端記茶樓

營業中

休息中

細細個成日聽人去大帽山飲茶，但因為地點唔就腳，早起身，唔易泊車等等一籃子嘅因數，所以未有機會去試試一日，老母突然話想試，所以迫住老豆車左我地上山試試佢可能因為下午2點幾先到，所以食物種類所淨無幾環境衛生就唔可以要求太早，話哂係郊外服務就係自助我入得去嘅，都係可以比狗入嘅餐廳一家餓到相都廢鬼事慢慢影一張大合照就算茶，唔記得咩茶，正常牛肉球，ok鳳爪，ok唔知咩餅，比較油鹹水角，比平時大，不過味道冇咩特別排骨，唔錯燒賣，唔差總結，相信去得依到應該係食佢嘅風味多過佢嘅味道。（可能你早上6點去到，d 野會好味d 同多好多野食揀）再送多一張無黑面嘅相比大家

女朋友好鐘意飲茶食點心，今日特登帶佢去川龍食，順便再同佢行埋山~端記點心係一間好自助式既茶樓，搵位、開茶、拎點心全部自己搞掂～我地一去到，咁岩有張2人枱埋單，有個好殷勤既女職員即刻叫我地過去坐～佢見我地好新手，仲教埋我地開茶、拎野食，仲推介左佢地出名既野食，好似茶粿咁～一般常見既茶葉佢地都有供應，不過熱水真係好滾，開茶時要小心！開好茶，我就同女朋友出去拎野食，蒸既點心同煎炸點心係分開兩個位置拎既，另外仲有油菜。蒸點有飯/腸粉/一盅兩件既點心; 煎炸點心就有炸雲吞/煎堆等等~女朋友最鐘意鳳爪排骨飯，調味岩岩好，d汁同油香滲落下面粒粒分明既飯度~正!食食下，有嗌咪！有新鮮出爐茶粿，即刻拎左個豆沙同花生一齊試下，果然好好食～皮薄餡又多！呢間茶樓好抵食，食物質素當然無一線個D咁好食，但呢度勝在有人情味，有飲茶既氣氛，同埋見到咁多不同點心任你揀，別有一番滋味～

本人一心去行山，祗想起步時食飽早餐，故特選了此茶樓，之前已聽聞什麼都要自助，故到步即自行洗定杯沖定茶，上二樓陽台霸個靚位。樓下食物種類繁多，真有如食自助餐的感覺，選擇困難症又發作了，奈何自己一個人，眼濶肚窄，唯有樣樣望下當食咗。一入門口就見琳瑯滿目的炸物😋，再進入房就是蒸爐位。天呀！! ! 好多點心呀，教我點選呀🤯小心呀，♨️那些碟好熱的，一開蓋就先來個蒸面facial，姐姐們見狀都好熱心話會幫手拎出嚟。周圍都係食物，有粥又有豆腐花。豆腐花$15碗，姐姐話可代匹或自己匹，我當然老實不客氣，自己來片豆花，一於有咁大碗忽咁大碗，滿瀉又滿足呀😆一路聽住雀仔聲，一路品茶很是滋味，最過癮是到時到候會有live廣播📣通知有咩食物新鮮出爐，好多茶客聽後會即刻彈起身去掃貨的，很是搞笑及熱鬧。其實食物質素一般，不過我覺得嗰氛圍超正，環境又未至於很污糟，喚醒咗我兒時細個去飲茶嗰種感覺，現自取點心舊式茶樓碩果僅存，真的非常懷念。其實二樓都有茶水間，大家千萬別學我咁儍，托盤茶壼及杯筷上去霸位😅後記：老板輝哥及輝嫂親自主理以下的食物，大家千萬不要錯過呀。童年回憶-遮仔啫喱，仲有花奶伴随任斟即搓即蒸的茶果，等唉咪就

一直好想去川龍飲茶，試吓新鮮手摘西洋菜。原來喺荃灣搭小巴上去好快，應該唔使15分鐘就上到去茶樓。 呢間茶樓嘅特色唔使我多講，就係自己招呼自己，夠晒有特色😂  直接講吓食物質素 叫咗燒賣、牛肉球、鳳爪排骨飯、馬拉糕，我覺得除咗馬拉糕之外，全部其他都唔係咁好食😅  馬拉糕係幾香軟嘅。 西洋菜 $50 之後嚟到重點西洋菜。滿心歡喜期待，點知係好失望。驟眼望落去，碟西洋菜係比平時喺街市買到嘅幼身，應該亦都好嫩口。但係夾起一束，已經唔對路，見到一條好肥美嘅菜蟲，以為係天然野，有菜蟲都正常啦，但係當刻已經影響咗胃口。點知越食越多蝸牛仔，一路食一路要搵返佢出嚟。我又唔敢同職員講，以為個個嗰碟都係咁，只係我大驚小怪😅   anyway, 有人話山上面另一間茶樓嘅質素同環境好過呢間，下次有機會再試吓先。 兩個人埋單大概要$160👀

前排同個frd road trip揸車上大帽山 途經呢間位於山腳既端記茶樓!!😎佢最有特色既地方係所有野都係自助 除左點心要自己拎之外 仲要自己拎茶壺去裝茶葉 呢種茶樓應該係香港幾乎絕左種 對小編嚟講相當新鮮🤪💕食物方面:小點 $15中點 $18大點 $25仲有其他小菜同飯order環境方面 撞正天氣非常好既一日 望住藍天白雲聽住小鳥叫聲飲茶 真係好特別既一次體驗🥰🥰同朋友每人$50埋單 相當抵食!! 要留意 茶樓晏晝兩點關門 幫襯既朋友們請早😌

星期六難得的假期，和同事相約到大帽山腳下的端記飲早茶。雖然是飲早茶，但其實時間也不早，接近11點。可是茶樓熱鬧非常，不少行山人士都已經來這裏吧定位食早餐。這裏的點心唔係普通酒樓的沒什麼大分別，之前也來過一次，食物味道普通，勝在吃其風味！很幸運地可以等到樓上露天位！茶水是自助的，自己落樓拎茶壺和杯筷子等，過了一陣，同行友人們已經拎得全枱都係嘢食。腸粉、蝦餃、燒賣、春卷、炸煎堆、糯米雞、鳳爪排骨飯、扣肉飯、蒸牛肉球、蘿蔔糕、馬拉糕，完全不受控制，成枱都係。不過難得來一次，便吃得盡情一點吧。雖然味道一般，但望住出面的山和聽住小鳥叫聲，其實也很寫意。大家傾吓計，食吓點心，再出發下一站，令人心情舒暢！埋單吃了這麼多東西，都不過$500，其實好抵食。可惜今日沒有西洋菜，只食到腐乳生菜，希望下次有機會來的話，食到吧！

有山水茶居之稱的應該非位於大帽山山腰川龍村的 - 端記茶樓 莫屬吧!?而且這還是一間很有歷史的茶樓，在這裡有機會吃到現在坊間已經很少見的點心喔在荃灣兆和街搭80號小巴到川龍村總站下車再步行一會兒就到大帽山作為一條頗受歡迎的行山路綫，連帶這間茶樓也有不少行山客光顧，但沒有晚市的。找到座位後就可以自己去沖茶～有四款茶葉選擇，茶芥的話每位$4碗筷亦是要自己拿，開位什麼的都是走自助形式 而且想吃什麼點心都是要自行動手拿的啊～可以放在托盤再拿回自己座位除了點心、包點，還會有炸物、燒味之類~只是看已經很開心呢很有趣的是，當有什麼點心等新鮮出爐會聽到店員用咪廣播，那就不怕錯過囉點心分小點$15、中點$18、大點$25和頂點$50 ...因為最後埋單是店員直接看桌上的碟報數，所以我也不太清楚點心是怎樣分級以下是我們吃的再加上茶芥，最後是付了$230 (3人用)燒賣、蝦餃 每籠都有四粒，普普通通就正常的味道吧臘腸卷 - 算是現在很少見的一款點心?! 中間的臘腸入口香醇，有豐腴的油脂。雞球大包 - 有聽媽媽說細個時經常吃到。內餡十分豐富，一個人吃大概會半飽了吧炸物的話，朋友說很想吃 - 芋角 ~ 都是很多

🌟提提大家間茶樓開放時間係星期一至日早上6時至下午2時;不做晚市亦都冇得訂位。 所以一定要早起身去霸個靚位,如果唔係好多點心都會沽清😉點心全部即點即製,順帶一提山水豆腐花只限星期六、日供應小編今日無緣食到,下次一定會再去試😂進食點心期間店員仲會時不時開咪話比顧客知有什麼點心新鮮出爐,夠哂懷舊夠哂特別👍茶樓結賬方式好特別,唔係蓋印仔而係好似食迴轉壽司甘數碟仔。 夠哂新穎😎入村方法:建議在🚇荃灣地鐵站B1出口步行5分鐘到兆和街,再轉乘🚃80號綠色小巴直達總站下車,步行五分鐘就到,或在🚇荃灣港鐵站乘51號巴士於川龍村設有中途站下車,再沿指示牌步行至茶樓。P.s. 服務員好熱情會幫顧客影相影到滿意為止,仲好詳細介紹有咩好野食推介👍👍

久違了的川龍美食 ，而我和媽咪、妹妹、妹夫一早我們要乘車到山腰去了50年酒家的 #端記茶樓 才行山，我已經很久沒有吃過舊茶樓美食了放寬到四人限聚真高興，起碼我們四人一桌行山吃飽飯(肚滿腸肥)，叫了2碟豬大腸🙊我們4人竟然吃了22碟點心，吃了什麼，太多不能儘錄🙈🙊必吃推介是非常重味的南乳味豬大腸、牛肚、牛百葉、滑雞蒸飯、茶果、熱豆腐花、叉燒包、炸雲吞、馬拉糕及50元一碟的西洋菜(排隊也值得)✨因為是農夫新鮮種的西洋菜，特別鮮甜😚中間莖也比較幼身，咬下去很爽脆，而不是豉油的甜! 對改觀我對不甜又鞋的西洋菜味道。✨叉燒包也特別好吃主要是醬汁香濃，麵包又軟熟。✨至於那個雨傘啫喱杯，下次叫給仔仔✨現在很多茶樓已經沒有這個水準，特別是那個豬大腸，濃厚的南乳汁，加滑溜的肥大腸，不會覺得有豬酥味，所以我在荃灣也買了傳統南乳醬，打算下次做美食。

今天去石崗賞木棉樹順道走訪聞名已久的山中茶樓, 找座位, 開茶, 點心全部茶客自理, 但亦見客人欣於勞動, 粉麵飯小菜便要侍應寫單。最欣賞本地西洋菜脆嫩無渣又清甜，干炒牛河一般，陽州炒飯勉强收貨，未再試各款點心，但性價比亦高。

成日見人哋黎呢度飲茶我都忍唔住叫老公車我哋過嚟飲呢度位置都幾偏遠嫁 如果冇揸車都真係幾唔方便去到有個位置 可以泊車唔需要錢嘅可能今日遲咗嚟所以特別多人泊車雖然嗰度地方都比較大 但係呢等位都要一段時間呢度所有嘢都係自動波無論你沖茶啦 洗餐具啦 叫嘢食啦全部都係自己黎 嗰度啲嘢食地方就比較淺窄 所以就要小心啲食物方面就好多選擇嘅 同埋每次一攞啲食物出嚟就好快俾人攞晒 啲食物都幾熱嘅但係你話係咪去到好好食又唔係都係好普通嘅茶樓貨色 但係嗰度嘅環境同埋服務 感覺好懷舊同埋好有人情味我記得我哋食咗都有二十幾30碟 買單都唔使$400 所以係超級值嫁 過嚟食下野打下卡都幾好附近仲有啲行山人士行完山過嚟飲茶❤️

17/3/2021 星期三，陽光普照下，到咗川龍村，嘆早茶。其實已經唔係好早，去到見到好多行山人士嘆緊點心喇。呢度特式係全自助。自己搵座位，自己冲茶，自己拎餐具，自己拎點心。每有點心出籠，侍應就會廣播，通知大家有咩嘢點心出籠可以去取，好自在啊！呢度馳名西洋菜，必要食，新鮮翠綠。提一提，想要食炒西洋菜，炒通菜（今次無食，下次會試）係要先落單的。侍應們好友善，去取點心時，啲點心喺大蒸籠時，比較熱，佢哋會幫手放落托盤的。這茶樓仲有好多懷舊點心，值得去試吓！

沒想到這些地方也會有茶樓在下覺得還滿特別的感覺就像是行山行山一直行行到有些虛脫感時發現一家士多的那種感覺滿滿的人和人龍而在下幸運進場就有位置太概是因為我們早的關係～（好像都不早了）茶樓外面有車位 再外面點還有 外面再外面就沒了😅（抱歉在下癈話太多）嗯 今天吃的是牛 牛 包 還有腳趾飯才發現自己原來還滿喜歡吃牛的難怪有人叫在下‘’牛魔王’‘食物質素是不差由其是在這種有點覺得虛脫的情況之下然後身邊有風度男士服侍（幸褔☺️）對 因為這裡是自座式的是很傳統舊式的風格吧（？）茶水點心都是自來一大籠一大籠的點心等著你拿在下就乖乖坐著等食不過在下最喜歡的其實應該是環境勝於食物也可能是因為我們座位在室外藍天白雲（今天明明沒雲）有艷陽高照鶯啼鳥囀 茂密的人群中卻能呼吸到自然氣息感謝今日在下能感受到這些🥰只因有你

今日無無聊聊去到大帽山飲茶，順便吸收下大自然的空氣。端記食的不是食物而是特式，好有另一番風味，覺得大家痛空閑時間可以去感受下，因為端記唔似普通茶樓咁有人服務，劃點心紙，然後送點心，而呢到既特點係要自己開茶，點心自己拎，真係要黎感受下獨特既飲茶氣氛。如果鍾意被服侍既讀者，同埋追求食物質素素既讀者，真係極度唔建議同朋友二人食左好多野但係埋單都只係$180左右，食飽飽之後就去行下大帽山，真係好適合一家大細，老少咸宜的活動。今次飲茶唯一可惜既係食唔到最出名既西洋菜。但就食到好好食既茶粿

星期日下午約一點來到，都有唔少人幫襯，好在有位。座位有室內同室外。陰天坐室外都OK。無人食煙。所有野都係自助嘅，因為佢係舊式茶樓。有菊花茶飲。食左好多野，包括叉雞飯，山竹牛肉，豆沙茶果，馬拉糕，豆腐花，等等。我掛住食，所以無乜影相。臨走時有大大碟西洋菜，不過我已經太飽喇，無食到。客人可以自己帶寵物來。廁所係踎廁，需要自己帶廁紙入去。