竇

營業中

休息中

服務態度好差差冇再差排隊入座冇人理已經不是一次我和老公經常來吃早午晚下午茶平日假期所有時段都吃過但態度愈來愈差幾次安排座位都好混亂又大大聲又話你冇掃安心又話你冇排隊但明明樣樣野個客都做齊D阿姐真係要check返cctv成日理直氣壯以為自己啱曬今天又黎我地明明排隊頭等左幾分鐘都冇人黎安排座位但入面大把位收銀阿姐見到我地就叫我地掃安心，自己入去坐點知一個又高又瘦短髮阿姐叫後面那3個客入去，佢見我地行入黎，就大大聲講你地要排隊！真係痴！明明係我地排先，我地都大大聲回應佢，我地排先！之後佢就驚，就話我都問下。咩叫問，明明佢個句係命令的語氣！！！一句對唔住都冇咁樣對d客人之前仲試過手機落唔到單叫d阿姐幫手落單都百般不願意咁要拎部手機俾佢睇真係㩒唔到先幫你落單依家咩事呀！！！！！以為個客呃你咁！癲的！我下次一定記住你d阿姐個名打曬出黎再唔係向你地公司投訴服務態度真係劣品！

午餐時間好多人，餐廳根本不能應付人流，出餐管理混亂，枱枱都催單，我自己都等了20分鐘才上餐。我比其人先到，但同是凍奶茶，竟是其他枱先上！侍應態度惡劣，旁邊枱一個婆婆帶住孫女食飯趕住走，問了幾次上餐情況，都仍要等，當婆婆再追問時，女侍應大聲喝回婆婆，說，催我都無用，無就係無！聽到白了眼，當婆婆離開後，繼續與其他侍應鬧婆婆，話什麼，催催催，嘈到無用架！此等態度，令人側目。如果趕時間就不要幫襯，收算貴的價錢，態度竟然如此

之前都幾鍾意呢間食店，不過服務態度及服務效率就每放越下，帶入坐既服務員無笑容都算，我du緊安心出行啦，仲要大大聲好似喝我咁，我都du緊啦，有咩問題呢，禮貌啲得唔得。沙嗲牛肉通粉：啲牛肉碎濕濕；五香肉丁麵：肉丁份量少咗好多；問店員要杯熱水，但係杯水入面有啲葱粒碎，痴住隻杯又有，杯底又有，超級dirty。手機點餐時，因為無得點爆漿拉絲菠蘿包，就叫店員落單，直到我食晒碗通粉，個菠蘿包都未到，就問返個店員，佢就話我無落單，態度當然又係差啦，我話之前同佢講咗，然後再問佢落返單要唔要等，佢就話唔駛等，轉頭過來放返低張單，再隔咗都有20分鐘，都未到，我叫返同一個店員，我話唔等啦要取消，佢一句都唔答，一支箭去拎，我再講要取消，佢仲大大聲講”有啦”，我再一句”取消張單呀”，個店員就將個包收返埋，一句唔好意思都無，我真係成肚氣囉！我唔駛你好好服務，不過唔係差到咁呀！

經過竇，俾佢裝修吸引了，入到店內座位寛敞，令人坐得舒服，好適合同朋友吹水。因為是用apps 點餐關係，我們各自拎出手機慢慢睇慢慢揀，同一時間可點選午餐或下午茶，咁又幾好喎，多個選擇魔鬼炒飯，原來係豆豉鯪魚炒飯，珍珠米炒得乾身，味道適中香橙紅茶，第一次飲，聞到好香濃嘅橙味，飲到有蜜糖味，但都覺得太甜。可能因為我唔太鍾意飲甜野啦！邪惡芝士雞丹麥酥包，芝士沒有拉絲，有點失望，丹麥酥真係好好味鹽酥雞拼薯條，薯條太乾，鹽酥雞外脆內軟

Visited this cuisine during tea time on a Sunday, and we had to queue up for around 5 mins to get seated. When it was our turn to get in, the waitress asked us to queue up though we were in line. She did not apologise for her mistake and poor attitude…Our elation was already dampened. I opted for their omelette rice with deep-fried fish fillet. Overall it was decently fair. The omelette was nicely done, neither dry nor thin, keeping the temperature of the warm rice beneath the egg. However, the

竇DAU收工喺附近隨便食個下午茶。哩間裝修有啲木系簡約風，環境唔錯，食物又幾多種類。-------------------------鹽酥雞蛋蓋飯 $66鹽酥雞炸粉唔厚，肉質唔鞋。蛋蓋做得幾好，真係蓋曬成個飯，每啖飯都有蛋 🤪有得揀要茄汁或黑椒汁，食蛋蓋飯緊係配茄汁。飲品叫左普通熱朱古力，好濃好味😋-------------------------下午茶嚟講都叫大份，滿足 👍竇DAU地址🎈將軍澳貿業路8號新都城中心三期一樓138A號舖

假日行過「竇」就去試試。由入座前至離座，可謂全無服務可言，侍應態度亦很差，本想中途放假，又剛有位，就算罷。但總體而言，服務很差。幸好是手機點餐、否則以員工質素，應該做吾惦。講到食物，又ok 啊！ 點了酸菜魚薯粉，味道不錯，以這個價錢來看，是不錯的！另點了星加坡炒牛河，普通吧！沒有驚喜，只是普通牛河，看不到特色，味道可以！這個是台式叉燒魚片頭白面，叉燒很好味，似港式叉燒，但味道不錯。午餐加$12 可轉特飲，點了鮮草及菠蘿冰，菠蘿冰透心涼，夏天飲很適合，菠蘿肉細細粒，飲管也飲到。由於是半露天，有太陽光射入，雖然商場有冷氣，但太陽照射加上炎熱夏天，就有點熱和不舒服，加上椅子是沒有椅背，坐得不舒服呢！

今日約左朋友，途經呢度見到呢間 “竇” ，感覺好似唔錯，環境都幾舒服，加上座位與座位之間都比較闊落，同朋友約會係唔錯既選擇，所以諗住試下喺度lunch。坐低之後都係手機落單既，其實都好方便，因為如果要叫人手落單，我諗可能成個鐘都無人理🤭。朋友order左麻辣牛柳粒炒飯 $72其實價錢真係唔算平，但依家大部分既餐廳都係咁上下，如果好食既都可以接受，可惜一黎到，已經覺得好失望😅。賣相真係好差，加上個炒飯係唔熱既。公道D講，個味係幾好既，有少少麻香又唔會好辣，牛柳算係正常。可惜唔熱真係好破壞🥲。我自己就叫左酸菜魚薯粉 $65份量都算幾多，魚片滑溜又大舊，薯粉煙韌，不過唔係好吸到湯既味道😶。湯底酸辣味道都平衡既，比較起上嚟，酸菜魚薯粉性價比高D😁。另外跟餐既凍檸茶同凍奶茶，都唔好飲，奶茶黎到既時候出晒水，變得好淡😅。檸檬茶得一片檸檬，味道有少少奇怪。整體質素一般，好既係坐得舒服，但食物就好普通😏。

2022.07.10 dinner呢一天，無端端出咗街食⋯⋯買完晒嘢，本想買外賣，但又好似太夜，見有好啲嘅位又唔使等就坐低咗。本身有張更好，好可惜係四人又咁啱有四人入，唯有讓俾人😅 不過都好多謝熱心嘅服務員，真係好好人，讚👍🏼左揀右揀，想食嘅意粉又冇，終於我倆都揀咗麵～酸辣魚片頭台灣白麵，叉燒魚片頭糖心蛋台灣白麵。 係餐嚟，有杯飲品，所以幾抵食😊酸辣緊係女友揀啦😏 一放低，嘩！個樣辣到吖，有時一辣又走唔甩啲油，所以都幾油吓，因為一定有落辣椒油！女友一試，唔錯喎，好味呀😋 同埋冇睇落去咁辣，女友仲話啲酸菜都好味👍🏼到我個叉燒魚片頭糖心蛋，賣相就一般😅 食落就ok喎，尤其是個叉燒，似乎係自家製，甜甜哋又淋，好味道😋 個魚片頭都好ok，又彈牙😋👍🏼 仲有，兩碗麵嘅份量都唔少添！

餐廳通知我19:33可以拎取食物，我19:40到達餐廳，居然未有得拎！😟😟😟我於是立刻通知職員，職員話好快有，但沒有跟進！😣😣😣我唯有再多次催促，職員都係話好快有，但仍然沒有跟進，幾經辛苦，最後才17:58才可以拎到食物！如果貴餐廳不能在指定時間內完成食物，請不要通知買家去拎取食物！這種浪費消費者時間和職員傲慢態度的餐廳，真令我怕怕！🥺🥺註：如大家有興趣想俾人玩弄，可以去光顧這間餐廳！🫢🫢

2022.05.27 lunch呢一日，終於試咗呢間！ 之前佢剛開，見佢裝修好靚，望吓餐牌，食物又好似唔錯，今日嚟到食午餐，有set，所以都努力揀吓，唔算餓，就揀咗一飯一麵：黑松露叉燒炒飯 & 豬扒糖心蛋台灣白麵。炒飯賣相幾好，不過唔算好好味，唔知係咪而家食炒飯個feel都係比較悶🤨 可能係我倆自己問題 😝 至於個麵，味道正常，第一次食白麵 (本人覺得少少似上海麵) 豬扒幾夠味，幾好食，餐茶要咗熱香橙紅茶同熱檸水。杯橙茶又估唔到幾好飲😃

竇😌餐廳環境舒適，座位闊落，新開嘅關係已經做好哂隔板，望落觀感都舒服😌餐牌上好似各種菜式都有得叫，有港式小炒又有台灣又有少少西式意粉之類，似乎無特定主題，一於叫個肉燥飯一試肉燥溫泉蛋飯•鹽酥雞($68)鹽酥雞略為炸得過火左少少，食落外皮有啲硬，但有肉燥搭救，食落都可以溫泉蛋正常發揮，用流心蛋餸飯一流😆餐廳仲加左啲酸菜一齊上，中和翻鹽酥雞嘅油膩，算有心思糯米糍 (+8)多手叫多左粒糯米糍，有驚喜喎，比想像中大粒，入面滿滿花生餡🤩加8蚊又唔過份喎🫢臨走時見倒仲有邪惡嘅拉絲菠蘿包😈下次一於再試下

環境／設施－雖然係扶手電梯下，但都算坐得舒服特色－早午晚3餐都幾有特色，好好味人均價格－$39評分－🌟🌟🌟🌟🌟今日試左個黑糖麥皮餐，甜甜地無乜特別，不過上晒所有嘢食，要追問侍應先有得食，麥皮可能少人叫，上餐會普遍慢些少。之前試過麵餐，有菜心好多片或豆角粒，超有心思又健康佢仲有大大粒花生糯米糍，芝士拉絲菠蘿包，真係幾特別近期係3個新都城幾個商場中，找到呢間比較有特色嘅餐廳，開業幾個月，食物質素都維持到，中等價錢，下次再同大家介紹埋午餐和晚餐

I had been here for twice at lunchtime. Food is good and the portions is reasonable. I will come back and try the dinner. For takeaway tea set such as Fish and Chips or any Toast or Danish, better dine in for the quality.

Melted cheese bor lor bao🤤randomly discovered this lil gem in tko!Not a fans of pineapple buns with any kind of fillings but this one literally surprised me! the bun itself was fluffy🙌🏻sweetness was well balanced n the crust was crispy! Cheese filling was nice but it would be great if they can offer plain borlor bao too🙊