篤篤車 (已搬遷) 新店位置

朋友介紹我一齊去，門面好日式🤣如果唔係篤篤的話，都唔知佢係泰式野😂叫左蘿蔔 豬腸 雞翼 冬陰公湯底湯底偏酸，辣度可以自選，對我來講岩岩好～～但唔係味精味，似係用好多料煲出來既湯底！豬腸好入味，無So味，好正❤️蘿蔔夠淋，但好多渣，還可以雞翼入味得來唔係淋哂，一咬就散果隻，好味！朋友食泰國鱷魚湯底好都好飲👏🏻👏🏻👏🏻唔錯唔錯環境雖然唔大，但係唔係好迫！唔係坐到密麻麻，都幾舒服🤘🏻店員都Nice，同埋價錢非常合理，三餸都唔過50👏🏻👏🏻朋友夾左幾粒菇比我食，好好味，下次我一定會叫❤️

熱辣辣天氣邊排隊邊劃嘢食，一入座可以交單，嘢食唔洗等咁耐。店名感覺泰式，內裡mix and match,包含元素 車仔麵餸，煲湯湯底。特別湯底配車仔麵餸，轉了湯底擺脫了車仔麵感覺，任揀嘅餸係車仔麵影子。鱷魚湯底-驚喜極夾，顏色配搭亦豐富順眼。👎豬皮唔夠軟。另一款湯底無咁出色 加上同點嘅餸唔係太夾，望到都覺得麻麻地。👎牛百葉好硬套餐抵食啲，配一碟油菜，一個小食，配一個套餐就啱曬。👍油菜爽脆可口， 配特別調校的汁味感豐富。👍雞翼香酥脆，不油膩。 唔使點醬都已經好夠味店員耐心解釋柯打紙點樣配搭，值得一讚👍。

Open rice受歡迎既十大餐廳其中一間，藥膳湯底既車仔麵，講左想試好耐了，今日終於可以試下選擇左鱷魚湯底既車仔麵，堂食坐位唔太多，已經唔係食飯時間都已滿座，所以外賣左到公司，返到公司個湯底雖然唔太熱，都估鱷魚湯底凍左可能都會變腥了，第一啖嘗湯底，暖暖地完全一點腥味都味，湯底好清甜，有明目既杞子同紅棗，餸就要左雞翼，蝦仁同雞賢，雞翼就同平時差不多，蝦仁量多爽口彈牙，好味！雞腎就淋淋地，配埋湯底好好味啊⋯⋯

朋友推薦元朗篤篤車既鱷魚湯底車仔麵一定要一試，見今日放假，就去篤篤車試一試喇。下晝兩點車去篤篤車時都算幾Full， 但等左一陣已經好快有位。侍應好快手清乾淨張枱，又主動帶位推薦野食，感覺幾友善。$38車仔麵包三樣餸。招牌鱷魚湯底當然要一試，朋友就另外叫左冬陰功湯麵。招牌鱷魚湯真係名不虛傳，配料仲有好多紅棗同杞子，入口好滋潤。牛筋同金錢肚都幾彈牙，滷水夠入味。米粉麵質軟硬適中，配鱷魚湯食簡直係絕配😋。食麵之餘忍唔住不停飲湯，因為個湯實在係太正😂冬蔭功湯河酸酸辣辣，十分惹味😋👍。配餸墨魚仔同魷魚圈都好足料，又夠爽口彈牙。

聽屋企人講元朗有間泰式車仔麵，叫篤篤車，喺元朗新開既，於是我哋就冒名而來。我揀了朋友推介的鱷魚湯底，朋友就揀咗一個牛腩湯底。餸方面都好多選擇，分別有雞翼尖、牛柏葉、蘿蔔、龍蝦丸、紅腸、生根、金錢肚、豆卜、雞腎、豬大腸、豬紅、支竹、魷魚圈、牛丸、咖喱魚蛋、冬菇等等。呢度嘅超值套餐$67, 包括麵 (三個餸)、小食(大)、一碟菜 。真係認真超值㗎。鱷魚湯底鮮味濃郁，奶白色嘅湯底本身已經有杞子、紅棗同蟹味菇做配料，餸就有咖喱魚蛋、牛筋、牛柏葉。牛筋有四夠大大嚿嘅，牛筋亦炆得夠腍、成碗油麵都唔錯，值得一讚！仲有叫咗個泰式小食: 泰式鳳爪沒有骨，皮肉脆，酸味嗰啲恰到好處， 不太辣，我同朋友都好滿意!另外佢杯特飲都係必叫，薄荷青檸梳打！勁多薄荷葉！而且又酸又開胃！好清新嘅感覺！個人覺得篤篤車係一間有心的車仔麵，不是用精味堆砌出來的湯底，是用心淆製的湯底，食起來也比較有益，喝湯底時也比較安心。

今日直入元朗！當然唔小得試試傳聞中的鱷魚湯車仔麵～等我黎先拔頭籌！門口幾靚，有風味～賣相唔錯～睇落好養生～今日咁岩下午茶時間食，仲送凍飲添～味道一般，略為沒有驚喜，但牛筋入味，尚可，價錢合理。

從朗屏站出，沿著明渠一直走，就會看到這間位處寧靜小社區的小麵店。小麵店面積雖小，但十分整潔。最難能可貴的，是所有宣傳海報都集中貼在店外，店內牆壁一片清明，沒有任何繁雜裝飾或宣傳品。這種樸素簡潔，難能可貴。小麵店賣的是車仔麵，以泰國鱷魚湯作招徠，讓筆者感十分興趣。筆者十幾年前到泰國嘗過鱷魚肉，一試難忘。這鱷魚湯的味道清淡，入口甘甜，並非如我所料的霸道的惹味。不過，將湯底弄得清淡，卻不至於淡然無味，讓其他配料的味道也能好好的佔一席位，實在是明智之舉。芸芸配料中，雞翼當屬第一。雞翼用滷水烹調過，鮮甜而肉嫩。若是湯底的味道過濃，就不能嘗出雞翼的好滋味了。豬紅夠堅實，不會一夾就鬆散，也很好吃。雖知道，車仔麵湯底重要，但配料索然無味，就枉稱車仔麵。小麵店與地鐵站距離雖然有點遠，可湯底和配料味道優秀，是值得各位愛吃者一去的。

今晚去住新界大西北嘅朋友度玩，所以喺元朗搵食 ☺元朗大馬路好多人好逼，都係行入少少再搵餐廳落腳先喺元朗警署行入少少有啲餐廳，諗緊食咩嗰陣落大雨，見有間泰國嘢嘅車仔麵店，好似好特別就入去試下先睇同啲餸同普通車仔麵嘅餸都差唔多，但湯底就係特別啲係有冬陰公湯同有鱷魚湯我朋友都叫咗個中辣嘅冬陰公湯同鱷魚湯，夠辣同好好味好夠味好足料啲餸都好好食，好足料，夠大份，麵底都好多咁大碗好飽我係叫咗個抵食套餐，3餸麵+小菜+小食+飲品碟芥蘭好好味好甜好清脆，咁大碟好抵碟雞翼都好大份好好味我嗰杯青檸疏打好好飲呀☺夏天飲好fresh

之前睇過雜誌介紹呢間車仔麵餐廳，有好特別嘅鱷魚湯及冬蔭功湯底，今日趁有時間，一於返工前試下。三餸麵都只係38蚊，價錢合理，如果要海鮮就每款加多3蚊，亦可以選擇要餐跟小食及菜。一場黎到就梗係要試呢款泰國鱷魚湯，湯底呈奶白色，有少量杞子，紅棗及菇，先飲一啖湯，味道好鮮甜，有一種暖和嘅感覺，味精唔多，飲完後唔會好口乾。餸揀咗豬大腸，蘿蔔及牛筋，大腸煮得好入味，蘿蔔夠淋無渣，吸收咗鱷魚湯後更加鮮甜，牛筋亦炆得好淋，整體黎講好好味。遲d等天氣無咁熱，真係要試埋個冬蔭功湯。

《篤篤車》 #元朗📍元朗馬田路22號安寧大廈地下6號舖-一間幾特別嘅車仔麵 收藏排名都幾高 而我又好鐘意食車仔麵 就吸引左我去試試😋-🔹三餸麵$38 海鮮類每款+$3今次揀左 豬腸 豬紅 蘿蔔 米粉 鱷魚湯 中辣.乳白色嘅湯底 幾似平時打邊爐嘅養生湯 都幾香濃加左杞子紅棗 仲有好多菇 揀左中辣但1d都唔辣😂餸黎講都係正常質素 豬腸乾淨 蘿蔔無絲帶點甜另外有d海鮮類都幾特別 下次可以試下.整體黎講性價比都高 有下次👌🏻 但位置唔多 有時可能都要等位.by 90sfoodieshare: 8.1/10

自問成日都周圍食車仔麵,見到尼間有鱷魚湯底梗要試下啦~揀左一碗自選一個套餐,自選三餸有金錢肚,墨丸同響鈴,套餐就有金錢肚,蘿蔔同炸魚皮,跟碟菜,炸雞翼同凍檸茶走甜~賣相正常,食落先知伏!個湯好普通,咸咸地有啲紅棗同菇,無其他味,墨丸凍嘅,響鈴同炸魚皮無分開上淋哂,就算無浸到湯果啲都係唔脆嘅...碟炒菜心好老好多渣,炸雞翼外面好咸裡面無味,凍檸茶走甜都係甜嘅...只有金錢肚同蘿蔔似乎正常少少...真係不可一不可再...

少有的周末放假跟媽媽試新野周末的元朗真系會搵食艱難食晏時間度度都咁多人篤篤車呢排經過就經過得多 食就真系第一次今日黎遠望到門口已經有人企系度好彩排隊只系用左5分鐘就有得入座入到去真系一眼望哂 一個細細既鋪頭仔一邊面牆坐 一邊系沙發雅座適合多人坐的而我地今日就被安排面向牆個邊坐本人系無問題的相信平日去會好一點一碗三餸($38) 加七蚊配飲品 其實都幾大碗 所以系合理價錢餸既分量都屬於多首先系媽媽碗牛腩湯底加微辣麻辣有豬紅豬皮同牛筯牛筯屬腍身 還不錯豬紅應該有調味過 同埋吳會一咬就散👍🏻豬皮距寫系辣豬皮都系有調味過略嫌有點硬身 可以再煮耐一點 腍啲會更好味我的選擇當然會系招牌湯底鱷魚骨湯加微辣麻辣 湯底甜甜的配微辣 雖然我吳食得辣但系麻辣對我來說都挺不錯喔 很惹味湯底屬奶白色配有有杞子跟紅棗 杞子明目 紅棗補血 藥膳很養生嘛餸方面就有豬腸牛丸蘿蔔豬腸好入味 車仔麵界裡既favourite. 必點餸蘿蔔都煮到腍身 夠入味牛丸就比較普通 尚算彈牙下午茶時間系1430-1800 奉送冷熱飲品下次會系呢段時間再食yay小食下次都可以試下

泰國鱷魚湯一啲都唔腥，好好味，建議食時唔好叫辣，試左湯再叫職員俾辣醬，以免辣味蓋過湯味。清湯非常清如水般。牛筋同牛腩好淋，好入味。雞翼好大隻，好入味。脆皮腸、墨魚丸、支竹，似用水煮過。

有時經過都會見呢間鋪排哂隊，放假就一於試下，1點左右去到都要排😂鋪面唔算大，好彩只係食車仔面所以我諗排左15分鐘左右就入得餸既種類都算多同埋湯底好特別我地就叫左 自由配搭3餸麵加超值套餐自由配搭 3餸麵（$38）泰國鱷魚湯米線中辣（湯底好正有埋菇見個樣好似唔辣咁，但原來都算辣）蘿蔔（好清甜一d都唔會苦）豬紅（好入味）金錢肚（比較硬，都好食）超值套餐($67)冬陰功湯公仔麵小辣（呢個湯底都好正一樣會送菇個公仔麵吸收左個湯底超正就好似食緊泰國個隻mama杯麵咁）珍珠元貝（好滑）豬大腸（好有滷水味）冬菇（超入味）跟餐既菜馬拉盞芥蘭（好香，菜唔會苦都好好食）薄荷青檸梳打（比較酸都好飲既）

之前食過呢間以泰式湯底作賣點的車仔麵，個湯底真係好正，是晚帶阿爸黎試下先。三餸麵 ($38)阿爸點了三餸麵，要了豬大腸，牛筋，豬皮，冬蔭功湯小辣，跟粗麵。上枱時個冬蔭功湯係勁香嘅，滿滿的芫荽加芹菜好吸引呀～豬大腸有咬口無怪味，牛筋淋淋地又彈牙，豬皮吸飽湯勁正。粗麵爽口無鹼水味，吸了湯好好味。冬蔭功湯酸酸辣辣很對胃，個人覺得偏鹹左少少，但阿爸話唔覺，哈哈，各有各人口味啦。超值套餐 ($67)自己點個超值餐，等小食同菜可以share嘛。三餸麵要左鱷魚湯底不辣，響鈴，雞中翼，豬皮，跟油麵，大大碗賣相靚。雞中翼滷得入味，一咬就甩骨好易食。響鈴同豬皮都勁吸湯，豬皮爽口彈牙好好味。油麵份量多，有咬口。湯底奶白色，好鮮甜，上次加了辣覺得破壞左個味道，都係原汁原味好飲，勁正喎，飲哂都無口渴。泰酥炸雞翼原味，即叫即炸熱辣辣，雞翼本身已醃味，想再濃味啲可以點埋個魚露汁。馬拉盞芥蘭，炒得夠火候，鹹鹹鮮鮮好味。凍檸茶 (+$4) & 凍奶茶 (+$7)跟餐點飲品有優惠，檸茶茶濃檸香，奶茶夠滑但茶味略淡，都好飲。食飽飽都係百二蚊左右，抵吃！