穴 (世貿中心) (已結業)

琴日叫了舊同事出嚟食飯、星期五呢啲時間又多人、咁岩行開世貿買香薰、之後想去睇吓有咩食啦咁啱見到有呢間野有位就入咗去食啦、以前喺呢度食個lunch、都未試過晚餐！今次有機會試吓啦⋯⋯呢個沖繩海葡萄沙律好淡、完全冇海葡萄個隻鹹水味、有啲失色壽司都可以吧⋯⋯燒物是不錯、我哋叫咗牛舌、青椒、銀杏呢個魚仔幾好味仲有一個送洒食嘅牛蒡食物質素還可以、但係唔會食完想再返嚟囉⋯⋯正常不過不失的日本料理兩個人飲埋酒食咗＄1300價錢中價跟食物質素一樣

第一次食穴既壽司🍽之前一直覺得係貴 質素一般🤔今次一試 完全將之前既印象改變可能因為星期日 係冇午市套餐我就揀左一set 特上壽司套餐佢有前菜 係茶碗蒸 湯 小食 🍱已經非常有心機 真係唔差之後就上壽司🍣只能講 師父手握功力唔差食材亦非常新鮮比起大型連鎖店真係無得輸價錢真係好抵！未計加一$188

燈光昏暗的穴， 牆上的金魚畫得生動。 午餐時候， 入座率不足100%， 坐在旁邊的兩位老外， 見到自己點的 豬扒飯 set lunch，說了 "so tiny" 😂😂😂 難怪見到大部分食客都是女性。炸軟殼蟹沙律御膳 $108, 先來一個燉蛋, 蛋上有一層芡汁, 是有點滑，但味道平平。炸軟殼蟹和沙律 也不見得特別出色😅， 沙律用了柚子醋嗎 ？配角是烏冬， 多麼普通的外形，但湯底出奇的好， 是香菇和昆布的味道， 非常簡單，但很鮮味😃😃😃 可能飢詩又點錯嘢食， 朋友的天婦羅套餐 整體感覺比較好， 粉漿適中 不油膩， 配角之一炸南瓜， 外脆 南瓜肉柔軟鮮甜 😄所以說 配角比主角更搶鏡 😄😄😄飢point : 6/10#hungermarch #非飢詩 #飢詩

聽說這裡有海景的位子, 但朋友人忘記預留海景位, 唯有坐其他位子。坐下剛好聽到鄰枱兩位的食客也詢問能否坐窗口位, 聽到經理的回覆是窗口位子主要預留給4位以上的客人, 若果只有兩位客人就要收最低消費。(但我沒有聽到最低消費是多少)反正我坐的位置也舒服, 就決定不調位。打開餐單發現這家的食物有很多不同種類的選擇：魚生類、沙律、燒物類、炸物、鍋、等等。結果一口氣點了：吞拿魚薄脆 ($58)、刺身拼盤 ($298)、燒雞翼 、牛乳蟹肉薯餅($48)、芝士青瓜鰻魚卷($88)及松葉蟹蓋海膽石窩飯 ($168)。吞拿魚薄脆 ($58)之前看食評已留意到有其他食客推介這個, 果然沒有讓我失望! 切碎的吞拿魚腩配上薄脆口感太配了! 如果硬要挑剔的話, 就是薄脆可以再脆一點刺身拼盤 ($298)這個不是最大的刺身拼盤, 但由於我們只是兩個人享用, 也就夠了! 魚生整體上都很鮮甜, 其中一個是火灸的, 也很不錯, 但我不知道那是什麼魚 只有海膽略嫌不夠新鮮, 帶有些味苦苦的味道, 扣分!燒雞翼之前在別的日式餐廳點的燒雞翼是全翼, 個人還是比較愛好這種攤開的燒雞翼。味道十分惹味, 雞皮也燒得很脆, 好吃!芝

風穴來風, 我地黎食就必有因! 星期日都要加班, 梗係要搵上司請食中午飯, 而且必須揀好野食! 我地兩人去到穴, 環境裝修都好靚, 唔多人食, 沒有book 都去到有位! 沒有午餐set, 所以我唔知本身冇, 定係我過左午餐時間。女士都係比較細食, 我地叫左特上刺身御膳、滑蛋廣島蠔飯、魷魚海膽小卷及蟹膏軍艦, 可能所有野都係新鮮, 我地大概等左二十分鐘先有上菜, 但已經唔多客人, 都要等咁耐。特上刺身御膳($198) - 刺身幾新鮮, 油甘魚唔腥, 幾肥美; 吞拿魚有少少腥; 帶子配上檸檬汁更鮮甜彈牙; 三文魚一般般, 不過不失; 海膽比較新解, 好香濃, 配上青瓜更fresh; 特別鐘意食牡丹蝦, 好鮮甜, 個頭好多膏! 海葡萄有點兒咸, 口感爽脆, 整體都唔錯!滑蛋廣島蠔飯($88) - 上菜時, 覺得佢賣相麻麻地, 一入口, 廣島蠔炸得好脆而不油膩, 蠔仲有鮮味! 滑蛋真係唔係間間做得好食, 呢一間幾好, 蛋味調到剛好, 好香滑! 有驚喜+抵食!魷魚海膽小卷 - 賣相好靚, 第一次試魷魚+紫菜+海膽整成一件件小卷, 入口感覺有點兒複雜, 魷魚係爽脆既, 紫菜煙韌 , 海膽濃滑,

本身BOOK左隔離間餐廳 點知尼到又突然間想食日本野 咁啱又有位就尼左哩度啦食物選擇算多 樣樣都想試 諗到頭都爆埋終於揀好啦!!等待中有位女侍應好有禮貌咁行埋尼問我地叫左野食未 好抵讚再過一陣就有野食啦哩個超好食 咬第一啖已經食到好香既蟹味 仲要係熱辣辣嫁!!入邊有蟹肉、蟹膏同蟹籽 真係超好食!!全部都好新鮮 係個蝦比較腥特別推介火灸左口魚裙邊 成舊放入口成口都係油 正到冇朋友!!! 哩個係我成餐飯最期待既不過可能希望越大失望越大望落都尚算吸睛而且睇得出係靚牛但食落呢就冇乜牛味 如果合埋眼食真係可能唔知自己食緊和牛加D洋蔥同酸汁食又好DD但酸汁又唔係好夠酸和牛係咪始終都係燒比較好呢燒得唔錯嫁 牛舌都幾厚 但咬落又唔UN五花腩好一般 五星係俾鵝肝雞翼 尼到真係必食!!一咬落去已經食到鵝肝既油香味再咬真係不得了 D油必哂出尼 成口都係鵝肝既味 超滿足

姐妹們生日一貫作風選擇中價位的日本菜，一早預訂了卡位，6人勉強坐下去。遠眺海景看著晚霞，感覺舒暢。座位編排不密，私隱度高，配上昏暗的燈光，對！這就是星期五晚上可以放下工作，輕鬆自在聚會的心情刺身併盤擺盤穩陣，沒有特別。冷度足夠，沒有腥味，肉質爽，是新鮮的刺身做開刺身生意，深知食材來貨，價錢高沒關係，最重要是新鮮！這板海膽色澤平均，面上有水份，是新鮮的表現，配上乾脆的紫菜，從小心思處得分熱食整體也不錯，分量雖然不多，但擺盤用心，炸物熱度夠，不算油膩。厚切牛舌更是我所推薦最後來一份牛肉稻庭烏冬，湯底清，略微太甜，麵質適中，份量亦足！讚

受為食喵m小姐推介，是夜結伴來吃高質日菜。在店外看到菜單，見到幾款激烈的海胆飯，內心非常滾動，躍躍欲試。入座後仔細研究，更為激動，因為菜單就像放題一樣，超多選擇。小食，沙拉，剌身,sushi，十多款天婦羅，十多款燒物，酒也有十幾款，仲有甜品，單是研究菜單，都令人非常雀躍。款色種類之多，一定能滿足不同需要人仕。一心來吞併那個號稱有1.5板的激烈海胆飯（398大元，加拿大海胆），可惜店員姐姐話已經售罄（當時時間8時多）。。。只有698大元的日本海飯。。。698大元食一碗飯好像有點那個。。結果我們點了個剌身+sushi拼盤，小許疏菜天婦羅，蟹膏米餅，吞拿魚蓉脆脆（這個忘記拍照，吞拿魚蓉幼滑，非常香口，亦是秒殺了）。飲品方面，荔枝梳打令我呢啲減肥中的吃貨無悔一試，清香荔枝味而不甜。另外看見多款酙酒，好想試，可惜友人不喝，否則我會點點李白:）整體感覺良好，食物質素很高，值得encore，可是服務有點扣分，就是苦瓜，舞茸天婦羅遲遲未到，追問之下，店镸說了個牽強理由，分明是漏單，故應直認比較恰當。

約了很久沒見的阿姨出來交代點事兒，找個環境靚點又可以坐得耐的餐廳，在商場轉了一圈，覺得穴蠻適合，看看餐牌，價錢亦很合理，就選這裏吧。店內環境幽靜，枱與枱之間不算太密，各方面感覺也不錯，看過餐牌後就隨便點了幾樣野食。章紅魚柚子油酢沙律（$88）先來個沙律，賣相不錯，章紅魚刺身晶瑩剔透，很鮮味，沙律菜混了醋同油，不會一味死酸，還散發出淡淡柚子香。辣味吞拿魚腩卷物（$78）點一下飽肚的飯類，卷物一客六件，是師傅手作的所以較為軟腍有口感，比起連鎖店機制的好吃太多，吞拿魚蓉肥美微辣，內裏夾著青瓜絲，帶來清新味道，只加一點點芥末已十分好味，不用點豉油了。牛油果軟殼蟹卷物（$78）另一款卷物，爆出來的軟殼蟹很吸睛，新炸起很脆口，食落一點都不覺得油膩，牛油果香滑，跟軟殼蟹很配，呢款卷物無得輸。西京燒銀鱈魚（$168）阿姨說上月去大阪時瘋狂吃了幾十件，因為太好味停唔到口，哈哈，返黎香港後亦念念不忘，一於今晚點返一件過過口引。銀鱈魚肥美，魚肉極滑，外層煎得香脆，覆蓋著薄薄一層的甜醬汁，十分美味，果然令人欲罷不能。紅豆年糕燒（$38）飲飽食醉後又想食下甜的，再追加了一客紅豆年糕，大大粒微甜的紅豆配上煙韌的年

下班後當然想要朋友輕輕鬆鬆又一晚，最好當然餐廳環境好，食物佳，滿足我口腹之欲。喜愛日本菜的老闆曾說穴的食物質素不錯，叫我有機會時間可以一試，相信我吃完後也會讚不絕口。滿滿的蟹籽佈滿沙律上，完全看得到。蟹籽鮮香十足，拌勻爽脆的#青瓜 絲與蟹柳一起吃，脆甜的清新感源源不絕，令人開胃非常，所以每次吃日本菜時基本也會點一客。這裡有些食材配搭頗新穎的，就如煙肉廣島蠔串燒，平日吃的大多以煙肉配搭車厘茄為主。煙肉廣島蠔超大顆，飽滿的廣島蠔被煙肉緊緊包圍著，光看足以令人陶醉。一口咬下，鮮嫩甜美的廣島蠔搭配煙肉的微微鹹香，口感絕妙，鹹甜交雜的美味在嘴裡爆發。看見穴這裡居然有津別牛乳蟹肉薯餅，我們也速速點了來吃。這牛乳蟹肉薯餅以手打方式製作，別有一番滋味。薯餅外酥脆內軟滑，搭配裡頭滿滿的蟹肉甜香，不僅一點也不油膩，且富牛乳的香，薯蓉的綿密。肥嫩飽滿的三文魚手卷閃耀著誘人的光澤，吃起來果然不其然，三文魚香甜的油脂在嘴裡化開，軟嫩肥美的口感讓人一吃就愛上，喜愛三文魚的朋友必點。芝士青瓜鰻魚卷物值得一讚，軟嫩肥美的鰻魚入口即化，而且香濃的芝士與清新的青瓜互相融合，帶著微酸的醋飯一口吃下，雖然是小小的卷物，但卻帶

雖然只是星期四，但看著月曆只餘一天就迎來週末，心情已漸變輕鬆，於是二話不說跟在附近上班的弟弟來個即興晚餐。 銅鑼灣食肆多，但時代廣場希慎金百利那邊總是擠滿人，反而一街之隔，甚至看到海景的世貿中心竟像鬧市中的清泉，一點也不擠擁，即使是熱門的餐廳，人龍也不太多，絕對是「唔想同人迫」的好選擇。 想吃日本菜，在數間供應同類型菜式的餐廳下，我們選了「穴」。原因？沒有的，只是從外面望入去覺得它很型格，幻想要是我在裡面享用晚餐的話，感覺一定超爽！ 我們被安排在餐廳最入的2人座位，鄰近窗邊的座位是6人座位，所以坐不到。雖然如此，但我們都可以看到窗外的景色，太陽雖然下山，但晚霞景觀美麗，可以呃到不少菲林。幸好那些6人座位是「留座」，雖然我們坐不了，但也因為這樣，才可以拍到這個無遮無擋的晚霞畫面了。 弟弟跟我來這裡，至在Chill一下，享受一下美食。 黑松露甘蝦卷物 $78 這個卷物賣相十分精緻，味道更加不得了。別以為它只是壽司飯包卷著蝦，然後加上黑松露，其實並不簡單。卷物上舖了黑松露，咬下去就是超香的黑松露味。 蝦到底在哪裡？令人驚訝的是，黑松露下面呈淺橙色的居然是甜蝦打成的蝦蓉，跟黑松露混在一

想試呢間餐廳好耐，終於有機會！好多種類ge lunch menu，最後揀左一個餐係包括：丼、兩串串燒、甜品。串燒點左燒牛肋骨同筍～一上枱d串燒味好香已經唔記得左影相，牛肋骨一啲都唔乾好juicy，做得非常之唔錯。丼，我點左魚生～今次就記得影相！魚生好足料、好新鮮呀。睇落去個分量好似好細碗，食落其實都好夠～仲好飽tim最後一個小小嘅甜品，又唔記得左影相呀！不過個味道就一般想要冇咩特別comment～呢個質素呢個價錢來講，非常之合理！大概每人$150

去到世貿想食日本菜，就試下依間，入到去燈光昏暗有氣氛，有卡位坐都幾舒服，跟住睇下餐牌，價錢略貴，但絕對係物有所值，一分錢一分貨。刺身沙津份量都幾多，魚生幾大粒有好多粒都幾新鮮，沙津汁好開胃但唔會蓋過魚生鮮味。壽司拼盤都好正，刺身切得好厚好新鮮，帶子好厚口感非常好。另外叫個海膽＋吞拿魚卷，實際份量同menu有d出入，不過好新鮮，配埋青瓜食好清新，但吞拿魚卷ｄ飯有ｄ太林。絕對係值得ｅｎｃｏｒｅ既日本餐廳

難得約到friend出黎銅鑼灣食飯，梗要食好野啦，左諗右諗最後就選左呢間係世貿中心的穴。呢間餐廳環境十分舒適，令人可以好好enjoy咁食番餐美味的日式料理！首先叫了少見的炸軟殼蟹沙律，軟殼蟹炸得好鬆脆好香好juice ，而且啖啖肉，食落仲係熱辣辣超正。至於沙律菜就好新鮮，又爽又甜，加埋酸酸帶柚子香的醬汁，非常清新又開胃！哇～非常精緻的章紅魚薄切黑松露帶子，未食都覺得超正。清甜的章紅魚切得超薄，真係少啲刀工都唔得啊，連埋鮮甜美味的帶子粒及蝦肉，及味道又香又濃郁的黑松露一齊食，可以話口感一流，味道層次豐富。這個是芝士青瓜鰻魚卷物，鰻魚都燒得幾好食，加上芝士同青瓜的配搭，口感同味道都變得異常豐富！一客香蔥呑拿魚腩壽司，呑拿魚好新鮮，而且食落口好滑入口即溶！另外叫了幾款串燒有燒秋葵、燒冬菇、雞翼串及梅醬紫蘇雞！每款都燒得剛剛好，唔會燒到好dry，非常出色！比較特別的是梅醬紫蘇雞，未食過這款醬，食落酸酸地帶紫蘇獨特的味道，加到雞肉上都幾好食！這個是薯絲蝦佐蛋黃他他醬，造型都幾特別，而且好食！薯絲炸到脆卜卜，但入面的蝦肉仲好爽口彈牙，一啲都沒乾晒。加上我喜歡的蛋黃他他醬，整個味道同口感都非常豐富！

價錢比鮨穴平少少，但質素與服務極差。坐位狹窄，食客聲音很吵耳。食物差，蒸蛋冰冷，魚生不鮮。服務呼呼喝喝，指手劃腳，沒任何禮貌。差，差，差，差。沒有其他更差的評語可用了。