穆斯林餐廳

營業中

休息中

朋友介紹呢間餐廳食curry, 我係呢頭返工, 但從來經過我都唔敢入去, 總覺得好似好dirty同唔係做本地人生意咁! 睇完呢度既食評, 前日走去買黎試吓: 21/5/09第一次食, 叫咗個咖哩牛, D牛肉好似牛腩咁, 我麻麻地, 同我同事SHARE, 我只係食咗D汁, 都幾好味, 不過我唔食得SPICY野, 所以食咗少少我就冇食. 我同事話幾好味, 不過好油, 當晚我買咗個外賣咖哩雞返屋企俾屋企人試, 裡面得兩舊雞(雞脾仔同雞翼), 個汁好味, 但舊雞麻麻! 今日又試一次, 叫咗咖哩魚, 呢個最好味, 一定會再食!!

我睇完openrice.com 慕名而來試位於葵涌的「穆斯林咖哩屋」，這間餐廳做街坊及鄉里生意，由巴基冷坦人主理。裝修簡撲，價錢相宜，味道有70分，都幾好食。我今晚叫咖哩雞、咖哩魚、咖哩炒飯、咖哩角、薄餅。賣單$98。希望佢地做一份套餐，方便我下次叫單時唔駛煩。

一早想拜訪一下這店，又看另外兩美面上，一日中午特地遠走葵興，湊成三美之局，哈哈! 　咖哩屋的規模，比重慶大廈或佐敦吳松街那些都要小得多，門口還有兩個印/巴藉人仕，環境十足他們的地膽店，講真有點嚇人；我仔細的對了兩次地址沒有錯，才鼓起勇氣走進去。店內環境是同樣的簡陋，廁所衛生也絕不理想，但食物取價實在是便宜得很，咖哩類廿元起有交易。3美是日品嚐了： 沙律(跟咖哩奉送)-比起其他咖哩店送的胡椒薄脆(有的甚至會收費)，清新的沙律無異更為吸引。咖哩羊肉($25)-羊肉本身頗為鬆化，本是吸收咖哩味道的好料子，然而咖哩本身味道一點都不刺激。根據餐單介紹，此店吃的是巴基斯坦式咖哩，因此不如印藉的辣?　　咖哩雜菜魚($35)-此店另一特色是肉類可混和雜菜，但與其說是拌雜菜，這味更似是魚蓉混薯蓉，由於汁液夠豐富惹味，塗以薄餅享用味道也不錯的。　薄餅2份(叫咖哩+$4可換購一份)-每份約有廿小件，份量比想像中要多；太薄的餅不算太鬆化，也久口感，唯一好處是不太油膩。　素/牛肉咖哩角($6/8)-不是傳統印式厚身的samosa，而是香脆薄身的那種咖哩角，由於餡料飽滿味道也不錯。　炸雞塊($20)-第一次在這種

四人午餐, 兩時多才人齊, 小店只有另一枱行山客. 店內雖然掛了不少滿有新疆風情的畫, 但裝修畢竟比較簡陋. 枱是大排檔摺枱膠凳, 加上偶有小強經過, 衞生先決者須慎重考慮. 一身穆斯林裝的店主(?)穿著一身傳統服裝來招待我們, 感覺蠻有異國情調, 當然落單只要用廣東話就可以了.餐牌的價錢平得嚇人, 除了燒全雞一項索價二百三十以外, 無一菜色價錢超逾四十元. 能夠只看胃納點餐絕對是一個老饕最大的幸福.1. 咖喱角: 皮薄且炸得極脆, 豆蓉亦甚有咖喱香. 三蚊件比小食檔還要便宜.2. 咖喱牛/羊: 咖喱的味道比較單調, 香辣稍嫌不足. 不過肉類炆煮得軟腍, 羊肉滑且有羶味, 三十元不到的價錢應當收貨了.3. 薄餅: 四元一塊分四, 叫幾塊已有一大碟. 烤得熱烘烘的薄餅配咖喱剛好. 4. 咖喱魚炒飯: 飯乾身兼有咖喱引人的薑黃色, 亦有魚肉雜陳其中. 礙於米種, 飯香乏陳. 唯咖喱香魚香亦欠奉. 見其物不聞其味, 此之一例也.5. 菜疏沙律: 隨便從街市買來的貨色, 看上去清洗挺徹底的樣子.5. Masala羊肉: 香辣度稍有提升, 但多種香料的沉重味道卻壓住了我的味蕾整整一個下午...6

講明先,今次會以半正常方式去去寫食評的八月二日晚,我和女友相約新葵興廣場附近在一起前去,從穆斯林地址顯示的方位,再加上其他食客的評語,已知道未食前先行八十公里的規舉,因為大家都未曾去過,加上我當天沒有時間搜集資料去確定位置,而同行的女友對於方向感可以說接近一百個巴先....死得!雖然我倆已接近傍晚行動,但要橫誇整個工廠區,在悶焗的橫街窄行裏尋找,實屬一件不輕易之事.經多次行錯路段,上錯樓梯後,挫折感開始令我去做一件事,就是主動問人.正所謂:路在口邊一點沒錯.一問之下,原來此路段只是我們正找的後一條街而已.當到達後,大家都好像呼了一啖累氣, 有點已排除萬難的感覺.誰不知我倆扺達門外,並沒有即時進去.因為眼前的新挑戰又來了!!在門口窺看店內情況發現,好像成棟重慶大廈的大堂搬到這裏似的,全店一律印巴籍人仕.頓時和女友四目交接,藉此希望由對方說出些拒進理由的理由.不過最後大家仍裝著一幅若無其事的樣子前去.當進入後,又不如我所想那麼驚嚇..至少店裏仍有一位香港人在內進膳的,或者具體說,當時只有一位食客而已,餘下的印藉人仕都是來聊天的.我倆坐下後查看餐牌內容,大約三十元有交易,而巴藉仕應也懂少許中

成兩個禮拜都未幫親過今晚晚餐特意前來光顧如常地點了個咖哩雞飯很失望以往都係用開無皮雞比今次轉左做雞全亦而且隻雞亦好肥,皮重多過肉d飯重好似溝左泰國米無以前o甘鬆散o甘香口我話晒都係呢到ge熟客仔幫親左o甘耐,佢竟然偷工減料講真,我都明白近排通脹惡化,生意難做但我情願佢地加價,都唔好改變曬d食物質素,

我係附近番工, 所以耐唔耐都會黎 , 其實佢樣樣野都幾好味 ,個人覺得咖哩魚最好味 ^O^ 加埋薄餅真係超正! 仲有佢D咖哩角好好味,我次次黎都會食不過我次次食完都會覺得個身好大陣味 . ..

叫左Masala羊+2隻咖哩角+油薄餅今次d薄荷醬比平時辣左d~masala同以前一樣咁好味~好香~ 羊肉夠腍~油薄餅都好香~正~

鋪頭比較難搵裝修差但食物確係有質素!推介:薯仔薄餅原味咖哩角咖哩魚抄飯40-50蚊已夠你食到好飽!!

Chicken Masala(with rice)+咖喱角e道既咖喱角係我食過最好味~ 又香又脆~Chicken Masala d 雞肉係起哂骨的~ 啖啖肉~咖喱好香~不過辣左d~

好耐之前見到呢間食咖喱既店有幾好既評語，一直想黎試好耐，咁岩最近轉左工..係呢頭返工，俾我發現左呢間野原來就係我公司附近，所以今日決定黎試咖喱!一入門口，已經聞到好香好勁既咖喱味，一坐低我就即刻叫左個咖喱雞套餐($30)+ 咖喱角x2(@$3)．大約等左6-8分鐘度，終於有得食！咖喱雞套餐($30): 我要左飯，跟餐仲有個沙津送，依家睇返之前d食評先知道，原來個沙津佢會有個醬俾你，但係點解我今日食果陣~ 佢地又冇俾到我呢？就咁食個沙津（得生菜，洋蔥，青瓜同蕃茄）真係有d寡，最後食左2啖就冇食喇，我想試下佢俾果個醬唔知好冇味呢？至於咖喱雞－入面總共有2件雞脾同2舊薯仔～由於佢用雞脾肉整咖喱，所以食落我覺得幾個雞滑，不過咖喱本身辣就唔係幾辣，我認為可以再辣d！原味咖喱角($3): 記得d食評個個都話呢度既咖喱角好好味，於是諗住叫一件黎試下，佢有原味(薯仔+青豆)同免治牛肉，由於我唔食牛，所以就叫左個原味！不過落單果陣，個阿姐面有難色，問我要2件好唔好，咁我所以最後我叫左2件..第一啖咬落去個咖喱角~哇！個餡仲好熱嫁，薯蓉多d流左d出黎，個皮又脆，真係幾好味，冇介紹錯=)總結：間野d食野大至

呢間野O既咖喱香味離遠都可以聞到, 佢O既咖喱係用好多香料整, 食完之後成身都係咖喱味, 不過真係好好味同好抵食,通常我同我老公多數都係食咖喱魚簿餅,咖喱角同薯仔簿餅, 埋單$60 有找!!

諗番起第一次去我諗都有8年本人係住係黃大仙區到今時今日8年後我都1個月最少去一次未加價之前一個飯$25 雖然宜家加左價加到$30 我都覺得可以接受最好食應該咖哩免治牛肉飯同咖哩魚炒飯免治牛肉加埋d薯仔撈飯真係一流魚炒飯冇骨(有時都會有一兩條本人好憎吐骨)果度d米乾身好適合要黎炒飯仲有一樣野一定要叫就係咖哩角(記住唔好叫免治牛肉個人認為太多肉)內容係薯仔同青豆只係賣$3個鍾意食咖哩角既人一定唔好錯過d咖哩角手整好過食出面果d

呢間舖想試好耐，但次次都搵唔到，今次黎開葵涌，終於都搵到。下午一點都冇乜人，叫左咖喱羊跟薄餅($34)同凍奶荼($10). 咖喱汁好濃同杰，香料十足但可惜羊肉無羊味，唔夠羶。仲有一碟生既雜菜同一碟薄荷汁，都幾OK。凍奶荼就甜到頂唔順，唯有當甜品。同枱 有位阿姐，一開始就將D汁食哂，然後再叫伙計加汁，咁都得，又幾好服務喎。

我係佢附近返工既,所以都經常會lunch time幫襯最鍾意佢地既咖哩免治牛肉,配埋個薄餅簡直係絕配!咖喱唔會太嗆住入口,因為有好多香草既配搭價錢非常公道,一味咖哩跟白飯都係$30,配薄餅就$34唯一不足之處係地方比較簡陋,夜晚時間比較多巴基斯坦人仕聚集...