影片
更多
2003-12-21
51 瀏覽
同Cat小黑貓講起巴式咖喱時, 突然想起唔知o係邊張報紙見過葵涌有巴式咖喱食. 好彩o係OpenRice俾我搵到呢間. 禮拜六晏晝o係荃灣睇完高達展覽, 即刻o黎o左呢度試o下.呢度位處打磚坪街同梨木道附近o既工廠區, 有唔少巴籍鄉里o係呢頭住同埋幫襯呢度. 舖仔細細似間外賣快餐店, 差唔多專做附近o既鄉里生意為主, 餐牌o既菜式非常實際, 只係有多款咖喱碟頭飯, 燒雞, 同naan一類o既烤餅等. 係咁我都老實不客氣, 叫個咖喱羊肉飯($25)試o下.咖喱羊肉飯有一中碗羊肉, 一碟白飯, 一碟沙律, 同埋一細碟薄荷醬. 羊肉夠嫩夠淋夠入味, 咖喱個汁係小至中辣, 夠濃又有少少油o係面, 望落有o的似銅鑼灣鵝頸街市"惠記" o既咖喱(但係就冇咁油), texture同口感都好對版. 白飯唔係中式白飯而係印式o既basmati rice, 配巴式咖喱當然係好食過普通絲苗啦!碟沙律係切片o既生青瓜, 蕃茄, 洋蔥同生菜, 點埋o的薄荷醬一齊食. 薄荷醬比尖沙咀印式餐館o既較稀但較辣, 配沙律相當野味.呢度係我食過咁多次巴式咖喱以來最好食o既一次, 25蚊簡直係超值! 用禾稈襟珍珠o黎形容呢
呢度位處打磚坪街同梨木道附近o既工廠區, 有唔少巴籍鄉里o係呢頭住同埋幫襯呢度. 舖仔細細似間外賣快餐店, 差唔多專做附近o既鄉里生意為主, 餐牌o既菜式非常實際, 只係有多款咖喱碟頭飯, 燒雞, 同naan一類o既烤餅等. 係咁我都老實不客氣, 叫個咖喱羊肉飯($25)試o下.
咖喱羊肉飯有一中碗羊肉, 一碟白飯, 一碟沙律, 同埋一細碟薄荷醬. 羊肉夠嫩夠淋夠入味, 咖喱個汁係小至中辣, 夠濃又有少少油o係面, 望落有o的似銅鑼灣鵝頸街市"惠記" o既咖喱(但係就冇咁油), texture同口感都好對版. 白飯唔係中式白飯而係印式o既basmati rice, 配巴式咖喱當然係好食過普通絲苗啦!
碟沙律係切片o既生青瓜, 蕃茄, 洋蔥同生菜, 點埋o的薄荷醬一齊食. 薄荷醬比尖沙咀印式餐館o既較稀但較辣, 配沙律相當野味.
呢度係我食過咁多次巴式咖喱以來最好食o既一次, 25蚊簡直係超值! 用禾稈襟珍珠o黎形容呢度o既咖喱都唔會有錯.
張貼