穆斯林餐廳

營業中

休息中

上星期有日同同事食lunch叫左咖哩雜菜,咖哩羊同咖哩魚全部都好油未食已經見到有成寸厚既紅油浮面雜菜用左青椒,西芹等等魚係吞拿魚羊出奇地入味同酥軟又大大件忍唔住一口接一口但真係太油喇食完都有d肚痛

呢間野真係幾難搵,不過好味,嘜都抵返野吾搭的士都吾知,原來就係屋企附近如果去一定要試薯仔薄餅同咖哩角咖哩角~我兩種都食過,不過最好食都係普通果隻d人都好好,我記得有一次去落雨,佢俾埋傘我走,但果陣我都吾係成日去

早2日趁住端午假期去打磚坪街食CURRY！間舖有D難塭，我係見到有幾個印巴人士蹲在門口講電話先發現到間舖。點左咖哩羊$25＋蔬菜$3 -- 印巴式咖哩沒有落椰汁，無甘膩，羊肉好入味，吾太蘇，正！！！蔬菜係一碟仔洋蔥絲＋蕃茄片＋青瓜片＋生菜絲，每種有幾片/條甘，可以點咖哩或者埋香草乳酪醬！薯仔薄餅$12--好好好食！中間夾左薯仔蓉，又大塊，熱辣辣好正～Roti薄餅$4 -- 點汁不二之選Lassi$12 -- 似係乳酪沙冰，可解辣，不過細杯左少少總括來講，係好地道既味道，用手食更有風味！

昨天在此如常購買咖哩雞薄餅作午餐..卻由原來30蚊加到37蚊他們是這樣計算的淨咖哩雞由原來20蚊加至25蚊薄餅由3蚊加至4蚊咖哩雞+3塊薄餅,便要37蚊了不只薄餅,幾乎所有食品都加了價以前的確好扺食,每星期起碼幫親2-3次但加價驚人,我以後會少d幫親希望穆斯林可以減番價.

無可否認，呢到d咖哩真係正！不過近來卻大幅加價！之前一個飯$25，薄餅都係$30。而家加到。飯$35--38。薄餅$37--40。份量不變。。照舊價真係幾抵食。不過加左價就完全唔抵食！！！！

本來住葵涌區20年,近年搬去打磚坪街附近,有幸遇到呢間巴基斯坦開既咖喱屋,超好味,又抵食,任你狂叫,每人50蚊內一定落到樓!推介咖喱魚,真係好味到要食哂d汁,仲有本來包2個薄餅,最後都要加多塊,因為唔捨得食剩D汁.仲有青檸汽水只要6蚊,真係度度都飲唔到囉! 唯一唔好係環境似屋企咁,唔算光猛,但係野食搭救,乜都值返!

咖哩羊肉炒飯：幾乾身、配合得不錯呢！咖哩牛腩飯：很有水準，食完會上隱咖哩角：吃了兩款，一款是免治，一款普通，但都做得好好惟一不好的地方就只是舖位太細，坐得不太舒適，但服務就很不錯，會問你要唔要加飯加薄餅。

偶然機會下, 因為未來奶奶想食咖喱, 再加上鴨公早收工的關係, 跟一位很喜歡食咖喱的光頭兒到此店品嘗美食!!隨便叫了雞2 客+ 羊+ 雜菜(可能當晚牛的銷量特別好, 差不多9 時多已沒有了), 每碟菜式都會配白飯或薄餅作伴食....而且汁汁是免費加添...幾好呀!!呢度的白飯真係好大碟, 足足夠2-3 人食....而且薄餅每客亦有3 塊之多, 坦白講, 如果不是大胃王, 相信都好難食清...而我們當然再加3 個咖喱角作小食...總括來說, 呢家小店煮的咖喱相比其他大店比較出色, 完全做到自家的風味...唯一缺點是有點言語不通, 老闆好似好明你想講什麼, 但實際上是兩回事, 其中有位食客, 叫了多檸底樂, 他就點頭說: 係..係.. 惜等了多時..最後, 那食客當然放棄算罷, 只飲了Coke....其實又不用太計較, 況且你自行打開雪櫃取飲料, 老闆也沒有大罵, 不如自己動手來得妙...如果不想第二天, 肚子痛, 記的飲杯酸奶中和胃裡面的Spicy Feel 呀!!

去開打磚坪街探老友前到這裡幫襯，其實這裡向前去十幾米就到打磚坪街，都幾方便；而在舊區及工業區環境無疑是差一點，但要食特色食材絕對沒問題。這裡地方細細，餐桌以向牆面壁為主，中間只有兩三張小臺，顧客都以單身人士或外賣為主，尤以巴籍或印籍人士，他們到來後就跟老板或店員以母語溝通，再加上電視轉播巴基斯坦節目及滿佈巴基斯坦海報，當真有外國Feel。點了這裡的咖喱魚飯再配多個素咖喱角；前者配上沙律、白飯；沙律是普通的蕃茄、洋蔥、青瓜及生菜，但配上自製的香草辣醬，相當好味；而白飯是用了南印度白米煮的，米身較泰國或澳洲米長很多，很容易分辨，很有咬口，飯味很香，配上咖喱當然是絕配；說回主角，咖喱魚內的是淨魚肉，一半魚肉是切成絲狀，一半魚肉是切成小粒狀，故食到了兩種不同口感，而咖喱本身不算很辣，但香料、咖喱味道很香，這裡是印式及巴式咖喱，故沒有添加椰汁，而因魚肉本身吸了很多咖喱汁，故以其混合白飯相當滿足。素咖喱角體積很大，內裡都是薯肉為主，而淡淡咖喱味及炸得相當鬆化，這小食絕對稱心。價錢相當相宜，臺面地方都很乾淨，店員及老板很有禮貌，見筆者左影右影仲幫手，原先跟他們說英文但其實他們的中文很流利，過了午飯時

真係好好味．．．ｄ飯好特別呀～ｄ汁又好味～唔太辣，但好有咖哩味～個老闆好好人～送左個薄餅比我地呀～同埋原本諗住０係工廠區環境會好惡劣～點知一入到去～果度好乾淨～好企理～仲有一個巴基斯坦文既電視台睇～好有風味．．．ｄ野食又平～牛肉同羊肉都好林～ｄ魚仲好特別．．．總之好好味～

老闆親切, 食具乾淨, 捧出黎o既碟全部都係熱辣辣o既, 食得好安心~食過店中三款咖哩, 牛、羊、雞(至於點解無豬, 我諗大家都應該知道~), 真係各有各好好味, 三款咖哩o既咖哩汁味道都唔一樣, 唔同出面叫咩咖哩麵係一樣味, 落足料!有一次同個friend去食, 兩個人order左好多野(每人一碟飯+二客薄餅), 老闆好會怕人客食唔晒而唔上薄餅住, 等到我地食完飯佢就問我地要唔要個薄餅, 一d都唔會浪費呢~

<咖喱魚餐>:魚係魚用碎,啖啖都係香濃咖喱味既魚肉,對於我依D只係食得一般辣度既人,辣度剛剛好,不過店員話可以加辣既,跟餐既薄餅新鮮熱辣,正!!!再跟多一兜切條蔬菜,有蕃茄+青瓜+生菜+洋蔥...,食得健康D又唔洗咁"流"<咖喱角>: 非一般公仔點心既咖喱角,而係好似散子包咁大加漲卜卜既樣,"咸"料好多,仲有得一個一個叫,咁洗局你一次叫幾個<薯仔薄餅>: 真係好好味嫁~~~~~~~不過係油左D囉雖然無特別裝修,但感覺好道地,店員服務都好好,見你跟餐既薄餅一食完,就會主動走埋離問仲要唔要加薄餅(免費)兩個人夾埋食左四十幾蚊,已經飽到嘔,低到爛!!!我係住係附近既街坊,所以我諗以後會時時去食,再試下其他野先~

環境十分地道, 閒時有大量印巴籍人士聚集.咖哩比平時食既杰好多, 無汁, 啖啖料, 好好味, 都幾辣下.有無限量供應正常版薄餅, 另外薯仔薄餅都好正, 不過比較油.好抵, 6 個人食到好飽都唔駛$150.

朋友介紹好好吃的咖喱店... 在葵興MTR station join 班fd 就行去~ 哇=0=!! 好遠~~ 間野離MTR 好遠好遠! 不過~ 間野好好吃呢~! 初初入去, 間野蠻\"up dup\" 的, 細細間~ 不過入面的都是巴藉人呢~ 叫了個幾個咖喱Masala (雞, 牛, 羊), 咖喱魚, 薯仔咖喱角, 簿餅~ 最buy 那個咖喱魚~ 很好吃^^~ 味道非常好~ 咖喱角都很香口@@~ 而且很大件呢~>~! 正! 又夠熱! 簿餅點了咖喱汁~ 正正正! 簿餅夠香脆, 熱騰騰~ 咖喱汁又香又好吃! 好吃+ 抵食^-^~ ( 我覺得比重慶的更好吃!)絕對給好評呢~!

呢間shop d curry真係唔錯,但每日一到午市就好多人要排好耐先有得食,佢除左咖哩飯之外,個印度餅底都好好食,個咖哩角簡直係必食既,我自己就鍾意食佢個咖哩魚多d不過如果可以少d油就更加perfect喇