窩心冰室 (水泉澳廣場)

營業中

休息中

0822叫外賣 明明Whatapp 有講要送0905問佢幾耐送到佢話我無講Cap 番圖俾佢睇先知自己睇漏一句唔好意思都無仲叫我0830應該要再提佢要送講到係我問題咁明明就係自己睇漏仲要咁無禮貌

今早去比錢拎外賣時，睇到收銀個男侍應極之冇禮貌，講野快，人地聽唔到，個細路落單，當中有誤會以為落左2個，佢問個陣已經冇禮貌，落錯左糾正返個陣，個樣極唔耐煩，唔講以為人地欠佢錢，仲要兇人，越兇人地越騰雞之前已經試過一次，嗌外賣聽唔到佢講咩，比錯左外賣我仲要話返我轉頭，食野受罪😵‍💫😵‍💫其實都係食個餐，態度劣呀個客又唔係鬧佢，個男侍應已經咁既態度，不如唔做收銀？ 佢不耐煩時d客又唔好受，建議轉個岩d既位做

今日放假，諗住早啲起身食完個早餐跟住就返屋企探下我屋企人啦，五最好嘅選擇喺屋企樓下嘅窩心冰廳，我坐咗落嚟之後呢嗌咗個剩雪菜肉絲漢堡扒米，諗住加番三蚊轉套餐竟然唔畀真係有啲唔開心！

忙碌咗成日收工返到屋企冇乜精神,所以喺樓下嘅茶餐廳窩心冰室食完個晚餐就算,今次呢我就嗌咗馬拉盞牛肉炒通菜晚餐嚟嘅,65蚊嚟講份量都好足夠,不過味道就比較偏鹹少少！

因為水泉澳商場樓上的茶餐廳結業，呢間窩心就愈來愈差，餐單唔變😒工作人員態度差😔比錯食物☹️套餐杯奶茶好似比人飲左幾嗒（附圖片），其實唔只第一次係咁，但今次實在太太太過份！！！😤😤😤😤😤😤😤😤😤唔好話驚外賣容易倒瀉先比少咗，我打開個時，真係懷疑係比人飲左先比我😖😖😖希望商場快啲快啲開返間茶餐廳，唔好比窩心咁「得戚」😠😡😠😡😠😡😠😡😠😡😠😡😠😡😠😡

在水泉澳商場好似淨係得佢一間做嘢咁態度冇又惡劣添明明有卡位都話冇又話有人等但係下一個Number就係我張單㗎喇喎熟人係咪會好啲啊你話食晏時間好多人排隊就話啫真係應該要再培訓不過呢間嘢係成個商場較為好食冇辦法啦啲人係串啲啊如果顧客不能有特定要求可以標明加上我家人隻腳不太好所以才想坐得舒服些其實我冇話唔願意等喎只不過不要同我講有人等喂但其實之後張飛就係我們再搵另外一個高級啲或者可以咁講搵另外一個人嘅時候佢又俾我們坐真係唔係好明白而家啲人點做嘢

因為放假太舒服所以瞓晏咗，起身又唔想去咁遠食個午餐，所以就喺樓下窩心個到食，我就叫左個雞扒加漢堡扒公仔麵,塊雞扒阿媽啱啱炸完出嚟,仲見到表面嘅滾油喺度跳動,好新鮮脆口,漢堡扒就普通,埋單41都吾錯

今朝晏咗起身，所以冇係屋企煮到早餐，就樓下嘅窩心冰室食個早餐返工，我就例牌嗌咗個沙嗲牛麵跟住炒滑蛋,厚切午餐肉同埋佢個方包,今次嘅沙爹牛比較普通因為太多跟腱,不過我每次都好欣賞佢嘅方包有蜜糖味咬落去好鬆口喺第二度食唔到.

作為一個打普通工仔，收得夜都已經集以為常,反到屋企樓好彩仲有間食肆未收，我就叫左一個大路既魚香茄子煲,可能係泡油吾係太耐，所以茄子有D散,不過都有濃厚既鹼魚味一個人晚飯冇要求太多都ok.

早餐方面，由點餐到黎食物都算快 ，5分鐘之內，食物方面都熱，無任何不乾淨東西，員工方面都算可以，無任何吾理客人要求，晚餐方面，都係一樣，由點餐到黎食物都算快，5至8分鐘左右

「晨早流流食早餐」系列之山旯旮隠世茶餐廳一向對早餐有要求的胃食貓, 自從一次機緣巧合下試過呢度既早餐後, 就一直念念不忘, 皆因係我食過最好食既早餐之一暖暖既丹麥厚多士, 香濃既牛油, 酥脆既口感, 一級棒! 香煎午餐肉夠厚夠大塊, 煎到好香, 少少咸, 好惹味炒滑蛋係茶餐廳早餐既靈魂所在, 呢度水準高班, 一直都keep 得好好, 每次都炒到香滑濃到食多10份都得! 炒蛋上既黑松露好香, 份量一啲都唔吝嗇, 溝埋啲蛋一齊食又得, 一啖蛋一啖黑松露又得, 好得~ 得咗~ 雪菜肉絲米既份量, 配搭, 味道, 濃淡, 都配合得好好, 連湯都飲埋熱茶走甘香濃, 除左讚, 都係讚呢個餐, 每次食完既後遺症就係想再食多一份, 同埋成日心掛掛想再去... 順帶一提, 呢度服務唔錯, 連帶位, 收牌, 執枱既伙計都會講唔該呢間平民茶餐廳, 價錢公道, 食物質素高, 服務唔錯, 真係值得推介同支持既隠世茶餐廳

第一次嚟呢間野食！亦都係俾個痴根員工服務態度迫到要打呢啲嘢，廢事有人瀨嘢！其實野食價錢唔係貴，但態度就真係不知謂。入去個時唔多人，但佢就好似封咗一邊咁，將啲人迫埋晒一邊坐。而家疫情嚴重可以嘅都盡可能想坐得鬆動啲。一行過去無咩人個面個短髮男員工已經喝狗咁話嗰邊唔開，叫坐另一邊。算！忍你。到叫咗野食，諗住叫佢哋俾杯熱水洗下啲餐具，叫幾次都無人理，最後又俾個個男員工走埋嚟，放底本水，仲單單打打話食幾十蚊野又多多要求。大佬！都係想坐喺無人個面（你又無封，春知你唔想人坐）同埋問你攞本熱水啫，究竟係有幾多要求啊？你唔想做不如好做，枉你間鋪改個名叫窩心，你啲嘅服務態度就係窩心啦！

話說2022年2月9日, 疫情爆到七彩, 平時我一星期都去窩心幫襯幾次, 今日避免堂食,打電話去叫外賣自取, 叫亞囝去攞, 叫咗三份午餐, 共一佰四十幾元, 亞囝攞咗一袋番來, 打開先發現得兩份, 錢就收咗三份,欠一份焗豬扒飯, 奶茶及湯, 其實之前已試過兩次早餐外賣鮑魚火腿通粉無仿鮑魚, 打番去叫佢補番比我,事後不了了之.而呢次因為係佢哋比漏咗,我打番去要求佢補番送返上來,我只要求佢到地下管理處就打比我,我自己落去攞.（呢間窩心平時係唔送外賣去屋邨內其中幾座樓包括我住呢座, 我其實覺得好似岐視咁,但今次我相信因為唔係叫外賣,係佢哋漏嘢所以佢應承）等咗半個鐘先打比我話唔嚟我果座叫我去隔離座地下攞, 我行過去問佢係咪腳有事行唔到？佢好負氣咁話佢唔知, 唔關佢事, 佢着住黑色窩心T恤, 短髮中年男子, （我認得佢, 有次我同屋企人下午落去窩心, 叫咗個下午特餐,58元, 有一個牛肉飽, 佢應該係寫錯枱號,因為見佢之前曾經拿住個飽周圍望,但又唔係比我地, 之後見佢自己坐咗我地隔離枱,竟然食咗果個飽.之後我哋追佢單, 佢猛話唔好意思,寫錯咗單, 自己食咗, 之後先補番比我, 當時我都無投訴,

服務唔得 態度唔好 食物質素差 分量少 中午去食 入座啲員工比面色我睇 我好好態度 唔該前唔該後 但係佢地都冇點好樣過 落單時 我講得好清楚 但係都問來問去 好似我阻住佢咁 放低碟飯好似挽飛碟咁 撞落黎 野飲又倒曬出黎咁 完全唔掂 食物質素又差 味道普通不在話下 飯又少 好似要好多錢咁？ 比勁少飯 好啦食左8成左右 我放低飲啖茶 睇睇手機 佢就黎收走左佢 我未食完架喎 我真係O左咀 好啦 我算 我忍 我幫朋友叫個外賣 其實我第一次食 我朋友話幾好架 成日食 好啦 幫佢叫 個員工語氣極差 好吧 我都忍 叫左 外賣到又係飛過黎 真係嚇一嚇 火爆地去埋單 走去朋友到 算數啦 都冇下次 上到去 開外賣 都唔係我要既野 野食野飲都唔一樣 我真係把幾火

窩心，我由一開張捧場到而家，由以前每個禮拜都會去到而家，抱着俾多次機會嘅心情而去，但係，每次見到佢新請嘅女員工，都令我覺得不快，窩心的食物我覺得OK唔錯，味道唔錯，份量也足，之前覺得佢所有員工都很好，易溝通有禮貌，所以我之前都好鍾意去，自從佢哋請咗某一女員工後，我嘅每次經歷都覺得，好嬲，好唔爽，好冇禮貌，食到背脊骨落，呢位女員工冇禮貌，嘴藐藐，成日將對手擺喺後面或橋住對手，你食緊嘢嘅同事佢會過嚟執了三四次嘢，然後有一次，我同佢講唔好意思啲湯好似有少少唔同嘅味道喎，佢答我，係咁㗎喇，換過俾你啊，不過都唔使啦…🤔你就自問自答嗎😵‍💫🥲其實最唔鍾意就係佢自己淼淼，勁冇禮貌個樣，俾人感覺係，我嚟食嘢要受你氣？？大家出嚟食嘢，都係想放鬆吓個心情姐，搞到食完成套戲，啲嘢食幾好食都冇用啦，我真心覺得佢啲嘢食真係OK，如果唔係，嗰個女員工我一定keep住去幫襯嘅，不過，唔好意思，我已經俾咗三次機會，但係每次見到佢都係咁乞人憎，我覺得老細請着佢，真係食客少一半囉，唔單只係我，我哋個水泉澳群入邊，個個都有類似經歷！不過，佢其他嗰啲員工係冇問題嘅，仲有某幾個放頭髮，年紀老啲嘅姐姐都好好人好有禮貌，周唯獨係嗰