竹目日本料理 (已結業)

今日ot完放工返屋企經過一間日本料理 ，一個人去食日本料理就最好不過，日本嘢份量唔多可以食多幾款！一坐低我已經急不及待叫 老闆整個三文魚頭先，因為通常三文魚頭制作需時比較耐！剛剛燒起的三文魚頭已經香噴噴， 食落口魚肉好仲 多肉汁， 皮都燒得非常香脆！size都仲大，一個人食非常滿足再來一個清酒煮蜆,看到湯的顔色已心知不妙真係得個咸字，完全無酒的味道，可以不試！最後來個冷麵，因為本人鍾意食麻醬嘅關係覺得依個冷麵又唔會水汪汪，清清地透心涼，非常美味！！

同honey去完攞相之後專登揸車去深水埗！諗起想食日本野就去返上次見到某明星捧場嘅日本菜～我哋今次食二人餐：竹，因為睇佢個菜單樣樣野都好啱我哋食！法國生蠔充滿鹹鮮味！另外刺身每樣都好鮮甜，有比目魚鯛魚赤貝牡丹蝦全部都好新鮮！另外壽司亦合哂我哋河車，壽司飯好有醋香味亦係手握！南瓜薯餅同忌廉蟹肉薯餅亦炸得好好食完好想再encore⋯⋯之後嘅蒜香一口牛肉雖然一開始食鹹咗少少但係越食越滋味最後個海鮮烏冬雖然係一度好簡單嘅餸菜但係每樣都好新鮮，櫻花蝦亦都好正！甜品有柚子雪糕，入面有柚子蓉俾人一種好清新感覺！全晚客人唔多，所以佢哋都好專心為我地服務，又換碟又換紙巾。 雖然價錢一啲都唔平，成＄700兩位…喺深水埗來講都幾貴，但係今晚真係食得好開心希望下次再黎會見到老闆嘅其他藝人朋友～

成班同事約埋一齊食飯，打算食好野。呢間店唔算多人，但就上菜慢得出奇，大約要半小時才可以出一款野食.....結果食左2個幾鐘......食到之後都冇影相了。太多等既時間，食到大家都冇引。味道方面就真係麻麻，如果你話好好食，咁都可能值得等。但係啲味道真係好普通，等咁耐都食唔到好嘢。一心帶同事一齊食好野，貴貴都冇所謂，可惜就事與願違。一個刺身船799，只有數款。性價比奇低。4個人最後食左$2000。其他壽司同刺身都好普通。真的唔值。

今日同老婆無意中給門口的餐牌吸引了入來，決定一試這間安靜的日本餐廳，一入到去，店員親切的笑容和招待已加了分.我們叫了一個雜錦魚生飯和豬頸肉飯午市套餐，一食第一啖，我立即變左心心眼，背景出現左好多花花，豬軟骨飯真係好味到腳軟，魚生飯又新鮮，環境裝修又一流，個餐又多野食又超平，十分推薦！

路經好多次，今次第一次入去試下！深水埗來講，呢間餐廳門口裝修算很高檔，以為價錢很貴，但相比尖沙咀既日本餐廳已經算不錯，當然深水埗區來講算是貴一點！二人點了幾件壽司，拉麵，雞翼串燒.壽司新鮮，不錯！特別"芝士蟹子炸蝦軍艦"十分出色，炸蝦很香脆！好味鐡火卷亦不錯！海鮮拉麵味道ok！雖然足料海鮮，但湯底不夠熱！比較失色，燒雞翼，太乾了，沒有味道，似放題既感覺整體來說是不錯的，唯一燒雞翼要改進！值得一讚，有位戴眼鏡既唔清楚係經理定老細，服務態度一流！好笑容，很細心幫我地換碟，又自動摧廚房漏單既食物

This little gem on the streets of a rather crowded area is amazing. The food is fresh and they have a rather decent selection of sake to choose from. Food is sweet and fresh and the owner of the restaurant was soo nice. He greeted us and talked about which fish was best in season. Loved the decor and the absolute peace that was held at the restaurant. They have two floors and both are clean and quiet. Its not loud and the servers are really nice. 10/10 will go back.

汝州街唔係買配料既好地方？又有散裝的水晶賣添！原來有一間日本餐廳係度！？門口裝修得幾靚！內邊佈置日本化！但係價錢幾昂貴！！在深水埗區可以咁貴！同佐敦價錢差不多！？我哋叫咗三文魚刺身～賣相吸引！很新鮮！魚的顏色鮮明有光澤！味道唔錯！很肥美！Wasabi好似即磨既！味道唔錯！鰻魚炒飯～賣相精緻！米飯漲卜卜！圓圓的！幾飽滿！有蛋、有青椒、鰻魚等……！但份量比較少！總括來講，深水埗區算係頗貴！

自新年開始都未有見過嫲嫲，見今日大家拜完山都比較空閒，為了就嫲嫲，不想她走得太遠吃晚飯，所以就在深水埗尋食。因為上次講過想吃日本料理，而嫲嫲又是除了刺身外，什麼菜都會食的，非常好。我們今晚一行5人，忘記了訂枱，不過幸好我們早了，立刻有枱，不用等。*忌廉蟹肉薯餅($38)忌廉蟹肉薯餅新解炸起即上，一不小心立即燙到舌頭；薯餅炸得很脆很脆；中間的忌廉蟹肉很CREAMY，薯蓉的比例比想像中少很多。*牛油果軟殻蟹反卷($58)中間的軟殻蟹也是剛炸明的，吃落口的時候還帶有微溫，很香脆，個人非常喜歡牛油果和軟殻蟹這個配搭。*海蝦天婦羅($45)我本身是非常不愛吃天婦羅的，不過這個的外皮比起平常見到的較薄，就即管試一下。果然沒有令人失望，這個外皮沒有和一般見到的會有分離的狀態，而是可以做到混為一體的效果。*櫻花蝦海鮮拉麵($90)櫻花蝦湯底很香濃，海鮮的份量亦比想像中多，有蝦、帶子、蠔和玉子，每一種都很新鮮，而且size都很大隻；不過可惜拉麵浸耐了一點，麵條淋了，所以影響了整體的口感。*師傅發辦壽司盛 16件 ($338)其實我地前後點了兩個盤16件，不過兩盤都差不多的款，可惜餐廳不能通融一下收32件

世界上每個人都總會戴上許多不同的面具，有人是為了在工作上掩蓋懦弱而戴上勇氣的面具；亦有人是為了掩飾邪惡而戴上偽裝善良的面具。在這最失落的道路上，好友們不但沒有像某人般因我固執任性而把我遺棄；反而耐心的一次又一次把我扶起來，陪著我走。其實偶爾把面具除下，即使面具下是個千蒼百孔的自己，相信親情太情都不會因為你做錯而離你而去。很多時候自己一個人時都會帶著面具，坦白說：「最終辛苦的－只有自己。」而唯一能做的就是－為自己而活，還要活得開心；做自己想做的事情，吃什麼也可以隨心所欲，這被視為－生命中最幸福的一件事。是晚親朋好友都有約會時，下班後想起正巧想要去深水埗買些東西，順道就找找深水埗有什麼好吃的店。不知是否心情佳，特別想吃一些日本料理，好吧，就去這家由香港電影電視演員開的壽司店，當然要試一下看看有多出色。餐廳坐落於三太子廟旁邊。門面如店名一樣鋪滿長短不一的竹枝，亦與典型的日本料理店一樣－簡約又直接。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿店內比想像中還要大了些，一排壽司吧枱和五六張桌子就形成了這裡的一切，如一般料理店的簡樸，數顆簡約的日式燈高掛，內在環境雖然叫人放鬆心情，唯

尋日食完令人失望嘅越南嘢，行經呢間日本嘢門口，真係返咗大半年都唔知深水埗有日本嘢食(拉麵除外)！於是今日拉大隊去試食。一行七人入到嚟，可能時間比較早，全店廿幾三十個位，只係坐咗一枱兩個人。我點咗尋日已經見到嘅三色飯，即係海膽、三文魚子、蔥碎吞拿魚腩飯，因為$108呢個價錢實在太吸引 - 三色飯唔係二百幾蚊架咩？？原諒我係Openrice新手，竟然唔記得影前菜、沙律、湯...前菜：係木魚茄子，有三件，茄子口感啱啱好，亦吸收到汁嘅鮮甜，以跟餐前菜嚟講相當唔錯。沙律：係柚子汁嘅蟹子沙律，細細兜，用柚子汁+沙律菜，好過嗰d蟹柳青瓜粟米+mayonnaise，健康好多。麵豉湯：普通，冇咩特別。跟住主菜上枱（今次有影相）。份量少咗d，但未算可憐，考慮埋價錢，ok啦。首先試吞拿魚，有油香，蔥嘅比例恰到好處，好。跟住係魚子，大粒而且好飽滿，咬落卜卜聲，鮮味而唔會過鹹，好。然後係海膽，有兩大件，似加拿大嗰隻，鮮甜唔腥，好。最後係飯，有淡淡壽司醋嘅酸甜味，唔會過黏或者過散，好。最後送埋正正常常嘅一粒雪米糍，芝麻味，ok啦。以呢餐咁高嘅質素，$108 + 10% 真係超值。喺深水埗返工果然有着數！以後會經常

這晚經好友推介帶我來到在這區來說裝修環境都不錯的日本菜，我們三人點了2人精選套餐，再加了油甘腩、三文魚腩、波波壽司盛、鹽燒廣島蠔、鹽燒雞皮、鹽燒雞翼、西京燒銀雪魚等。吃過後，套餐份量真的不少，刺身口感很新鮮，腩位又無渣，串燒很香口，銀雪魚又香又滑，波波壽司盛很精緻又可愛...雖然只有2位女待應，但服務都很好，好笑容、好有禮貌、又常為我們加茶...真的意想不到，比我在尖區吃過的日本菜更讚讚讚!

早排黎左呢間係廟隔離既日本餐廳，一入去環境不俗，被貌似女店主既女士逼坐一張2人枱，要求調枱都無得調但一直無客留空哂啲枱，想坐舒服小小姐。食物方面大讚！點了一個omakasa 2人前刺身($388)刺身新鮮鮮甜！男友不太好刺身都話好食！腩位入口即溶，正！另外點了一個 西京燒銀雪魚燒得好香，油而不膩！串燒:牛舌，雞翼，雞皮香口！有點日本居酒屋風味最後以 海膽鵝肝炒飯 作完美的句號炒飯夠乾身，而且鵝肝香味濃郁，但鵝肝份量較少，不過不失。係深水埗搵到間不錯既日本餐廳，整體食物質素高 有驚喜！但價格不便宜，要係呢個位置賺錢真係有困難。P.s 貌似女店主既收銀 態度惡劣，一直黑口黑面 好似入黎食野都得罪佢 叫極都無咩反應，而且加茶既速度太慢了，侍應方面有待改善。

雖然這一餐是餐廳老闆邀請多時，但都要我咁啱去到呢個區先有呢份緣。老闆事忙，我這日入去時全因時間趕，吃個 Quick Lunch 捧下場，根本無打算過見到他。而且，我相信好多手作人跟我都有相同煩惱。我地呢啲手作人成日去深水埗都係要係最短時間買最多的材料。係條珠仔街，一頭盅落珠仔、布、皮、配料…就唔會想行得遠搵食。一抽二袋，前面永遠仲有更多想搵嘅配料！平常好食嘅都係哂北河街；珠仔街要行得好遠，街尾盡頭先有西九多啲坐得舒服嘅餐廳，不過例牌要同好人逼，要排隊。珠仔街裡面，通通都係男人茶餐廳。呢間日本菜開正係廟隔離，地點好，門前一列竹樹佈置將外面的興旺喧鬧隔開。一睇門口個餐牌，靚魚生飯午飯餐先賣$68，以咁樣擺碟已經抵哂。估唔到質素高，魚生靚。經理好 Nice，我旁邊坐了一檯四位法國人，原來其中一位都係手作人，趁來港探親家就順便帶另外兩個第一次遊香港的朋友來見識下珠仔街。我聽見經理傾談間提到今日新鮮入咗法國生蠔；除了我們常見的 Perle Blanche，提到有 Gillardeau。我立即感到興趣，老闆在電話也說難得踫到新鮮運到，堅持我要試試；午飯忽然嬌貴起來。老闆娘好客氣，緊持我要個用個椰子

深水步好多人都知道小炒好好味，但竟然新開左一間叫“竹目”的日本料理，仲要係A2出口行吾遠，但因為大約8點決定去，所以全部店都關了，比較難 找，原來係個廟附近。好彩男人離遠看到有舊木牌係門口，門口位完全吾似係深水步度，似係天后大坑格調。而價錢都合理，仲要有飛機新鮮送到的刺身，咁我地2個就入去試下 先....入到去大約一半人坐左，桌不是好多（大約5張4人桌加2張2人桌加BAR桌）。因為沒有訂位原因只可以坐係最入的位置。偏寧靜傾計好好。看到牆身的新鮮魚選擇，男人都冇想過深水步地區會有比較特別的魚類（不停講都合理..哈哈），最後我地叫了大約3款刺身，熱食和炒飯飲品只有汽水，波子汽水，啤酒和清酒之類（叫清酒之類可以以＄88叫個串燒併盤），但因為男人想飲的東西沒有300ML，所以今餐最後沒有叫野飲甜品只有幾款雪芭，最後冇叫！～其實成餐飯都比心目中好味同新鮮，但最失望係芥未（因為以為係手整，點知仲差過枝裝）同炒飯食品如下：魚刺身金目鯛魚（＄98）： 都新鮮冇雪味，肉質正常，配合酸酸的汁更好油甘魚腩（＄68）和活赤貝（＄45）：好厚身同新鮮，食到原本質地的味道，吾會食到淋的感覺特選壽司八重盛（＄168

無意經過發現是新開張，原來此店是2014年11月27日新開張的。1. 鹽燒雞翼 $16 ~ 一串兩隻，皮脆甘香，扺食！2. 金菇肥牛卷 $28 ~ 一碟4件兼有伴碟，個汁好好味，可能牛油味較重令我喜歡吧。3. 極上魚生丼 $98 ~ 比預期中好，沒有欺場感覺，海膽也算是新鮮。4. 滑蛋親子飯 $68 ~ 雞肉份量略少。5. 牛肉炒烏冬 $68 ~ 炒得香口，但個人認為非常咸。