稻香 (藍天海岸) (裝修中)

叫咗三碟餸, 三碟都唔可以正常到達第一碟: 燒鵝叫的時候點菜小姐已經跟廚房問過, 話仲有得叫我先order.之後同我地 講無哂(咁點解之前要check??), 最後轉咗碟鷄第二碟: 海鮮豆腐羹出菜俾咗個玉米羹, 費事煩, 改單就算第三碟: 炒午菜直頭無入機! 等咗20分鐘, sorry都唔講聲無下次! 如果東涌無其他地方開門我寧願坐車出荃灣食好過.

一般早茶，食物質素麻麻，服務麻麻，最正常係杯茶，炸野炸到好似油浸出黎咁，面頭仲有（浸）油喺面，咸水角個驅殼就好似粉粿咁樣，炸雲吞就好似食緊油咁，春卷都係！西米焗布甸就唔熱，面頭又乾，落單後十幾分鐘先出到，都唔明都仲可以咁差！最好就係杯茶，十分裏面起碼有七分！講返服務方面，同之前其他食評一樣，要讚一讚啲阿姐，服務唔好，態度好.......差。街邊大排檔寸果個阿姐，都冇咁（好）十個讚(´Д` )

一早買定{清明上河圖}票,我們一家人及阿姨,表弟,妹等10人各自入場,但就相約看完一起吃午餐,最近的地方就是東涌,由於妹夫開車,所以我們到先,泊好車後坐電梯上商場,剛好左邊有間金滬庭,我們商議緊要不要就這間,後來看看黠心紙,價錢偏貴,妹妹話這裡都有一間稻香,媽媽第一時間讚成.不過這間稻香並不在東薈城,而是在藍天海岸,不過都算方便行過天橋就到達,但對於未來過的人,可能會覺得難找,表妹他們到達時,教他們怎樣行遲遲都未到,最後妹夫要行去東薈城接他們.來到稻香門口見無人等位,剛好有張枱正結賬,在等他們收拾其間,妹妹幫傻BB換片又拍照,讓我們等的時候都特別快,不過這裡地方不大,雖然我們已坐張大枱,10個大人加一張BB車,其實都不算迫,問題是枱與枱之間擺得好密,我們與隔鄰幾張枱都是椅背貼椅背,有些還要大家互相遷就.坐底之後大家開始急不及待點食物,潮州粉果2籠,三星燒賣2籠,蝦皇燒賣,蝦餃,雞什,牛肉腸粉,叉燒腸粉,叉燒包,流沙奶黃包,上湯小籠包2籠,酥炸魷魚鬚,炸秋多魚,粟米粥2碗,娃娃菜,唐生菜,胡椒豬肚湯,涼拌皮蛋等20多樣點心,小食.稻香集團的火鍋,小菜,點心一向都有保証

本身同親戚諗住去東薈軒飲茶，點知去到先發現原來已結業！（可能我們有一個月無去既關係）轉了聯邦，由於太多人等位，所以決定黎稻香。我地都係第一次黎，由於位置距離巴士站較遠，所以等了十分鐘左右就有位。我地一共叫了７個點心，除了長粉之外，其他點心等了十五至二十分鐘左右都有了。當時我見門口都冇咩人等位，可能廚房問題，我地叫左個長粉竟然等左４０分鐘都黎唔到，我地已經追左２－３次，但係個ｄ呀姐態度認真馬馬！叫我地等一等，之後當無件事發生！最後我地等唔到，埋單走左。我對呢間野真係有ｄ失望，估唔到大集團，食物唔係特別好食，追野食又比人當透明，如果有得選擇，一定唔會再黎！！！最過份一碟長粉竟然等咁耐都無！唉

十二月中旬‧晴第一次跟幾位食友去跑步，天清氣爽，風和日麗，輕輕鬆鬆的執了8公里，寫意非常。疏洗完畢，當然要找地方吃東西，多得Oli已一早來霸位，一行人等不用等位，已可以直接入座。我們坐在房裡，臨近窗的位置。這裡的環境很不錯，在外透進自然光，加上藍天白雲，如專兄所說，心情也特別開朗。拿來點心紙一看，見到「小點推介」上的選擇也頗多，在口講「錢銀不是問題，最緊要好食」的情況下，大家卻不住去瞄準各式小點去剔，哈哈。小點盛惠11元8角，也有不少抵食之選。如炸菜肉餅飯，不算大盅，飯粒偏硬又不夠汁，但以我來說，吃一盅已夠飽，便宜。膿腸卷是「鴛鴦腸」，皮甜甜的，臘腸跟潤腸也好吃，要了兩籠也掃清。杏片炸蝦丸在別的地方是大點來吧，是日的炸得熱辣香脆，雖然蝦丸是不太彈牙，也算收貨。柚皮蒸鴨掌也是小點，抵吃的，雖然鴨掌爽爽的而不稔滑，柚皮更不好吃。川汁抄手是「抵中之抵」，有八粒雲吞在內的，都只是小點，還想點？還有咸水角、煎堆仔、煎餃子、雞包仔等等等等，統統是小點。最便宜的就是叉燒包，只需7元8角。而全日只要了一碟大點，就是黑椒蒸大腸，也只是19元8角。5個人，吃了16個點心，埋單每人54蚊，吃得飽一飽，眾人每

新開左間稻香係東涌夜晚有得打邊爐過九點後係特價時段不過我地九點前去打, 所以收正價湯底選用豬骨湯底, 味道很濃, 濃到唔駛點豉油豪叫左好多野食, 仲有一個鮮味盛盤肉類很不錯, 口感滑, 肥牛肥瘦適中腐皮好大卷, 好好味!丸類選擇較少, 叫左雞肉同牛肉丸, 裏面有白汁醬同咖喱醬呢個還可以, 我唔算好鐘意呢兩隻醬個拼盤唔錯, 咩都有得食下, 仲有拔蚌, 幾甜, 好味~其他食物食落都覺得幾新鮮另外叫左好多好多菜食...食到好飽!總括黎講質素唔錯呢~!