穴 (世貿中心) (已結業)

同好朋友係世貿做完facial覺得超級肚餓，所以決定係世貿裡面揀間餐廳食。行完晒一個圈，覺得呢間叫「穴」的日本餐廳好吸引。menu選擇超級多，有刺身，壽司，串燒，飯麵等等。餐廳裝潢開揚時尚，牆上印有金魚圖案幾有特色。食物價錢都合理唔會太貴。刺身都幾新鮮，而且唔會好似出面好多日本餐廳咁切到好薄。佢地既飯麵做得幾出色，好好味！👍🏻同埋店員服務質素好好，成餐飯差唔多每上幾道菜就走過黎問我地覺得食物點，o唔ok，會重視客人感受。

穴我食過幾間分店，都係銅鑼灣好食啲！佢定期會有「今日限定」的貴價菜，例如當日我係呢個吞拿魚餐（下圖），係即場表演劏魚，但可惜我對呑拿魚興趣不大，無食到。最後揀咗平民少少的食物：火灸左口魚就略為薄咗少少，但油分控制得幾好，入口即溶。梅子冷麵就一如既往咁正，記得要配source食！整體不錯喔♥️

越南菜以外男友對日本菜亦有偏愛，這天拍拖睇戲後決定到世貿中心的穴大快朵頤，訂了九時但八時半到達，餐廳半滿，窗邊有著維港燈飾的海景座位已滿，最後選了坐吧枱，貪其可一邊欣賞師傅手藝，一邊能與男友並肩而坐。甫坐下即點了角玉梅酒（$48)及舩坂柚子酒（$48)。角玉梅酒聽聞是全日空頭等艙用酒，入口甘醇隱約帶梅香，酒香在口中久久不散。柚子酒則感覺清新帶甜味，酒味不重，遠較梅酒容易入口，個人感覺較適合女孩子。淺酌過後，壽司師傅正在面前慢慢雕砌伴碟，並把刺身拼盤端在我們的吧枱前, 還向我們講解不同刺身的食法。特上刺身拼盤（$498) 有九種不同刺身，包括拖羅、章紅、油甘、牡丹蝦、海膽、三文魚腩及魚籽、帶子、鯛魚，品嘗途中細聲問男友魚的品種卻被師傅聽見，不厭其煩的向我們介紹，師傅準備食物當中依然細心留意食客，值得一讚！刺身肉質鮮甜肥美，每款兩片跟男友share剛好。吃畢刺身點了串燒兩款，秋葵（$28) 表面輕輕灑上海鹽，味道正好不鹹不淡，手羽中（$38)皮燒得脆口，雞肉裡油份足夠未見乾身，身為雞翼控的我們連骨頭也啜得乾淨。壽司方面只叫了剛剛刺身拼盤沒有的饅魚，饅魚壽司（$70)用火槍微微灼過略帶焦香，

對於我呢d窮l，又想食好dd,但又想食平dd,相信大家都知道香港食野其中一個攻略係食lunch, 所以今日我就講下用攻略食好dd 而銀包可以慳dd la今日除左想講下間野野食仲想介紹返個抵食攻略由於我又怕醜冇影menu, 大家可以睇返其他網友影左ge menu la迷你丼物餐$158Set 有前菜 + 沙律1碗烏冬/ 蕎麥麵1 個丼 + 兩串串燒 或 兩個丼其實呢個價錢可以食到唔同野，都ok我地今日就咁叫1份1丼 + 串燒1份兩丼先後前菜同埋沙律蕎麥麵，細細碗，不過個size 係冇問題，因為仲有其他野食，味道ok 三文魚海膽迷你丼，海膽鮮甜，三文魚有三片，唔錯唔錯鰻魚飯味道一般，冇特別串燒拎到黎係熱辣辣，雞翼脆卜卜，香口又唔乾，牛就冇燒到柴皮，正整體黎講都幾好食不過食完先發現，有個攻略好似仲抵就係如果有兩個人1個人叫迷你丼set 叫兩個飯1個人叫串燒set $178串燒set 有湯/前菜/8串串燒/1碗飯咁食就超級抵又食到多d 串燒😂😂😂😂CP 值高，但得推薦！

上次黎世貿食越南河, 留意到旁邊 穴 既午餐定食唔算好貴, 百幾蚊就有個幾精緻既壽司SET。今日中午就黎試下打開餐牌, 又幾多選擇wor, 價錢由百頭至六百幾都有,豊儉由人~心大心細下, 我選左特上壽司定食 (HK 188),有10件壽司, 前菜, 沙津, 蒸蛋同湯, 最後仲有甜品茶蒸碗配料比一般多, 有基本料外, 仲有一粒小帶子, 不錯吃!前菜係炆牛舌, 沙津同湯就無咩特別。特上壽司又好新鮮WOR,魚生新鮮大件, 每一件都好好味, 但壽司飯比較細, WASABI都係用新鮮貨, 抵讚!! 有驚喜係件鰻魚壽司, 超大件又好味~同行友人選左特上剌身定食(HK 188), 有8款剌身, 白飯，前菜, 沙津, 蒸蛋, 甜品同湯。每款剌身都厚切, 睇落都幾新鮮, 擺盤精美, 最驚喜係有海葡萄, 可惜無沖繩當地食到既咁新鮮~~整體黎講, 餐廳環境不俗, 有海景位, 食物質素對得住個價錢, 性價比高!

星期六成十一點先食早餐，搞到成五點先食晏，路過發現呢度午餐做到五點半，雖然五點入座，只要我哋五點半離座便可。環境黑暗，對唔住，係浪漫，窗口位有海景，都幾好吖。落咗單就即刻上兩碟仔前菜，時間過得特別快，啲前菜沙律新鮮，有個好開始！迷你丼物餐($148)喬麥麵：清淡可口鰻魚飯：迷你到估唔到，多一兩啖飯會好啲，味道OK，但鰻魚肉質腍坺坺，仲有骨，最憎食鰻魚有骨！牛肋骨串燒：有尐牛味，好有咬口豬頸肉串燒：好爽，但好油吉列豬扒御膳($98)：飯好少啊～吉列豬扒皮脆，肉質及味道都OK啦，不過隻醬汁味唔啱口味。

因為公司在穴附近，所以都來過幾次午餐。今次第一次來這裏晚飯，我們二人坐在吧檯，看着師傅們燒串燒，感覺蠻不錯。整體來說，食物不錯，不過服務可以再進步點。* 刺身拼盤 (8款) *之前在他們OTE分店吃過，覺得還挺不錯，很新鮮。今次再試，雖然可以，不過未夠OTE分店好。* 燒吞拿魚血 *看餐牌是充滿期望，吃起來卻沒太大驚喜。* 雞肝串 *這個不錯，燒得剛好，沒有燒過火喉而變太嚡。* 原條明太子天婦羅 *下酒一流，雖然我們今日沒有喝酒。沾上天婦羅汁亦不會過鹹。* 黑豚肉泡菜石鍋飯 *溫泉蛋加泡菜，撈起飯來，很美味！非常喜歡！

每之去中環行街就一定會搵好好食既野,今次又黎到我最鐘意既穴, 今次叫左好多好野食, 好正!我地3個人叫左好多sushi, 同好多種sushi!而且叫左個beef pot, 都好正, 不過肉就唔係好多間餐廳環境就一流, 而且唔係好多人, 好suitable for 情侶 chat 成晚Also, it is not expensive! $502 for three!

今日衝擊完SOGO後已經筋疲力竭，亦係我倆一起的第85個月，於是同老公二人行到世貿中心一早決定好想食的餐廳——穴，試下高檔的日本料理。🤗👆🏻👆🏻門面都已經好有日式風格。我倆沒有預訂，店員帶左我地入去一張二人枱坐低，一路行都見到好多枱已經俾留位，好彩有位咋！Menu內有好多選擇，都係套餐，我同老公心有靈犀大家都想食同一樣野🤣🤣🤣就係迷你鰻魚丼飯配烏冬，仲有兩串串燒喇！仲有前菜添🍱前菜係醬油冬菇配菜及沙律....血拼完的我倆十萬個肚餓，勁快就將佢地到倒晒落肚🤩主菜來了～～迷你鰻魚丼配上蛋絲及少許鰻魚汁，味道剛剛好，不太咸，可得一塊鰻魚太少了...湯烏冬有韌度，配上淡淡的醬油湯底，容易入口。最期待的主角來了！左起兩串雞棒串燒、青芥末牛柳粒串燒及黑豚肉午花腩串燒👏🏻👏🏻雞棒串燒有少少似食雞軟骨，雞味香濃；青芥末牛柳粒串燒賣相吸引，牛柳中間是粉紅色的，肉質細嫩，配上青芥末令味道更突出，齒頰留香；黑豚肉午花腩串燒肉厚多汁，脂肪配肉的比例剛剛好。串燒就是份量少少的令人回味無窮，食過返尋味！🤤🤤🤤🤤所以我同老公決定下次一齊再幫襯！埋單三百多元，多謝老公結賬哈哈❤️

較失望的日本午餐今日又係老闆請食飯，先至會嚟呢度食。叫左個lunch set，可以揀兩個迷你丼或一個迷你丼加兩串串燒。因為肚餓，要左兩個迷你丼。我就要左鰻魚丼同三文魚海膽丼。鰻魚好普通，唔夠熱，係靠個汁。而且個汁都唔係好標青。反而三文魚海膽丼就較好，海膽算新鮮，三文魚係比近腩位，所以好肥，好食。每個set都會跟沙律，烏冬或者蕎麥麵。我就揀左蕎麥麵。只得湯揀，如果有冷蕎麥麵就更加好。之後有甜品，以為起碼都嚟個布甸或雀巢雪糕呀，點知得一粒仔嘅綠茶糯米糍。半啖都冇，好心個甜品做好少少，我都一定會再唻幫襯。可惜。整體嚟講都係中下，唔係有人萬歲都唔會嚟食！

換手機，搞足一日，重要去鋪頭等待維修要四十五分鐘，超肚餓。“穴“係樓上，飢不擇食下，有位就入座。坐吧枱，睇住師傅表演，仲有海景一口氣叫左炸物，刺身，壽司，手卷。。。。好味道，刺身新鮮，天婦羅就一般，下次唔會中（即係有得返轉頭幫襯啦）厨房應人手不足，冇理由，唔係炸物上先。反而係刺身上先，跟住壽司。最後係炸池魚仔同天婦羅。咁次序上菜，影響胃口。食完刺身壽司，都冇胃口食炸嘢啦。炸物係肚餓時到正前菜，又唔會太飽肚嘛。要改善下。

星期日好唔容易唔帶個囡兩公婆出嚟食飯當然把握機會食好啲去到世貿行咗好幾層都無心水就走去呢間想試好耐嘅日本菜夜晚8:00，去到門口已經有2枱等緊就留低咗電話等埋一份等咗十幾分鐘都無人埋單驚得滯就用App攞埋同場元氣嘅飛但竟然要等一百張飛行咗一陣街番去竟然一張枱都未入過本來差啲想放棄，最後見8:30一口氣好多人埋單所以就捱多陣肚餓等佢第一個嚟嘅小食係蔥吞拿魚脆米餅上面魚蓉好多好厚下面脆餅無走風脆卜卜口感豐富味道鮮美係一個性價比高嘅小食👍🏻👍🏻👍🏻第二個出嘅特上壽司拼盤食材都算高質豐富海膽同三文魚新鮮食落鮮甜濃郁帶子切開大大塊Toro脂肪分佈佳👍🏻入口有溶化感覺整體都好滿意之後上嚟嘅就係呢間舖主打嘅串燒熱辣辣～香噴噴～牛舌厚到不得之了😭肉汁滿瀉而且肉質軟熟得黎又有少少咬口完全係100分之作💯為咗佢再食都抵其餘兩串雖然都好唔錯不過由於牛舌太出色，所以唔多講之後就到茶爸指名要點嘅鵝肝釀雞翼雖然我最初覺得一隻雞翼要六十幾七十蚊好貴不過食落的確足料啖啖都係鵝肝而且鵝肝油同雞油都超夾將串燒嘅香味完全引哂出黎茶爸食到想追加多份（不過當然畀我阻止咗）最後茶爸仲追加咗忌薯餅忌廉部分比較普通不過表面炸皮相當鬆

穴其實喺香港都有好多分店...今日就嚟到銅鑼灣世貿中心呢一間餐牌同沙田嗰間係一樣嘅！兩人先點左一個刺身拼盤每款只得一兩件，但非常新鮮！另外點左一個蟹膏蟹殼飯味道一般冇乜味道同幾串串燒價錢大約＄300一位，算是性價比高的！

大年初一，很多小餐廳或樓上食店都收爐，但在大型商場內的食店則多數照常營業，所以就與友人及她的小朋友一行五人訂了枱來吃個日式新年飯。也許因為我們訂了枱的關係，被安排坐在窗邊的卡位，雖然玻璃因為外面的廣告而變得不清楚，但對著銅鑼灣遊艇會的靚景著實也是令人高興的。大食的我們三個大人加兩個小朋友細點了很多食物！先來一個三文魚刺身，雖然近排生三文魚有蟲的片段不絕，但朋友覺得這餐廳看來妥當，而且相信有問題的多數是放題類餐廳，也就放心食用。愛吃香口食物的我，在其他日本餐廳試過的白飯魚乾覺得很好味，這裡也有當然不會錯過，是有魚味的脆卜卜小吃。為小朋友而點的玉子壽司我無緣吃，但小兄妹兩個口口聲聲説這是他們吃過最好食的玉子，應該是美味的！看到這裡的串燒menu有很多選擇，見人多可以分享，就點了燒牛舌和牛肋骨，牛舌厚身，火喉剛好，牛肋骨牛味濃，兩款都屬水準之上！朋友看到餐牌上的香蔥吞拿魚蓉米通照片精美便決定一試。實物和圖片是一樣的，這個組合幾得意好味，只是嫌只得兩件量太少。另一味為小朋友而點的牛油果軟殼蟹卷，看見兩兄妹爭食，大人也就讓他們吃到清碟。我們又點了牛肉壽喜燒鍋，以為很大鍋但入面的牛肉份量比想像中少

Yaki Ana, located in Causeway Bay's WTC is a mainstream Japanese restaurant serving very main stream dishes. They have other locations, all strategically located inside malls.During lunch time on weekdays, they have lunch sets. It's pretty extensive and it includes everything from sushi to yakitori. Lunch sets include a miso soup, appetizer, chawanmushi and  dessert. Menu is in English and Chinese. I decided to come here for lunch before heading to work.This is the chawanmushi. It was layered wi