稻香.茶居 (荃灣千色匯I)

營業中

休息中

買單比錢，收銀員收多我1次錢。 幸好我立即發現到，話比收銀員聽，叫我等陣，佢諗住收哂成條龍既錢先。（目測6-7人)我望住佢收左2個客， 唔對路，其間佢冇幫我做過退款手續，我完全被忽視。收銀員做錯 收多我錢，冇立即幫我退款，仲繼續同其他客人收錢，冇歉意，態度差，之後我話佢，佢充滿咒言幫我做退款， 過程其實好快，禁幾個制 不岀1分鐘，佢都唔立即幫我退，只覺得我阻住佢！ 顧客體驗極差！我只覺得 如果我冇發現收多錢，咁不了了知？提醒係稻香食野既顧客 睇清楚扣錢紀錄。本人不會再幫襯！

話說我同朋友都好耐冇試過一齊飲茶，加上呢度之前有個推廣食片皮鴨，於是我哋幾個就柴娃娃夜晚去飲茶最後我哋叫咗京城片皮鴨芝香蝦球伊麵花膠雜菜煲個京城片皮鴨真係唔錯嘅以咁嘅價錢可以食到片皮鴨都算係咁啦唔好以為好少其實四個人食都夠芝香蝦球伊麵就感覺係中式嘅芝士醬，不過不失嘅主食花膠雜菜煲都唔錯，有啲菇又有啲花膠又有菜，一分錢一分貨都算係咁啦總括嚟講，都係片皮鴨夠驚喜，咁嘅價錢有咁嘅質素係值得食嘅希望遲啲試吓同我啲朋友打邊爐

平靚正的一頓午餐🥣陪屋企人食飯飲茶，水滾茶靚😬不過冷氣唔太夠😩推介「蠔皇鮑魚燒賣」$16.8，好紮實👍🏻大大粒👍🏻，鮑魚配燒賣夠豪氣，而且價錢相當坁！ 「一代宗師糯米飯」$78又係大件夾抵食！ 糯米飯相當煙韌，雞件滑漏但咸左少少🤏「濃湯菜肉雲吞」$12.8味道ok，又係平靚正！ 每樣野食價錢都不高，但茶錢就貴少少🤏陪下屋企人，算係一個唔錯既選擇！

話說見到稻香新出推廣片皮鴨特價，打算幫襯下一早已訂坐7:30pm，入座好順暢但點菜上菜好困難點左2隻鴨、糯米飯、聖子乳鴿孖寶、氣鍋湯落單後等左40mins先黎飯，再黎鴨之後乜都無了越食越唔對路，問阿姐追下單姐行去印咗張機單出嚟，就話：呢度兩個人落嘅單嚟嘅，呢個鴨就A職員落；飯就B職員落，其餘就無喇然後望一望張枱，唔好叫喇，你地都飽架la, 唔好晒野...四個人，等咁耐，仲要俾姐姐定義埋唔好叫野食鴨係話一隻，但偷工減料嘅程度真係無語貼錢買難受，以後，稻香不了！

好一段時間冇同屋企人飲茶趁放假點都要陪吓屋企人嘅咁佢哋話去邊飲就去邊飲啦印象中自己好少去稻香坐低叫咗雲吞、臘腸卷、燒賣同埋陳村粉好耐冇食過臘腸卷啦！臘腸好多汁，配埋個包食真係一流，個人亦都好中意稻香蒸包嘅包香味🤤本身叫燒賣諗住冇咩特別，點知望到餐牌寫住「鮑魚燒賣」，咁特別！食第一粒，覺得個口感即時好充實👍🏻👍🏻，鮑魚汁夾埋燒賣，正呀！最後就係海鮮粉炒陳村粉，陳村粉一向都係我最鍾意食既粉麵！個人中意佢偏乾身，但同海鮮蒜茸一齊食真係好香，海鮮都幾足料，份量啱啱好！下次可以再去！🤩🤩

只是一間價格比較便宜的中菜館而且，並沒什麼特別之處，一開始是被它的1元乳鴿吸引了入場，但進了餐廳後發覺沒什麼好選擇，但畢竟都坐下了亦開了茶位，所以親唯有繼續在此處用餐。而除了乳鴿，點了3道菜。龍蝦伊面：本身沒預計份量多少，畢竟價錢算便宜，但上菜時已經不夠熱了，而伊面亦「碎審審」大打折扣。炒蜆：看似份量不少，但很多都是空殼，雖然知道炒蜆時蜆肉會誰殼，但也沒想到空殼的比例如此多。魚：味道一般，也略有腥味，不過算吧。乳鴿：感動的是這是最正常的一道菜，不是好美味，只是正常發揮言而。

-稻香嘅一蚊雞真係由細聽到大，記得細細個食過一次，但已經唔記得咩味😂 今次平日夜晚再黎試試😛-😋 一蚊雞 ($1)👉🏻 無諗過稻香都咁ig-able😂😂😂 佢將隻一蚊雞放左係個有卡通雞頭嘅籃上面，超可愛🥰👉🏻 雞皮仲係脆卜卜，啲肉都嫩，但係唔係太入味，如果有醬點/入味啲就更好，不過一蚊黎講真係無野好批評！👉🏻 佢個size勁大，3個人share一隻都好足夠 (仲要食唔曬🙈)-😋 鮮菠蘿咕嚕肉 ($98)👉🏻 除左菠蘿仲有青椒紅椒，感覺更加清新！👉🏻 味道偏酸，略嫌咕嚕肉唔係好夠脆🙈-😋 椒鹽魷魚鬚 ($98)👉🏻 炸魚幾香脆，食個炸仲熱辣辣，似岩岩炸起👍🏻👍🏻👉🏻 不過雖然碟野睇落好大碟，但係魷魚份量比較少，反而多辣椒，食落惹味但都少辣😂-🙋🏻‍♀️ 其他說說👉🏻 上菜速度好快，但係啲餸係熱嘅，值得一讚👍🏻👍🏻

一邊食一邊飲茶已經熱跟住冷氣又唔足夠啲侍應嘅態度不多好⋯⋯呢啲咁嘅酒樓完全唔掂檔⋯⋯有機會飲茶都唔會考慮呢度鵪鶉蛋🥢燒賣蝦餃🥢腸粉🥢蒸蘿蔔糕🥢每樣嘢都唔好食，實在感到非常失望！🥱唯一係自己斟水最方便🤣唔使求人😅

同一樣的水滾茶靚荃灣呢度坐得都舒服一樣樣的燒賣，一樣爽彈的大蝦仁同樣好味的豬肉蝦粒餡料早茶時段折埋廿蚊，嗰邊食唔到兩隻叫埋個飯，飽肚又慳番餐晏鍾意撈到勻哂咁食佢嘅豉油唔太鹹，飯粒又分明鳳爪炸得透、蒸得軟淋又好味可惜今日嘅排骨又係入囗溶哂嗰種恐怖口感，扣哂分好唔好食？睇相啦！＃行到邊食到邊＃踩到邊食到邊＃一個人食嘢＃成日獨食都好肥嘅阿伯

今日去了荃灣千色店稻香，試了一蚊一隻乳鴿。因為是剛剛開始做這個宣傳的關係，所以雖然不到六點，但已經好多食客等，而且店舖內有不少的食客已經在進食中，真沒想到有這麽多的捧場客，因舖面不算大的關係，等了廿多分鐘。今天只是兩個人吃，所以簡單的只點了兩隻乳鴿加多一個龍蝦伊麵。乳鴿先來，論尺寸還不算太細隻，不過外皮就似乎有點黑不算太討好。但食落都熱辣辣，又夠肉汁且不會覺得炸得過火而有太乾的口感，而且鴿肉都算是夠嫩滑，亦非常美味可口。再來的的龍蝦伊麵，份量不算多，而且伊麵底覺得不夠熱。不過今天只是兩個人吃份量剛剛好。龍蝦就屬一般的貨色，個頭亦不是很大那種，所以肉亦相對較少;另外龍蝦肉吃落始終有一丁點兒的苦味。不過今天的食品量知質素，以價錢來論還是相當吸引的。

今晚同家人嚟咗荃灣城市廣場四樓嘅稻香·茶居🍵 嚟呢度打邊爐 尤其係宵夜邊爐 真係好抵食㗎 配料全部五折 不過要2030後入座先係宵夜邊爐㗎店舖都趨向電子化 用電話落單 但係首先要店員幫你地開枱 同埋因為會另外收加一同茶錢 所以都會問你飲咩茶嘅😗 而茶包會係一細pack咁俾你 隔離就有個自己沖熱水嘅裝置 沙薑豬腳份量都幾多 本身以為呢個小食都會有半價 但係埋單嘅時候就知道佢係收取正價 而正價都係$58啫 所以都覺得幾抵食 如果鍾意吮骨嘅朋友一定唔好錯過啦🐷鮮牛肉呢啲份量都唔少㗎🐮 鮮牛肉就一定冇肥牛片咁好食 但係作為一個平價嘅火鍋配料來講20幾蚊算係幾抵食羊肉片呢個一碟有六片 而且每片嘅肥瘦分佈分明 呢碟絕對係每次嚟都會嗌嘅必點之選呀🐏脆肉鯇魚腩脆肉鯇魚腩都有接近十件 好彩店員都冇俾錯普通嘅鯇魚腩我哋 每件咬落口都好有咬口🐟鳳城水餃餡料都幾多有原隻鮮蝦 木耳 豬肉等等🥟雞子呢碟係唔健康之選 但係貪佢數量好多鵝腸呢碟都係唔健康之選 但係鵝腸冇太多肥膏 只係食得出用鹼水乸過嘅味道脆響鈴連呢碟響鈴都有半價 不過份量偏細條炸魚皮炸魚皮數量就好多 同埋打邊爐一定唔少得嘅嘢嚟㗎嘛🙈任飲飲品另外要提嘅

本想去試下宵夜新餐牌，但安排位置的女士，按自己方法，莫視所有按要求取票候安排入座的客人，以致全部人士不滿，安排極度的不合理，酒樓的負責人應該注意。最終在不歡的情況下完成晚餐後，不會考慮再之光顧。

原本想試乳鴿，落單就問男侍應可否切件上，想兩個人一起試，好食先再叫，佢就話冇，切件要另加手續費，心想有無攪錯呀，乳鴿切件要俾手續費真係第一次聽，於是取消啦。食到鮑魚時，因大件同埋d肉比較實，想攞刀切開，剛好頭先個位男侍應同格離枱食客吹水，要大聲叫幾次先肯應人，ok我忍，當你老人家聽力唔好或者環境比嘈，算數……之後我問可唔可以俾把刀我，你第一句就問用來仲咩？我個刻火到嚟，我話用來切開食物可以嗎？真係未試去酒樓晚飯要受人氣。後尾埋單時問收銀姊姊食乳鴿切件是否要收加工費，佢就話其實已經切左件，最後有同我say sorry，但真心失望，一間大集團點解會請到這類員工，希望貴公司請人時真心希望請些有質素員工，避免同類事情發生

平靚正1蚊雞，每次諗唔到有咩食就去食，加上其他菜式唔貴，又大碟，每次都食唔晒嗒返杯冰凍 #Tiger啤酒，生活樂柔柔，再配上豉油王蝦，頂尖享受👍👍👍今晚隻雞好食，皮脆肉亂椰子鮑魚氣鍋，椰香味濃，飲完不口乾

呢個一蚊一隻雞活動已經出咗好耐但係鑒於唔可以預先訂座，所以放工根本就係好難同人爭位🙈所以今次趁住放假，一於5:30去食第一輪，唔使同人迫😄😄龍躉兩味炒龍躉荷蘭豆，龍躉魚嘅份量都幾多，同埋嗰個碟底冇好多油，都算係咁㗎啦！😊蒸龍躉嗰度應該有撈埋其他魚，因為龍躉應該唔係紅色，媽媽話呢啲係星斑唔知係咪因為預先燒好啲燒雞，啲燒雞，已經見到啲雞皮有收縮！而且有油溢味🤯🤯🤯鮑魚汽鍋湯反而有啲驚喜，成個湯好鮮甜！ 鮑魚好大隻！