第三站 (已結業)

我地廿幾果朋友仔包左房,原來間房咁大應該可以坐4,50人都得設施都幾多，有卡拉OK，XBOX,連麻雀都有仲有 CARD GAME個D..原來好多野食 有幾款主菜 幾款小食 甜品 ..野飲重要係任飲.. .......食物有一般西餐食物如肉醬意粉, 味濃郁且芝士夠多; 小食以蜜糖雞翼最為精彩到我地食晒仲加多盤意粉比我地,食到個個飽飽仲有個甜品係朱古力焦糖多士幾特別,賣相又好又好食到我地切蛋糕職員仲主動問我地使唔使影相,唔使自己去叫佢幫手影論食物, 環境 同 服務依間cafe 都做得好好呀,價錢又優惠起碼平過去唱K好多下次一定會再黎搞生日party

一班中學同學在520之日聚會，選擇左呢間cafe一黎到見到環境唔錯，諗住呢間cafe應該唔錯既佢比左3份menu我地揀，分別係兩個份套餐，同一份散叫係咁sell我地叫party套餐$120加一即係$132包任飲飲品同主菜無限refill我地覺得合理，所以就叫左呢個西班牙飯勁難食，有朕嘔味，又硬飲品是溝水貨式，色素勁，愈飲愈口渴唯一可以接受的是小食，諸如薯角同咖哩角等豈料正當我們想refill之際女侍應表示需吃光食物才能refill我們接受，以免浪費就在吃光想要refill之時老闆又說不能refill原因是我們坐了3小時，認為我們都快要離開一早不refill，這麼久才說refill在多番爭取下，才「施捨」一盤長通粉在此之後，聚會少不了遊戲，遊戲少不了聲浪次次玩到興起就叫我地靜D，既黑面，又怒啤人地嘈就得，我地就唔上樓上CAFE應該是一個讓人玩樂，盡興之地處處限制，倒不如到其他餐廳何須忍受如此差劣的食物質素百幾蚊雖然唔係貴，但係咁既服務同食物質素，唔值囉!!

今日同朋友出左黎，是朋友話黎呢間的，咪試下呢個係炒飯，唔記得叫咩名，不過原來都幾好味，拍得住D西餐廳又叫了個長通粉，汁都ok，不會太多太鹹，適中套餐有野飲，我叫了cream coffee，冇咩特別，但覺得d cream唔夠creammy，友人叫了薄何coffee，都ok~幾清新套餐加錢叫了blueberry cheese cake~dislike，芝士好硬，芝士味奇怪

一班人gathering有大有細，朋友介紹呢間，最初見d食評講到啲服務咁差都有啲猶豫，不過食評一向不能盡信，況且都係只求一個坐得舒服，交通方便，食物ok既地方相聚下，就即管早兩日打去訂位。黎到時全場得我一人，可能因為啱啱開舖啦。地方都算大，而且坐位都幾舒服，相信就算坐滿都唔會覺得迫。食物及飲品都不過不失，樓上cafe黎講算唔錯咖啦。服務我真係一啲都唔覺得差，拎蛋糕上去又冇收我地切餅費，但又俾紙碟同叉俾我地用。見我地落腳架仔影合照又主動話幫我地影，走既時候都有講多謝同bye bye，我覺得算有禮貌。第日如果再搞多人gathering會再考慮黎呢間。

用左openrice咁耐，都係睇人地既食評，自己未寫過，今次寫係唔想有人再受害同呢間野d服務勁差，話說個friend book 左呢度睇歐聯決賽，一行十三人去到睇波去到要服務員加chair,點知個服務員話無，仲話你唔鍾意可以走，真係超odd，而家生意真係好好咩？俾錢仲要全程俾人黑面真係攞命,去唔去真係諗清楚

同啲舊同學相約去Station 3到食飯傾計，其實環境算唔錯。不過估唔到的是....啲態度好到無人有。我們叫了每人一個SET DINNER同啲小食大家一齊SHARE食，小食份量真是夠大份呀，不過可惜飲品甜到嘔, 1. 芝士薯角+芝士薯條 -好味2. 小食拼盤- ok3. 餃子 - ok4. 雞翼 - 麻麻5. 意粉同飯一般食物整體都唔錯，不過態度真係....... 我地成班friend 都未致好嘈啫，又怒bear， 又黑面，影幾張相又叫我地返埋位，怕我地會騷擾其他客人咁。頂!!!! 仲要趕我地走咁，未叫都已經遞張單埋黎，如果有時限既，訂枱時又唔同我講。埋單數錢時全程BEAR 住，迫我地快啲交返張枱出黎咁。好唔愉快，好X掃慶! 仲要唔係平喎~~我覺得好對唔住我啲咁耐無見既同學。一定唔會再黎。總之去樓下班妹妹仔狂 HARD SELL 果間仲好

今日朋友相約去Station 3到食飯傾計，不過估唔到的是....一去到，看見一個客人都沒有，我心想是否這裡的食物味道唔好味所以沒客呢??不過環境唔錯，感覺好像給我們包了場似的，哈哈!! 我們叫了個每人$132個套餐大家一齊食，份量真是夠大份呀，餐飲任添，不過可惜, 準備幫食物影相時沒電.....氣死我啦!!講下個套餐有D咩食先，不過唔係好記得D名，多多包函 :1. 薯角 超好味呀!! 大家都讚不絕口!!Good ^^2. 沙拉 OK 唔錯呀!!3. 法式芝士忌廉煙肉雜菌長通粉 ok 味道唔錯4. 肉醬意粉 ok 味道唔錯5. 辣肉腸燴飯 麻麻地6. 小食拼盤 ( 有蜜糖雞翼、煎餃子、咖哩角) 一般...不過煎餃子唔得, 好像是在超市買的煎餃子，皮大厚又乾。7. 甜品 - 忌廉多士 好味呀!! 8. 飲品 - 荔枝特飲和青寧XX ( 兩大枝)

第一次寫食評...今日先係我生日...不過尋日約左班同學去CAFE慶祝我地由1:00玩到5:00蛋糕都係係果度訂..所以唔係比切餅費每人$80, 有加1呢D返學時間當然係好冷清我地坐左入面間房...(我地咁岩家長日LOL)野食有意式芝士焗肉醬意粉,法式芝士忌廉煙肉雜菌長通粉,蒜香火腿絲焗意粉,西班牙鴨胸燴飯,香辣炸薯角,香脆咖哩角,日式餃子仲有個甜品濃情朱古力焦糖多士好多同學都話意粉好食...所以除左有一盆好遲上既蒜香火腿絲焗意粉之外其他都比人清哂另外薯角都唔錯...不過都幾熱氣..飲品個MENU話有巨峄提子乳酸,菠蘿橙汁,茘枝特飲,金桔青檸,青芒特飲但我地好似少左個...但都冇理..而且係無限任飲至於玩...有個KARAOKE SYSTEM...都唔錯...但得2枝咪同D歌都有1-2年前...另外有同學打麻將啦...仲有層層疊,MONOPOLY, DEAL 啤牌等雖然唔算多..但加埋唱K就岩岩好今次第一次搞PARTY...都有廿幾人去~位都夠...不過我覺得好似分左3個AREA咁...玩得唔係咁CLOSE, 各有各玩果度得2個人?可以係因為下午掛...蛋糕有3磅...但咁多人..每人

本身朋友打去book時間係10:30p.m.,之後佢地話10:30p.m會開始清場比個場我地.可以比我地入場先我地book左20個以上..去到10:30p.m..佢同我地講.."下我同你地講11點先黎咖wo.依家個個都未走,未有得入呀"都算..等多當個鐘姐...之後佢話.你地係咪10個人?我地成班fd o哂我地book個陣明明講明20個以上..同埋入數都入定500 book場數先咁點計都唔會只有10個掛?佢仲好似再3問我地,語氣好似唔信咁..到d野食...一般啦..薯角不錯.不過d雞翼真係好咸!到左1點.佢話玩到2點要加錢..每人加多20蚊.有埋甜品..ok,冇所謂..玩多一個鐘又有野食..點知個甜品整左40分鐘都有..原來個甜品就係岩先既食物入面其中一款oops.- -我地廿幾個人一齊玩至不然會嘈d,但嘈親都好似比人眼超超,有點black 面.總之,整體黎講都只係一般

食物唔錯, 飲品ok, 服務一般, 所以...不過不失!7條友去坐吓吹吓水, 玩吓board game, 靜靜地, 環境幾舒服 我地每人叫咗一個set dinner, A - F 餐都試哂, 味道比一般Cafe水準高, Menu選擇都幾多幾特別如墨西哥雞翼, 芝士薯角, 味濃香脆個雞翼辣D會好味D口羅!餐飲ok, 朱古力普普通通, Oreo shake 幾討好, 值得一試"公主"特飲, 幾正!可能當日比較忙人手又唔多所以都等左一段時間先有人落order同有得食口甘口既生意好心就請多個人la!!整體感覺尚算中上la都有70分口既, 不過要人少D先去穩陣D口羅!過一排會再上去try try口既

同佢個Friend想去cafe hea,知道基利呢度有唔同既cafe,就過左黎搵,之前我都試過樓上樓下果幾間,啲朋友話呢間睇落OK,就入左黎,咁就中左招啦!!!!!!!!!我同朋友一齊叫左杯mint chocolate飲,味道好淡,唔知佢溝緊d乜,感覺好"粉"!!!應該係d朱古力粉沖唔散,搞到成杯野都好難飲!仲有一個問題係佢d野飲超級勁多冰,d冰再溶之後杯野仲難飲!!野食就要等好耐,我個friend食晒我果個都仲未黎,但係我去果日其實冇乜人服務方面就唔駛講,個個木口木面,一係就講野大大聲聲,冇人黎收野,搞到我地要自己搬走d野先玩得P.S.下次我會黎Openrice睇左d食評先決定去邊間,呢次真係中晒招!

4個fd 去食野, 地方都好大!!4 個人叫左4個唔同既dinner, 野飲.......食物都可以呀~~唔係其他人講到咁難食啫~~肉醬意粉..有厚厚的芝士我鐘意,因為我鐘意食芝士有個燴飯..賣相真係唔錯,好有意大利飯feel...oreal奶昔正正正!!^_^水蜜桃沙冰外形好壯觀,我朋友佢話都唔錯,幾好飲其他溥荷朱古力同埋蜂蜜綠茶都沒有其他問題呵其實我係cafe都唔想有人嘈住我,靜靜地幾條友吹下水真係好舒服個服務員都無咩野姐,都有同我地吹下水,同我地玩,下次我都會來ga,hehe@_@

Ideal location with real yummy party food This is my second experience to have a party in an 'upstair cafe', but this time it was full of surprises...First of all the overall enviroment was perfect, clean and open spaces to cater 35 of us. My family hired the smaller part of the cafe but there were more than enough spaces to eat, to sing and for the kids to play.The service was spot on, food was delivered to us well timed. Nice friendly staff whom kindly helped putting the birthday decorations

本月於為非牟智障人士舉辦生日活動~正當傷腦筋之時上OPENRICE隨便找找樓上cafe,問了多個後最後選擇STATION3-因為我地係非牟利活動所以收費唔多,老闆一聽到2話不說給予最平的價錢$70位(任飲任食),真的非常感激當日到場首先有位恭恭敬敬的女侍應帶我地入房,地方很大可以座50人都無問題,之後有2位熱情及最緊要不怕智障的男侍應招待我們及分食物,其間我們中心的朋友仔不斷問問題佢地都樂意回答(真的煩麻晒)食物方面真的喜出望外,份量多之餘食品一點都不求其,味道十分美味(有忌廉長通粉,肉醬意粉,日式炸餃子,朱古力多士重有其他5種食品........),至於飲品方面有5-7種選擇(士多啤利特飲,巨風最受歡迎)~他們都知我們中心的朋友仔比較大食所以經常加添而且都很快!!綜合以上咁多方面方面十分滿意,真的要給予一個GD字!!

有咩地方可以有張大枱容納十個人, 圍住坐可以玩下board game 傾下計呢? 我地被網上光鮮的環境實圖吸引, 一行十人黎到繁華鬧市中的小閣。地方雖小, 但五臟俱全, menu 有很多選擇, 普通飲品到無厘頭飲品都有; board game 亦都頗齊全, 店員自製Pictionary 的畫紙tim。食物好快上枱。飲品唔會太甜, 啱曬怕甜的朋友頭盤每人一碟少津, 生果沒有發黃, 醬汁洽到好處, 只係分量多到啃唔落主菜主菜每人唔同, 肉醬意粉的確唔錯, 與普通意粉屋的不相佰仲; 然而其中一位朋友果碟”豚肉水飯” 真係天壤之別, 外形無錯cut 得圓圓扁扁好整齊, 但罐頭狗飯都係咁的樣…. 味道仲奇, 尤如漲了水的飯曬乾再泡水, 食之無味, 朋友吃得叫苦連天。甜品有幾種cake 揀, 朱古力cake 無咩朱古力味。至於服務方面, 開頭係由一位恭恭敬敬的女侍應招待我地。原來水飯先係開始, 依家黎料了。當我地一邊廂吃得喜孜孜的時候(只係for肉醬意粉), 另一邊廂來了19位客人, 另一位女侍應隨即前來喝道:「佢地19個! 你地要換枱!」呢個時段有d尷尬, 我地唔係啱啱坐低, 唔係傾緊計, 唔係