稻香.茶居 (壹號九龍)

營業中

休息中

稻香 茶居🔎羊腩煲呢排凍返最啱食打邊爐同羊腩煲～見稻香茶居出左「$1羊腩煲」，過來試下先😂不過唔好期望禁多，味道淡係偏左D，羊腩唔夠入味～但真❤️好足料（有馬蹄、枝竹、羊腩、芋絲同埋冬菇）👍🏻👍🏻同埋免費加湯變火鍋，火鍋配料和酒水更有半價優惠，星期一至日都有🤣好抵食最尾我變左打邊爐🤣湯底偏淡～｛可能我平時食開濃味野｝但配料半價真係好抵食～～～～想試係晚上8點半後黎～2位或以上即可以用優惠價$1食到羊腩煲～

九龍灣除咗megabox同埋德福廣場比較多嘢食之外 喺工業區 想搵間好少少都唔容易今日試咗呢間真係又貴食又唔好食， 黃金蝦 啲蝦係梅嘅一啲都唔新鮮 只係啲蛋黃鹹味 食一隻已經唔想再食第二隻呢個鳳爪排骨算係最正常未試過咁難食嘅牛肉球 唔知落得太多粉 唔似食緊牛肉嘢食唔好食之餘侍應服務都唔好， 想攞一張點心紙都要攞咗成十分鐘 我諗除左 係依頭返工 嘅人會嚟呢間酒樓，都冇人會刻意來， 人又少又冇生意 😂😂

稻香一向都有一蚊既驚喜出現, 秋天到就出一蚊羊腩煲, 今次4個人去食8點半後宵夜時段, 貪佢有火鍋半價起, 我地叫完仲諗緊會唔會一人得一舊呢, 上菜見到基本一人都可以2-3舊啦, 不過幾韌下, 而腐乳就得一細碟, 要大家開心SHARE啦!初初以為叫左一蚊羊腩煲, 其他野就會無優惠添, 原來仲可以享有啤酒及汽水半價 (汽水算平, 都係$7.5, 係酒樓真係幾平), 火鍋配料都有優惠。先叫咗雪棗鮑魚氣鍋湯, 都係28位, 平時買支水飲隨時都十蚊啦, 呢個話哂都係個氣鍋湯唔打得都睇得呀! 跟住就叫咗個特價象拔蚌$138, 本身已經係優惠, 所以無得半價啦!  其他配料都不過不失啦, 4個人500幾蚊, 仲有免費泊車, 我就覺得不錯啦! 不過服務方便, 可能宵夜時段, 所以沒係太夠人手, 需要佢地好忙, 仲要出埋菜, 不過都好禮貌, 只係要叫人時就比D耐性等有人經過。

稻香 1號九龍 One Kowloon星期六日假期至有早茶 9~11am大中小特尊 都有半價優點 $38 正價冇折 +10%但 冇排骨飯 冇粥 提供門口女侍招呼帶位 放底茶包&枱咭 兼負責埋單 好禮貌有笑容全場眼見間中走動嘅侍應得1位 係唔同人全程只收過碟1次吼準機會係叫倒侍應服務嘅別緻嘅茶具 自助沖茶加水 電腦落單 冇明示折扣價錢 埋單就1目了然食物普通一般 咸水角 ~ 4件 超級好味 皮脆軟熟入口鬆化冇黐牙 唔油膩牛肉腸粉 ~ 腸粉皮厚厚 餡料少 味道淡鴛鴦双潮 粉果&虾餸 皮厚黐牙南乳豬手 ~ 花生豬手都夠淋 南乳味唔重 但有毛幾好食都扣晒分美極日本紅鮮尤 ~ $31 粉絲蒸尤魚仔3條 尤魚爽口 微腥 淡淡地金甲蚧鉗 ~優點冇折 $38+10%杏仁炸過火苦口 虾膠實實唔彈牙 唔推介溫馨提示 : 閒日午市冇提供免費泊車

雖然九龍灣有兩間稻香，一間在德福廣場，一間在1號九龍，我們次次都會揀1號九龍的。德福嗰間長期排隊長期趕客長期好難泊車，相反這個1號九龍一定有位泊，泊車位又闊又好泊， P牌都覺得好容易泊位。不過我哋問過侍應，原來是晚飯先有免費泊車的，中午來飲茶是沒有免費泊車，因為這裏中午上班族很多。如果有車，強烈建議到這間食小菜。

星期日加上限聚令嘅情況之下megabox大部分嘅酒樓都滿曬人.. 😢所以今次試一試稻香茶居！入到去發現啲水壺放喺部機上面，有火會熱住，同埋識自己加水煲熱，好新奇！！嘢食方便呢就正常，冇好特別好好食都唔係難食

星期日在工廠區的食肆通常都不會滿座，果然到埗就可以立即入座。一入內看到高高的酒架，大概有不同酒款供應。淘氣BB鴿必點的乳鴿啊，才廿多元，自己動手剪剪便可以吃了，皮脆肉滑，剛炸好的口感非常好，一人可以吃掉整隻鮑魚燉湯每人一盅，非常足料: 鮑魚，雞腳，花膠，瘦肉，湯水清甜不油膩，本人極為喜愛菠蘿咕嚕肉色澤不錯，味道酸甜，但咬落肥豬肉頗多，有點扣分叉燒肥美厚切叉燒，味道吸引，期望很高，但中間部份咬不開，吐了3分1出來，這有點失色蒸水蛋收費88元加一。這是菜單沒有的，特意要求廚房煮的，因同行有小朋友。味道還可，若少點豉油就更好雜菜粉絲煲材料豐富，有各樣菜類菇類及粉絲，大大一煲，湯也非常清甜還有其他菜色都沒特別拍下來可能員工有點忙吧，路過大叫也聽不到，沒反應。幾次想加單點飲品之類，都要叫幾個才有1個會回應!

一路都以為同事七月生日，突然發現原來已經過左兩個禮拜😜急急call食飯啦！地點由佢話事，佢選擇食中菜。呢間稻香我都係第一次嚟，原來裝修都幾骨子，又原來加水沖茶已經全部自動化，再原來落點心都要用QR code啦，真係大鄉里🤪我哋一行四個女人都叫咗好多嘢㗎⋯⋯特價燒鵝併义燒（醒咗隻燒鵝髀俾壽星婆食😍）+大蝦伊麵（生日要食長壽麵喎）叉燒酥（係我必點推介）煎魚餅🙅🏾、蝦餃（一定要食嘅點心）燒賣（因為四粒美人一粒，我勉強食咗佢，其實平時我係唔食茶樓燒賣㗎，街邊嗰啲魚肉燒賣就食🤭，可能因為成粒都係肉太Heavy卦）排骨、櫻花蝦米炸兩、鮑汁鳳爪（同事堅持要鮑汁，普通豉汁唔食喎，我本身對呢樣嘢都冇乜興趣）牛肉球仲有甜品燕窩芒果椰汁糕同埋杏仁露甜品就一般般啦，過吓口引姐😜叫到一枱都係野仲要有個伊麵，四個人都幾大食不過開心就好

今日星期六happy Saturday約咗阿爸阿媽飲茶去咗九龍灣稻香茶居呢間都算係開咗半年有多嘅新茶樓等咗一陣，侍應帶我哋行埋去最入嘅位置，四人枱我哋三個人坐都OK大，坐低我哋叫咗潮式糯米卷，胡椒支竹鹹菜豬肚，時菜蒸鯪魚球，香麻脆芋餅，脆皮鮮蝦腐皮，櫻花蝦脆網腸粉，三個人食咗六碟，果胡椒知足鹹菜豬肚好友驚喜啱啱好嘅味道豬肚唔會有臭味個豬肚都洗得好乾淨，同埋個香麻脆芋餅整得好香中間夾住啲芋頭蓉同埋明天有啲芝麻相對好夾啲味道而今餐三個人都係食咗$200左右呢度又大又舒服嘢食都OK

稻香朝早飲茶所有點心都係半價，所以好抵食。叫咗好多大點同特點，蝦餃蝦係爽脆肉質亦夠亂整體嚟講唔會蒸得太老，腸粉就差啲腸粉皮比較厚，同比較鞋。做得唔好嘅方面係出餐有啲慢，嘢食呢到係溫度唔太高，冇嗰種食點心要熱辣辣嘅效果，有些可惜

做到晚了，跟一個同事去吃飯，但也想吃heavy的，於是就到這個重開的酒家，打個邊爐！除了一個沒哪麽邪惡的芫西皮蛋湯底外，我們先點了一個象拔蚌刺身，我的同事真的把它生吃，但我就比較保守，薄片的灼兩三秒，肝砌出來的，灼十秒八秒，沾點wasabi豉油，還是很鮮甜，再說，這雖只是一只中形象拔蚌，但兩個人已夠，不用兩百塊，抵食！其它普通火鍋料不用多說，沒有甚麼特別，也沒有丟臉，只是哪幾粒“四寳丸”（又忘了拍照）比較hea，又不是手打，端出來時還有說雪，是當晚唯一污點。

今天一家四人去吃了個下午茶，感覺有點遠的，對於不熟悉路的我來講還不太好找但反正早到了，也就按著地圖走過去離地鐵站不算「太遠」，但頂著太陽還是挺熱，不過總比下雨的好...到了之後，雖然訂了座，但安排入座不算快，幸好門口放了幾張沙發，時間不難過點的不算多，給大家介紹一下：素菜兩份，因為家人有吃素的，第一份是很清新的，相對性味道不大，第二份帶辣的，兩份配搭吃特別好點心都很便宜，吃著沒有驚喜沒有驚嚇，不過有個挺好的，就是腸粉是三色腸，一碟有齊蝦腸、叉燒腸、牛肉腸，是選擇困難症患者的救星。腸粉的皮有點厚，但夠滑。雞扎相對來對是沒有那麼好吃的，不知是不是開吃的時候已經冷掉了，有點硬。上素粉果、蝦餃、牛肉球還是可以的。點了兩個炸的，炸煎堆我沒有嘗，聽家人說就是沒什麼特別，但那個綠色的餅 (我現在還是搞不懂裡面的是香芋還是紫薯，反正就是外邊有點脆，裡面有點甜，吃一個的話還算可口。這茶居價錢很便宜的，坐的恰好是卡位，非常舒服，但就是地理位置不太理想天氣好的時候還好，如果下雨的話就麻煩了

星期日夜晚正當思考要去食什麼的時候, 突然想起稻香的一蚊雞, 所以決定到九龍灣壹號九龍稻香試一下，凡惠顧都會有兩小時免費泊車，壹號廣場車位充足，揸車朋友會感覺很方便。可能是星期日及食店位置比較偏僻的關係，在場食客不算多，枱與枱之間也有足夠的空間，坐得舒服。原本以為"一蚊雞" 要吃小菜才可享用，因此便跟服務員說食小菜，但是小菜餐牌的選擇不多，都是一般酒樓食物，但價錢比較貴，每款餸都差唔多一百蚊，感覺不值，費煞思量很久也想不到除了"一蚊雞" 外點什麼餸。突然看到旁邊一台打邊爐的食客他們也點了"一蚊雞"，所以便向店務員詢問是否打邊爐也可享用"一蚊雞" 優惠，店務員說可以便立即轉枱打邊爐。稻香打邊爐不是放題形式，而是散叫，8點前入座，食材有七折優惠，八點後更有五折。點菜用電話掃二維碼，自行點菜，在程式有總銀碼(折扣前)，可以因應預算來叫食物。先上枱的是"一蚊雞"，星期六日及公眾假期的價錢是38蚊，一上枱時，"一蚊雞" 比想像中大隻很多，兩個人食真係好足夠，由於是即叫即炸的關係，"一蚊雞" 上枱時熱辣辣，店員會提供一把鉸剪及手套方便食客直接享用。雞皮很薄很脆，脂肪不算太多，雞肉也很嫩，38蚊一隻

原本呢個鋪位係中菜，雖然都係稻香旗下，可惜抵不過疫情轉型為平民路線既稻香茶居，佢地午市做緊所有點心都係小點價錢，即係廿蚊咋，非常適合一班同事黎聚餐。 三式腸（蝦、牛、叉燒）好鍾意呢種咁有彈性既菜單設計，可以令人一次試到幾款腸粉。論味道蝦最好，叉燒已經失咗甜味，牛肉比較鬆散。 .鯪魚球灼西生菜鯪魚球有鮮味無碎骨，味道較一般小食店為佳 .七味豆腐除咗點心外，小食大部份都係40蚊，但份量唔細，豆腐炸得外脆內嫩，惹味非常，不由自主咁食咗好多粒。 懷舊滑雞春卷近來食開春卷都係蒜香蝦，都偏重口味，滑雞春卷食落冇咁heavy，但係似放咗廚房一陣先拎出黎，外皮已經軟化咗d 香滑奶皇包粉味比較重，奶味唔夠香，唔值得試。 蠔皇鮮竹卷蒸得過咗火喉，成pat野咁，口感欠缺，入面餡料都食唔出咩特別惹味。 功夫小籠包色香味都唔錯，食時仲有肉汁，不愧功夫之名。 .醬皇金錢肚金錢肚其實係牛肚，因為紋路似銅錢所以叫金錢肚，蒸得熟透夠軟爛吸汁，醬汁味道完全入哂，咬落冇渣有嚼勁。 .美極日本紅鮮魷魷魚仲算爽口彈牙，醬汁有助吊出少少既鮮味，份量幾足。