等你 _ _ (已結業)

上星期同朋友去筲箕灣東大街搵野食，咁啱見到呢間新開嘅台灣野，又幾多人食緊就決定入黎試下。呢間餐廳嘅菜式唔算話好多，都係一般嘅台灣小食、飯麵、台式飲品咁，所以我地都好快諗到食咩。首先叫左百香果綠茶，味道清清地，唔會好似其他台式飲品店咁甜，唔錯唔錯！朋友order左水果茶，佢話覺得好好飲，好大樽而且有好多生果。小食就揀左兩款。臭豆腐唔係好多餐廳有，炸得幾脆 ，加埋甜醬辣醬冇得輸！另外叫左花枝丸，脆得黎唔會太多粉，又大粒又彈牙。主食方面，牛肉麵都幾足料，牛肉幾入味唔會太辣，只係略嫌個湯比較淡味。大腸蚵仔麵線份量都好多，大腸好正唔會太un，不過個湯再濃味D就更好。

由於我地公司都近東大街, 所以我地成班同事經常會過黎呢邊食晏, 基本上由街頭至街尾, 酒樓至小食我地都食勻, 先前食晏時已經見到呢間店名咁特別嘅台式小店"等你_ _ _", 趁大家今晚大家都收6點, 收工就一齊去食返餐。😋等你_ _ _位於東大街近電車總站果一邊, 門牌全黑色, 非常突出, 餐廳面積唔大, 只有5, 6張枱, 裝修簡約中帶點型格, 另外, 除了餐具擺設有台式同老香港風格外, 餐廳播放的國語流行曲亦好台灣😙, 我到餐廳時未到7點, 客人唔多, 不過7點半左右就已經全店爆滿。我地一行4人, 兩男兩女, 點左一個滷肉飯, 一碗牛肉麵, 一個拼盤同一客臭豆腐share, 另外因為飯麵同炸物都可以加$10配飲品, 我揀左珍珠奶茶, 同事點左柑桔檸檬綠茶, 女士們因為要食芋圓所以冇點飲品。😝凍黑糖珍珠奶茶($10)、凍柑桔檸檬綠茶($10)雖然加配只係$10一杯, 不過兩杯台式飲品都好大杯, 我杯黑糖珍珠奶茶茶味好突出, 珍珠香甜煙韌。😋等你拼盤($40)呢個滷水拼盤有雞翼、豆腐、滷蛋同我最鍾意嘅邪惡滷大腸，入味之餘唔會太鹹，而且份量好多，我地4個人share都夠食。👍招牌臭豆腐(

今日又黎到筲箕灣東大街試等你_ _。到底係等你_ _？其實都唔重要，重要係佢既食物得唔得到我歡心。門面都幾暗下，同其他食肆比較真係暗左一段，希望老闆整番幾支燈射下。內裡都幾骨子，有好多八、九十年代既歌星畫像飲品紅豆奶茶有很重的紅豆味黑糖珍珠奶茶味道不俗招牌臭豆腐未食已經有陣陣臭豆腐香味，入口鬆化，豆香味重，一定要點辣醬，有點辣醬好食多幾倍，而本身係即叫即炸，非在微波爐翻熱，所以食落唔係太重油膩感。炸花枝丸同樣係即叫即製，入口外脆內熱，肉質彈牙，配沙津醬令味道更突出。紅燒牛肉飯牛肉帶筋有咬口，而本身肉質幾腍，成個飯帶點辣可以刺激食欲。招寶飯分量極多，可謂一般飯的1.5倍，雞翼、大腸非常入味，豆腐大大件好香口，魯肉整得好入味，鹽酥雞即炸非常香脆多汁。

見到門面覺得好好笑，台灣嘢真窩心，等我喎，嗱嗱聲入去啦! 台式小店梗係要食下滷肉飯呀、紅燒牛肉飯啦! 呢兩個係最易睇到間舖頭做得好唔好基本台式功夫既！同意嗎？但兩個飯當然唔夠滿足我哋既食欲啦，要叫番啲鹵水小食就梗既，所以叫咗個綜合併盤，而當中嘅滷水豆腐大家一定一定唔好錯過😋 。滷肉飯味道好好，肉碎都好嫩，唔會太鹹。紅燒牛肉就細件咗啲，呢個冇咁抵食，但味道都可以。 啲飯有菜、有鹵水蛋，呢個亦係我鍾意台灣飯嘅原因（夠全面）!飲品就叫咗凍仙草布甸奶茶， 跟餐加小小錢就有，平出面成十蚊，仲唔會太甜，好開心 ！我去台灣食店最開心就係有飯，有小食，又配親一款台式飲品咁好。 而且價錢一般都唔會貴得去邊👍糧頭糧尾都可以去得!

啱啱行過見開咗間新店，最近又想食台灣嘢，所以好興奮咁入咗去試。入到去裝修都唔差，座位都算闊落。一入去聽到廚房話雞排賣哂，所以就叫咗兩個豆腐滷肉飯，一個水餃麵。點知幾分鐘後有個全程黑面嘅女人（唔知係侍應定老闆）走埋嚟飛張點餐紙再丟支筆落枱，拋低一句“我哋冇水餃喎”，跟住就即刻飄走咗。我哋成張枱都呆咗，佢講到好似我哋強人所難要食水餃，但係明明係餐牌上面有㗎喎。賣哂你係唔係可以交代清楚啲呀。我都吾係想你道歉，但係佢嘅態度真係好古怪，好冇禮貌。隔咗陣有個男人走埋嚟問係唔係有嗌奶茶，我哋答佢係，佢放低咗唔夠幾秒又走過嚟攞番走，都唔知佢做乜。感覺成間鋪頭好混亂，服務態度亦都唔好。譬如珍珠奶茶未飲佢就收走支飲筒等等。雖然碗飯係幾好食，但係個黑面女人真係好恐怖。另外，食台灣嘢梗係要試珍珠奶茶，但係佢杯茶得淡奶味，茶味要聞先聞到，飲落真係無乜。

之所以試呢間餐廳其實係為咗杯台式飲品。喺度食嘢+$10就有杯手搖杯飲，優惠幾吸引。呢杯熱柑桔檸檬綠茶酸酸甜甜好開胃。以$3加咗愛玉，好彈牙，可惜不消一回就被熱茶完全溶化...只好經一事長一智~芒果多多特飲即係芒果加益力多。雖然冇睇到佢係咪用鮮芒果，但味道唔假，亦唔會太甜。招寶飯雖然比較貴，但佢雜綿得嚟絕對唔係每樣比一啖仔你試味。眼前臭豆腐、滷蛋...完全掩蓋白飯，望落十足一碗滷水拼盤。當中豬腸滷得最入味，一半係肥一半係瘦腸，唔知係咪刻意安排，但我覺得咁配搭啱啱好。因為瘦嗰種比較入味，但肥嘅就比較有咬口，各有各好~蚵仔麵線好足料。冇專登去數，但起馬食咗5粒蚵仔，仲一啲腥味都冇~見店入面唔少人都係叫一杯飲品就坐低，估唔到香港地仲有呢種消費廿幾蚊就可以堂食嘅小店~

去過一次台灣，誤打誤撞咁食到一碗油香滿溢嘅滷肉飯，之後喺香港都食唔返一樣水準嘅滷肉飯。坦白講，等你_ _仲係開業冇幾耐，食物質素講唔上令人一試難忘。但今日一碗滷肉飯比起我喺香港食過嘅唔少「名店」都好食，做到油而不膩。會食呢間餐廳唔多唔少都係因為睇咗有關店主嘅故事—店名嘅由來...情情愛愛，過份吹噓令人生厭，但店主願意以一份思念嚟經營餐廳，呢份單純，人愈大愈覺難能可貴...復古嘅點唱機播住流行曲，往昔總有段日子比較美好...如果下午茶時段嚟嗌呢壼牛蒡茶，點份小食，大概可以悠閒坐坐。材料包括牛蒡、杞子、紅棗...牛蒡味好出，清香消滯。杞子同紅棗唔太出味，但牛蒡香氣已值回票價。喺香港地好少可以喺cafe以外嘅地方慢慢歎茶~紅燒牛肉麵定價唔算超值，但肉量幾足。湯底紅蘿蔔甜味同八角味幾出，湯底認真準備。葱花分開裝住，貼心服務。雞排滷肉飯份量比牛肉麵大得多。雞排幾大份，肉並無炸得過老，外皮幾脆。望見滷肉比較大粒，起初仲擔心會唔夠稔。因為喺台灣食到嘅都係5mm左右嘅大小。不過入口油脂部分即時溶化，滲出油香。肉粒大啲，更食到肉味，反而幾乎合港人口味。滷蛋唔係溏心，但滷得入味，而且冇滷到硬晒，蛋白蛋黃都

等你__等我__定等他？餐廳個名有啲似等一個人的咖啡既感覺，哈哈。餐廳唔算好大，約有10張枱左右，樓面主要有一個職員，雖然好多食物都係即叫即整，但係上菜都算快。門口貼滿餐牌，一目了然，價錢唔算貴。紅豆奶茶+仙草好大杯，重奶味，夠凍，自己可以係餐單上面揀返多冰少冰、甜度等。第一次食飲，所以無點更改，個人覺得偏甜。牛蒡茶天氣凍嘅時候飲好暖身，飲落有紅棗嘅香味。一壺可以飲好耐！炸花枝丸即叫即炸，所以好脆皮、好熱。花枝丸好彈牙，可以食到一粒粒好大嘅魷魚。幾鍾意呢一個炸花枝丸。鹵肉豆腐飯滷肉同埋豆腐都好入味，鹵肉係半肥瘦，一粒粒咁，撈埋啲汁同埋飯食幾好味。豆腐好嫩滑。招寶飯餸好多， 例如有鹵豆腐、大腸、滷蛋、滷水雞翼同埋鹵肉等。呢一個飯仲會包埋鹽酥雞，所以唔需要另外自己再嗌。一碗既招寶飯就可以食晒台灣既特色食物！唔錯既台式餐廳！

招牌臭豆腐，嗅落臭，但食落唔夠臭，不過唔太油同乾身真係無得輸。鍾意食芫茜嘅朋友可以將芫茜連豆腐再點甜醬食，有另一番風味😛炸花枝丸，今餐最欣賞的食物，唔油膩，花枝夠，口感不錯👍🏻招寶飯，性價比高，適合想試晒所有食物的吃貨，不過略嫌飯唔夠熱，味道偏淡。滷水雞翼麵，穩陣之選招牌水果茶，少見用紅龍果做的水果茶，比坊間的偏淡，但亦相對健康、少甜。凍蜂蜜檸檬綠茶，茶味較濃，偏苦澀，多少少蜂蜜就更好啦🤭。

餐廳入面充斥住臭豆腐味及油煙味，食完成身都係味。叫左個魯肉飯，d 魯肉唔夠碎，味道一般。台式飲品無驚喜。喇叭座地，坐後面好嘈，傾唔到計。雜物求其堆放喺後面，拎野會阻到坐後面既客人。野食等左25分鐘都未到，追單後5分鐘淨係碗飯先上，炸雞後上，應該漏單，不過侍應有主動道歉。

呢間餐廳應該係新開，之前行過都唔覺有，今日見佢入邊有位，同埋想飲珍珠奶茶，就決定今晚係邊度開餐啦！餐廳唔算好大，但台式啲嘢食都唔少，尤其是係飲品，同食物一樣，佔咗餐單嘅一半位置。🤣先先叫在個三犇麵，真係唔係好識讀呢隻字。🤣🤣佢係用藥膳做湯底，所以嚟到嘅時候好香藥膳嘅味道。而且啲味道已經浸入晒肉入面，所以牛肉好入味、好香同埋炆到好林。個面底一共有兩種面，一個白色一個黃色，我估應該都係粗麵黎。比較起上嚟，白色嗰果會諗少少。呢一個招寶飯真係好豐富，有大腸、雞翼、豆腐、鹵肉、滷蛋同埋鹽酥雞。一次過可以滿足晒你幾個願望！🤤🤤每一個食物都好入味，但唔會好鹹。大腸好爽，而雞翼同埋豆腐都好嫩滑。如果你黎呢度食，一定要叫呢個招寶飯！鹽酥雞都係呢個餐包埋嘅，即叫即炸，所以好鬆脆，好香，入邊雞肉葉過，所以好入味！食台灣野唔一定飲珍珠奶茶，加上天氣凍，所以朋友就叫咗壺蕎麥茶。茶壺同杯都好靚，好驚打爛，哈哈。好香麥既味道，冬天飲落好舒服！而我就叫咗一杯仙草我的奶茶。材料好豐富，好多仙草同埋布丁啫哩。重奶味，有少少偏甜，所以唔鍾意太甜嘅朋友，記得要嗌少甜。係一間唔錯嘅台灣餐廳，價錢唔貴，見到都有唔少人叫外賣拎走，

Haven't been to SKW for ages so decided to go there and have a look.Went here because they have my favourite stinky tofu.The tofu was crispy but not as pungent as you would expect but saying that, some people said they could smell it when they came in.Also had the beef noodles which had a strong soup, it was a little bit spicy.For drinks had the Earl grey with red tea, the bergamot flavouring was very promient.The hot fruit tea was big and made with fresh fruits!If you are a fan of Anita Mui and

當入鋪既時候，除左嗅到炸雞的味道，仲有一陣另外的味道，當我睇點單紙時，就知係咩味，係炸雞味混入左一絲臭豆腐的味道好耐無食過臭豆腐啦，當然要叫，之後再叫碗紅燒牛肉味，等你拼盤，水果茶，熱的碳燒烏龍珍珠奶茶首先到的牛肉麵，上面好多牛肉，食落唔算韌，味道少少辣好惹味，之後到的係我好期待的臭豆腐，炸到好香脆，食臭豆腐當然要有辣醬同甜醬，無敵的組合，食落臭味好足夠，可以食下臭豆腐已經好滿足水果茶都好好飲，入面有幾種水果，有埋好野紅火龍果，而且我再要求加埋愛玉，再有野咬下最後覺得仲未飽，叫多碗大腸蚵仔麵線，點知大碗到呢，又足料，感覺似平時4碗麵線加埋的份量，食埋飽到上心口

唔想寫太多 因為新開張 水準唔太穩定 唔想俾分比同區價錢算貴 唔太抵食品飲品味道 有待改善選擇少 叫左香酥雞排麫份量唔多 雞排香脆唔錯但碗麫完全無味 共$42加$10有飲品-珍珠奶茶珍珠彈口 不過奶茶無味好大杯 都唔知飲唔飲好