稻香 (青衣城1)

營業中

休息中

琴晚同女友同兩個fan去呢間店到打邊爐,特登等到9點,因為平d,入到去點o左好多野,一定要叫蝦丸,墨丸,肥牛,花支,竹笙同駝鳥肉,呢幾樣野真係好好食,其實打邊爐,d野新鮮就多數都好食,呢間店就真係新鮮,同埋佢d豉油係自己煮過,好香,甜甜地,幾好味,跟住佢會比個調味籃你自已再加野落去d鼓油度,有辣椒,花生.....最後食到超飽,都係1人130幾,仲要飲o左兩支啤酒,三支可樂,價錢都算ok,但真係幾好食,下次會再來.

今晚做冬,阿媽去稻香本身想買乳鴿..~~不過冇晒為有買燒春雞 ~~但味道就麻麻..食得出有雪味 ~~而且肉比較"鞋",同埋好多油呢.要用吸油紙吸吸佢 ~~~下次都係咪搞~~

昨晚到此食了這個套餐，品評如下！坐位逼，大時大節預了！出品每況愈下！用膠碗膠碟！下次會去第二間！虎蝦海斑宴 上湯焗大虎蝦(伊麵底)--急凍蝦，又霉又細隻！伊底水汪汪！龍裙乳豬件--超細碟，個碟就大，約20小件，四份一隻都無！重要兩隻豬合拼！碧綠花姿蚌片-翠玉瓜就多！黃金脆蝦丸—尚可！紅燒竹笙海皇翅—大路。玉環瑤柱甫—細粒，個獻又黑又杰！清蒸大海斑—過火，中班是也！沙薑穗香雞—凍的，可能放了後久！香芋糯米飯蓮蓉桃包—變了奶皇飽，全晚最好就係個飽！即蒸！又熱又新鮮！合時生果—幾片大陸西瓜！ 每席$2088【供十二位用】 每席敬送：指定啤酒2枝，果茶2酌、免收茶芥及加一服務費

媽咪佢地去飲茶,有人推介話新出既紅燒乳鴿好味 ~!試完後,老豆同媽咪竟然不約而同話有好野要買隻返黎比我食..$38一隻~~我覺得價錢都OK呀 !不過我真係冇咩點食過乳鴿..今次好似第2定3次食..!但真係好香好香..!D肉又唔會"鞋"..哈哈..我一路食,隻肥波可能聞到香味..係咁吠我..勁為食 !!

細佬返左黎香港一段時間, 但都未見親戚所以就約出黎食飯兼幾位長輩閒談一下事前, 屋企人 check 左有個 $698 既半圍 dinner set 幾好但去到果時發現無, 唔通無左, 問一問, 原來無放o係枱貴既就o係枱, 平既就要問佢拎, 不過呢 d 好多酒樓都係咁好在事前有做 research高湯海蝦伊: 幾隻海蝦, 伊麵底, 海蝦算新鮮, 唔會梅, 伊麵好食, 個汁做得好, 自己又鍾意食伊麵, 夾左唔少醬皇炒雪花珊瑚蚌: 珊瑚蚌花枝片炒翠玉瓜, 翠玉瓜唔太淋, 爽口, 好食金瑤扒雙蔬: 瑤柱, 金菇菜草菇唐生菜, 瑤菜不少, 落足料, 不過味道普通酒心百花球: 炸醬爆海鮮球, 蝦肉球入邊有 d 酒同埋冬菇, 熱辣辣, ok紅燒竹笙雞絲翅: 雖然只係散翅, 唔算多竹笙, 不過以呢個價錢黎講, 係超值, 自己亦以味道行先, 所以呢個翅唔錯, 半圍可以分到七碗清蒸青斑仔: 青班仔蒸得幾好, 唔會太老, 加埋個準, 好食百靈菇扣玉掌: 百靈菇炆鴨腳, 百靈菇好似鮑片咁, 幾好味原隻燒雞: 半圍都有一隻雞, 抵, 味道唔錯臘味糯米飯: 一大盤糯米飯, 好香, 由於太飽, 大半盤都係打包蓮蓉

午餐時入場,要搭檯,叫左:叉燒蛋飯:夠份量,叉燒好味,飯加左筍同蛋絲炒,幾香口蝦餃:蝦夠大隻,不過冇咩特別,算ok燒賣:又係夠大件,不過不失灌湯餃:足料,湯幾鮮,唔錯鹵水雞腳:朋友話好正,我覺得都ok,幾入味(對面搭檯師奶又叫左,不過佢地投訴話冇落花生,結果我地個碗都換埋)整體幾好,環境都叫接受啦,不過如果有人高空擲物就...

12-11-2008 今天與親存一行十一人,九個大人,一個小孩,一個BB,去了青衣城稻香打邊爐,這間計埋呢次,共去過三次,個火鍋魚湯底好鬼正呢~叫了很多東西,食物水準都有八成好既~埋單共970幾元~不算平,但~坐得好舒服~參考照片 : http://hk.myblog.yahoo.com/kitypanghk/article?mid=12886

媽媽生日一家人和她打邊邊慶祝9點特價時段, 一行五人點了.....肥牛 : 十分捧!!!!!味道一流, 肥而不流,哈哈哈桂花 : 一之記之曰....爽!!!!!豬腰 : 不會太粉, 易入口雲吞 : 蝦味道夠鮮魚皮餃 : 比起雲吞差天共地再叫了一個清寶涼湯底加上一個併盤開始時以為併盤會十分小, 但一上菜便不禁嘩一聲, 食物質素很捧XD有蟹....有貢丸....通菜....., 十分多食物選擇,哈哈哈

中秋正日，反傳統地去了吃日本壽司過節；追月夜，同幾位老友吃番一頓傳統中菜。地點選擇稻香，主要是貪佢夠平。大家食野都有特別要求，有人又唔食牛，有人唔食雞，有人又話唔舒服，點菜方面都有一定難度。加上侍應不斷推介菜品，令人煩厭不堪。糖醋魚塊和生炒骨，兩者做法差不多。不過有人話呢度既生炒骨好正，一定要食；有人又想食魚，不過唔食蒸魚，就糖醋魚塊和生炒骨各一。好在，兩者的質素都唔太差。先講魚塊，剛剛炸起，幾脆口，魚肉也不會死實實，而且酸酸甜甜的做法，合大眾的口味。生炒骨，肥瘦適中，入口鬆化，雖然與糖醋魚塊都是酸酸甜甜的，但各有擁躉。腊味什菜煲，溫度都令人滿意。蔬菜的選擇也算充足，幾淋，但只得幾粒蝦米，少許魷魚，咁就叫腊味，有些少勉強喎！還有的是，底下的粉絲都只係得個兩柱，似乎小左ｄ，呢個煲大家都有點反應。各人都想試蠔，之不過當中有人喉嚨唔妥，唯有弄一客桶蠔，薑蔥整，咁大家都可以食啦！薑蔥桶蠔，大隻就夠大隻，薑蔥爆理應好惹味，今次卻做不出這風味，同埋蠔邊有渣。啖啖肉的桶蠔，就此被糟蹋。食物不算十分出色，唯價錢合理，每人八十有找，也不能苛求太多。

今天去了青衣城稻香吃晚飯。當我們討論菜單的時候，不斷有人站在我們背後問要什麼，又不斷推介。雖然那些侍應的服務態度都 OK 喇，但我不喜歡過份殷勤的表現，有少少煩及趕極不走的感覺。之前看 openrice 時，已看到不少人說上菜速度極快。果然，快到令人覺得好像一早整好似的，落單後不需 5 分鐘便上好了以下頭 4 道菜。10分鐘內亦上好了第 5 及第 6 道菜。友人說可能是因為夜晚大多數人都是打邊爐，所以廚房較得閒。這不無道理。但最後兩道需要即叫即整的菜卻在我們吃了約 25 分鐘後才送上，這很難叫人相信之前的菜不是整定。雖然我不知稻香是速度真的這麼快，還是一早整定，但講真，如果它真的是一早整定，它可以考慮遲 10 分鐘才把菜端上，混淆一下視聽都好丫。一行 6 人，叫了 8 個菜。1. 咕嚕肉：OK，不會有太多的粉漿，亦不會太酸。我個人不鍾意太酸。2. 唔記得個名 (有金華火腿、XX蚌、冬瓜及草菇)：OK。我個人鍾意 XX蚌 (貪佢爽爽的) 及金華火腿的鹹味。3. 肥牛金菇煲：OK。4. 金銀蛋莧菜：麻麻。5. 醬汁脆皮雞：OK，脆皮夠脆。6. 雜菌忟伊麵：麻麻，味道淡淡的。7. 唔記得咩羹

個人對稻香印象平平, 火鍋的話大不如去明星, 但家人投票三比一, 無計了, 只有硬掘. 九點後係特價時段, 仍然有人攞飛仔, 不過往日人頭湧湧的場面不再, 只係有飛早D入, 無飛等陣入. 叫湯底, 個個都係四十八, 有幾個特別D既有相.(清保涼, 鯇魚, 羅宋), 例牌既鴛鴦, 沙嗲, 麻辣都有. 點左個鯇魚鍋, 入便既料都幾多下, 一個頭兩件身, 幾舊縎豆付, 紹菜, 海蝦數隻. 但最大既問題係我要魚湯, 點解毫無魚味, 幾舊鯇魚係就係煎得幾透, 但真係唔知佢地煮果鍋水有幾大. 雖則最後火鍋滾落去兼加水都唔會係原味, 但頭淡湯唔係咁招呼我呀嘛?睇返張點菜紙, 其實特價左價錢都唔係平得幾多. 鱔片特價後廿三蚊, 加一即係廿五. 肥牛亦然. 下一級丸類價錢十八, 加一二十. 再下一級菜蔬麵食十三, 加一十五. 最抵係燕京大啤, 八蚊大枝, 同超市有得fight. 普遍質素只係一般, 兼有以下問題食品:鱔片: 彈身有肉地算OK, 但係只得五片, 上枱時用骨碟盛, 廿五蚊碟睇到有D眼突.肥牛: 完全無雪花, 瘦, 亦無甚肉味.鮮牛: 最平, 價錢同肥牛差兩級, 但係火鍋都要食梳打牛令人作嘔.

星期六晚, 幾個朋友想圍在一起吃晚飯和聊天,所以就選了青衣城裡的稻香.一看菜單, 發現白灼蝦只售$8一斤, 而且沒有限叫多少斤,我們初時以為菜單打錯價錢.於是我們向部長求證, 原來真是$8/斤!!我們立刻叫了兩斤白灼蝦. 除了白灼蝦, 我們還叫了兩隻BB鴿, 咕嚕魚塊, 紫羅牛仔肉和什菜煲.那BB鴿也是其中一個優惠, 兩隻燒鴿再加一支燕京啤酒 (還有一張抽獎券) 都只是$38.另外三個菜都是獨立叫的.落了單都不夠十分鐘, 全部菜已經上了桌.我懷疑這些菜都是預先弄好, 然後到客人叫的時候就翻熱.難怪菜單上的選擇那麼少吧! BB鴿一如預期細小得可憐, 不過白灼蝦是我們出乎意料之外的好!雖然只是基圍蝦, 體積細小, 但是份量十足, 絕對足秤!至於其他三個菜, 賣相和味道都是酒樓一般水準, 沒有甚麼特別.雖然只是一頓普通的晚飯, 但是埋單每人只是七十多元, 而我們又吃得飽,都算是不俗吧!

6月18日一點去青衣稻香嘆茶，點了（不是壽司）個名好得意，用豆腐同魚肉，再用紫菜包住。（節瓜蝦餃）我不吃蝦，但見媽媽吃哂全部，應該好味。（香芋窩餅）芋味都算重。（柚皮鴨腳）柚皮好少，鴨腳好味。（上素粉果）皮薄，料多，好。服務好好，見無茶都識加。

Hey, its me your token Canadian-born Chinese Native English speaker who stayed in Tsing yi! (LOL) Alright, let's get to the point here.On my second-to-last day in HK my mom said I totally had to check this place out for Dim Sum, so off I went with her to this place which I had passed many times before but never tried b/c it was too expensive for cheap hobos like me. As soon as we arrived, there was a HUGE line to get in... now I'm down with HK enough to know that this is a good sign: big lines i

2008.06.09 端午晚上訂了位，六時到達！檯與檯之間互相緊扣，坐位偏窄！坐落後有驚訝發現！竟然用膠碗、膠碟和更！裝修後寬敞和高級的場面，蕩然無存！每況愈下！餐牌只有限量選擇！套餐和十狐款小菜！點了：大青班(好弱)燒雞一隻燒鵝半隻龍蝦伊麵—例(無肉)菜兩碟賽磅蟹京都骨古老肉海鮮卷生根豆腐上菜速度奇快，可能整定！一食完就叫你埋單，趕下場！以往的資深部長不見了，換來一班屋村新移民師奶侍應！唉！10個人 $1500埋單！味道一般，全部行貨!!!價錢一般！一間有裝潢的大排擋！