稻香 (青衣城1)

營業中

休息中

一家人星期日（24/11）晚飯因為三樓無位就食稻香，明知口碑麻麻，但食中式酒樓就腳青衣城冇乜得揀。坐低如常碗碟少少油，個地下黐黐立立到一個點，不能接受，坐得好唔自在。啲阿姐態度如常(大家明的)。最驚嚇係叫咗個羊腩煲，開咗爐之後慢慢有小曱甴bb因為熱，喺個爐走出嚟。同阿姐講換咗個爐之後仲驚，煲咗一陣，有隻比較大嘅成年曱甴走咗出嚟。最後，卒之冇用到個爐食煲羊腩煲。總結，OpenRice啲comment都好準確。不過，要讚嘅係個燒雞好好食，同埋收錢個阿姐好好禮貌。

今日星期日見咁耐冇飲茶，諗住稻香咁出名走食點心，全部好難食，有一碟直程要取消。包點先生同唐記包點仲好食過佢。但係員工問三問四，永遠叫人招呼都好難。原隻燒賣：嗰啲燒賣皮，係黑色嘅蒸到過晒龍，炸雲吞：較為正常，但係啲蝦唔爽牛肉：好實咬下去，最難食的點心。叉燒包：正常豬肚雞扎：正常鳳爪： 皮乾似隔夜唯一可取之處就係，－入去有位。員工態度差。估不到集團式都甘。好彩淨係叫咗六個點心。失望！隔離是譽居不知道是否更好。有自動沖水機，是比較令人滿意的一環。

服務態度極差，不論是端菜上桌、叫侍應拿外賣盒時、叫侍應埋單時，侍應態度比大牌檔還惡劣，還要收取加服務費？！食物上桌時只是微溫，味道不過不失，今天是星期日也坐不滿，難怪了，這樣的酒樓誰會再來。

職員埋堆傾計，無人服務。張椅有油漬，部長純粹攞紙巾抹下算，追問有油㗎喎，有無濕布抹下，佢就發晒晦氣換過張椅；上菜的態度又惡劣，把菜「丟」落枱。問啲職員攞野等勁，啲職員淨係埋堆傾計。啲野食又難食，個龍蝦上湯伊面勁咸，炸子雞炸到過晒火。成間店就好似啲食客欠佢錢咁。無下次。

琴日我哋一家人去咗青衣稻香食飯，諗住開開心心食餐飯，我哋一共6人去，竟然俾張四人枱我哋，仲要係對正廚房，嘈到呢！簡直不能言喻，我哋要求轉枱啦，個侍應個樣極不滿意，最後我哋自己搵張大小小的枱嚟坐，又係個侍應，俾啲新餐具我哋，直接掟過嚟，仲要開錯掣，開咗火鍋爐個掣，然後我哋自己放個熱水壺上去張枱布，最後燒燶埋，叫個侍應黎，佢個樣直頭好似我哋欠左佢咁，搞咗成八個字先算係坐定，嘢食就不過不失，但服務態度直係完全吳掂，再係咁樣，遲早執笠

帶著兩個小朋友到酒樓打算舒舒服服食個晚餐明明已經沒有幾檯客 上飲料超慢 上菜更甚 點了龍躉 要三十分鐘以上才上 更是我們多次提醒才上 不知是否漏單想再多點小菜 侍應也沒有告知last order時間 跟我們說廚師收工走了最後吃了一肚氣 屢次被催促埋單 但是卻沒有單 要我們帶著兩個一歲三歲小朋友找單明明說給我們折扣 信用卡也扣數了 然後說計算錯了沒有折 其他侍應不停詢問我們是否埋單 感覺就像我們走數了 請問現在餐飲業是這樣做生意的嗎？ 想不到一個大集團會有這麼差的體驗

今晚過來青衣城和朋友相聚, 依間稻香見得多, 不過一直未去過😅 見到28元汽鍋鮑魚雞湯, 同朋友一人一盅, 入面有椰子瘦肉🐽雞🐔同鮑魚, 所以飲落好香好清甜😍感覺好滋潤, 另外叫左268元孖寶, 鮑魚雞🐤煲同金銀蛋🥚莧菜, 等左一陣二樣也一起上菜, 份量都好足料👍皮蛋唔會食到石灰粉的化學味, 有d肉碎撈埋, 莧菜也比得幾多🤪 雞煲由於有薑蔥蒜青椒紅椒, 所以食落幾野味😅🤭亦唔會好油, 有d超迷你鮑魚仔襯托🤭, 朋友另外叫左只乳鴿, 一只9.9元, 不過我個人唔食所以無叫, 基本上見到枱枱都有叫, 依度地方闊落環境舒服, 傾計都唔係好噪, 亦唔會急住叫你埋單交枱, 都係聚會的好地方😜🤩👍

5個老嘢食咗2隻1蚊雞、1份龍蝦伊麵、2盅氣鍋湯、扒西蘭花、牛腩煲、蜜汁脆香骨，人均消費130蚊。燒雞新鮮熱辣，皮脆肉滑，保持到水準，尤其是用手拿著吃，別具風味，吃半隻都已經飽飽了，每次推出都會光顧一次。龍蝦都算實肉好味嘅！百零蚊有一隻龍蝦，伊麵底份量都夠每人一碗仔。但蜜汁脆香骨就非常吾掂啦！理應甜甜酸酸嘛！竟然是咸味？脆香骨，吾脆又吾香的排骨，超級負評！Black list。綜合而言，百零蚊食得飽飽，過下用手來撕雞的玩意，算有卓頭啦！眼見生意都吾錯，有時間會再來擦過。

流浮山「窯燒雞」網紅，以陶窯烤雞，黃金脆熱，似炸子雞，皮更薄肉爆汁。窯燒雞的古祖是蘇杭的「乞丐雞」，又名叫化、花和富貴雞。客家人改用土窯烤焗，比乞丐泥封的土法，更火爆和能夠封鎖肉汁。 稻香的「爆汁古法窯雞」，外觀上是返祖，似乞丐雞，有荷葉包裹，雞皮與荷葉溶為一體，與皮脆色黃的現代版窯燒雞差異很大。 有內地師傅駐場，「窯雞」以西式滾爐架保溫。自行堂剪手撕。入口感覺與乞丐雞大大不同，香料濃郁。客家人擅長火功（山林多柴）和愛重口味（鹽份補充勞動），「無雞不成宴」正是出自客家人。有薑、大葱頭和香料粉，不不會令你口喝、辛辣或要伴飯。 香噴噴爆晒汁，宜蘸底部的精華汁液而食。 個人覺得入口便知客家鹽焗雞會比下去！軟、香、濕！其實，深山客家人主要吃窯雞，香港受東江客家人（有海鹽）影響，習慣了吃鹽焗雞。 農家菜在香港以稀罕為貴，此「窯雞」比「窯燒雞」有古早味。特價不知維持多久，並不是全線供應。 爆汁古法窯雞63元，茶15元另加一，即85・8元。是一蚊雞的窯窯版。 黑蒜汽鍋雞湯和姬松茸汽鍋雞湯濃香，是伴食妙品。

去到門口晚上八時，有個阿姐企門口，就同佢講三位，跟著佢回應等等，心諗唔知等乜，原來佢話知客行咗入去，要等佢出返來分配位。十幾張吉檯，真係要由一個人分配？知客亦唔知行咗去邊，佢亦無叫機叫知客返。一分鐘後又多個客來問，阿姐又叫人等，等乜！兩分鐘後終於知客返，近門口兩張檯就分配咗！唉！等乜！三個人叫咗個蒸鱔＋60元可拼黑椒豬手蠔煲，一個金銀蛋莧菜，加多個炒蜆，等咗廿五分鐘，一樣都無，就摧一摧。回覆連單話落咗，又再等十分鐘，終於有菜及蜆食。等多十分鐘，豬手到。已經成個鐘，差不多食完，仲未見鱔，再追，先至話冇鱔，賣哂！最慘係姐姐，只可以食蜆，等條鱔餸飯！嘈佢就話叫東星杉班，原來叫平嘢會遲啲！詐佢哋型，叫菜時唔出聲話冇，半小時前覆話落咗單都唔話冇，成個鐘，仲要摧先至話冇！

龍蝦伊面大隻 新鮮 彈牙 冇膏 但舊肉都大舊 食得太開心食完先記得影 得番伊面套餐配半斤大蝦，正常發揮 不過勝在性價比高 400內未計加1 龍蝦伊面再加蝦份量唔多 但好食既 除左標配海鮮醬、青瓜同大蔥 加多左菠蘿 紫薑同千島醬， 菠蘿同紫薑都幾夾；千島醬就可以放埋一邊

父親節前後酒樓都好多人，幸好有預先book位先唔洗等好耐。適逢爸爸生日又臨近父親節，從小爸爸都好簡單，一次過慶祝曬兩個節日，我地簡左食稻香。叫左半席頌親金豬鮑魚宴燒豬外皮脆卜卜，加埋肉好香口好滿足不論西蘭花🥦定蚌都整得好入味龍蝦伊面，龍蝦大大隻，肉質唔錯👍🏻6個人每人分到半舊都ok，龍蝦汁非常足夠伴住伊麵食杏香百花釀蟹鉗，唔洗講，香口野一定好味 蟹🦀️鉗都大大個，擺盤俾我有種盆滿砵滿既感覺，好意頭！海皇生翅，正正常常既翅，但係唔差既蠔皇鮑魚伴金錢，見到個名都覺開心，鮑魚唔會太「um」，冬菇夠淋夠入味，又有d菜食下幾好清蒸大富貴班，大大條班，肉質有水準，唔會太鬆散，愛食魚的爸爸都好滿意燒雞略為普通，無咩特別，但又係唔差既，正正常常咁本身仲有個荷葉飯，但真係食唔落，唯有打包走，食埋個壽包，真係滿足既一餐！其實依家真係少去酒樓食飯，稻香介乎老派與新派之間，傳統長輩會比較接受，反而太新穎既酒樓未必岩口味，一句到尾，最緊要爸爸開心我地就開心🥳都推薦大家同家中長輩食依個餐，真係幾唔錯👍🏻

稻香又推出$1隻乳鴿優惠，所以即刻要同男友出動去試下啦!!我地一共叫左三個餸，蒸虎彬斑，乳鴿及通菜煲。我一向都喜歡吃蒸魚，虎彬斑只係$108，咁抵所以一定要試下，條魚味道非常鮮美，蒸的時間控制得剛好，簡簡單單的蒸魚係最美味，所以我同男友都搶住食完。通菜煲就有搭配少少魷魚一齊，不過味道真係偏咸左些少，而且比較油，所以我地最尾都無食晒。最後要講$1隻燒乳鴿，確係令我有少少失望的，因為整體味道都係偏咸，肉質都麻麻地。所以下次再去食應該唔會再叫了。不過，青衣城稻香地方幾好坐，又無限時任坐，而且侍應姐姐態度都好親切。呢一點都稍後加番少少分，埋單兩個人約$270，晚餐來說，也是幾抵食的。

稻香做緊宵夜時段活動，但其實唔係好夜 8:30開始，再加上火鍋配料會有6折優惠，咁我同🤴🏻就揀咗鮑魚雞煲再加打邊爐啦！😁😁～～～$1鮮鮑魚雞煲～～～雞煲上枱內有四隻鮑魚，每隻都見得吓人👍🏻👍🏻，唔會用BB鮑魚耍你😝😝，質地彈牙有口感，濃汁比鮑魚切開嘅坑紋扣起☺️☺️，濃郁惹味😚😚雞件數量都唔少，唔會好細件，肥瘦平均亦唔會好 ‘柴 ’ 😋😋食完個雞煲只會加水來做打邊爐所以味道偏淡，好在😋好叻，自己在配料拎左沙茶醬同小米辣，加落湯底，立即變成好味嘅沙嗲湯😋😋至於火鍋配料就一般般，6折優惠冇期望冇失望啦🤪🤪最後同🤴🏻食到好飽飽離開啦！😙😙

今日約咗屋企人一齊中午飲茶，一行五人，11:30去攞位，唔使等位好快就有得入座啦～ · 稻香蝦餃皇蝦餃皮煙韌，蝦肉爽口，加埋啲筍粒好有口感，香味十足· 原蝦燒賣皇燒賣好香，有香菇同豬肉，仲有好大粒蝦肉喺上面，足料好味· 鬆軟叉燒包同個名一樣，叉燒包好鬆軟，內裏嘅醬汁好濃郁，叉燒肥瘦均勻，正· 香滑奶黃包包肉好鬆軟，奶黃餡幾香有淡淡既鹹蛋黃味，唔會太甜，唔錯· 奶黃馬拉卷有少少太甜，唔算太鬆軟，同埋有少少倒汗水滴濕咗，可以再好食啲。· 蠔皇鮮竹卷腐竹皮吸收晒蠔油汁好香，食到有少少冬菇同芫荽嘅香味，仲有少少蝦肉，幾好味👍· 潮州蒸粉果潮州粉果幾香，有啲花生粒喺入邊，唔同材料有唔同口感，好香，好味👍· 蠔皇金錢肚牛肚爽口彈牙，有少少難咬斷，但整體煮得幾粒淋同好入味，醬汁好香黑椒味，好開胃。· 韭黃鮮蝦腸蝦腸好香韭黃味，蝦好爽口大隻，可惜蝦肉有微微酸味，腸粉皮軟滑，唔錯👍· 金沙兔仔包係兔仔裝飾嘅奶皇包，表面有椰絲，小朋友見到好開心👍· 香煎風味蛋餃蛋皮微微有咸味，煎得好香，好香蛋味，入邊有少少芹菜粒，幾香口👍整體上菜速度都幾快，坐得舒服，最得意係佢有個自動加水同埋煲水嘅