米泰 (圍方)

營業中

休息中

開11:30，得4.5張枱入座，大約11:40叫餐，去到12:03還未有嘢食，問第一位侍應追單，一直都無回覆.到12:09問第二位侍應幾時有？終於有答案，要等多十分鐘，師傅炒緊，替個師傅辛苦炒個金邊粉要40分不停咁炒。聽完起身走人。

二人套餐幾抵食，但上菜慢同店員服務麻麻味道：🌕🌕🌕🌕🌕🌕🌕🌖🌑🌑二人套餐($428)炭烤燒魷魚呢碟係我地等位見到好多枱都有叫所以決定叫🤪🤪佢真係原隻魷魚上枱🦑好澎湃既感覺😍😍魷魚口感夠爽口，易咬唔痴牙，而且個醬汁都好惹味👍🏻👍🏻泰滷味(豬手，蛋，豆卜）豬手係充滿骨膠原，所以食多啲對皮膚都好好😌呢到既豬手份量係勁足，好似成隻豬手搬曬上枱咁，豬手調味剛剛好，又夠彈牙，每人起碼都食到5-6舊😂😂豆卜份量都好多，不過索左啲汁有啲漏就食唔曬😂泰式鮮蝦金邊粉金邊粉係我地比較鍾意食既泰國菜之一，食親泰國菜都係定要叫，呢到既水準都唔錯，味道夠曬惹味，蝦都夠啦隻夠多，同埋份量一啲都唔少，2個人食完都飽曬😂😂香蕉烤餅配椰子雪糕因為無曬芒果糯米飯就惟有叫呢個😢烤飯係比較煙韌既口感，入面都幾多香蕉，整體感覺唔算太甜👍🏻不過佢個雪糕並唔係椰子味，係普通雲呢嗱味，有啲失望🫨🫨價錢：🌕🌕🌕🌕🌕🌕🌕🌑🌑🌑連鎖餐廳黎講價錢都算可接受，圍方本身其他餐廳都係咁上下既價位，食物份量同質素都對得住佢呢個價錢既，但如果飲品可以包多啲唔同款式就儲會更加好👍🏻交通：🌕🌕🌕🌕🌕🌕🌕🌕🌑🌑圍方本身交通就方便，再加上佢$400有泊車優惠2

朋友聚餐相約到近期好喜歡去嘅圍方，今晚選擇米泰泰國菜，我早了15分鐘到但係見餐廳入座率大概只有一半，即管問問是否容許我先坐下等朋友，幾位員工都以因為要入座計90分鐘，所以我的要求全無反應😓我覺得既是平日又非繁忙時間嚟講未免有點不人性化及處理不靈活了吧！最終還是只能等到朋友到來亦都到了訂枱時間才坐下，我選擇店舖外用餐，因為覺得店外對開幾個卡座更寬敞舒服，我哋叫咗一個四人餐，平心而論四人餐份量相當足夠👍🏻味道亦都非常好👍🏻首先泰式生蝦賣相非常吸引🤩鮮蝦炒貴刁，馬拉盞炒椰菜苗，軟縠蟹紅咖喱配薄餅，燒排骨都非常不錯，但要批評泰式拼盤竟然放幾條炸豬皮就作為其中一個美食🙄有點那個吧🙂‍↕️而且豬皮受潮了煙靭難食⋯⋯希望餐廳留意一下需唔需要修正一下泰式拼盤嘅內容呢？

點了一個二人套餐，即時入會再加送一個小食。跟餐的前菜和加送的小食都是炸物，都一致地油淋淋地上餐，程度係墊底紙可找到油滴。其他套餐內上的菜都是光速上餐，速度之快令人咋舌。不要嘲笑北上的港人食預製菜，其實我十分懷疑我當日毋須北上也可享受。最後，加了一個芒果糯米飯，部分米粒可以乾到有脆口感覺，真係難得。。。

呢間餐廳開左咁耐 終於第一次去試，知道平時多人食 需要等位等好耐，今次專登提早去拎位。位與位之間都算寬敞，唔會太逼，又唔會因為隔離枱講野大聲而影響到同朋友食飯👍🏻炸蝦🍤餅外皮炸得脆脆，大大啖蝦肉，份量還可以菠蘿🍍炒飯每逢去泰國餐廳，我都會必點菠蘿炒飯，今次無一例外🤫份量都夠3個人食，味道正常啦，不過不失咖哩軟殼蟹 配薄餅咖哩汁唔辣但椰香味好重，軟殼蟹大大舊 脆卜卜，加錢要左一份薄餅 點咖哩汁一流👍🏻

圍方有好多新餐廳，但係就唔知有咩好食，試過好多都係一般，呢間米泰都已經開咗好耐，差唔多圍方一開就有，一直都冇試過，而圍方入面都冇其他泰國嘢，於是就嚟試吓。夜晚7點，都幾多人食，但都唔洗等位，啲店員服務一般。叫咗個二人餐，$388，價錢中等，唔算平。第一樣就係青咖哩蟹肉薄餅比想像中迷你，所以睇落好多蟹肉咁，咖哩好稠，唔太多汁，料多，但個碗好細好難點。薄餅比較厚，不過都脆。芒果蟹肉炒飯加埋芒果又幾fresh，間唔中會食到啲芒果粒，但味道唔奇怪。炒飯算乾身，幾大碟。泰式奶茶套餐有飲品，不過凍飲要加錢，每杯$5泰式奶茶偏甜另外叫嘅串燒，$78串燒算係最好食，燒得香，肉唔un，易咬，但有口感。前菜生蝦刺身，竟然係最後先上前面樣樣野都上得好快，而生蝦刺身竟然係最後上，仲係食到啲嘢差唔多食晒先上除咗蒜片，啲生蝦本身都浸住青醬，都幾濃味，如果冇浸住而係自己點會好啲

朋友👫加拿大🇨🇦回港探親，想食泰國🇹🇭菜，揀咗圍方米泰，一早OpenRice book咗。皓彩book咗，都坐滿。幸運👍🏻地有卡位，坐得舒服😌，傾計💬唔驚嘈到人或俾人嘈，寫就寫90分鐘，最後坐咗兩個半鐘坐到打羊。三個人食二人餐$388加嘢食，二人餐揀咗米泰生蝦 🦐 (6隻）、啖啖蟹肉咖喱🍛配薄餅🍕、芒果🥭蟹肉椰香班蘭炒飯，有兩杯嘢飲🧃，特飲on list半價，揀咗芒果🥭椰子🥥沙冰🍧$26同凍龍眼蜜$18。再加嘢，炭烤沙爹雞肉🍗串燒三串$72。甜品後上有套餐價，芒果🥭椰汁🥥三色糯米飯🍚$58同香蕉🍌烤餅🥞配椰子🥥雪糕🍦$58。阿姐叫我地申請會員，免費🆓，仲可即場用coupon換三粒酥炸雲吞（價值$32）。上咗兩杯🍻嘢飲🧃俾兩位女士先，沙冰🍧個杯皓靚，泰式生蝦cocktail杯上，皓新鮮，正👍🏻，炒飯一般，芒果🥭係芒果🥭乾，冇斑蘭味，炸雲吞香口皓食，咖哩🍛配薄餅🍕皓皓食，串燒雞嫩滑，配沙爹正，甜品芒果🥭糯米飯🍚三色打卡靚，芒果🥭甜，糯米煙韌，香蕉🍌煎餅🥞皓煙韌，入面有cream,椰子🥥雪糕🍦皓清香，大滿足😌。可簽卡

今日中午嚟到大圍圍方搵嘢食，呢度都幾多餐廳，今次就試了呢間泰國菜。.呢度環境闊落，坐得舒適，亦唔會有限時，不用趕交檯，可以慢慢享受美食。.呢間餐廳有午市套餐，一款主食配一杯飲品，$98起，價錢中等。.我叫了〈泰式鮮蝦炒金邊粉〉，配熱檸水。.金邊粉即叫即炒，熱辣辣好香。份量都唔少，好多金邊粉；鮮蝦有5隻，爽口彈牙，幾新鮮；配料有好多芽菜、豆腐乾及蛋花。.呢碟粉調味好好，酸甜味好平均適中，幾惹味；係略嫌啲金邊粉腍咗少少，但整體都幾好食👍🏻.提提大家，碟邊有灑辣椒粉，係超辣的！食唔到辣嘅朋友記得要先撥開啲辣椒粉。.至於熱檸水都唔錯，我欣賞佢啲檸檬浸好耐都唔會苦，整體呢餐都唔錯的。

有驚喜😍同呀妹食飯，突然間想食泰國野，就試下呢間啦，叫左條泰式燒魚，酸辣鳳爪、馬拉盞炒飯、泰式奶茶，酸辣鳳爪冇乜特別，最好食係條魚！好滑～同埋個汁真係好惹味～必試～

大圍星期六日食飯真係好鬼爆吓，之前已經唸住食呢間泰國菜「米泰」，看完戲出嚟即刻襟The Gulu 拿位，之後慢慢行去等位，等咗10 分鐘就有位，真係好彩，晚飯時間勁多人等位。Dinner 有二人餐 $428 有頭盤、主菜、主食、甜品、同包兩杯飲品 凍飲+$5特飲另外再加＄12-15，每款菜式都有幾款比你揀，🥢燒魷魚🦑燒魷魚烤得幾乾身同香又有鮮味，配埋泰式辣汁一齊食更加豐富。🥢啖啖蟹肉咖喱配薄餅薄餅幾香脆，啖啖蟹肉都幾足料，配埋香濃咖喱汁撈埋一齊食幾正。🥢芒果蟹肉椰香炒飯原本想見炒金邊粉，但見隔籬枱賣相麻麻就冇叫，叫咗炒飯，估唔到有點驚喜，炒飯加咗椰漿炒很香椰子🥥味道，加埋粒粒芒果乾肉同蟹肉一齊食又幾夾。 🥢芒果椰汁三色糯米飯三色糯米飯份量都算大份，有原味，蘭味同蝶豆花味，各有獨有香氣，加上芒果香甜，特別好吃😋。🍹香茅青檸薏米水（跟餐＋$12）很清香檸檬🍋香茅味道，個人幾喜歡💕。小分享，如果大家有Citibank master 信用卡做緊優惠滿$300減$50優惠。 －

啱啱商場開嘅時候同朋友食過一次下午茶，覺得好好食，當時服務都幾好嘅。所以今次做冬就同屋企人去食。我哋三個人，叫咗個二人餐，加咗個菜同雞肉串燒。頭盤我哋揀咗蝦餅，好厚肉👍🏻，唔好似出邊嗰啲太薄。主菜叫咗金邊粉，除咗個金邊粉之外，基本上所有嘢食都好食，又唔會太辣，其實我自己都食得辣嘅，但係比較其他嘢食嘅話就真係辣咗啲啦。另一個主菜係啖啖蟹肉咖喱，我哋選擇咗薄餅，但係似厚酥皮比較多。甜品點了，香蕉烤餅配椰子雪糕，好可惜7:15pm 已經無雪糕，唯有選擇芒果椰汁三色糯米飯。總括嚟講集團形式都做得唔錯啦，可以再去。

尋日就同朋友去到大圍圍方行街，到飯點時間就入咗呢一間泰國菜試吓😊😋米泰生蝦先讚一讚佢個擺盤，係有花心思既😘一夾起隻蝦又可以點到青醬又可以夾埋蒜片、薄荷葉同辣椒一齊食，味道好豐富☺️😋炭烤燒魷魚原隻燒魷魚，都係一貫做法燒到佢焦香，而我欣賞佢個醬汁，少少辣幾惹味😗😋泰式炒金邊粉總數有4隻蝦都新鮮既，個金邊粉都夠味而且炒得唔會太乾又唔會太濕😙撈埋辣椒粉同埋花生碎🥜認真滋味😚😋烏頭新鮮既啲肉唔會梅，肉質嫩滑仲啖啖肉😊食既時候要小心骨👀😋香蕉烤餅配椰子雪糕熱辣辣既香蕉煎餅🫓再配凍冰冰又濃郁既椰子🥥雪糕，夾埋一齊食，就好似冰火咁刺激下個口腔🤗舔舔脷指數👉🏻6😋/10😋滿分 可以一試😋

周末到圍方吃午飯，見米泰有做午餐優惠，包主菜和一杯飲品，覺得在這個商場內性價比算是不錯，決定入去試一試。🍄香芒牛油果米紙卷。額外追加的小食，芒果很甜，配搭醬汁口感清新又泰式。🍄香茅雞扒飯，雞扒大塊，而且滑嫩入味👍🏻👍🏻🍄炒金邊粉，份量好大，蝦有好幾隻。🍄泰式咖啡🍄泰式奶茶之後我們又加錢叫了份甜品🍄芒果糯米飯，糯米有3隻色，令人賞心悅目。餐廳還是寵物友善的，若然有帶狗狗，可以坐在餐廳外進食。

首先這次用餐體驗十分不愉快男經理及樓面態度惡劣，排隊安排混亂。有預早通知餐廳攜帶寵物，明明叫咗號碼，但係又要再等（總共等咗成一個鐘）如果攜帶寵物人士要等外面三張的室外位置，是否應預早通知客人等候時間會有啲長，唔係直接叫到客人號碼，但係冇桌子提供，然後再繼續叫後面的號碼比室內位置。（室外位置都幾迫，寵物車未必入到，要放喺出面）期間有問樓面職員點解號碼到還要再等候（已經等候45分鐘），職員話我哋冇叫到你，部機已經停咗飛，態度囂張，然後我哋搵經理去處理並且給餐廳的室外位置安排一些建議，男經理竟然喺公眾場合好大聲講「快啲執張枱俾個呢位女士」「呢位女士等咗好耐啦」。建議如閣下是寵物友善餐廳，三個室外的位置就該預留給有寵物的人士。

中秋節前夕晚上到達圍方米泰，等了一陣好快便有位，坐了便開始點菜，雜錦拼盤樣樣有啲味道不錯，咖哩軟殼蟹配蒜蓉包味道非常之好，蒜蓉包很脆咖哩汁配上一齊食值得推介。海南雞比較一般只有雞髀部分嫩滑雞胸部分煮得過熟導致口感非常之韌，煎蠔餅非常之漏，蠔油比較少麵粉漿很多，吃了少少就已經沒有食了，最後只要like佢個fanpage就會有椰子雪糕一客贈送，椰子雪糕帶上一啲花生還有椰果味道很好椰汁味很濃。由於進食時間只得一小時30分鐘，店長於一小時20分鐘便給我帳單，雖然比較急趕但店長亦都很禮貌，大時大節食完便走，無謂阻人做生意。