篤篤車 (已搬遷) 新店位置

因為上次食過好好味所以帶左朋友去食點知今次無論係湯底定係個炸雞翼都偏咸本身我都幾食得咸野但佢個雞翼今次真係整得太咸 不可接受上次覺得呢間野好食 係因為佢唔似人地啲野整得太咸 而且食完唔會口渴除左個湯同埋雞翼出問題外個春卷都炸得太濃今次真係完全保持唔倒水準🤔諗住介紹朋友食好野點知令到我地都好失望除非佢可以改善番 將啲食物唔好再整咁咸否則都唔會再去食了食一次咁咸都好驚影響到健康希望你地會係食物調味改善番因為本身抱住期待既心情一時間就跌左去地獄咁。。。P.S.另外想講講個負責落單妹妹見倒佢成日都係度禁電話有時客人叫佢都好似聽唔倒咁

第一次，也是最後一次。 大腸冬菇都有點酸，不新鮮，豬紅可以，整碗粉只吃了幾口，不敢再吃下去。付錢時反映了，員工有説不好意思，但承惠三十八元。原來有大腸我是吃不下的。

我之前見啲人post上去係比佢啲湯底吸引而去，工今日終於有機會去試啦，今日叫左個冬蔭公湯底，我覺得個湯底都還可以下次會試鱷魚湯底，雞翼同豬紅都好味，但係最要改善就係個樓面囉，一入到去無問幾多位都算啦，比点餸紙佢又無笑容，見隔離個人落單個店員睇住個電話另一隻手就攞單，啲客人食完比錢又係無笑容黑黑地面，大佬我黎食野幫親而吾係睇你面色囉

叫左車仔麵。呢度有泰式湯底,我地揀左鱷魚湯, 少辣, 飲落覺得似胡椒湯, 幾重胡椒味, 顏色就似魚湯, 奶白色的,偏清淡。普通配料其實5多, 只係揀左最基本GE墨魚丸, 芝士腸。海鮮類配料就特別D, 有幾款,我叫左青口, 都有成5隻架, 幾鮮甜。另外叫左泰式鳳爪做小食, 5係好辣, 鳳爪幾林, OK GE。

這一間車仔麵以前都食過幾次了，所以今天抱著一樣的心情來到這裡，覺得也會滿足的離開。今次都是鱷魚湯底，然後配豬腸、豬紅和羅白。湯底仍然鮮甜好味，但豬腸就有一陣怪味，而羅白則不夠淋而且沒入味，好像煮得不夠熟似的，水準好似比以前下跌了☹️而朋友叫了一個咖哩湯底加魚皮羅白，他表示咖哩湯底只有辣味沒有一點咖哩味，魚皮一點都不脆，食落好似漏了氣很久的，一點都不想吃；而羅白又是比較硬，十分失望！今次另外叫了一個細的春卷有三小條，沒有特別的餡料，應該不會再點了。另一位朋友都叫了鱷魚湯底微辣的，他說微辣會蓋過了鱷魚湯的鮮甜，所以建議大家選不辣先試一試原味比較好！總結：這一家必食鱷魚湯底，而配料的水準比以前差了，希望只是暫時的失水準🤦🏼‍♀️

每次經過都有人排隊 剛好今日早左去 唔使排雖然食左幾次 但依舊會掛住個湯底主打泰國🇹🇭既口味 湯底亦一樣充滿泰國風味我揀既係3餸麵4個湯底都試過泰國鱷魚湯就最特別同好味其次冬陰公湯好似泰國的口味兩碗都係泰國鱷魚湯底 -必叫豬大腸又乾淨又入味-蘿蔔好鮮甜-滷水雞翼好入味每次我都會加小辣咁樣仲好突出佢個味道 又唔會掩蓋左佢本身既鱷魚味凍飲加$7奶茶唔係香港式嘅而係泰國奶茶，所以口味會比較甜同茶味冇咁重，如果鍾意飲香港式嘅奶茶會唔鍾意飲呢個架！唯一嘅缺點就係員工大黑面又無禮貌😂

早已在facebook,ig等見過對此店之介紹，星期六終於有時間一試～約下午兩點到到達，店外約有5－6個人在等候，約10分鐘便有位了。店內有20個位左右，有小許擠迫，但店鋪整潔車仔麵38元3樣餸 ，選擇頗多，另外還有牛腩飯、豬扒公仔麵、數款小食及蔬菜～我點了此店有名的泰國䲔魚湯底，豬大腸、牛筋及豬皮～約10分鐘便上菜，先呷一口湯，味道濃郁，湯底亦有很多杞子、菇在內，十分足料！出色！（惟微辣都挺辣的，故拌和後都沒多喝湯，有點浪費）豬腸夠林，入味，乾淨，正！（同永年質素相約）牛筋亦很入味，口感很不錯！豬皮相對地無咩特別～每樣餸都有4－5件，以車仔麵來說份量算十分多！在元朗又多了一個有品質的速食之選！

老公提議去食車仔麵，知道呢間有鱷魚湯底。特登揸車去排一陣隊，呢到好多食肆，其實就喺壽司之神隔離 🍣好多學生哥!入去之前系出面睇定食啲咩先選擇都幾多，一場嚟到我就叫咗個 🐊湯底。 叫咗三個餸： 蘿蔔+冬菇佢都有推薦，再加多個豬紅。冬菇係鮮冬菇都幾入味，但係蘿蔔就麻麻地，唔夠入味豬紅就正常水準啦老公叫咗個冬陰公湯底佢話都幾有冬陰功味。但係呢間係標榜鱷魚湯底，我個人認為煲得唔夠濃！既然你都要用鱷魚嚟做生招牌，一不做二不休，應該要煲濃d！

有時心血來潮突然想食車仔麵🍜知道元朗有間車仔麵好特別，佢哋嘅湯底好有泰國feel~居然有泰國鱷魚湯、冬陰公湯⋯嘅湯底選擇！當然都有咖喱湯、牛腩湯、清湯嘅選擇！店面的招牌很容易找「篤篤車」，店內位置不是太多大家在店外排隊，店員會安排坐位！我選擇了自由配搭（三餸），泰國鱷魚湯底（小辣），三餸叫咗雞翼、冬菇、大腸！每樣都好好味👏🏻👏🏻店員也很有禮貌，值得支持的小店😝

元朗呢間鋪仔細細但係經常要排隊嘅特色車仔麵舖🎇特製鱷魚湯三餸車仔麵 + 薄荷青檸梳打✨呢個自家製嘅鱷魚湯非常之惹味， 小小辣， 除了有杞子，菇，另加三款自選餸菜， 而我就揀咗冬菇、蘿蔔同金錢肚， 整體上味道唔錯薄荷青檸梳打嘅薄荷葉好清新， 有別於一般嘅青檸梳打， 杯嘢飲有真嘅薄荷葉，好飲！🎆 炸雞翼 🎇炸雞翼炸度非常之脆， 金黃色的外皮， 而隔離有兜辣汁畀客人自己點嚟食🌌 馬拉盞炒芥蘭 🌌上面鋪滿蝦米仔， 炒得幾惹味， 但菜就比較老🌠 炸魚皮 🌅炸魚皮好脆好硬但唔夠鬆化，有千島沙律醬點嚟食🏝 酸辣鳳爪 🌠鳳爪非常之辣， 食到出曬汗整體而言， 呢間篤篤車嘅性價比都幾高， 味道中上， 特別值得推介嘅係杯薄荷青檸梳打

本身呢日打算同屋企人去食moonmoon但要等好耐位所以就去左好多人推介既中泰車仔面而湯底我無記錯係有三款比你選擇我地係揀左鱷魚湯底因為見倒佢一set $72 抵啲一set 有一碗車仔面除左海鮮每款加$4 其他都可以任揀 可揀三款然之後小菜 可以五選一最後仲有一個以呢個價位黎講真係好抵食啲野食送到後 真係一啲都唔失望我嗌左冬菇 蘿蔔 同雞翼冬菇有四粒 都算大隻雞翼都有兩隻份量都算叫做比起其他舖頭多而個湯更加係好味到不得了飲完都唔會口渴證明無加到太多味精唯獨是覺得個湯有啲偏咸 如果淡番啲會較好但overall黎講覺得佢係好過其他車仔面店份量多不特止仲好好味tim一定會再黎食

今日食車仔麵，係元朗有永年呢個大呀哥做選擇，但今日就揀左呢間比較新既車仔麵舖頭，叫篤篤車！定價唔算進取，下午茶仲有得送野飲！另外超值套餐，真係超值，個價錢包三餸麵＋小食（大）＋油菜，全部大大份！兩個人既話可以叫一個套餐加一個面，一定夠曬滿足！＄38 雞翼＋唐生菜＋蘿蔔蘿蔔好淋，雞翼大大隻，好入味，唐生菜都算新鮮！至於重點－－鱷魚湯底，反而唔係太有驚喜，佢有好多配料，例如菇＋紅棗＋杞子，但鱷魚湯味唔係好出，只係普通一個湯底！

這家車仔麵聽說有特別的湯底，一至於來試試。點餐時先選湯底，車仔麵的麵底款式，餸菜配料，還可選擇跟餐加菜，及飲品。湯底可以選擇鱷魚湯及冬蔭公湯，也可以選擇辣度。我先選擇了油麵，配料我選擇了雞翼，墨魚丸，及生菜。餸菜數量不多，墨魚丸只有兩粒，不算彈牙。雞翼煮很惹味，但比較細隻。湯底我點的是鱷魚湯。我點的是小小辣，但已經覺得很辣令我完全吃不出湯底的味道有什麼特別。忍不住點了一杯青檸梳打打算解辣，怎知道梳打又非常酸。。。總括而言不算一次好的經驗。。。

之前都有見過網上有介紹呢間餐廳, 就咁睇名會估係泰國菜, 原來係車仔麵店, 夠哂得意!店內樓底幾高, D燈都幾有thai style.店內座位唔算多, 而且人手唔算多, 所以冇staff派籌叫號, 食客們自律地門口排隊等入座.等待既時間當然係睇下有乜食啦~選擇都算多, 亦好大路.不過最特別係呢個既湯底!鱷魚湯同冬蔭功湯做湯底, 夠哂signature呀!!不嬲都知鱷魚湯有止咳功效, 咁有益, 梗係要試下!!所以我地同朋友都叫左鱷魚湯底~一個小辣, 一個唔辣, 各有特色!唔辣可以試真個湯底, 個湯飲落好滑, 而且帶有鮮甜味~湯底仲有幾款配料: 杞子, 紅棗同菇, 但一D都冇搶走湯底既味~而小辣湯底, 個人覺得更提鮮!十分讚!!!豬腸, 雞腎, 豬皮豬腸: 好入味, 好好食!雞腎: 厚切, 但唔會太un, 亦好夠味!豬腸, 蘿白, 嚮鈴豬腸: 真係好好食!XD蘿白: 清甜, 夠淋~我地叫左個套餐會跟小食同菜.叫左個馬拉盞炒菜心, 夠鑊氣~小食都有幾款揀, 我地叫左雞翼~泰酥炸雞翼(原味)外皮脆卜卜, 雞肉唔會炸到好乾身, 正!薄荷青檸梳打套餐加錢叫左薄荷青檸梳打~好refresh~Over

係元朗，除左飲品店開到成行成市之外，車仔麵店亦係百花齊放嘅，而今次食嘅呢一間絕對係有d特別同埋出色嘅一間。首先係，佢嘅定價相對地合理，始終大家都知道車仔麵嘅料其實唔係咩高級食材，呢間$10以下嘅材料選擇都算多！第二，佢有d泰式嘅風味，湯底選擇有泰國鰐魚湯同埋冬陰功湯底，夠特別！我就揀左泰國鰐魚湯底，好濃郁嘅藥材味，入口順滑，亦唔覺得有好重味精！豬隊友就好謹慎甘揀左牛腩湯，亦都真係冇咩特別嘅🙈我地加左做超值套餐，所以有多碟菜同雞翼！呢d季節食芥蘭特別脆同甜，配馬拉盞炒一流！泰酥炸雞翼都好香口！反而要提下杯特飲！非常足料！有勁多簿荷葉同青檸，非常醒胃解渴！唯一美中不足係地方唔算好大，餐檯都比係細張，如果order得多野會唔夠位放🙈