篤篤車 (已搬遷) 新店位置

呢間車仔麵既湯底出曬名有特色同埋好味。除咗有普通嘅豬骨湯底之外仲有冬陰功湯底同埋特別嘅鱷魚湯底。呢間餐廳係小店，入面唔係好多位所以通常都要排隊。今次叫咗一個三餸麵餐（$40）同另一個連埋小食、菜同飲品既餐（$76）。豬紅、豬大腸、蘿蔔米粉配鱷魚湯底小辣牛肚、雞翼、蘿蔔米線配鱷魚湯底（牛肚好入味、蘿蔔鮮甜冇渣、雞翼大大隻好入味，個湯好鮮甜順喉。）炸春卷（新鮮熱辣脆卜卜、外面個皮做得好鬆脆，不過入面餡料唔係咁多）另外仲食咗個馬拉盞炒芥蘭，細細碟，油左少少但味道不錯。

係疫市下，一個人食飯變得更加安全，今日就黎到篤篤車食車仔面。入到去得一台4 個人全場最多坐17 人一入到去都要量體溫同埋有提供酒精搓手液比客人使用咁我就叫左油面，話說車仔面既精髓就係油面湯底我選擇泰國鱷魚湯因為好少機會車仔面會食到特別湯底所以試下餸我揀左大腸豬紅同白蝦仁（都係第一次係車仔面遇到）小食我揀左炸雞翼 車仔面湯底濃而不咸我覺得啱啱好小辣同大型連鎖米線既3小辣差唔多味道啱啱好大腸同豬紅就偏甜係本身煮既時候蝦仁爽滑彈牙大約15 隻以上雞翼同一般白茅雞翼差唔多啱啱炸好熱整體黎講呢間車仔面同一般車仔面唔同有海鮮選擇湯底亦唔同可以一試

每次經過都好想試下，今次終於有得試，這間店舖非一般車仔面，湯底用鱷魚杞子紅棗，可加程度的辣，加上價錢也超值，38元已有3款餸任選「鱷魚湯加微辣」鱷魚湯加上微辣豬腸、雞翼好好好入味，牛筋入味又淋「鱷魚加微辣」豆卜索了湯更好味，魚蛋辣得好滋味又彈牙，豬皮也不錯

尋日同朋友入開源朗，就當然要去試一試喺元朗都幾出名嘅車仔麵——篤篤車！今日過咗午飯時間去，人流比較少，坐都坐得舒服啲。我叫咗一個雞腎牛筋生菜米線，湯底係泰式鱷魚骨湯，非常特別，喺其他地方都未必試到。冇諗過鱷魚骨湯底原來係好鮮甜，奶白色，隱約覺得有牛乳味，加上魚湯嘅鮮味，用嚟做米線嘅湯底就一流，索左湯嘅鮮甜。

個湯底好好味，飲咗大半碗，叫咗三餸油麵，雞翼好淋，入咗湯底嘅精華，另外豬腸都好食，唔會有腥味，又唔會覺得食到成口油，重點係牛肚，係必點之選，入口就化開，非常好食

幫襯過好多次，因為覺得幾好食。但只可以講，愈來愈差⋯今晚買左兩份外賣自取回家，返到屋企打開，其中一份是米線，成碗米線係碎晒既，用筷子都夾唔起，真係好無言， 甘樣做生意。今次真係好失望，考慮唔再幫襯！上次去度想食堂食下午茶，2:30 pm 開始，我大概差5 分鐘。接待的職員一句話未夠鐘，就關返門，要我棟係門口等，但當時裡面唔多人， 好多吉位。 其實可以比我入去坐低寫單揀野食先，你咪夠鐘2:30 先入機囉，唔識做⋯

「地點」：在元朗西鐵站要行大約十分鐘「環境方面」：星期二 下午1點半2個人店舖座位大約十多個座位不用等位，但都差不多全部都座滿「食物方面」：（湯底）一般車仔麵都是傳統湯底，這一間有泰式湯底鱷魚湯，冬陰公加入泰式感覺還可以自己選擇辣到我選擇豬骨湯底-不辣味道配襯車仔麵，很配感覺不會太重味精味道不錯👍🏻我朋友選擇鱷魚湯-小辣味道有點酸酸辣辣配襯車仔麵特別又有新意牛筋:麻麻，口感有點硬雞翼：吸收了湯底嘅味道，也不錯豬大腸：可以有點滷水味馬拉盞炒菜：太鹹，只有鹹味，可以不用試🎈推介必食：鱷魚湯底，豬骨湯底（回頭再食：😋😋😋😋）「服務方面」：店舖應該係小店經營雖然店舖只有一個服務生，亦都好忙但整體都可以「價錢」：$38三餸一麵-算是實惠價錢👍🏻2個人 2碗3個餸加麵加飲品和一碟馬拉盞炒菜總共$110平均每個人$55

成日聽到屋企人話食依間，今日終於有機會食喇~等緊位嗰陣發現原來有冬陰功湯底， 一於嗌呢個啦~冬菇紫菜墨丸冬陰功河配青檸薄荷梳打, 其實都唔好太大期望， 但係食落又覺得幾好味個湯夠濃，墨丸都唔錯，份量都夠。最驚喜係青檸薄荷梳打，唔記得影……但係有好多好新鮮嘅薄荷葉，唔會太甜~仔仔同婆婆share咗個清湯炸魚皮生菜牛筋豬腸麵加底，因為我唔食牛，所以搶食魚皮，好脆好味，仔仔都話好味，唔夠食添呀！下次一定再嚟試其他嘢食

和男友想食車仔麵，在網上找到這間便來試食了。店內不算少人，這間的特色是湯底竟然有泰國鱷魚湯選擇，夠曬特別！於是便叫了嘗試。我叫了冬菇、豬大腸和豬紅，配料有用心炮製過，特別是豬大腸，處理乾淨又彈牙，並且十分入味。湯呈奶白色，不油膩，加了紅棗杞子所以偏甜，配料有些菌類，像藥膳食材，感覺挺補身，不知道是否與鱷魚有關，食完有點暖身。不過本人不是太喜愛偏甜的湯底，所以覺得一般。不過如果你是喜愛試新野的人，這個絕對適合你。

見到上網講開左間泰式車仔面餐廳，當然要試一試佢啦。今日同女朋友去開元朗，就特登行去食個下午茶，餐廳環境唔錯，我地五點去到...唔算多人。本身想試雞翼同冬菇，但去到已經賣哂啦！最後叫左個三送面 -白蝦仁 豬腸 蘿蔔 油面 最最最重要緊係要試個鱷魚湯底 。女友就叫左淨三送 -牛腩 豬紅 牛肚 咁大家就可以share食啦...我冇加辣，想試個原味湯底，湯底係奶白色，配有紅棗杞子，好補呀！！湯底冇腥味，同車仔面原來咁夾，味道唔錯 ！另一個湯底都係鱷魚湯底...但就嗌咗小辣..個人覺得唔辣好啲..辣味覆蓋咗湯底本身嘅原味。豬腸有驚喜，好入味...好味 ！反而餐廳推介既蝦仁味道冇咩特別。牛腩、牛肚係滷水料，都好入味。總括黎講車仔面味道唔錯，而且好足料，食完已經好飽...值得encore！

之前食過呢間D車仔麵，個湯底真係好正，今次帶阿爸黎試下先。特製鱷魚湯三餸車仔麵 + 薄荷青檸梳打自家製嘅鱷魚湯非常之惹味， 小小辣， 除了有杞子，菇，另加三款自選餸菜， 而我就揀咗冬菇、蘿蔔同金錢肚， 整體上味道唔錯薄荷青檸梳打嘅薄荷葉好清新， 有別於一般嘅青檸梳打， 杯嘢飲有真嘅薄荷葉，好飲！炸雞翼炸雞翼炸度非常之脆， 金黃色的外皮， 而隔離有兜辣汁畀客人自己點嚟食炸春卷好足料，冇記錯入面好似有肉碎，紅蘿蔔絲之類。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

元朗又一新作🤩突然好想食車仔麵 食港式車仔麵食到悶 見佢開左一排 今日有機會試下有五款湯底選擇✏️ 今次分別叫咗鱷魚肉湯底同冬陰公湯底鱷魚肉湯底🐊( 微辣)⭐️⭐️⭐️當然飲唔出鱷魚肉嘅味道啦 但飲落去似熬咗好耐嘅湯底 幾濃郁香滑有杞子紅棗等等 去煲*配搭米線米粉味道較佳 唔叫辣味或微辣道可能較佳 冬陰公湯底⭐️⭐️⭐️⭐️🦐(小辣)如果好想食泰國嘢 又唔想食泰國菜的話絕對可以試佢呢個冬陰公湯底👍🏼鍾意食辣嘅朋友最小一定要叫中辣！小辣不會太辣 湯底唔咸 很好！*建議配搭米粉河粉 可以吸收湯底嘅味道配餸方面冬菇有驚喜👍🏼👍🏼👍🏼👍🏼牛腩 豬腸 金錢肚⭐️⭐️⭐️豬紅⭐️💫 當然不及永年好味啦其中一款選擇超值套餐配搭泰式雞翼香脆 但太鹹馬拉盞炒芥蘭味道唔錯 👍🏼👍🏼👍🏼略嫌切得唔夠細條飲品🍸薄荷青檸梳打 不過不失吧總括嚟講值得一試👍🏼

一轉天口到炎夏🔥連喘息既過渡期都無😔週日早上真係無乜特別胃口😓行行吓黎到母校附近既篤篤車🚗 之前見到個名都好奇佢係吔乜架喇🤔 12點零黎到，人唔太多，全舖有廿個位左右，揀咗面璧思過位置，冷氣正啲❄️寫紙仔既車仔麵有幾款特息湯底：鱷魚🐊，冬陰功🌶️牛腩🐂咖哩🍲同清湯，每款都有辣度可揀（清湯都有辣喎🤣🤣）餸較特別係有幾味海鮮可以揀🐟🐙🐚小店人手唔太多，外堂一個人睇晒，咁啱係窗口位目及到廚房其實都兩三個人，年紀都幾後生👦👧服務員係碗麵上枱前好細心抹乾淨碗邊先上😍清湯底河粉，搭冬菇，咖哩魚蛋，牛丸先黎。呷一口湯底，話清湯，其實都帶住濃濃鮮味，適合番夏日⛱️ 咖哩魚蛋係放咗湯入面無連咖哩一齊上🙄 以為無料到，但係一咬了陳皮味足同咖哩辣🌶️都湧上黎，根本唔駛咖哩配💕另外冬菇🍄夠膽連腳上，炆到好淋，有心機💪💪另一碗鱷魚湯底粗跟鮮蝦🍤豬腸🐷牛腩🐂響鈴🍥，一上枱成碗比蝦同豬腸淹沒既視覺震撼已經贏咗✌️湯底就無渣流灘真係有鱷魚味，同仲有少許藥材，真係有啲驚燥到流鼻血👃 鮮蝦仔嫩口彈牙，唔梅👍豬腸有洗淨爽口😎響鈴浸番鱷魚湯底索晒味👏 牛腩還算👌另外柯打既酥炸雞翼🐥少少偏鹹，唔駛點汁已經好夠味，至於餐飲，畢竟唔係主角，

湯底確與一般車仔麵不同，比較特別的有冬陰公和鱷魚湯，這次揀了鱷魚湯湯底確有鱷魚味，有幾粒杞子，不過並沒有藥材味，由於鱷魚湯不如海鮮湯般鮮甜，所以覺得需要有其他味陪襯，而呢個湯底只喝得出鱷魚味，故此比較寡麵方面揀了油麵，質地偏淋，但尚算不錯至於餸方面，蘿蔔甜，似浸過糖水或用糖水煮，很淋，但太甜入唔到湯味，亦可能冇放過入湯中煮;牛腩有點靭，腩汁味不濃，幸好都有牛腩味;金錢肚同樣不太入味，不夠淋這次是第2次食，覺得餸沒有進步過，全部餸都不夠入味，湯底亦有點寡，不算出色

因為唔知食咩，所以係openrice search下，發現依間車仔麵都幾多好評，於是決定去一試。因為平日所以去到唔洗等就有位坐，一坐低就即刻睇下個落單紙。我地揀左自由配搭同超值套餐第一碗叫左咖喱雞翼尖 墨魚丸 同豬大腸河粉配冬蔭公湯驚喜的係豬大腸好好食 feel到清得好乾淨 一d都唔肥 但失望既係個湯普通到我覺得係期待以下第二碗叫左珍珠元貝 冬菇 雞翼米線配泰國鱷魚湯冬菇超級厚肉 超正 仲有個湯 不得了 好好飲其他就不過不失。另外仲有泰式鳯爪同腐乳生菜，如非好想食，唔係就可以慳番d錢了。另外個杯薄荷檸檬梳打，相當甜，如果係甜味愛好者就可以一試。