篤篤船麵 (荃灣千色匯) (已結業)

想試有些餐前小食及生蝦刺身，就點了二人餐，可惜份量卻嚴重不足，擺盤完全不吸引，也像一人餐的份量，酸辣鳳爪味道尚可，香矛豬扒很乾硬，而燒肉配海南雞，燒肉就只有薄薄4片，燒肉皮不太脆，泰式海南雞也是偏乾的，份量與味道比較好的算是生蝦刺身，除了飯，船粉各一的份量算是比較合格，餸每碟份量其實都偏少，連加錢點的奶茶也是小杯的，二人餐價錢還有點高，份量完全對不起這個價錢，性價比低！ 目測一人份量的飯麵套餐份量還足，應該單點兩份套餐會比這個還飽足，強烈建議應點一人套餐！

估唔到船麵都有咁多選擇🤔呢間店有好多款選擇多元化嘅菜式呢個係新產品☺️又估唔到有驚喜喎推介系列🤩慢煮牛柳濃湯船麵🍲慢煮牛柳呈粉紅色🐮肉質十分軟嫩，超juicy，鎖緊肉汁牛味濃郁，每一淡都好重牛味👍🏻湯底味道比坊間嘅更濃厚, 更香醇, 啖啖地道泰國風味，係疫情期間都可以食到正宗泰式風味😋慢煮牛柳加牛濃湯, Double 滋味😍😍湯都飲埋😆可選金邊粉2. 泰式鹹蛋木瓜沙律🥗呢個真係緊貼潮流尖端嘅鹹蛋系列木瓜沙律加入鹹蛋🥗🥚味道清爽獨特又開胃沙律有木瓜, 青檸, 魚露, 辣椒碎等, 一次過食到酸, 甜, 辣, 咸，入口有不同層次嘅味道😄真係夏天消暑必食泰式滷水鴨血: 用泰式滷水汁熬煮鴨血，味道香濃又多汁

篤篤船麵今日想食啲泰國嘢，就去咗千色匯呢間篤篤船麵試吓。慢煮牛柳濃湯船麵慢煮牛柳好腍，一啲都唔鞋，加上濃濃嘅湯底，同特色嘅雞蛋麵。值得一提嘅係脆卜卜嘅炸豬皮，索咗啲湯汁真係好好味，口感賣相味道都一流！泰式鹹蛋木瓜沙律因為對花生敏感所以呢個沙律叫咗走花生。爽脆嘅木瓜絲，加上豆角洋蔥番茄仔，酸酸甜甜脆脆，特色嘅係加咗鹹蛋碎，增添一份鹹香。泰式鳳爪沙律無骨鳳爪酸酸甜甜非常開胃！泰式脆皮燒腩仔燒腩仔個皮燒到脆卜卜，加埋燒到好Juicy嘅肉，一啖一舊！小食拼盤拼盤有炸蝦餅，炸魚餅，蔗蝦同泰式春卷。當中比較出色嘅係蔗蝦，用蝦餅捲住細細碌蔗仔，蔗汁甜甜地，同蝦餅好夾！呢間餐廳CP值幾高，下次再嚟試埋個冬陰功湯！

今日同朋友去長沙灣，天氣又熱，所以想搵間開胃泰式餐廳。入到去，地方寬敞，座位舒服，佈置都有心思！事不宜遲，睇睇個餐牌先，餐廳主要以麵為主，好多唔同嘅選擇。最後選擇今日招牌菜！夏日開胃醒神系列慢煮牛柳濃湯船麵老闆話可以選擇唔同既麵底，有河粉，檬粉，米粉…咁我地選檬粉啦！麵上枱黎，第一時間係飲碗湯，牛肉味道香濃可口，牛肉更加唔洗講，軟滑香林，牛丸都勁香彈牙，勁好食，必點系列之一！泰式鹹蛋木瓜沙律酸甜咸辣，有齊晒咁多味，木瓜爽脆，仲有陣陣咸香，勁開胃醒神！篤篤秘製燒雞髀外脆內軟，出面皮勁香脆，肉汁勁多，成舊雞髀都好鬼多肉！正！泰式豬頸肉飯豬頸肉香林煙韌，一啲都唔嚡熠熠，有唔同醬，薑蓉，酸辣醬同木瓜絲，勁惹味！

今日做孝順女陪太婆去食飯，太婆話想食泰國菜，於是就揀咗呢一間睇落去都幾好食舖頭食嘢啦。我哋就揀咗佢推介嘅兩個嘢食，鹹蛋木瓜沙律，慢煮牛柳濃湯船麵，跟住仲叫咗個自選船麵，揀左牛腩，豬頸肉，牛丸嘅金邊粉薯麵。而嘢飲方面呢，我哋就叫咗泰式奶茶少冰，感受下泰式風情。鹹蛋木瓜沙律酸酸甜甜又辣辣地，非常之開胃下，鍾意重口味同埋食辣野嘅人一定要試吓黎做開胃菜。跟住仲有牛腩牛丸同埋豬頸肉嘅金邊粉，牛腩食落去非常之淋，好好食，豬頸肉亦都非常之鮮甜，好味淨係加兩蚊非常之抵。至於個牛柳濃湯船麵，湯底真係非常之濃，聞到好濃郁嘅牛肉味，配埋河粉非常之入味，牛柳肉質非常之鮮甜，放入口好嫩滑，唔會太熟或者太韌，咁就啱啱好啦。太婆食得好開心🥳。

禮拜六12點嚟有好多位，唔使等。原本想試莞茜山，但依家無左。睇左成個menu，選擇左食午巿套餐。喺9款入面揀左豬八戒船麵，檬粉辣湯底。加8蚊有幾款小食可以揀，我叫左春卷。飲品方面，可以只加2蚊要普通冷熱飲品，懶健康咁加12蚊叫左荔枝味嘅泰妹蘭香籽飲品嚟試。船麵濃湯底，辣湯OK，唔會太辣。份量都ok，但稍為大食少少嘅未必夠。春卷即炸夠脆，係飲品對於平時好一部分飲品都會走甜嘅我嚟講太甜。價錢我覺得正常，唔貴，但又未到抵食。整體嚟講我覺得ok，可以一食。

呢間船麵想試好耐，喺千色匯嗰邊🍜泰式紅咖喱無骨海南雞湯麵 $68 (7/10)湯揀左牛辣湯、幾辣，麵揀左全蛋麵，佢啲海南雞有骨😂，我覺得配其他麵會好啲🍜篤篤地道泰式細船麵 $55/ 5碗因為想試哂，所以揀1️⃣滑牛牛濃湯河粉 (7/10)食落似豬肉嘅牛肉，個湯好正2️⃣豬腩片豬濃湯河粉 (7/10)呢個湯都好食，我鍾意牛濃湯多啲，腩肉比左兩塊，正常3️⃣牛𦟌牛清湯全蛋麵 (7.5/10)呢個好好食，個湯同麵好夾4️⃣牛腩牛濃湯金邊粉 (7.3/10)呢個好食，但唔好放太耐，因為啲金邊粉好索湯5️⃣鴨血豬辣湯檬粉（5/10)呢個辣到我即刻叫左野飲😂，佢係嗱喉嚨會令到我咳嘅辣，個鴨血都ok嘅

今日係呢頭做野，諗起呢到有間船麵，所以過左黎食。朋友叫左碗泰式牛魔王船麵，湯底濃郁，材料唔少。而我就叫左個泰式滷水豬手飯，不過我走左個飯，因為我生酮緊所以就將個飯轉做生菜，餐廳都願意咁做。滷肉豬手好入味，軟林林，好正。

餐廳o係水泥牆同灰色地下、天花o既襯托之下，畫上靚靚泰國人民風情o既壁畫，再擺上五顏六色o既板凳，幾有格調~ 從幅畫中，可看出泰國船麵o係當地真係煮好之後，就o係d 河道上周圍叫賣，因此得名。既然係主打菜式我當然要試番下！自選大碗三味船麵($58 無加一) 可以揀三個餸，未計其他包埋o既佐料，感覺幾豐富。炸魚蛋呢因為佢有個standalone o既麵，泰式魚蛋係主角，所以想試，見d 魚蛋細細粒，自帶魚香~ 滑牛單獨o黎講可能未算好高級，但浸係牛濃湯裡面，即刻昇華番，味道也很不錯。至於豬大腸則係私心之選，不嬲都鍾意佢肥美o既口感。最重要都係個湯底，頭先講過係款牛濃湯，其實佢有好多選擇，淨係牛肉湯都可以揀濃湯、清湯定辣湯。深褐色o既湯底非常香濃，加上芫茜同炸蒜更具東南亞氣息，而隨麵又附上蘿蔔、豆卜同炸豆皮，呢d 吸汁都一流。將條卷卷豆皮輕輕浸浸，再趁脆擺入口，好玩又好食。另外叫o左一客小食，香茅雞中翼($25) 為拆開四小件，上檯時聞到好香，令人流晒口水！佢煎得夠晒香口，亦重香料o既味道，一啖一枝剛好。o係平日5:30pm 之前叫船麵會送冷熱飲品，雖然晚市做唔到優惠，不過一場o黎到都想試番

同領隊同事講起去泰國d低能野，又諗起熱死辣辣，正午時分仲要去河邊d市集到食船麵，最慘果到冷氣都冇🙈不過喺香港食就舒服得多啦，又有冷氣，又唔洗餵蚊😜🎈篤篤地道泰式細船麵 $13/1碗 $55/5碗有16款配料、5款麵底同6種湯底都可以自己揀，即係一共有480種組合😂😂😂講真自己叫完都背唔番d組合出黎🙈不過細細碗，咩味都試下係幾正😝建議食既順序由淡到濃，我係先食雞湯、最後先食辣，講真個辣湯後勁都幾強🤣🤣如果仲係唔夠味，餐廳仲提供砂糖、辣椒醋，魚露同埋辣椒粉，甜酸鹹辣咩都齊😈🎈慢煮牛柳濃湯船麵 $78呢個應該係新出品，當然要試下😋用左泰式牛骨湯做湯底、慢煮牛柳同埋牛丸。牛柳真係好淋，配埋濃湯底係幾正。另外亦都好欣賞個牛丸，彈牙又有咬口👍🏻👍🏻👍🏻🎈泰式鹹蛋木瓜沙律 $28食泰國野，木瓜沙律做前菜一定係開胃之選👍🏻木瓜沙律食得多，不過鹹蛋木瓜沙律都係第一次聽，食落除咗有平時酸酸辣辣嘅味道，仲多咗一份咸香😋😋

前排聽朋友推薦荃灣有超抵食船麵食5碗都只係$55 聽到都流晒口水🤤所以就決定黎食呢個"泰版嘅車仔麵"🇹🇭.🌟泰式燒頸肉飯 ($62)豬頸肉爽滑彈牙 厚薄啱啱好仲有木瓜絲、滷蛋跟餐 份量十足.🌟篤篤地道泰式細船麵$55呢個就係我地最期待嘅菜式🤩套餐包左五碗麵 客人可以剔紙仔🍜選擇每碗船麵一款: 1.配料 2.麵底 3.湯底配料選擇甚多 麵底有五款 湯底都有六款 仲有辣有唔辣食完五碗我覺得最好食嘅就係牛腩全蛋麵配牛辣湯牛腩夠大舊亦都好腍 配合埋牛辣湯嘅辣味簡直大大增強牛腩味 再加上彈牙蛋麵呢個組合好正😆.呢個船麵啱晒細食嘅朋友因為每款細細碗 就可以試到唔同款式滿足多個願望 又唔怕食唔晒 真係又平又抵食🤪.🌟泰式風味小食 餐廳亦都可以點泰式小食全部都細細碟咁就唔怕叫左成碟又食唔晒 仲可以過下口癮- 薄脆&炸豬皮 ($8)炸得非常香脆 炸豬皮仲好乾淨冇豬毛- 蔗蝦 ($16)呢個係用蝦餅捲着一條細細的蔗 而蔗咬落帶有微微嘅甜味 同蝦餅好夾🍤- 沙嗲串拼盤 （牛肉 、豬肉、雞肉）各一串 （$28）串燒醃得好入味肉質燒得恰到好處 腍得黎又唔乾身差d想食多幾串.🌟SingHa 泰啤 （$16）點左小

之前去泰國成日都會食船麵，因為船麵都可以話係當地特色而家原來荃灣都有船麵食， 餐廳嘅環境都有少許泰國嘅感覺原來佢哋而家做緊芫荽山推廣， 有個太多茜牛柳船麵有芫荽山 加埋芫荽湯底， 朋友好鍾意食完西，所以佢諗都唔諗就試呢個而我自己就叫咗幾碗細嘅船麵，每碗 都係$13 ， $55有5碗，仲可以揀唔同嘅湯底， 面底同埋配料個芫荽湯底做得幾好，除咗芫荽味香之外，同原本嘅湯底都好夾個牛柳好滑， 如果鍾意食芫荽嘅都應該要試吓我自己就叫咗三碗唔同湯底嘅船麵，但係同樣都係配金邊粉我叫咗牛骨濃湯、牛骨清湯同埋清雞湯底我自己唔知點解就比較鍾意清雞湯，但係另外兩個牛骨湯底味道都唔錯，而配料我就覺得個魚蛋幾彈牙幾好食，我自己食咗三碗就飽啦餐廳仲有其他小食供應，例如炸蝦餅同埋香茅雞翼飲品方面都幾有特色，唔少得嘅當然係泰式奶茶，味道都幾正宗整體來講都唔錯，會返轉頭再食

太耐無去泰國，朋友建議去食泰式船麵，於是黎左荃灣既篤篤船麵食晚餐。款式選擇都幾多，除左特式船麵，仲有提供其他泰國菜式。朋友係芫茜控，一坐低見到呢度最近出左泰多茜牛柳船麵就即刻點，一上台果然成碗都係青必必，而且芫茜好似唔洗錢甘比好多，朋友話湯底好濃郁，好香芫茜味道，夠過癮。我自己就點左青咖哩海南雞飯，問店家先知原來正宗既青咖哩唔係青色架，只係加左芫茜先會變青色。不過咩色都好，佢呢個咖哩汁好濃味又夠辣，撈飯食一流！雞肉滑嫩，正叫左2款小食，燒豬頸肉同燒雞脾！2款都唔錯，最重要係唔會燒到啲肉鞋拾拾！

呢間船麵都見人食過好多次今日前幾日行開荃灣終於有機會試😁我地下午3點幾行街行到攰，見呢間有下午茶就試下間餐廳裝修都幾得意好有泰國風味🤣 d枱仲係鐵枱下午茶40幾蚊一個麵連野飲，都算唔錯泰式牛魔王船麵 - 有炸豬皮，羅白，牛丸，牛柏葉，肥牛🐮 湯底都唔錯幾濃，好有泰國feel😋 牛丸都好味幾特別，但可惜豬皮淋左唔脆，扣少少分😕香茅豬扒撈檬 - 香茅豬扒熱辣辣即炸，好好食😋 不過我覺得撈檬d汁可以酸dd，但overall都係唔錯架我知間餐廳仲出左碗勁多芫茜嘅麵😂我就無興趣啦不過芫茜控不妨去試下🤭

餐廳雖然面積不大， 整潔企理， 環境不錯。香茅雞翼湯麵配牛濃湯底、金邊粉$58特色大碗船麵是餐廳人氣必點食品， 單骨香茅雞翼， 雞皮酥脆可口， 雞肉軟嫩 ，蘿蔔清甜無渣 ，牛濃湯底，鮮甜又不肥膩， 滑溜的金邊粉跟湯 底及惹味芫茜一起吃， 口感不錯， 充滿泰式風情。泰式香葉辣肉碎煎蛋飯$54先叉開流心蛋， 再拌勻辣肉碎和白飯一起吃， 每一口米飯，香口帶微辣，十分開胃，拌飯一流。泰式風味小食：香茅豬扒$25 豬扒大件肥美 ，炸到金黃香脆，入口鬆軟， 帶啖啖香茅 香氣。咖哩小食拼盤$28 魷魚、豬皮、蘿蔔 ，吸收了惹味辣汁，令到清淡嘅食材，增添惹味吸引，越吃越過癮。沙嗲串拼盤$28沙爹是泰國人氣街頭小食， 沙嗲醬汁是串燒的靈魂， 沾上香濃的沙嗲醬汁， 令到牛肉、豬肉、雞肉串燒，別有一番風味。泰式奶茶(追加+$8)、凍金桔蜜天然橘紅色的手標奶茶， 用上泰國人氣手標茶葉炮製 ， 口感滑順 ， 香而不澀。 凍金桔 蜜， 冰爽潤喉。