篤篤船麵 (V Walk)

營業中

休息中

唔知你地多唔多去v walk 搵食嘅嘅🤭佢開左之後，我久唔久都會去下，貪佢夠多唔同款式嘅嘢食丫ma🙈今次就試左一間泰國嘢，都唔錯woo🌟海南雞金邊粉凍凍地真係寧舍想食粉麵，我就叫左海南雞金邊粉，佢嘅海南雞整得好滑身🤭又唔肥🙈啱晒我依啲減肥嘅人，佢嘅湯底都幾濃架，有少少骨味，唔錯唔錯🌟酸辣鳳爪沙律食泰國嘢都會叫呢個酸辣鳳爪，貪佢夠開胃。佢嘅份量都幾大㗎，加埋木瓜絲同蕃茄仔👍做小食一流🌟泰式蝦餅蝦餅好脆口，炸粉都唔厚，加堆酸辣醬👍👍🌟泰式香葉碎煎蛋飯朋友仔就叫左個肉碎煎蛋飯，一如既往香草味都幾濃嘅，加埋係肉碎度食都幾惹味🤭加埋煎到啱啱好嘅太陽蛋🌟芒果糯米飯佢個芒果糯米飯真係要試吓，上枱嘅時候糯米飯係熱辣辣架🤭整到超級軟腍腍，加埋香甜芒果餐飯完美🤭🤭🍴篤篤船麵 (V Walk) (深水埗)📍深水埗深旺道28號V Walk 2樓L2-147號舖

今日去V walk 睇戲前在「篤篤船麵」醫咗肚先.. 篤篤船麵店內面積不大,但座位都寬敞，店內是用上木凳仔加埋牆上壁畫都幾用泰國feel😂泰式蝦餅，跟餐加$24可以優惠價選配 , 1碟有4小件, 蝦肉有彈性👍生菜包，肉碎和生菜肉碎份量不少，生菜夠鮮綠而且夠大塊，包肉碎剛剛好👍泰式海南雞拼豬扒飯，海南雞和豬扒份量足，豬扒肉質鮮嫩唔鞋口！海南雞肉質也不錯！芒果糯米飯，芒果好甜唔酸，糯米口感軟糯！芒果椰奶露，支裝，味道又估唔不會太甜👍

同屋企人行過見到裝修到七彩得黎幾有泰國風味，入去食左餐晚飯。什錦船河最正係湯底好濃，河粉幼滑，其他餸料每樣一兩件，至在咩都有啲。聽講呢度豬手係招牌野，食左個豬手撈金邊粉，外型好吸引。豬手果然係好食，豬皮煙韌好惹味嘅醬汁，點少少酸甜醬都好食。呢度小食拼盤算最抵食，每樣有3-4件，當中魚餅、蝦棗同蝦球都幾好食，鍾意佢香草味夠，蝦球夠彈牙。呢度仲有其他小食、甜品同飲品，例如班蘭千層糕、青木瓜沙律、泰式幼茶之類，可以話最特別係班蘭糕，因為口感少少粉，食入口除咗班蘭味仲有少少好似香蕉糕嘅味。

跑完步經過見到呢間餐廳幾正就入咗去試，呢間餐廳都好多連鎖店，環境唔錯，Menu價錢都唔貴，主打船麵海南雞飯仲有金邊粉，各式各樣嘅泰國菜，份量都好足料，晚餐嚟講性價比都幾高嘅一間餐廳都幾吸引🤩秘製泰式燒豬頸肉：$88燒豬頸肉嚟到都好足料，配上青咖喱汁都幾正，肉質好鬆軟燒得靚又唔會乾，青咖喱又唔辣攞嚟撈飯就一流👍🏻海南雞飯：$88海南雞肉質非常滑嫩，雞皮彈牙，配埋油飯絕配😎呢間嘅海南雞飯冇得頂👍🏻幾錢？

船麵湯底甜， 海南雞不錯，泰式奶茶無乜味。但服務就非常差。 9:30收鋪，8:45 last order. 都合理， 但服務員在8:50不斷叫客人埋單， 我同隔離枱客正在進食， 佢地就不斷行埋黎催埋單。仲要客出去收銀處理。態度就係表示唔好阻佢埋數同收工。

Intro: 呢一日咁岩就黎到vWalk，就發覺佢地呢邊嘅商場都係好多連鎖店，而有一間叫篤篤船麵，但發覺佢地嘅menu唔算太貴，晚餐可以70-80內埋單，仲有唔少嘅選擇～___________________🍽 豬頸肉「泰式撈」金邊粉🍽 海南雞「泰式撈」金邊粉💰 68 ⭐️8/10✍🏻 估唔到有驚喜嘅係豬頸肉係燒嘅形式，仲有好多片；✍🏻 而豬頸肉燒得好靚而唔會乾，肉汁夠；✍🏻 雖然海南雞嘅份量幾多，但肉質就比較韌左少少而無咁滑；✍🏻 金邊粉嘅茄汁味好夠，炒得幾香，乾濕嘅程度岩岩好。 🍹泰式奶茶💰 跟餐+$8 ⭐️8/10✍🏻 泰式奶茶比較正宗，茶底都幾香；✍🏻 奶茶都幾大杯，奶味同泰國嘅差唔多。___________________🏠 篤篤船麵📍 深水埗深旺道28號V Walk 2樓L2-147號舖⭐️ 8/10___________________

呢間經濟實惠嘅小店真係可以食得好飽又抵食！我叫咗佢哋嘅什錦船湯河金邊粉，只要$68就有魚蛋、豬肉丸、豬肉、扎肉豬同紅等等，好多料呀！湯底好鮮甜，金邊粉又彈牙，真係啱晒我嘅口味。我仲叫咗泰式蝦餅，加+$24就有一份。蝦餅一小件好易食，炸得香脆，好好味，再叫埋一杯熱柚子蜜，解膩又開胃。另外，我仲揀咗肥牛船湯全蛋麵，$70食到好飽。湯底好濃郁，肥牛好嫩滑，全蛋麵唔錯。我仲另外加咗泰式魚餅，只係$22，炸煎得香。再散叫一份油菜$28。

今天下班去了找舊同事吃飯，為了方便就選了在他公司附近吃，不過想不到這間的性價比比想像中的要高呢！泰式海南雞拼豬頸肉飯（８１元）份量比想像中的要大，而且全是肉，食肉獸表示很滿足！豬頸肉燒得表面焦香，裡裡爽滑多汁，配上辣辣甜甜的醬汁很解膩！海南雞肉質非常滑嫩，雞皮彈牙！泰式黃咖哩牛肉飯（６８元）牛肉的量也很多，沒有太多的薯仔佔位置！牛肉有醃過的，所以吃起來口感挺滑嫩的。黃咖哩味道帶濃濃的椰汁香，味道帶點甜，微微辣左右。正宗泰式豬手（例牌）（８８元）豬手煮得剛剛好，吃起來豬皮還帶點軟糯彈牙的口感，但吃起來完全不會覺得油膩，肉質也比較嫩。整體味道甜味會比較突出，亦可以配上蒜香醬來吃！酸辣鳳爪沙津（套餐＋２４元）２４元但鳳爪的份量挺多，吃起來酸辣爽脆！泰式蝦餅（套餐＋２４元）蝦的比重挺高，吃起來爽滑彈牙，外層香脆！汽水（５元）

吃了很多人推薦的泰式豬頸肉撈金邊粉，豬頸肉偏硬，配的醬汁吃起來有一點臭臭的味道，金邊粉則是奇酸無比，很難下咽。中午吃完一直到晚上肚子都不舒服。唯一值得稱讚的是店員態度非常好。

又想食海南雞，又想食炭燒豬頸肉，呢度有個海南雞拼豬頸肉飯，一次過可以滿足兩個願望。海南雞非常出色，雞肉去咗骨，方便食用。浸雞嘅時間亦都啱啱好，所以雞肉嫩滑無比。選用嘅雞隻唔會太肥，所以冇乜皮下脂肪，唔可以太油膩。咁啱廚師俾咗雞上髀嘅位置，真係好彩。炭燒豬頸肉亦都唔錯，外層燒到好香，咬落去油香充滿口腔。另外仲叫咗一個肥牛船河，船河湯底味道濃郁，牛肉嘅份量都幾多。然後跟餐加埋小食，炸蝦餅同埋炸魚餅，兩款都真材實料，食得出滿滿嘅蝦肉同埋魚肉，唔會好多粉，口感彈牙。

下雨天唯有在地鐵沿線商場搵食VWALK係一個我好耐無接觸既地方今晚黎到去左呢間篤篤船麵食泰式小店最出名係船麵，海南雞同咖哩而且在大商場入面價錢認真平民餐廳在晚飯時段幾乎坐無虛席亦都吸引好多附近居民買外賣 //什錦船湯河 $68//勁大碗份量十足湯底香料味好重入口好濃郁好正宗 配料超多有豬紅、魚蛋、豬肉丸、扎肉、牛肉、蘿蔔魚蛋同豬肉丸彈牙 蘿蔔超淋 //香茅雞翼 $22//單骨雞翼香茅味好出好香雞翼燒到表面焦香入面肉嫩多汁再點埋泰式甜辣醬惹味又開胃 最適合夏天食 //泰式奶茶 +$8//泰式奶茶正宗口感茶夠香奶夠滑唔會好甜 不錯 //泰式黃咖哩雞跟飯 $68//份量剛剛好 咖哩入口不會太辣而且用多種配料香料烹調而成咖哩夠晒香而且入口甜甜的雞肉嫩滑吸收晒咖哩汁送飯絕對係一流 //泰式蝦餅 $24//炸粉夠薄唔會好油口感彈牙蝦味夠濃配上泰式辣醬 好香口 //熱柚子蜜 +$8//甜度剛好 也配搭濃味的咖哩可以清涼滋味一番

放工去咗深水圳探班等埋同事一齊收工，諗住近近地食啲野，同事提議去V Walk大把野食，行咗陣見到有間食泰國船河嘅「篤篤船麵」問我一定係揀呢間架，因為我真係好鍾意食泰國野😆雜錦船河材料勁豐富，有炸豬皮、魚蛋、豬肉丸、牛肉、扎肉、豬紅、蘿蔔、芽菜，河粉細滑，牛肉鮮嫩，湯底味道濃郁，加入雨露同辣椒粉正宗泰式味道👍🏻香茅豬扒金邊粉豬扒煎得金黃香口，色香味俱全，肉質鬆軟唔嚡口，揀咗清湯底，湯底清甜，飲晒啲湯都唔會覺得口渴泰式豬手飯豬手啖啖肉，豬皮煙靭Q彈有咬口，一啲都唔會覺得肥膩，食落滿滿嘅骨膠原添，點上酸辣汁更加惹味香茅雞翼單骨雞翼一啖一隻，香茅味香濃，皮脆肉嫩非常食👍🏻泰式蝦餅啱啱炸起熱辣辣脆卜卜，蝦肉彈牙，真材實料泰式奶茶茶味香濃奶味重，夠晒正宗青檸梳打酸酸地唔會太甜，清爽✌🏻📍篤篤船麵 (V Walk) (深水埗)深水埗深旺道28號V Walk 2樓L2-147號舖人均消費：$100-150食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐

今日黎v walk打算食個快飯，見到都幾多人就入黎食泰國野。餐廳款式都幾多，不過好似主打船面。我同朋友各自叫左一碗麵加小食，再share個甜品都係200幾蚊好抵食。冬陰功魚蛋金邊粉。好大碗，而且味道香濃，金邊粉煮得剛剛好，有咬口。雜錦船面有魚蛋，豬肉丸，牛肉，豬紅，好足料。湯底味道濃郁，甜甜地又香，都幾正宗。小食方面叫左青木瓜沙律同魚餅。魚餅炸得好香，咬落彈牙有魚味。青木瓜沙律份量多，味道就同平時食開嘅差唔多，都幾唔錯不過可以辣d。甜品最有驚喜，係斑斕千層糕。熱辣辣軟淋淋，點埋d帶有鹹味嘅椰汁都幾好食。整體餐廳上菜速度好快，裝修係街頭風都有心思，呢個價錢難得唔洗搭台，或者台同台之間好迫，都真係好唔錯。

今日同朋友嚟咗南昌呢一邊探朋友，他們朋友之後就去咗呢一間喺商場嘅餐廳食飯，我同朋友都諗住食少少做下午茶就算數，所以就揀咗呢一間泰菜，我哋打算叫幾個唔同嘅菜式share! 價錢嚟講呢一間餐廳都唔算太貴，而且服務態度都唔錯我哋叫咗個泰式豬手，豬手炆得非常林，就係正宗嘅泰國口味，而且味道亦都唔會太鹹，啱晒我同朋友嘅口味，啖啖肉非常好食！另外我哋叫咗一個雜錦湯河，咩都有啲，同泰國嘅味道其實都好差唔多，特別鍾意食佢嘅扎肉，黑椒味非常突出，湯河亦都有好多唔同嘅配料，包括有魚蛋，豬肉丸，牛丸，豬皮豬紅仲有肥牛，真係有好多唔同嘅嘢食，啱晒我哋呢啲每樣都鍾意食少少嘅人！我同朋友都非常鍾意！最後叫咗個西米糕，亦都味道非常傳統，價錢嚟講亦都非常對得住呢一個價錢，我哋都形容CP值非常高，用嚟做甜品作結！下午茶嚟講我哋食咗四樣嘢都係大概每人$100，喺商場食嚟講呢一個價錢都係差唔多，再加埋其實店員嘅態度都非常友善，有機會過嚟呢邊會再幫襯呢一間泰式嘅餐廳，good!!

泰.滋味分享套餐選擇困難症既岩曬簡呢一個set，唔洗自己簡，但又小食、主菜同甜品都有齊曬，價錢仲要好抵酸辣鳳爪沙律係無骨鳳爪，鳳爪爽脆有彈性，醬汁酸辣入味泰式炸魚餅魚餅炸到金黃酥脆，魚肉鮮嫩多汁，配上泰式醬汁，酸甜微辣，口感豐富泰式豬頸肉飯豬頸肉燒到得外脆內嫩，肉質鮮美多汁，而且份量好多，夠曬飽海南雞船湯河有濃郁嘅雞湯味道，雞肉滑嫩，配上滑溜溜嘅河粉，口感豐富，清爽又暖胃中意魚露既可以加少少自家制魚露提鮮，但加左辣椒，少少就好夠，唔係就會蓋過左本身湯底既味芒果糯米飯糯米飯軟糯香甜，配上新鮮芒果肉，酸甜口感完美結合，個人中意斑斕味多D，再香甜D 泰式奶茶口感醇厚，茶香同奶香既結合，令到飲品苦中帶甜