端記茶樓

營業中

休息中

鑱咀萬萬歲!🙌🏻ChamZeoiLongLongLife🙌🏻🐭 “端記茶室”萬歲！...賣相👅👅👅👅味道👅👅👅口感👅👅👅份量👅👅👅👅👅性價比👅👅👅👅👅...🐭舊式茶樓喺香港經已絕跡，每次癮起想歎點心，都會諗起端記—碩果僅存嘅懷舊風味點心。就算山長水遠，要上山去到荃錦公路川龍村，都阻止唔到食神鼠嘆茶嘅決心！...🐭 端記位於大帽山山腰嘅川龍村，每到假日都好多山友幫襯，人山人海！每朝六點營業到下午兩點。鄉效地方空氣好，村民生活樸實，喺呢度能夠感受到最簡單最休閒嘅生活。...🐭 地方空間寬敞，有地下同一樓，有室內同室外。所有嘢自助形式，自己搵位坐，自己沖茶，自己攞點心。姨姨叔叔會開咪嗌而家有咩點心出爐，當聽到心儀點心出爐就自己出去攞，唔洗畫卡或點心紙。埋單時姐姐會行過泥點數收錢。 姨姨叔叔係非常友善的。周不時有叔叔伯伯喺度「撚雀」，將啲雀籠掛晒喺度，感覺好懷舊，好似返返去細個嘅時候。...🐭點心款式好懷舊：臘腸卷、粉果、大包、馬拉糕、四寶雞札、金錢肚、鮮魷、牛柏葉、盅飯、銀針粉、瘦肉粥、腸粉、牛肉球、蝦餃燒賣、燒鴨、蘿蔔糕、鹹煎餅......等等等等。而郊外時菜係要同姐姐講，佢就會即刻淥過你

今日同屋企人行大帽山，正所謂三軍未動，糧草先行，一於醫佐肚先！知道端記一向都多捧場，所以都去試下！餐廳環境係舊村屋，有兩層，上層環境開揚睇到山景，下層就近野食。野食種類大致同普通差唔多，不過炒各式菜一定要試下，特別係西洋菜！😋😋👌🏻菜新鮮，炒落都淋甜又有少少油光澤同香味！其他點心質素都高，係食過反尋味之選！👍🏻👍🏻不過位置偏遠，地鐵後要撘20min左右小巴，或者自駕都可以，但係位置不多！雖然遠，但係質素高都補反啦🤣🤣

大家最近想遠離市區都選擇行山，所以同朋友喺荃灣再搭小巴上川龍村飲個茶先出發行山。知道端記出名但冇諗過真係咁多人，總算搵到位坐低！但地方好迫，因為不論沖茶拎餐具拎嘢食全部都係自己去拎，所以啲人不停行來行去。好唔方便，餐具茶壺都唔知乾唔乾淨，地下又好濕。食物方面又真係幾好食，最特別係有客家嘅小食，但係唔知佢幾時出爐，好似同啲嘢食有緣先食到一樣，價錢又無寫出嚟。佢有佢嘅特色，有佢嘅風味，難得去到咁遠點都要打下卡既。

今朝到涉，張張枱都有人企在側等位，好不容易找到張方檯， 但欠兩張凳， 就去附近個收銀處見到個收銀，好聲好氣問佢請問仲有冇凳... 畀呢個肥姐姐一句劈埋呢就話, 嗰度近熱水櫃碌死你哋呀... 態度差到... 一向上大帽山都淨係食呢間，但係到此為止，下次開始我會去另一間， 我亦都會同身邊嘅人如事實講出，祝其他食客好運，上到去唔會有被碌死嘅危險！

香港原味道位於大帽山山腳嘅茶樓，行完山就可以係度嘆番一盅兩件😎由朝早6點開到下午2點，全自助式，自己搵位，自己沖茶，自己拎點心喺度食嘅係大自然風味，成個人都好身心舒暢，少了都市嘅煩囂，多了清新嘅空氣，仲有雀仔聲做背景音樂🌳傳統點心應有盡有，蝦餃燒賣牛肉腸粉馬拉糕，全部都新鮮出爐，熱辣辣，出爐果時會有人開咪🤣之後啲人就會沖出去拎喺度仲會食到啲平時連鎖酒樓食唔到嘅食物😌就好似雞屎滕茶粿，甜甜地，煙煙靭靭，聽講仲有好多功效添有清熱解毒，活血消腫及消食化積的作用👍🏻 但點解會叫雞屎滕呢？原來係佢啲葉搗碎之後，會散發出一種像雞屎嘅味道，但一啲都唔嗅，仲清新香甜啲😋嚟到大帽山，最緊要記得食呢度啲新鮮菜，最出名當然係西洋菜啦，食完都要買返一兩斤返屋企🤤

十多年前跟家人到過這裡飲茶，由於泊車不太方便（入村的路又窄又斜，還有一個考起新牌仔的手臂彎位），很久沒有過來。最近因為要載家人到荃灣區，順道到大帽山兜風的時候，留意到村口一些泊車位相當寛敞，便想到找天來這裡飲茶。今天剛好又要很早到西九龍區，辦完事後便開車到村口。幸好八點便來到，可找到露台角落的桌子。雖然天氣開始熱，但由於座位比較開揚，山風吹過，戶外還是可以接受的。這𥚃開茶和碗具都是自助的，來到這𥚃，你不會期望有甚麼服務，熟客都會自己帶來私伙茶葉。看來這𥚃真是用山水沖茶，口感好像比較甘和滑，不過茶葉就一般 （當然，是任取的），沖了兩回我便要換新茶葉。點心是要到廚房外自己拿，這𥚃是講求風味，不能對食物太呵求。我一個人先試了燒賣和牛栢葉，唔.... 跟屋村酒樓差不多。腸粉放出來已是微暖，唯有耐心等候廣播新鮮出籠的點心。後來要了蘿蔔糕和鎮店名物 —- 川龍西洋菜。西洋菜的確是新鮮幼嫩，簡單輕灼，有菜味又沒渣，不枉自己一人獨吞。聽到有新鮮的茶菓出爐，不過一個人已吃不下了。這裡還有個已在老香港慢慢消失的特色，就是茶客會自携雀籠，百鳥爭鳴，份外清脆。我還看見一位大叔，開着Porsche Paname

第一次食川龍，都想左試好耐架啦，啲人成日介紹話好好食🤔今日終於有機會啦入到去原來好多野都係自助形式，自己拎茶杯、茶壺沖茶、餐具，甚至點心🧆都係自助架所以我同友人就分工，因為好似快收工啦，原來細看係晏晝兩點就收市啦，所以我地一點幾到，所以都爭分奪秒架🤣我地就拎左燒賣、雞扎、鳳爪、叉燒包、銀針粉、皮蛋瘦肉粥、黃色客家糕點同埋雞屎藤好彩無再拎咋，如果唔係食唔灑😆先試個粥，食落好棉，味道唔錯叉燒包都唔錯架😋雞札都係，但反而個銀針粉初食可以，但再食就覺得太油膩啦，鳳爪就覺得如果剪埋腳指會較好，反而覺得雞屎藤係最好食嘅而個黃色客家糕點可能凍左...所以變得好硬，同埋味道都因而變得好一般啦，整體都可以都去一試嘅，不過下次要再早啲去食，可能款式會多啲同埋新鮮啲

一間舊式茶樓，飲早茶那種，点心食物好一般，点心真心做得比較求其，有舊式茶樓氣氛但沒有了舊式点心味道，如要点心評分 50分，但很多人不是為了食物，星期六日十分多人，最好唔好揀假期去，平日去行山之後去川龍飮杯茶，空氣好好及風景好靓

經典茶樓😚傳統風味十足！今朝去大帽山行山，特意係川龍落車，嘗試好出名既依間傳統茶樓！酒樓係環境好逼既，有上層，有下層，基本上朝早8:00 幾既時間，都已經滿晒客，等有客人走，你自己行去坐就ok的了！店員都會好醒目快手黎tidy up不過拎茶同點心都係自助，幾得意！個人特別推薦叉燒腸，入面既叉燒都燒到脆皮架😋仲有花生🥜料雞屎藤，甜甜的又唔太痴牙既茶果類甜點🍮仲有依到既茶特別fresh 相傳係大帽山既清新山水黎架（其他食物味道都比較特別 唔似出面既連鎖酒樓）

行完大帽山一定要來嘅打卡點❤️今次係地道茶樓初體驗💪🏻由沖茶開茶拎碗碟全部一腳踢💪🏻點心都係自己去拎💪🏻點心新鮮出爐都會有廣播，提你快啲去拎🤤食到嘅點心都係熱辣辣，啱啱蒸好🥬淥菜非常好味菜係新鮮喺菜園摘❤️大部份點心粥，同鳳爪排骨飯都好味😟係春卷就麻麻，皮唔夠脆，可能放得太耐不過so far都係滿意嘅🎈行山後肚餓更加覺得食物好味🤝唯一係太地道，衛生情況當然都係唔同市區酒樓，有潔癖朋友留意

一到假日就會諗起端記因為起身起得遲又唔知食乜 咁就去飲茶每次黎都好鍾意坐招牌個位貪佢視野廣闊又開揚 而且可以睇下d人泊車食物方面 佢個蝦角真係冇得頂 個皮炸得好脆 而入面有好多隻蝦 咬極都係蝦加埋個沙律醬真係好正 佢個菜圃都好好食 好鍾意攞黎撈飯豬腸冇臭味 相當肥美 d醬汁入晒味 好正蒸飯都好新鮮亦都相當多選擇雞扎好足料呢度嘅野食係會慢慢出 每次一出就會個個走去搶 供不應求 而每次出嘅野都唔同 上次食到黃酒煮雞都好正 每啖都有酒香雞又唔會太肥 成碗野唔會飄層油係面 甜甜地客家茶果都好多種類 無論咸定甜都好食呢度杯茶真係特別好飲 而家假日黎都超多人搵個位都唔容易

男朋友終於帶我上大帽山飲茶🥰無諗過平日都咁多人，應該係因為大家都唔洗番工home office😂揀咗係樓上坐，感覺開揚啲舒服啲。類近係自助餐形式，無menu的~連茶都係自己沖。揀咗水仙，可能落咗好多茶葉😂，好濃🍵加埋馬拉糕一齊食，以為自己食緊綠茶蛋糕😋😋。特別有印象嘅仲有臘腸卷、鵪鶉蛋燒賣同茶果🥳第一次食茶果，呢個係艾草黑芝麻味，唔會太漏，好味😋😋以舊式食店嚟講，員工嘅態度係幾好。兩個人食到超飽，埋單$165👌🏻滿足!

以前睇過電視介紹，今日趁得閒唔想戴口罩，去郊外走走，唸住帶埋媽咪去行吓，去到茶樓真係有懷舊feel，雖然唔係好乾淨，但不至於好污糟，地面有d滑，枱面有d油立立咁啦。自行搵位，今日人好多，要搭枱，之後就自己去搵茶杯碗啊筷子之餘此類啦！之後就攞嘢食，個tray癡粒粒,又油又多豉油，其實冇乜種類，一出爐唔使幾分鐘就冇晒，見到有人講過茶果好味，攞一碟，因為阿媽鍾意食茶果，結果一試完全唔係嗰回事，裏面係蘿蔔絲，食咗一個，另一個都已經冇人想食，我哋仲有攞咗以下點心，叉燒包二碟、蓮蓉包一碟、兩個蒸飯、一碟牛肉、一碟排骨、兩碟腸粉、一籠鮮竹卷、一籠雞札，再加兩碗豆腐花，想食西洋菜一直等唔到，埋單咁樣盛惠285！粉果-唔係傳統口味腸粉-鞋口唔滑豆腐花-冇豆香味，唔可以叫滑所有點心，冇一個係覺得突出好味！阿媽同個仔都話，山長水遠，早知道係咁嘅質素就唔嚟！價錢唔係平，環境唔乾淨！我話唔試過，咁又唔知道係乜嘢水準嘅😅冇下次囉！

真的很久沒來飲茶了, 端記迄立在川龍已經好多年, 每逢放假都吸引很多行山人士先來這裏喝一杯山水茶, 點心吃得飽飽的才出發行山。茶樓以自助形式, 自己開茶, 自己取碗筷。食物也要自己取, 有特別的點心出爐, 店員會開咪廣播通知食客自取， 好有老香港的茶居特色。西洋菜 ~ 西洋菜當造, 非常嫩口, 細細條很爽脆, 西洋菜味也濃, $50 有點貴,  也值得！牛肉 ~ 嫩口爽彈 加埋啲喼汁， 好食。鬆糕 ~ 很喜歡這裏的鬆糕, 很鬆軟, 彈口唔黐牙， 甜度適中, 又冇皂水味。腸粉 ~  腸粉皮厚了少許, 幸好微彈唔糊口, 腸粉豉油調教得不錯。川龍出品之前來這裏飲過好幾次茶, 今次整體點心比以前好食, 價錢也大眾化, 吃得飽飽的每人$50, 香港已經好少呢啲風味山水茶居, 支持本土文化, 會再來的。

本身我哋諗住去行大帽山 點知我哋去到滂沱大雨🤦🏻‍♀️所以我哋就咁山長水遠入嚟飲完個茶就走左😂😂·小點$15 中點$17 大點$23 頂點$50呢度係舊式啲嗰啲茶樓 要自己去攞茶葉自己沖kwke都幾有特色 同埋有好多懷舊啲嘅點心 我自己勁鍾意食臘腸卷 呢度就有啦😍😍不過呢度啲臘腸比較肥少少 但係有得食已經超開心 依家好多地方都無得食lu😢··📍荃灣荃錦公路川龍村57-58號荃灣站D出口搭51號巴士去川龍村 但係嗰陣時我記得個巴士站係勁難搵 你跟住Google Map去到發現無巴士站 呢個時候你就要上一條好似唔關事既橋就會見到個巴士站😂😂