竹園海鮮飯店 (已搬遷) 新店位置

Thought we are going to have seafood tonight, but end up trying their nice Chinese dishes.Chewy pork knuckles, lots of collagen. Creamy thousand years egg with pickled ginger.Chestnuts with chicken, rich soy sauce flavour. Tender and juicy chicken. Fresh and sweet eraser clams with bean paste chili sauce n serve with fried rice noodles.Chinese sausages with sticky rice, u have to love it. Peppery soup with beef brisket and radish. Good to have the soup too.

#竹園海鮮飯店 (上環)上環干諾道西3號地下-----好多地方 放假飲茶都係貴d or 唔減價～但係上環因為係商業區 放假少d人 所以反而星期六日公眾假期飲茶特別抵😆呢間茶樓 假期就係大中小點同價 一律$17.8😁～雖然平 但係點心質素大部分都還不錯～當中最最好食ge就係冰鎮豬手🐷 豬手好乾淨 一d毛都無 豬皮QQ彈彈又帶有微微藥膳味 令人食落有種又多骨膠原又養生ge感覺🤤配搭埋極似m記泰式辣醬ge甜辣醬汁 令人完全停唔口～-----B仔整體評價：8/10個👍🏻B仔抵食程度：9/10個👍🏻B仔環境評分：6.5/10個👍🏻（裝修比較舊）B仔味道評分：8.5/10個👍🏻B仔回頭機會：8/10個👍🏻-----#swallowhk跟住我一齊吞食香港啦！#swallowsheungwan

星期五晚上因爲帶了台灣朋友一齊黎食，總共6個人。叫左經典芝士牛溫焗龍蝦加伊麵底，超級好食，第一次食咁足料芝士既龍蝦伊麵，果然係招牌菜。另外都叫左燜牛腩，肉好嫩好入味。仲有炸子雞及鼓油皇炒麵，炒麵是有驚喜既好食，麵底同一般餐廳不同，再加上老式品牌的辣椒醬，真係好好味。除了野食好食，酒家既服務態度仲非常好，員工非常友善，更有竹蔗水前菜及甜品送，前菜及甜品完全品唔係敷衍你，有6款甜品俾你簡，係足料既！下次一定再同朋友黎食！

唔起眼的茶樓，係basement 度。通常街方都去附近幾間有名的，咁就正好啦！又有位又好食的茶樓少之有少。我第一次來的時候是有酒局，食物不是十分精緻的那種，但小菜家常野絕對above average. 本來是去附近聚興，但小舖長龍所以打消念頭，諗住揀一間唔駛等嘅，就諗起竹園la。結果有意外驚喜，點心香港製造，好食過聚興多多聲。牛肉球做得好懷舊，裏面有香嘅陳皮，而家好少食到。叫咗個菜苗餃，是用豆苗做的事，而家又好少餐廳會用啲咁嘅貴菜來做。叫咗個是豉椒排骨，呢個就麻麻哋，味道OK，但係比較油，剩係得兩粒豆豉。小中大點一樣價錢， $18。有蔗水同埋橙汁送,我覺得有咁嘅質素，都尚算抵食。下次會再來，不會去第度排隊了.

朋友極力推薦呢間的海鮮所以決定今年係度同爸爸慶生前菜有開胃酸薑皮蛋芝士焗龍蝦是必試😆新鮮生猛本地龍蝦+極度邪惡的芝士加伊麵底真心一級棒！再來order 左招牌潮州翅足三兩翅貨真價實豉椒炒蟶子王👍🏻炒得入味夠火候，大隻有肉得來又冇沙除了海鮮，小炒都有質素。陳醋骨不錯哦！最開心係飲品是任飲的。免費甜品亦有好多選擇！燉雪梨、楊枝甘露、薑茶湯丸等等！媽媽大力讚好榴蓮布丁🍮，話好香榴蓮味！食得開心滿足的一晩

今晚經理請食飯，上個月尾食過尖沙咀分店，今次試下上環呢間比拼下，七人叫了五餸一湯，碗湯重係大大碗，果然係識人好過識字，個湯係章魚蓮藕煲豬腩肉，其它餸有咕噜肉，大大隻贵妃蚌，配上粉絲和大量蒜蓉，又香又爽甜，要用上刀义來享用，上魚之前有個清湯薯卜坑腩煲，夠腍，和粥水浸莧菜，這個好有心思，掛住食，忘了影相；到上魚啦！斤零重瓜子斑，蒸得火喉剛剛好，係沙皮，條魚咁好味最後就梗係得返副骨啦！有甜品送，分别有芒果布甸，楊支甘露和薑汁湯丸。今晚整體食物味道都好好，平均每人400有找，抵食過老尖好多，尖沙咀分店差幾班，可能専做遊客關係，没放本地客在心；多謝餐廳嗰位經理安排今晚菜式和份量，剛剛好又没浪费。

誰說我衝不出荃灣，這次一衝就衝到上環，速度之快連旁邊女士條裙都給吹起。鏡頭一轉，已經衝到竹園的知客面前，而她竟然坐著將點心紙給我們，我絕無怪責之意，只是我沒有見過，真是威威吃雞，還勁過威威超濃縮洗衣粉。其實剛坐下，已感受到這裡的人情味頗濃，因為我見到身邊食客都被熱情對待、熱心幫忙，感染到我心情好像也漸入佳境，於是迅速劃了點心紙，點了：蟹籽燒賣皇($12.8)：應該是豬肉燒賣，最怕蒸過龍的燒賣，只要不蒸過龍都是好吃的。山竹牛肉球($12.8)：點喼汁吃吊味一流。蜜味叉燒腸($17.8)：滑不溜手，一滑入口。海皇紫菜卷($17.8)：不知道吃紫菜，還是其它，總覺得兩者不搭配。木魚花茄子($17.8)：最喜歡吃茄子大大份，而不是得一小塊，整件大份放入口中，口感一流。古法馬拉糕($17.8)：味甜不假。茶$4/位酸菜$4/位埋單計數$124，印象中好久沒有見過這個1字頭，二人飲茶，最低也要2字頭，看到1字頭忍不住偷笑，好像是偷吃而不被人發現一般(我發誓，我無試過，我真係無試過)。別講這種笑，小鳥爆開鳥，讓我爆開鳥，塊面正燃燒......

今天來了上環，聽朋友介紹竹園海鮮酒家的下午茶抵食，於是來了試下。叫了六個點心，有葱香黃金餅、油豆腐粉絲、鵪鶉蛋燒賣、水晶莧菜餃、薑汁雞包仔，及醬皇蒸鳯爪，最like 油豆腐粉絲，及水晶莧菜餃，清淡不油膩，味道很好

曾經住在附近，但一直到近一年才有機會試。有熟人帶路，認識三哥，除了有房、好招呼外，據說今晚很多菜色都是菜單冇的「特別版」，質素亦非常好。證明出外靠朋友，食飯都係識人好。鰤蚶，可惜有幾隻臭臭地。三哥果斷拎走取消。鹵水鵝。好味，但太大份。蝦棗拚蟹棗。鮮味，夠鑊氣。糯米攘大腸。功夫嘢，可惜已經有啲飽。上湯魚鏢。ok，幾好。呢個雞有個名堂的，忘了。本來應該用黃豆醬趴個汁。三哥話一時無睇住個廚唔記得左。不過都好有雞味。墨魚麵。啲「麵」其實係墨魚滑！好好味，好夠鑊氣，成碟差唔多清晒！今晚其實係酒聚。竹園提供非常不錯的酒杯，今晚出動五大酒莊之一的Chateau Margaux，及其他列級酒莊。正！

年宵節與家人外出用膳，在訂枱時已四處碰壁，好不容易才在上環「竹園海鮮飯店」找到位置。「竹園海鮮飯店」是一間中菜館，以海鮮作主打，當中不乏一些貴價選擇如鮑參翅肚等等。在正門位置，一如其他海鮮餐館設置了魚缸，但海鮮品種及數量不算多。沿梯級而下，則可望見一個飾櫃，內裡堆放了大批魚翅花膠等海味乾貨，吸引食客選購。飯局以一客「鹽水炸豆腐」開始，菜式的擺盤一般，豆腐粒的大小不勻稱，勝在熱辣，但酥香脆感只屬不過不失。菜館以海鮮作招徠，當然要試試。以兩只各重斤餘的肉蟹製作「蜜糖胡椒辣蟹」這道佳餚，醬汁一如預期甜辣並重，但卻少了胡椒的惹味神韻。兩只肉蟹的肉質有一定差距，一只口感飽實，另一只口感薄削。「豉油皇花竹蝦」游水新鮮亦夠大隻，成品賣相佳，肉厚美味，屬全晚其中一道佳作。不過，要享受這道佳餚，代價亦不菲，花竹蝦 $4x / 両，單是九只蝦過 $1,500！ 「蒜片牛柳粒」調味過於重手，很鹹；只是欣賞甜脆芝麻合桃粒。 「生炒排骨」水準平平，建議選用更厚肉的排骨效果更佳。「柚皮鵝掌煲」炆煮時間夠火喉，柚皮十分可口。「蛋白瑤柱帶子炒飯」帶子份量足，粒粒原整分明，配合鹹香的金黃瑤柱絲，炒製成這碟味道不俗的炒

竹園是我經常惠顧的中菜。很喜歡這裡是因為在這吃飯，除了水準穩定好味之外，很喜歡他們的大方。飲品，小吃，甜品都是是免費的，但絕不欺場！飲品我最愛竹庶矛根水，他們更可細心為我們另外分開煲無糖的，很有益。小吃我推介沙薑雞腳，很入味。甜品的選擇更多到你唔信，豆腐花很出色，但只有跑馬地分店有，另外有湯圓，燉梨等，但我最愛的是榴連布甸，滿滿榴連肉，非常好吃，而且都會大方的給我2個，吃得下便可。大家可能會覺得，食得貴當然會送，的確出街食海鮮是會貴，但他們的蒸魚及芝士龍蝦真的非常好吃。但其實家常便飯只點小菜也可以，而且不是很貴呀。小菜方面，煎肉餅，海味雜菜煲都很好吃。

因為之前朋友試過上環呢間竹園嘅牛油芝士龍蝦後極力推介, 外父生日老婆同我決定攜佢地黎食龍蝦慶祝😆我地一行4人去到上環呢間要落地下一層嘅竹園海鮮飯店, 因為竹園實在好多旅遊雜誌推介, 所以落到去周圍都係講日文嘅食客😮我地見到menu有d適合4人嘅套餐, 不過經理話套餐嘅龍蝦份量唔算多, 而且我地一心係想黎試個本地龍蝦, 所以最後都係決定散叫😁點左一隻芝士牛油龍蝦配法包, 超級好味👍👍😋😋 雖然隻本地龍蝦唔夠2斤, 不過都夠哂我地4個人食, 個芝士牛油龍蝦好食到最後個汁都打包埋走😂另外點左兩個小菜同個炒飯都唔錯, 最正係甜品送芒果布甸👍除此之外仲有水果同湯圓, 好滿足嘅一餐超好味嘅芝士牛油龍蝦個汁配法包都好好食肉質夠腍夠入味個菜油左少少炒假好乾身, 唔錯送布甸😍湯圓水果

清明假日一行三人首次幫趁，2點多到步行落地庫，首個觀感不大討好。裝修是附近酒家最差的，檯很迫櫈背碰櫈背！坐下點茶及√點心紙交侍應，數分鐘後侍應啊姑行來「冇叉燒飽」算吧取銷。數分鐘後，又喺佢行過來「冇河粉」問佢可否轉米粉，侍應啊姑揾個打呔嘅過來「特價粉麵冇得改」！D伙記語氣同態度想趕客咁！之後改雪菜肉絲湯米，竟然不消2分鐘便上檯，份量夠多(米粉)可惜淡而無味。十多分鐘後點心上檯(鵪鶉蛋燒賣/香芒春卷/桂花糕)味道還不錯，可惜又衰收尾，一盅魚翅瀼湯餃等了30分鐘也不見影，被迫取銷！點了5樣食物有3樣賣晒，似乎酒家諗住2點收爐。點心是可以的，可惜伙記質素太低，連「唔好意思」「對唔住」「多謝」呢D說話都唔識講！

今日約左家人嘆茶 為左就近老人家兼朋友介紹就去左上環呢酒家 服務一般啦 點解咁講 係因為上菜同個靚姐係咁係老人家中間上菜 非常危險 所以同佢講係我同我老公中間上菜 兼預留左位比佢 話口未完繼續係老人中間上菜 我忍唔住再大聲點同佢講 不過食物質數就真係唔錯 表哥們話無乜選擇 眼見多到嚇親囉 食物未能盡錄燒賣是我推介 因為原隻大虾兼無乜肥豬肉 正呀 點心都唔錯 鮮蝦炸腐皮卷 Nice熱辣辣 騷脆大大隻蝦當然要叫d啱老人家既健康食品 如下 蟹肉伊麵也正 無得輸 食到無味精 五谷炒飯 有鑊氣 一粒粒有咬口 健康

以為竹園只做海鮮，原來中午有點心供應。星期日中午上環寫字樓區都差不多滿座，扺食應該係其中一個主要原因。星期六、日及公眾假期大中小點都係$14.50。另外仲會有果汁先生或庶水送。餐後還送糖水。食物方面，所有點心都熱辣辣(春卷除外，但好彩都脆口)。味道都是預期之內，但小籠包皮太厚，不合格。所謂一分錢一分貨，如果想平平哋食吓港式風味點心都不失為一個唔錯既選擇。