影片
更多
2022-02-15
362 瀏覽
話說2022年2月9日, 疫情爆到七彩, 平時我一星期都去窩心幫襯幾次, 今日避免堂食,打電話去叫外賣自取, 叫亞囝去攞, 叫咗三份午餐, 共一佰四十幾元, 亞囝攞咗一袋番來, 打開先發現得兩份, 錢就收咗三份,欠一份焗豬扒飯, 奶茶及湯, 其實之前已試過兩次早餐外賣鮑魚火腿通粉無仿鮑魚, 打番去叫佢補番比我,事後不了了之.而呢次因為係佢哋比漏咗,我打番去要求佢補番送返上來,我只要求佢到地下管理處就打比我,我自己落去攞.（呢間窩心平時係唔送外賣去屋邨內其中幾座樓包括我住呢座, 我其實覺得好似岐視咁,但今次我相信因為唔係叫外賣,係佢哋漏嘢所以佢應承）等咗半個鐘先打比我話唔嚟我果座叫我去隔離座地下攞, 我行過去問佢係咪腳有事行唔到？佢好負氣咁話佢唔知, 唔關佢事, 佢着住黑色窩心T恤, 短髮中年男子, （我認得佢, 有次我同屋企人下午落去窩心, 叫咗個下午特餐,58元, 有一個牛肉飽, 佢應該係寫錯枱號,因為見佢之前曾經拿住個飽周圍望,但又唔係比我地, 之後見佢自己坐咗我地隔離枱,竟然食咗果個飽.之後我哋追佢單, 佢猛話唔好意思,寫錯咗單, 自己食咗, 之後先補番比我, 當時我都無投訴,
話說2022年2月9日, 疫情爆到七彩, 平時我一星期都去窩心幫襯幾次, 今日避免堂食,打電話去叫外賣自取, 叫亞囝去攞, 叫咗三份午餐, 共一佰四十幾元, 亞囝攞咗一袋番來, 打開先發現得兩份, 錢就收咗三份,欠一份焗豬扒飯, 奶茶及湯, 其實之前已試過兩次早餐外賣鮑魚火腿通粉無仿鮑魚, 打番去叫佢補番比我,事後不了了之.而呢次因為係佢哋比漏咗,我打番去要求佢補番送返上來,我只要求佢到地下管理處就打比我,我自己落去攞.（呢間窩心平時係唔送外賣去屋邨內其中幾座樓包括我住呢座, 我其實覺得好似岐視咁,但今次我相信因為唔係叫外賣,係佢哋漏嘢所以佢應承）等咗半個鐘先打比我話唔嚟我果座叫我去隔離座地下攞, 我行過去問佢係咪腳有事行唔到？佢好負氣咁話佢唔知, 唔關佢事, 佢着住黑色窩心T恤, 短髮中年男子, （我認得佢, 有次我同屋企人下午落去窩心, 叫咗個下午特餐,58元, 有一個牛肉飽, 佢應該係寫錯枱號,因為見佢之前曾經拿住個飽周圍望,但又唔係比我地, 之後見佢自己坐咗我地隔離枱,竟然食咗果個飽.之後我哋追佢單, 佢猛話唔好意思,寫錯咗單, 自己食咗, 之後先補番比我, 當時我都無投訴, 由得佢.）好負氣咁遞袋外賣比我好並大聲咁話：唔關我事呀, 你自己檢討吓啦！我話：檢討？你窩心比漏嘢人, 唔關你事！？佢跟住轉身就行,並且大聲爆粗, 我當然大聲粗口回應, 一間茶記收咗錢漏單,送番比人天公地道,送到隔離座行多兩步都懶,仲黑面叫人檢討？ 之後仲大聲爆粗鬧人？伙記有呢啲服務質素, 我真心想老細回應吓.
以上全部真人真事, 絕無任何誇大, 歡迎對質！
張貼