稻香 (青衣城1)

營業中

休息中

昨晚同老婆到青衣城稻香吃晚鈑，酒樓推介它們的宣傳食品，兩隻太子鴿加燕京啤酒一支賣卅八元。哻酒無味，太子鴿味道唔錯，但兩隻大小差異很大。見宣傳單張上有啲新菜式；瑤柱金蠔浸菜苗。相片中西蘭花墊底；上放金蠔在中央再加上少許瑤柱絲，賣五拾八元。但上枱給我們的卻是一推瘀瘀黃黄的白菜仔之間混了一些祇比淡菜大小小的蠔，最初還以為傳菜員攪錯不知放下甚麽食物，但睇過大家的單都沒有錯，再睇真啲碟上的食物確是瑤柱絲；蠔《淡菜》及白菜仔，還有一些汁。我可以不收貨嗎？另一蝶是腰果雞丁。上枱時看到的是一碟肯定是煑到很淋；打了一個老抽獻汁的西芹，之間有一些深色到黑的東西，上面放了十餘粒開邊腰果。整体賣相很差，但最差的還是那些雞肉。以後還是不再光顧此酒樓。

昨天要farewell細佬,選擇咗稻香因為青衣城d餐廳大都食過,都好普通,稻香係其中一間較少去,就book咗8點鈡,但去到都要等一陣,因為食6点嗰輪客人末走~我哋7個人,無諗住打邊爐,但menu只有一個12人套餐和2,30個小菜散叫,所以就order咗半席套餐再加兩個餸~- 芝士龍蝦伊麵(d龍蝦應幾細隻,肉少.多cheese,普通) - 乳豬拼盆(有乳豬,义燒,"分"蹄,海蜇, 味普通,乳豬脆) -杏香鴛鴦丸(勁一般,連点的酸甜汁也很淡) -龍躉兩味: 一蒸(魚很嫩,味幾好) 二炒(脆玉瓜和魚都ok)-紅燒雞絲翅(很稀, 近乎無翅) -鮑片鵝掌(一般,但鵝掌很"淋")-脆皮雞(有点驚喜,雞滑和嫩) -糯米飯(ok la)-生果拼盤(只有西瓜) 另叫了:-瑤柱扒豆苗(d瑤柱"蜆"很傑,食到一pat pat)-咕嚕肉(一般)有5罐汽水,埋單連茶錢大約$1500,有两個鐘泊車~一家人食餐飯都ok嘅,但不expect好好食~

** 此食肆的第廿六個笑**尋日(24-11-2007 Sat)遊完大澳歸家途中,5:44pm到東涌,爸好似好開心(可能今日佢可以破晒戒食啲佢要戒口o既o野食)就順住個勢提議返荃灣食晚飯,我覺得荃灣好似冇咩好食,於是提議去青衣城搵o野食,就搭地鐵去lu.約6點多啲到青衣城,睇吓有咩食肆先,爸揀o左稻香,啊.我o地等o左一陣就有枱,爸好遲至話打邊爐,於是叫侍應攪攪佢,原來唔駛轉枱,只係拉走張枱布就見到個同張枱連成一體o既電磁爐,真方便.大嫂眼闊肚窄地order o左好多o野食,一個$188.00唔記得叫咩日日鮮,有好多海鮮,有紅魚(幾甜),原隻帶子,八爪魚片,魚型及日本魚蛋片(算爽),鮮蝦,長腳蟹腳等等….另有珊瑚蚌,象拔蚌,脆肉鯇魚片(好脆),肥牛(其實唔算好肥,但可以啦),魚餃,創意o既有:金銀蛋西洋菜餃(食唔到西洋菜味),兩種墨魚丸,一種芝士墨魚丸,一種wasabi墨魚丸(兩種都幾香,丸又彈牙),蝦丸,內有蝦膏蟹子同馬蹄粒,唔錯.原來每碟份量唔少,食到我o地要打包啲丸同餃返屋企.酸梅湯唔夠甜.調味料方面,佢會拎8種調味料畀客人自己加到豉油內,有:蒜茸,金蒜茸,蔥花,碎花生,青紅辣椒

連續兩日公眾假期同親友黎飲茶~第一日食左13碟野200幾蚊埋單,,真係幾抵!同一般屋村酒樓差唔多價$...推介::::蒜蓉蒸鮮'友",,,鮮甜蟹粉小籠包,,多汁and甜不值推介::::海蜇>>好似use美極撈==

平時經過此店,經常見多人輪候,上網睇食友的評論亦不錯,早已心動來試.今晚見時間尚早,特來此幫襯.四個人叫了:一個龍蝦套餐$298,包括有芝士焗龍蝦伊麵底及花膠海參豆腐煲乳豬例牌$45賽螃蟹$50一蚊雞(穗香雞)$1冬瓜盅$88一枝紅酒$57.3最好食是賽螃蟹,香滑材料多.乳豬肥瘦適中,皮夠脆.以$1的價錢來說,雞算很大,夠滑,尤以雞背為甚.紅酒幾好入口,以這價錢來說,不苛求的話,飲得過,龍蝦和冬瓜盅無甚特出,最差是花膠海參豆腐煲,只得一個熱字,其它欠奉,整體來說食物中規中矩,但味精都幾多.四位茶加一碗粥,埋單$637,價錢中等,員工的服務態度很好,值得讚揚!

大大話話都幫襯左成三、四年有多打邊爐我一定首選稻香,價錢公道,食物新鮮9:00 pm後特價火鍋,碟碟$12(小部分$28),價錢相宜,真係唔錯唔錯~~9:00pm開始特價火鍋,8:00pm已經有人排定隊等派籌,晚晚都人山人海,遲d去排隊都唔駛食,8:30pm開始派籌,8:45pm開始安排入座~~湯底試過:-海底椰足絲雞(半隻)湯底$68-醉雞(半隻)湯底$68-豬骨湯底$68-皮蛋芫茜湯底$48海底椰足絲雞湯底最正..近期至愛尚有其他多款特色湯底,,eg清湯牛腩、素羅宋湯etc試過好多款配料:-鮮蝦腐皮卷(超好食,,必叫,,$12 有成6件大大件)-豬夏青拼肉眼筋(至愛..唔叫唔得)-花膠仔(有d腥,,,)-雲吞拼水餃拼魚皮餃(各四粒都只係$12碟,,好好味)-四寶丸(手打..彈牙)-鮮魚滑-鮮牛肉-白鱔片(都幾爽滑,,,,但份量好少)-唧唧魚麵(純綷想玩下...但竟然唔錯)-桂花蚌拼瑚蚌蚌($28,,,份量較少)-烏冬、公仔麵、山根、竹笙(一般)-各式蔬菜(新鮮)汽水$10 三支服務: 勤快,,有求必應環境:尚算寬闊總括來說: 用料新鮮,價錢相宜,會繼續支持

2007年5月13日。母親節晚上。青衣稻香。唔使問，只有套餐（$2288包2枝大啤和2渣果汁）。1．芝士龍蝦伊麵：料足，不過味道一般。2．乳豬件：幾脆。好味。3．杏香鴛鴦丸：無味。得D仁片香。4．杞紅爆雙蚌：貴妃蚌比珊瑚蚌少。吃到這裏，很有D火鍋料稍為加工變小菜feel5．竹笙翅:不提也罷。6．東星斑：幾好，都夠滑。7．螺片鵝掌：OK。8．脆皮雞：不錯，雞肉也滑和嫩。9．荷葉飯：不錯，不過大家已吃不下了。10．蟠桃壽包：D包唔得，有陣怪味，好似D餡壞了的臭味。11．生果拼盤：好細。全包宴，一開始已無期望啦。所以無失望。

好耐冇梨呢度打邊爐, 7點去到都要等幾張檯, 最有驚喜係而家佢地包埋生熟蒜,辣椒,麻醬8種醬料, 以前下下都要10蚊碟, 我地兩個人見到海鮮拚盤$198包埋任選湯底好抵, 所以選左醉雞鍋貪佢有埋雞, 如果中銀卡仲有8折TIM可惜我地兩個都冇, 個海鮮拚盤有一打蝦幾大隻, 一隻蟹, 大青斑片, 山瑚蚌, 菇同埋菜其實兩個人食埋雞都好飽下, 不過因為見到佢有D另類丸$28可以雙拚, 所以叫左個WASHIBI墨丸同芝心墨丸, 不過普通啦, 其實同墨丸冇乜分別, 勝在係手打,個心D料唔夠多, 今次飲左3枝大嘉士伯埋單$312蚊如果有埋中銀卡折左正價梨講幾抵既…..

閒日星期一和朋友來此飲下午茶,有很多特價點心,總共叫了六個點心,一碟炒飯,90蚊有找.牛肉,蝦餃,燒包,腸粉都是水準之作,炒飯亦乾身好食,鴨掌就一般.總括而言超晒值!!

我都成日都d同學過來飲茶架. 佢地d野, 真係幾好食架. 又唔貴喎. 好過樓上架美心集團既乜乜軒啦. 有款炸雲吞, 係必食架下, 同賣係次次都要等架下, 不過夜晚火煱仲多人食呀. 真係幾好食架, 又唔係好貴呀. 好過個d一舊水任先啦同賣個到架船真係幾得音既設計呀

黎稻香始終係食打邊爐最好味,9:30後仲有特價,好抵~一定要試下雲吞同水餃,非常大粒且好好味!P.S.不過稻香食晚飯就麻麻地喇~

稻香的龍蝦套餐消失了, 散叫要$198一斤, 轉而試這個信用咭特價餐, $399包茶介加一, 平就平但實在唔多好食。1. 蟹黃翅(一人一碗) –雪藏蟹黃加上好鞋好硬的翅, 混在像加了水的高湯中, 淡而無味, 再加上紅醋就係怪味。2. BB燒乳鴿(一人半隻) –最好食係佢, 夠熱夠脆(話時話, 青衣稻香的炸雞一向都好脆), 不過空口食幾咸。3. 魚羹(一人兩片魚肉) –和和暖的沒有鮮味, 羹面加一大把蔥粒, 睇就好睇不過無助食味。4. 蠔油花膠鵝掌(一人一隻花膠、一隻鵝掌加兩條茄子) –花膠好林, 隻掌都入味, 衰在唔夠熱。5. 草菇西蘭花(一人三朶花加三隻草菇) –又係好清淡的一味。6. 錦鯉狀的芒果布甸一人一小條。味味都係墊碗碟咁細碟, 食完剛剛夠飽啦。乳鴿先來, 之後個廚煮好邊樣就上邊樣, 那管你上一碟都未食完, 上菜的時d菜已經唔太熱, 到放入口時, 又有什麼法子會唔凍呢!

好耐無幫襯，上星期五再去晚飯，坐底無耐侍應姐姐就埋o黎招呼推介，話有個限量供應o既天麻魚頭湯，只賣$98，好抵咁話，卒之聽佢講叫o左一窩。上菜喇，侍應打開個蓋，咦，點解魚頭湯D顏色唔係奶白色o既？睇落似清雞湯多D喎，又聞唔到天麻味，飲落雖然幾甜，但係就唔似魚頭湯，但係侍應姐姐一路撈湯渣一路話：「係天麻魚頭湯嫁喇，無錯嫁喇。」咁話。睇阿姐撈下撈下，撈上O黎O既一大碟野有九成半以上係豬肉、雞腳，搵O黎搵去唔見魚頭，但就見有兩三塊魚鰭，同一細舊好似魚頭骨殘骸o既野。有無攪錯，咁都算係天麻魚頭湯？唉，用D廚房用剩O既頭頭尾尾O黎煲湯，係就係幾環保，不過用O黎賣俾客就真係唔掂。就算賣，極其量算係豬肉湯或者雞腳湯，話係天麻魚頭湯就真係有D離譜。

O, 粵翠軒裝修, 就稻香啦。一份龍蝦伊要$248, 不如加多幾十要$288的上湯/芝士龍蝦伊麵加脆皮燒雞半隻啦。伊麵d汁奶白色, 芝士味唔重, 咸dd就好味dd啦, 不過, 隻蝦幾新鮮, 八大件蝦, 夾埋d麵分倒六飯碗。稻香的脆皮雞一向皮脆, 要雞味當然要去鳳城, 之但係, 稻香的燒雞皮脆價平播。侍應姐姐猛sell$48一隻蝦, 話蝦大有膏。無意中聽見一位侍應姐姐對另一位說, 今晚我賣了八隻蝦, 下, 連賣蝦都有quota?

很簡單的評語: 差+ 貴吃了xo 漿炒花膠豉油炒大蝦乳豬拼盤不知名骨xxx艷素(冬瓜+菇+兩條竹笙)冇樣野好食!!!又貴服務又差不會再去!!!!