影片
更多
2022-01-07
67 瀏覽
禁晚市堂食14日之前嘅最後晚餐，好想食泰國菜，搵到呢間都已經開咗一段時間嘅餐廳。有啲後悔應該一早嚟試，食多幾次。泰抵食二人餐多啲嘢揀價錢又唔係太貴。堂食免+1，人均都係$100左右!!!果然太抵食呀前菜揀咗呢個泰式鹹蛋木瓜沙律，實物同宣傳照一模一樣呢，好開心，因為好大一碟！我覺得都係以酸辣為主，甜同鹹都唔係好食得出，雖然佢真係有鹹蛋（白色個啲），但係食物一有辣味好容易蓋過其他味道。話辣又唔係真係好辣，不過都已經算係今晚最辣嗰樣食物。青木瓜切得好平均嘅一絲絲好爽脆，絕對係一個開胃嘅前菜。主菜之一：芭堤雅燒雞髀啖啖肉唔係太肥膩/咸。切件咁上絕對方便分嚟食用主菜之二：紅咖喱牛腩呢個有驚喜，好特別，因為佢啲咖喱汁好重椰子香味～令到成碟菜都係甜多過辣。除咗牛腩仲有蘿蔔同薯仔🥔送飯一流。有啲嫌個飯份量唔夠多添套餐奉送嘅泰式船麵同白飯。個船麵反而一般般，可能諗住呢間餐廳叫篤篤船麵，以為係佢嘅招牌菜期望高咗啲，同埋佢個湯底嘅顏色有啲烏黑唔係好討好？Anyways味道係正常發揮嘅。小食：四式拼盤大部份都係煎炸嘅傳統泰式小食：炸春卷、蝦餅、蔗蝦同魚餅。呢啲真係現場堂食最好，熱辣辣夠新鮮同埋香脆，如果外賣拎
泰抵食二人餐多啲嘢揀價錢又唔係太貴。堂食免+1，人均都係$100左右!!!果然太抵食呀
前菜揀咗呢個泰式鹹蛋木瓜沙律，實物同宣傳照一模一樣呢，好開心，因為好大一碟！
我覺得都係以酸辣為主，甜同鹹都唔係好食得出，雖然佢真係有鹹蛋（白色個啲），但係食物一有辣味好容易蓋過其他味道。話辣又唔係真係好辣，不過都已經算係今晚最辣嗰樣食物。青木瓜切得好平均嘅一絲絲好爽脆，絕對係一個開胃嘅前菜。
主菜之一：芭堤雅燒雞髀
啖啖肉唔係太肥膩/咸。切件咁上絕對方便分嚟食用
主菜之二：紅咖喱牛腩
呢個有驚喜，好特別，因為佢啲咖喱汁好重椰子香味～令到成碟菜都係甜多過辣。除咗牛腩仲有蘿蔔同薯仔🥔送飯一流。有啲嫌個飯份量唔夠多添
套餐奉送嘅泰式船麵同白飯。個船麵反而一般般，可能諗住呢間餐廳叫篤篤船麵，以為係佢嘅招牌菜期望高咗啲，同埋佢個湯底嘅顏色有啲烏黑唔係好討好？Anyways味道係正常發揮嘅。
小食：四式拼盤
大部份都係煎炸嘅傳統泰式小食：炸春卷、蝦餅、蔗蝦同魚餅。呢啲真係現場堂食最好，熱辣辣夠新鮮同埋香脆，如果外賣拎走唔係即刻食好快就淋晒
各有兩件好好分，又唔會食到好飽。如果鍾意食到好飽嘅仲可以揀其他小食，例如串燒。
呢個魚餅幾好食㗎😋少少辣，入面又有啲香茅。就算唔沾佢嗰個泰式酸辣醬都已經好好食啦！
飲品揀咗熱泰式金橘檸檬綠茶同芒果味蘭香籽，後者特別好飲，真係made in Thailand
額外加多咗個菜，完滿結束呢一餐
希望遲啲有機會試埋佢上面呢啲必食推介啦。
P.S. 餐廳整體都好衛生，例如呢一個筷子座，用個膠杯套起，呢啲細節位就睇到佢嘅細心另外都坐得舒服。有顏色嘅木凳仔好得意。
張貼
