的, 嘩成$68, 只跟翠亨邨少$20, 但人地好食過稻香10倍, 不值得!

成大班親戚去食飯, 要左兩圍枱好唔得最記得係碟西蘭花妙帶子, $108, 但係分量唔多兼唔係特別好味 -.-重叫左白灼蝦, 都幾甜, 同其他相比已經叫做好好 -.-好既有燒鵝, 隻鵝本身肉質實, 又唔肥, 不過鹹左d -.-東星班都ok既, 同腐竹, 豆腐泡同瘦肉一齊煮, 幾滑, D汁幾好味脆皮雞都好味, D皮真係脆架!有兩碟菜, 蒜蓉抄時蔬, 海鮮湯煮菜, 都入味, 蒜蓉菜唔錯雖然讚左咁多, 咁又點, 冇野特別 -.- MAIN POINT係勁唔抵!!分量太少太少, 例如一碟炸蝦球得8粒, 分都唔夠分 唔知想點每次上菜都勁無奈, 我有份點菜就知, D菜唔平, 但係分量勁唔成正比 最最最無奈係D菜既賣相, 仲核特過我係屋企煮, 大佬而家我黎慶祝母親節呀加埋超差既服務態度 黎受氣 係我屋企隔離都唔會再黎!!fyi, 仲係左芒果布丁, 揚枝甘露, 不過唔係每人都有叫叫左d白飯

(1) 咸肉粽 - ok, 不夠眉豆粽好味, 但己不出了(2) 酥皮芋蓉餐飽 - 其實是芋蓉菠蘿飽, 麻麻, 麥當勞個芋頭批好食好多(3) 沙薑雞腳 - 全餐最好味的(4) 碗仔翅 - 好味足料又平(5) 鴛鴦餃 - 即蝦餃2粒及潮州粉果2粒, 潮州粉果好味過蝦餃

(1) 掛骨蒸陳村粉 - 掛骨很少, 是雪藏的, 陳村粉ok, 整體是ok的(2) 豉汁蒸鳳爪 - ok, 太林, 碟底墊花生, d花生幾好味, 無驚喜(3) xo醬炒蘿蔔糕 - ok(4) 沙薑蒸豬肚 - 幾好, 碟底墊咸酸菜絲(5) 碗仔翅 - $8一碗, 兩人分, 好味道, 有竹生及肉絲(6) 柚皮蒸鴨腳 - ok, 得3小舊柚皮(幾入味), 鴨腳一般兩人吃

眉豆糉 ($11.8) - 好抵食, 很好味道!卥水豬腳仔 - 不錯!雞扎 - 腐皮扎稍硬, 內有雞 + 冬菇 + 芋頭 + 魚肚 - 幾好!沙薑雞腳 - 我整得入味d, 但不錯!xo醬炒腸粉 - 有芽菜, 好夠鑊氣, 好味道!鮑汁雞腳 - 好差, d雞腳很細隻, d鮑汁不是真的或者可能溝淡左, 太多花生, 太少雞腳.豉汁蒸排骨 - 最差, 是雪藏貨, 有雪味, 明顯用電鉅鉅成一舊舊油菜2碟

這是遲寫三個星期的食評……某星期日晚上，和朋友們一起去沙田稻香食晚飯，價錢算大眾化。一入到去，酒樓很大，人流很旺，擺了很多枱，尤其是貴賓房，擠到連走火警也必須繞路，這兒的環境分數自然要扣分！再來是服務，一般一般的，沒甚麼特別，侍應人數稍嫌不足。這次的菜式是同行的兩位男丁點的，四碟菜有三碟都有翠肉瓜，真是笑死我XDDD以下是本人對食物的評價翠肉瓜炒鴕鳥肉～翠肉瓜煮得幾軟，甜甜地，好新鮮，而鴕鳥肉好淋、唔韌，值得再試；翠肉瓜炒珍珠蚌花枝（不太記得菜式名）～達到應有水準，蚌肉爽又入味、花枝片熟得恰到好處，既不太生又不是煮得太老；泰式炒紅米飯～泰式？睇唔出囉！應該會有菠蘿、豬肉碎才是嘛！這碟飯用的材料是翠肉瓜、鴨肉、蔥、紅米，全碟炒飯好乾身……紅米浸泡時間太少，硬硬的，不太適合幼兒、老人家及病人。青斑～好抵食，呢條魚只售港幣$89，蠻鮮美的，魚身下面有粉絲，吸收了魚的鮮味，不再口淡淡，和紅米一樣，粉絲浸泡時間不足！

兩口子去打邊爐,可能係六點鐘嘅關係,未有人流。知客仲一個帶三、四個客入座。叫左個醉雞窩,啲雞同個醉雞分開上。雖然啲雞放左落啲湯已經有一段時間,但係啲雞仲非常滑。:炸支竹勁正,一定要試。韮菜餃個餃皮係綠色o架,幾特別。$48嘅手切肥牛就真係不知所謂,等左鬼死咁耐啲所謂嘅肥牛碎濕濕。呢個價錢真係要回水。芝士腸: 一般,冇特別。

難得來沙田飲茶，選了價錢較為相宜的稻香。十時半左右到達，等了約三個字就有位，人流也算是多。第一次來這裡，所以不知道要點些甚麼。看見有擂沙湯圓，香芋煎軟滋和柚子皮鴨掌，當然不能放過。之後又點了小籠包，XO醬炒蘿蔔糕，北菇雞球煲仔飯配炒牛柳粒。擂沙湯圓先到，沒吃早餐的妹妹和我迫不及待各拿一件。湯圓的面滿是粉，咬下很軟，沒有甚麼口感，不過芝麻的流心餡十足，妹妹吃得四周都是黑色，流心簡直可以媲美心太軟！可惜芝麻不夠香，皮又太淋，吃普遍湯圓更好呢。柚子皮鴨掌是我首次見到的點心，聽聞好像也是頻臨絕跡的其中之一。難得遇上，又豈有不嚐之理？一上我就夾起那底下的柚皮，入口感覺像芋頭，又像薯仔，總知不說總對猜不出是柚皮。咬多幾口，柚皮很軟淋，吸了鴨油的香，吃後有真有一點點的甘味（真的很少很少）鴨掌是一般的水準。香芋煎軟滋，外貌有點油，不過入口又比擂沙湯圓來得好。雖然同是糯米皮，但是沒有先前那麼淋身，可能是煎香了的關係吧！內裡的香芋真的有少許一粒粒的芋粒，又比之前似溝水芝麻糊般的湯圓好味道。小籠包有肉汁，皮的厚薄適中，不會一夾就破。炒蘿蔔糕夠香口，糕身又不會太粉，絕對有ＸＯ醬的味道。好了點心吃完之後，等了一

齋腸 (小點$7.8)雜錦泰式檬粉 ($15.5)潮州粉果 (小點)榨菜肉餅飯 (小點)2人食, 60蚊有找1.5, 好抵食下喎~有飯有點心食下~先上個泰式粉, 都好有份量, 有一只青口, 一片魚片, 一粒魚旦, 一大塊紅蘿蔔, 一塊白蘿蔔, 一塊扎肉, 兩片豬頸肉, 入口熱辣辣, 但粉就碎左少少, 整體都算不錯!!!齋腸都幾夠份量, 有成6條, 但太多starch喇, 食完有d膩既感覺!個飯最後先到, 應該係一早賣晒d現貨, 要等佢再蒸下呢..食入口都幾好味! 飯夠多, 肉夠林, 豉油又夠味道!自助付款都幾好, 唔洗左右等, yeah!

上星期六晚黎呢度食飯, 訂枱時已經講明六點半枱要八點前交回, 而家好多食肆都係咁, 尤其沙田區人氣更旺.黎到齊人已差不多六點九, 個女待應係度勁sale佢地唯一一個套餐, 可能因為套餐全部預先煮定可以快d, 但因為個套餐d餸大部分都係海鮮, 屋企有人唔食海鮮, 故決定散叫, 個女待應就立即唔開心. 叫咗六, 七個小菜, 半隻燒鵝, 一個人參燉烏雞湯, 半打炸饅頭同半打壽包.食物味道一般, 個湯勁多味精($98), 但炸饅頭同壽包就唔錯. 因為有小朋友, 佢地食得比較慢, d待應由七點幾開始就不停黎換骨碟同收碟, 到底係service好定係想令我地有壓力, 快d走呢? 最後未夠八點就埋單走人. 其實d食肆好多時話幾點交枱, 都會有半個鐘俾你走盞, 但呢間就不停咁俾壓力人. 雖然佢地service唔算差, 但食物亦唔算好, 有時食餐晚飯都係想傾吓講吓啫! 食都咁怱忙以後都米搞.

星期四同BF走左去沙田稻香打邊爐，經理推介「大花竹蝦刺身(6隻)」，佢話每隻都差不多有5吋，好好食，就聽佢話試一試，$168連湯底1客。大花竹蝦，我地試過生食同煮熟食，覺得生食鮮味D，蝦肉幾爽口，但唔夠鮮甜。而佢地真係即叫即做，出餐時，個蝦頭仲識馥。另外，ORDER左1蚊雞，真係勁抵食，份量唔細，雖然係冰鮮，但都好嫩滑。我同BF真食唔晒，但佢地唔俾我地打包，仲話下次可以ORDER5毫子雞..... 唔係呀!? 個經理無講過.. 其他食物，仲有美國牛肉、炸魚皮、芝士蝦丸、南瓜、翠肉瓜、雲吞、水餃、魚皮餃，水準都係幾好，而我另一至愛就係芝士蝦丸。稻香出品真係唔錯。